ދިރާގުން 5ޖީ ޓާބޯ ވައިފައި ތައާރަފްކޮށްފި އެވެ.
ދިރާގުން ބުނީ މި ހިދުމަތާއި އެކު އިންޓަނެޓުގެ ސްޕީޑް އިތުރަށް ހަލުވި ވާނެ ކަމަށެވެ. އަދި މިއީ ކަސްޓަމަރުންނަށް މިހާރަށް ވުރެ އަވަސްކޮށް އިންޓަނެޓްގެ ހިދުމަތް ލިބޭ ގޮތް ހަމަޖެއްސުމަށް ތައާރަފް ކުރި ހިދުމަތެއް ކަމަށް ވެސް ދިރާގުން ބުންޏެވެ.
ދިރާގުން ބުނީ 5ޖީ ޓާބޯ ވައިފައި ޑިވައިސްއާ އެކު ކަސްޓަމަރުންނަށް ތަފާތު އަގުތަކުގައި ޑޭޓާ އެލަވަންސްތަކުގެ އެކި ޕްރީޕެއިޑް އަދި ޕޯސްޓްޕެއިޑް ޕެކޭޖުތައް ލިބޭނެ ކަމަށެވެ. އަދި ހާއްސަ 5ޖީ ބޫސްޓާތައް ވެސް ކަސްޓަމަރުންނަށް ލިބޭނެ ކަމަށް ދިރާގުން ބުންޏެވެ.
ދިރާގުން ބުނީ ޓާބޯ ޕޯސްޓްޕެއިޑް ޕެކޭޖްތައް ނަގާ ކަސްޓަމަރުންނަށް ޑޭޓާ ރޯލްއޯވައާ އެކު، ބޭނުން ނުކުރާ ޑޭޓާ އެއް މަސް ދުވަހުގެ މުއްދަތަށް ބެހެއްޓޭނެ ކަމަށެވެ.
ދިރާގުން ދަނީ ހިދުމަތްތަކުގެ ފެންވަރު ރަނގަޅު ކުރަން ގިނަ މަސައްކަތްތައް ކުރަމުންނެވެ.