ސީޕީ ހަމީދު: އަންނަ މަހު ރިޓަޔަކުރައްވަން ވަނީ ނިންމަވާފައި
14 އޮކްޓޯބަރ 2023 - 12:18
50 comments
އަންނަ ނޮވެމްބަރު މަހުގެ 11 ވަނަ ދުވަހު ރިޓަޔަކުރައްވަން ނިންމަވާފައިވާކަން ކޮމިޝަނާ އޮފް ޕޮލިސް (ސީޕީ) މުހައްމަދު ހަމީދު ހާމަކުރައްވައިފި އެވެ.
ފުލުހުންގެ އެތެރޭގެ މީޑިއާ ގުރޫޕަށް ހަމީދު ފޮނުއްވި މެސެޖެއްގައި ވިދާޅުވީ އަންނަ މަހު ފުލުހުންގެ ވަޒީފާ އިން ރިޓަޔަކުރައްވަން ތައްޔާރުވަމުން އަންނަ ކަމަށާއި އެންމެ ބޮޑަށް ބައްލަވަނީ 11 ވަނަ ދުވަހު ރިޓަޔަކުރައްވަން ކަމަށެވެ.
އަންނަ މަހުގެ 17 ވަނަ ދުވަހު އާ ސަރުކާރު ވެރިކަމާ ހަވާލުވާނެ އެވެ.
ހަމީދު ފޮނުއްވި މެސެޖުގައި 2012 ވަނަ އަހަރު އޭނާ ފުލުހުންގެ ވަޒީފާ އިން ވަކިކުރުމުންނާއި 2018 ވަނަ އަހަރު އަލުން ވަޒީފާ ލިބި، ކޮމިޝަނާ އޮފް ޕޮލިސްގެ މަގާމުގައި ކުރިމަތިވި ބައެއް ކަންކަން ގޮންޖެހުންތައް ހިއްސާކުރައްވާފައިވެ އެވެ.
އޭނާ ފާހަގަކުރެއްވި ގޮތުގައި ސުޕްރީމް ކޯޓުގެ ހުކުމަށްފަހު، އަލުން ފުލުހުންގެ ވަޒީފާއާ 2018 ވަަނަ އަހަރު ހަވާލުވި ނަމަވެސް، ސީޕީގެ މަގާމަށް އަންނަން ބޭނުން ނުވި އެވެ. އެއީ، އޭނާ ވަޒީފާ ވަކިކޮށް ހިނގައިދިޔަ ކަންކަމާ ގުޅޭ ކޮންޓްރަވާސީތައް އޮތުމުން ކަަމަށް ވިދާޅުވި އެވެ.
އޭގެ ބަދަލުގައި އެފަދަ އެއްވެސް ވާހަކައެއްގެ އަޑު ފެތުރިފައި ނެތް، ސީނިއާ ޑެޕިއުޓީ ކޮމިޝަނަރު އިބްރާހިމް ލަތީފްމެން ފަދަ ބޭފުޅަކަށް ސީޕީގެ މަގާމު ދިނުމަށް ރައީސް އިބްރާހިމް މުހައްމަދު ސޯލިހަށް ލަފާ ދެއްވި ކަމަށް އޭނާ ވިދާޅުވި އެވެ. ނަމަވެސް، އެ މަސައްކަތް ކާމިޔާބު ނުވެ، އެންމެ ފަހުން ސީޕީ ކަމުގެ ތޮފި އަޅުއްވަން ޖެހުނީ ކަމަށް ހަމީދު ވިދާޅުވި އެވެ.
ހަމީދު ވިދާޅުވީ ސީޕީގެ މަގާމާ ހަވާލުވިއިރު ފުލުހުންގެ އިދާރާގެ ނަން އޮތީ ވަރަށް ކިލަނބުވެފައި ކަމަށާއި ސީނިއާ އޮފިސަރުން އެކަތިގަނޑަކަށް އަރުވަން މަސައްކަތް ކުރަން ޖެހުނު ކަމަށެވެ. އޭނާ ވަޒީފާ އިން ވަކިކުރަން ހިންގި ކަންކަމުގައި ހިޔާލު ތަފާތުވުން އުފެދުނު އިސް އޮފިސަރުންނާ މެދު އޮތް ޒާތީ ހިޔާލު ތަފާތުވުންތައް ދޫކޮށް، ފުލުހުންގެ އިދާރާއަށްޓަކައި އެކުގައި މަސައްކަތްތައް ކުރެވިފައިވާނެ ކަމަށް ހަމީދު ވިދާޅުވި އެވެ.
ފުލުހުންގެ ހިދުމަތަކީ އާންމު ބަލައިގަންނަ، އެ މީހުންގެ ޑިމާންޑްތަކާ އެއްވަރަށް މަސައްކަތް ކުރާ އިދާރާއަކަށް ހެދުމަށް ވެސް ވަރަށް ބޮޑު ސަމާލުކަމެއް ދީގެން މަސައްކަތްތައް ކުރެވިފައިވާ ކަމަށް ވެސް ހަމީދު ވިދާޅުވި އެވެ.
ރައީސްގެ އަނބިކަނބަލުންގެ ކޮއްކޯފުޅާ ކަައިވެނި ބައްލަވައިގެން އުޅުއްވާ ހަމީދު އުމުރުން 17 އަހަރުގައި ފުލުހުންގެ ހިދުމަތާ ގުޅުނުއިރު، އޭނާ ވަޒީފާ އިން ވަކިކުރީ 2012 ވަނަ އަހަރު ކުރީގެ ރައީސް މުހައްމަދު ނަޝީދުގެ ވެރިކަން ވެއްޓުމާ އެކު ސިއްރު މައުލޫމާތުތަކެއް ލީކްކޮށްލި ކަމުގެ ތުހުމަތުގަ އެވެ. އޭރު އޭނާ ހުންނެވީ އިންޓެލް ޑިޕާޓްމެންޓް ހެޑަކަށެވެ.
ވަޒީފާ އިން ވަކިކުރި މައްސަލާގައި ސުޕްރީމް ކޯޓުން 2018 ވަަނ އަހަރު އެންގީ އަލުން ފުލުހުންގެ ވަޒީފާ އިޔާދަކުރުމަށެވެ. އެ ހުކުމާ އެކު އަލުން ވަޒީފާ ދިނުމަށްފަހު ޑިޕިއުޓީ ކޮމިޝަނާ އޮފް ޕޮލިސްގެ މަގާމަށް ޕްރޮމޯޓްކުރި އެވެ. އެފަހުން 2019 ވަނަ އަހަރުގެ މާޗް މަހު ކޮމިޝަނާ އޮފް ޕޮލިސްގެ މަގާމަށް އައްޔަން ކުރަންދެން ހުންނެވީ އެކްޓިން ކޮމިޝަނާ އޮފް ޕޮލިސްގެ މަގާމުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސީޕީ ހަމީދު އަށް އަދި ޕޮލިސް ސަރވިސްއަށް
04 November 2023
ތިތާންގެ މަތީ ފަޑީގެ އެއްވެސް އޮފިސަރަކަށް ނުކުރާނޭ. ޢެހެނީ އަދިވެސް ފުލުހުންގެ ފުލެޓްތަށް ފުލުހުންނަކަށް ވަދެވޭ ވަރެއް ނުވޭ. ޢަދި އެ ފުލުހުންގެ އަތުން ފުލެޓަށޭ ކިޔައި ތިން އަހަރުވަންދެން މުސާރައިން ފައިސާކަޑައި އެފުލުހުން ރިޓަޔާރ ވާއިރުވެސް އަދިވެސް އެތަނަށް ނުވަދެވެނީ ފުލުހުންގެ އިސް ވެރިންގެ ބިޒުނަސްއަށް ހުއްޓުމެއް އައިސްދާނެތީބާ. މިކަން އެބަޖެހޭ ވަރަށް ރަގަޅަށް ތަޙްޤީޤް ކުރަން. ޚޮއްފިއްޔާމު މަތީ ފަޑި އެއްކޮން ދާނޭކަން %100 ޔަޤީން.
ހަނީފް
18 October 2023
ކޮންމެ މީހަކު އެމީހަކު އަމިއްލަ އަތުން ރިޓަޔަމެންޓް މަންފާ ލިއުނީމަ، އަދިއ އެއާއެއްގޮތަށް ރައްޔިތުންގެ ފައިސާ ދޭން ޖެހޭނަމަ، އެކަކުވެސް ރިޓަޔަމެންޓް ކަންކަން ނުކުރާނެ ދެރަ ގޮތަކަށް. އާދަމް ޒާހިރު އިރުގަ ހެދި ގަވާއިދެއް އެއީ. އެ ބަދަލު ކުރަން ޖެހެ ދައުލަތުގެ އެހެންވެސް މުއައްސަސާތަކެކޭ އެއްގޮތައް.
އަބްދޫ
15 October 2023
ރިޒްވާނުގެއްލުނުއިރު ސީޕީ ހަމީދަކީ އިންޓެލިޖެންޓް ވެރިޔާ ރިޒްވާނުގެ ތަހުގީގުގަ ހަމީދުގެ އިހުމާލު އޮތްކަމަށް ތުހުމަތުވޭ.
ރައްތިޔެއް
15 October 2023
ތިބޭޅާއަށް އެނޫން ގޮތެއް ނޯނާނެ. އެހެންވީމަ ދެން ކުރާނި ކީތް
ކިނބޫ
15 October 2023
އަހުންނަށް ހެޔޮ މިހާރު ދިޔަސް، ތިވެސް ޚާއިނެއް
ދަންޑަހިލު
15 October 2023
ހުރިހާ މިނިސްޓަރުވެސް ތިހެންވީރު ރިޓަޔަކުރައްވާނެ
ޮކޮރަލް
15 October 2023
ސިޔާސީ މަގާމް ތަކަށް އަންނަ ސިޔާސީ މީހުން ކޮންމެ 5 އަހަރަކުން ރިޓަޔަރ ކުރުމުން މީހަކަށް މިލިއަނުން ފައިސާ އެބަ ލިބެ އެވެ. ހުރިހާ ގެއްލުމެއް ރައްޔިތުންނަށެވެ. އާދއިގެ މީހަކު 30 އަހަރު ފަހުން ރިޓަޔަރ ކުރިއަސް 5 އަހަރުން ރިޓަޔަރ ކުރާސިޔާސީ މީހާ އަށް ލިބޭ ފައިސާ މާ ގިނަ އެވެ.
ހިނޭ
15 October 2023
30 އަހަރަށް ވުރެ ގިނައިން ނުލާހިކު ހިދުމަތްތެރިކޮށް، އަމާނާތްތެރިކޮށް، އެތަކެއް ޒިންމާ އުފުލައިގެން އުޅުނު މީހާޔަށް ޑޮކްޓަރު އަންގައިގެން ވަކިވީމާ އޭނާޔަށް ރިޓަޔަމަންޓުވެސް ނުދީ، މިމީހުންނަށް ދިނީމާ އެވަނީ ކޮން އެއްޗަކަށް؟ ގައުމީ ލޯބީގެ ކުންނަށްތަ؟
ތައްޓޭ
15 October 2023
ވާނުވާގައި ތިޔާއުޅެނީ 5 އަގަރުން ރިޓަޔާވޭތަ؟ ސީޕީ ހަމީދު ހުރީކީ ސިޔާސީ މަގާމެއްގައެއްނީން އޭނާއަކީ އެތައް ޒަމާނެއް ވަންދެން އެމުއައްސަސާގައި ޚިދުމަތްކޮށް މިވެރިކަމުގައި ސީޕީކަން ލިބުނު މީހެއް، ރިޓަޔަރމަންޓް ބެނެފިޓްތަކަކީ 5 އަހަރު އުޅެފަ ކެޑުނީމަ އޮންނަ އެއްޗެއް ނޫން، ރަށްޔިތުންގެ މަޖުލީހުގެ މެންބަރުންނަށް ލިބޭނެ 15000ރ 5 އަހަރު ފަހުން .
ބަޑިތަކުރު
15 October 2023
އިވޭ އަޑުތަކަށް ބަލާއިރު ސީޕީކަން ލިބޭ މީހަކު އެ މަގާމުގައި ހުންނާނީ މޮޔަކަމުންނެވެ. އެހެން ނުބުނެވޭނީ ކީއްވެހެއްޔެވެ؟ މަގާމުގައި ހުންނައިރު ލިބޭ އުޖޫރައާއި ހުރިހާ އިނާޔަތެއް ކަހަލަ ގޮތަކަށް ރިޓަޔަރ ކުރީމަ ލިބޭކަމަށްވަންޏާ އެ މަގާމު ލިބުމަށްފަހު ހުރުމުގެ ބޭނުމެއް އޮންނާނެ ބާވައެވެ. މިފަދަ ގޮތްގޮތަށް ތަންތަނުން އުސޫލުތަކާއި ގަވާއިދުތައް ހަދާއިރުވެސް މިއިންކަމެއް ބަލާނެ އަދި ހަމައަކަށް އެޅުވޭވަރުގެ ފަރާތެއް މިގައުމުގައި ހަމަނެތީބާވައެވެ.
އޭޓީއެމް
15 October 2023
އެމްޑީޕީ ގެ ހެޔޮ ސަރުކާރުގެ ސުޕަ މެޖޯރިޓީ ދައުރެއް އެ ނިންމާލަނީ ތީގެން އެއްވެސް ކަމެއް ނުކޮށް.
ކަޗޯޜު
15 October 2023
ތިއީ ތަނެއްދޮރެއްް ނޭނގޭ .. ކަން އެނގުނީ މާފަހުން.
ކުޑަކަތީބު
15 October 2023
މަގޭ ސައިކަލް ފަހަތު ލައިޓް ނުދިއްލެއޭ ކިޔާފަ -/750ރ އިން ފައިން ކުރި މުއައްސަސާގެ ރައީސް! އުފާވެރި ދުވަހަކަށް އެދެން!