އަންހެނުންނަށް ގޮނޑި ހާއްސަކޮށް މެންބަރުންގެ އަދަދު 76 ގައި ހިފަހައްޓަން މެންބަރުންގެ ތާއީދެއް ނެތް!

މެންބަރުންގެ އަދަދު ހިފެހެއްޓުމަށް ބިލު ހުށަހެޅުއްވި ހުޅުދޫ ދާއިރާގެ މެންބަރު އިލްޔާސް ލަބީބް -- ފޮޓޯ: ފަޔާޒް މޫސާ

އައިޝަތު ނުޒުހާ، މިހާރު

27 ނޮވެމްބަރ 2023 - 14:55

އާބާދީގެ ނިސްބަތުން ރައްޔިތުންގެ މަޖިލީހަށް އިންތިހާބުކުރާ މެމްބަރުންގެ އަދަދު އިތުރުވުން ހުއްޓުވައި އަދި އަންހެނުންނަށް ވަކި އަދަދަކަށް ގޮނޑި ހާއްސަވާ ގޮތަށް ގާނޫނުއަސާސީ އިސްލާހުކުރަން ހުޅުދޫ ދާއިރާގެ މެމްބަރު އިލްޔާސް ލަބީބް މަޖިލީހަށް ހުށަހެޅުއްވި ބިލު ބަލައިނުގަނެ ތަޅުމުން ބޭރުކޮށްލައިފި އެވެ.

ފުރަތަމަ ކިޔުން އިއްވާފައިވާ ބިލު މަޖިލީހަށް ބަލައިގަތުމާ މެދު މިއަދު ނެގި ވޯޓުގައި ބަލައިގަންނަން ފެންނަ ކަމަށް ވޯޓު ދެއްވީ އެންމެ 12 މެންބަރުންނެވެ. ވޯޓުގައި ދެން ބައިވެރިވި 38 މެންބަރުން ދެއްވީ އެ ބިލާ ދެކޮޅަށެވެ.

އިލްޔާސް ގާނޫނުއަސާސީގެ 71 ވަނަ މާއްދާއަށް ހުށަހެޅުއްވި އިސްލާހުގައި ބުނަނީ މަޖިލިސް އެކުލެވިގެންވާނީ 76 މެމްބަރުންގެ މައްޗަށް ކަމަށެވެ. އެ އިސްލާހުގެ ދަށުން މަޖިލިސް އެކުލަވާލެވޭނީ އިދާރީ ދާއިރާތައް ތަމްސީލުވާ 55 މެމްބަރުންގެ މައްޗަށް ކަމަށް ބުނެފައިވެ އެވެ.

އޭގެ އިތުރުން, ނުކުޅެދުންތެރިކަން ހުންނަ މީހުން ތަމްސީލުކުރާ ދެ މެމްބަރުންނާއި, ޕާޓީތަކަށް ވޯޓު ލިބޭ ނިސްބަތުން ގާނޫނުގައިވާ ގޮތުން ސިޔާސީ ޕާޓީތަކުން އައްޔަނުކުރާ 11 މެމްބަރުން ތިބޭ ގޮތަށް އިސްލާހުގައި ވަނީ ހިމަނައިފަ އެވެ. އަދި ރާއްޖޭގެ ހުރިހާ ދާއިރާއެއް ތަމްސީލުވާނޭ އަށް އަންހެން މެމްބަރުން މަޖިލީހަށް އިންތިހާބުކުރަންޖެހޭނެ ކަމަށް ބުނެފައި ވެ އެވެ.

ގާނޫނުއަސާސީގެ 71 ވަނަ މާއްދާގައި ބުނަނީ ރާއްޖޭގެ ކޮންމެ އިދާރީ ދާއިރާއެއްގައި ރަޖިސްޓަރީ ކޮށްފައިވާ އާބާދީގެ ފުރަތަމަ 5،000 މީހަކަށް ނުވަތަ 5،000 ހަމަނުވާ ކޮންމެ އިދާރީ ދާއިރާއަކަށް ދެ މެމްބަރުން ކަނޑައަޅަންޖެހޭނެ ކަމަށެވެ. އިދާރީ ދާއިރާއެއްގައި 5،000 މީހުންނަށް ވުރެ އިތުރުވާ ނަމަ އާބާދީގެ ފުރަތަމަ 5،000 މީހުންނަށް ވުރެ އިތުރުވާ ކޮންމެ 5،000 މީހަކަށް މެމްބަރެއް ހުންނަންވާނެ ކަމަށެވެ. އެއީ އަތޮޅުތަކުގެ ގޮތުގައި ބަލާ 20 އަތޮޅާއި މާލެ އަތޮޅާ އެކު 21 އަތޮޅަކީ އިދާރީ ދާއިރާތައް ކަމުގެ ހަމައިންނެވެ.

އާބާދީ އިތުރުވި ނިސްބަތަށް ބަލައި، އަންނަ އަހަރު ބާއްވާ އިންތިހާބަށް ފަހު 20 ވަނަ މަޖިލީހަށް 93 މެމްބަރުން އިންތިހާބު ކުރަންޖެހޭ ކަމަށް އިލެކްޝަންސް ކޮމިޝަން (އީސީ) އިން ވަނީ އިއުލާނުކޮށްފަ އެވެ.

ރައްޔިތުންގެ މަޖިލިސް މެމްބަރު އިލްޔާސް ލަބީބު (ހުޅުދޫ)

17 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަސަންތަކުރުބެ

28 November 2023

މަޖްލީހުގައި 82 މެމްބަރުންތިބެ ޖަލްސާތަކު ކުފޫހަމަނުވެ ޖަލްސާ ނުބޭއްވި 120000 ރުފިޔާ މުސާރަ ނަންގަވައިގެން މެމްބަރުން ނާޗަރަންގީ ކުޅެން އުޅުއްވަނީ: ބޯގިނަކުރުމަކުން މަންފާއެއްނެތް! ކޮބައިތޯ މިހާބޮޑު މުސާރަވެރީން ތިއްބަވައި ނެރޭ ނަތީޖާއަކީ. އާދައިގެ ވަޒީފާއެއްގައި އުަޅޭ 20 ހާސްރުފިޔާ މަހު މުސާރަޔަށް ނުލިބޭ މުވައްޒަފަކު ވަޒީފާއަށް ހާޒިރުނުވެވިއްޖެނަމަ އެތައް މުސީބާތެއް ޖައްސާފަ ލާރިކޮޅުދެނީ! މެމްބަރުން ހާޒިރުނުވެ ދެމަސް ވިޔަސް ފުލް މުސާރަ ނަންގަވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބީބު.

28 November 2023

ބޭކާރު ހަރަދު ކުރާތަަނެއް އަދި ތަބަކައް ލާފަ އަންހެނުންނައް ގޮނޑި ދިނުމަކީ އިސްލާމުން ކުރާމަހަލަ ކަންތަކެއްވެސްނޫން އަންހެނުންނަކީ ފިރިމީހާޔައް ހިދުމަތް ކުރަން ތިބެންޖެހޭ ބައެއް ވަރިގިނަވަނީ މިކަން ނެތީމަ ހިލޭ ފިރިހެނުން ސައިކަލު ފަހަތައް އަރައިގެން ތިއްތި ދައްކާތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެން

28 November 2023

ކޮންމެ ބައެއް ވެރިކަމަށް އަންނައިރު އިވެނީ ދަރަނި ބޮޑު ވާހަކަ1 ޚަރަދު ކުޑަ ކުރާ ވާހަކަ ޚަރަދުތައް ދެކޮޅު ޖައްސަން ކުރާ ހަމައެކަނި ކަމަކަށް ފެންނަނީ ސިވިލް ސާރވިސްގެ މުވައްޒަފުންގެ އިތުރުގަޑީގެ ފައިސާ ލިމިޓް ކުރުން އެކަނި. މަޖިލީހާއި ކައުންސިލް ތަކަށް މެމްބަރުން އިތުރުކޮށްގެން ޤައުމަށް ވީ ފައިދާއެއް ނެތް! އެންމެ ކުރިން އޮތް ގޮތަށް ކޮންމެ އިދާރީ ދާއިރާ އަކަށް 2 މެމަބަރުން އައްޔަން ކުރަންވީ! ކައުންސިލަކަށް ވެސް 2 (ރައީސާއި ނާއިބް) މިވަރުން ފުދޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯދީބޭގެސަރކާރ

27 November 2023

މިހާރުގެ ފޯމިއުލާ ބޭނުން ކޮށްފިނަމަ އިންޑިޔާގައި މެމްބަރުން ތިބެންޖެހޭ އަދަދަކީ 2 ލައްކަ އަށްވުރެން މަތީ އަދަދެއް. އިއްޒަތްތެރި މެމަބަރުންގެ ކޮސްކމާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރަންސޭސް

27 November 2023

އެމްޑީޕީ މީހުން ނުކުރާނެ ގޯސް އެއްވެސް ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުއްޓުވަން ވެއްޖެ

27 November 2023

މަޖިލީހުގެ މެމްބަރުންގެ އަދަދު ކޮންޓްރޯލުކޮށް ޕާޓީތަކަށް ދައުލަތުން ނަގާ ބޮޑު ފައިސާގަނޑު ހުއްޓުވަން މަޖިލިސް ކުރިމައްޗަށް ނުކުންނަން ވީތަ. މިހެން ކިޔާލަ ކިޔާލާ ހަމަ ތިބެންވީތަ. ޢެއް އަހަރުން އަނެއް އަހަރަށް ދަރަނި ބަޖެޓް ހަދައިގެންތިބެ ފައިސާ ގަނޑު ދަމައިގަންނަކަން އަހަރެމެން ދެނެތިބީމު. މީ މައުމޫނު ރައްޔިތުންނަށް ވެފައިވާ ބޮޑު ޚިޔާނާތެއް. ރައްޔިތުން ކައިރީ އަހަން ޖެހޭނެ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާކު ހުއްޓުވާނީ

28 November 2023

ކަލެއަށް މާބޮޑަށް އެގެނީ.. ތިއީ މައުމޫނާއި ދެކޮޅަށް ބަޔަކު ޕާޓީ ހަދައިގެން ދައުލަތުގެ ލާރި ކާންވެގެން ހަދައިގެން އުޅޭ ގާނޫނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަހަމަހަމަ

27 November 2023

ވަކި ޖިންސެއްގެ ބަޔަކަށް ގޮނޑި ރިޒާވްކުރުމަކީ ހަމަހަމަކަމާ މުޅިން ހިލާފު ކަމެއް. މިހާރު ޖެންޑާ އީކުއަލިޓީއޭ ކިޔައިގެން ހުަރިހާ އަޑެއް ފަތުރާ މީހުން ތިޔަކަހަލަ ކަންތައް ކުރުމަކީ ހައިރާންވާ ކަމެއް. ދިވެހިރާއްޖޭގައި އަންހެނަކަސް ފިރިހެނަކަސް މަޖިލީހަށް ކުރިމަތިލެވޭ، ހޮވަނީ ރައްޔިތުންގެ ވޯޓުން. ވޯޓުލާމީހުންގެ ދެބައިކުޅައެއްބަޔަކީ އަންހެނުން، ހޮވޭމީހަކު ހޮވެނީ އަންހެނުންގެ ވޯޓުވެސް ލިބިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެން

28 November 2023

ކައުންސިލް ތަކަށް މީހުން ނެގުމުގައި ވެސް ވަކި ޖިންސަކަށް ވަކި ޢަދަދެއް ޚާއްޞަ ކޮށްފައި އޮވެގެން ނުވާނެ އަސްލު. ކޮންމެ ޖިންސަކަސް އެކަމުގެ ޤާބިލްކަން ހުރިއްޔާ ހުރިހާ ގޮނޑިއަކަށް ވެސް އަންނަންވީ ހަމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

27 November 2023

ބުއްދިވެރިގޮތަކީ ޤއ ގައިހުރި މިފަދަކަންކަން 21 ވަނަ ޤަރުނަށް ފެތޭގޮތަށް ބަދަލުކުރުން. # މިގޮތުން ލާމަރުކަޒީ ޤާނޫނުވެސް އިސްލާޙްކޮށް މަޖލިސް މެންބަރުންގެ ޖުމްލަ 90 އަށް ކަޑައެޅުމަށްޓަކާ އިދާރީ ދާއިރާތަކަކީ ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާން ރީޖަންކަމުގައި ކަޑައަޅާ މަޖިލީހުގައި ރީޖަންތައް ތަމްސީލު ކުރުމަށް ކޮންމެ ރީޖަނެއްގައި 30 މެންބަރުން ތިއްބަވާގޮތަށް ބަދަލުގެންނަވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

27 November 2023

މަތީގައިދެންނެވި ބަދަލުގެސަބަބުން ކޮންމެ 5 އަހަރަކުން ގޮނޑިއިތުރުވުމުން ހޭދަކުރާންޖެހޭ ފައިސާގެއިތުރަށް އިންތިޙާބީ އެތައްޙަރަދުތަކެއް ކުޑަކުރެވޭނެ. # އަދި މިބަދަލާއިއެކު ރީޖަންތަކަށްކުރިމަތިލާ ހުރިހާ ކެންޓިޑޭޓުންގެނަން ކޮންމެ ވޯޓްކަރުދާސްކޮޅެއްގައިވެސް އޮވެފައި ކޮންމެރައްޔިތަކަށް 30 މީހުންގެނަމުގައި ފާހަގަޖަހާން ފުރުސަތުލިބޭނެތީ، ރާއްޖޭގައި އާންމުވެފައިވާ ރިޝްވަތުބެހުމާއި އެފަދަ ރިޝްވަތަށް ޑިމާންޑްކުރުމަށް އޮތްޖާގަ ވަރަށްބޮޑަށް ހަނިވެގެންދާނެ.