11 ޑިސެމްބަރ 2023 - 11:34
16 comments
ކުރީގެ ސަރުކާރުން ރިޔާސީ އިންތިހާބާ ދިމާކޮށް ގދ. ތިނަދުއަށް ސިޓީއެއްގެ ދަރަޖަ ދީފައިވާ ކަން އިއުލާންކުރި ނަމަވެސް އެ ކައުންސިލްގެ ހައިސިއްޔަތާ މެދު އެ ކައުންސިލުން އުފެއްދި ސުވާލުތައް ސާފުކޮށްދީ ސިޓީއެއްގެ ދަރަޖަ އާއި ހައިސިއްޔަތު ދޭން މުއައްސަސާތަކަށް އަންގަން ރައްޔިތުންގެ މަޖިލީހުގެ ލާމަރުކަޒީ ކޮމިޓީން މިއަދު ނިންމައިފި އެވެ.
ތިނަދޫ ކައުންސިލުން ވަނީ އެކި އިދާރާތަކުން އެ ކައުންސިލަށް އެކި ގޮތްގޮތަށް އެޑްރެސް ކުރާ މައްސަލަ އާއި ބަޖެޓާއި މެންބަރުންގެ މުސާރައިގެ އިތުރުން ބައެއް ހިދުމަތްތައް ދިނުމުގައި އޮޅުން އަރާ މައްސަލަތައް ކޮމިޓީ އަށް ހިއްސާ ކޮށްފަ އެވެ.
އެ މައްސަލާގައި ބަހުސް ކުރުމަށް ފަހު ލާމަރުކަޒީ ކޮމިޓީން މިއަދު ވަނީ އެ ކޮމިޓީ އަށް ފާހަގަވާ ކަންކަން ވިދާޅުވެ ގޮތެއް ނިންމައިފަ އެވެ.
ކޮމިޓީ އަށް ފާހަގަ ކުރި ބައެއް ކަންކަން:
1. ރަށު ކައުންސިލް ދައުރުގެ މެދު ތެރެއިން ސިޓީއެއްގެ ދަރަޖަ ލިބިއްޖެ ނަމަ އެ ކައުންސިލްގެ ހައިސިއްޔަތު ސިޓީއެއްގެ ދަރަޖަ އަށް ބަދަލުވާނެ.
2. ރަށު ކައުންސިލުން ދައުރު ހަމަވަންދެން އެ ސިޓީ ކައުންސިލް ހިންގަން ޖެހޭނެ.
3. ކައުންސިލާ މުހާތަބު ކުރާނީ ސިޓީއެއް ގޮތުގައި.
4. އިތުރު އިންތިހާބަކާ ނުލައި ކައުންސިލްގެ ރައީސްގެ ހައިސިއްޔަތު މޭޔަރު ކަމަށް ބަދަލުވާނެ.
4. ރަށު ކައުންސިލު އުވި ސިޓީ ކައުންސިލަށް ލިބޭ ހުރިހާ ބާރުތަކެއް އެ ކައުންސިލަށް ލިބުން.
5. ސިޓީއެއް ގޮތުގައި ހިދުމަތް ދިނުމަށް ބޭނުންވާ އިންތިޒާމްތައް ހަމަޖެއްސުމަކީ ދައުލަތުގެ މުއައްސަސާތަކަށް ލާޒިމް ކަމެއް.
އެކަންކަމަށް ބަލައި ލާމަރުކަޒީ ކޮމިޓީން ނިންމީ ތިނަދޫ ކައުންސިލް ސިޓީ ކައުންސިލަކަށް ބަދަލުވެފައިވާ ކަމަށް ކޮމިޓީ އަށް ފެންނަ ކަމަށާއި ސިޓީގެ ދަރަޖަ ލިބުނީ ދައުރުގެ މެދުތެރެއިން ކަމަށް ވިޔަސް ދައުރު ހަމަވަންދެން އެއީ ސިޓީ ކައުންސިލެއްގެ ގޮތުގައި ދެމި އޮންނާނެ ކަމަށެވެ.
އޭގެ އިތުރުން އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގައި ސިޓީ ކައުންސިލަށް ލިބިދޭ ބާރުތަކާއި މަސްއޫލިއްޔަތުތައް އެ ރަށު ކައުންސިލަށް ލިބޭނެ ކަމާއި ތިނަދުއަކީ ސިޓީއެއް ކަމަށް ކަނޑައަޅާފައިވާތީ އެ ކައުންސިލަށް ސިޓީ ކައުންސިލެއްގެ ދަރަޖަ ވީ އެންމެ އަވަހަކަށް ދިނުމަށް ދައުލަތުގެ ކަމާގުޅޭ މުއައްސަސާތަކުގައި ދަންނަވަން އެ ކޮމިޓީން ނިންމި އެވެ.
އެގޮތަށް ފާސް ކުރީ ކޮމިޓީގައި ބައިވެރިވި މެންބަރުންގެ އިއްތިފާގުންނެވެ. އެ ނިންމުން ފާސް ކުރުމަށް ރައްޔިތުންގެ މަޖިލީހުގެ ތަޅުމަށް ފޮނުވަން ވެސް މެންބަރުން ނިންމި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބިގަރެ ބައްތެއްލާ
11 December 2023
ސައުދު އަލީ މިއުޅޭގޮތުން ލަދުން ބޯހަލާކުވާވަރުވޭ
ބޭކާރުބާ
11 December 2023
ބޭކާރުކަމެއް. ދިރިއުޅެން ބިން ދޫކުރަނީކީ ނޫން. ފުލެޓު ހަދަނީކީ ނޫން. ރަށުގަ ތިބިބަޔަކު ނަމަ މާލެބަދަލުވަނީ. ހުޅުމާލެއިން ފުލެޓުހަދައިދެނީ. އެންމެން ބަދަލުވަނީ ހުޅުމާލެޔަށް. ޔާމީނުގޮތަށް ސަރީހަ ބަހުން އެންމެން މާލެ ސަރަހައްދަން ބަދަލުވާށޭ ބުނަން ކެރެން އެބަޖެހޭ
ތިނަދޫ ކުރުސީ
11 December 2023
މަޖިލިހުން ތިހެން ނިންމިޔަސް ތިނަދޫ މީހުން ތިކަން ގަބޫލެއްނުކުރޭ އަދި ތިނަދޫއަކީ ސިޓީއެއްގެ ދަރަޖަ ދޭންޖެހޭ ރަށެއް ކަމަށްވެސް ގަބޫލެއްނުކުރޭ. ސަބަބުތަށް ވަރަށްގިނަ 10000 އާބާދީ ހަމަނުވުން ޜަނގަޅު ފެންފަރެއްގެ ހޮސްޕިޓަލެއް ނެތުން ޕާސްޕޯޓު އަދިވެސް މާލޭން ހައްދަން ޖެހުން ޕޯޓެއްނެތުން ކަސްޓަމެއް ނެތުން މާސްޓާސްއާއި ހިސާބަށް ކިޔަވާދޭނެ ތަނެއް ނެތުން މިހެން ގޮސް ބަިވަރު
ބިގަރު ސިޓީ ކައުންސިލްގެ މޭރު
11 December 2023
އަސްތާ އަސްތާ 8200 މީހުން ކިރިޔާ ހަމަވަނީ އެންމެފަހުގެ ބޯހިމެނުމުން. 10000 އާބާދީ ކޮންމެހެން ހަމަވާކަށް ނުޖެހޭދޯ އެހެންވީމަ ސިޓިއަކަށް ބަދަލުވާކަށް
ސެންބެ
11 December 2023
ނުޖެހޭނެ!
ޢަލީ ކުރުސީ
11 December 2023
އަހަރެމެން ހީކުރީ އެމް.ޑީޕީ ބަރުލަމާނީއާއި ދެކޮޅުކަމަށް! އެކަމަކު މިހާރު ތަރައްޤީގެ ބަޖެޓް ޕްލޭން ކުރަނީ މަޖްލީހުން، ސިޓީތަކަށް ދަރަޖަ ދެނީ މަޖްލީހުން! ހަމަ ކިޔާ އެއްވެސް އެއްޗަކާ ކުރާކަމެއް ދިމާވާ ބައިގަނޑެއްނޫން ދޯ ތިޔައީ!
ށުންބުލި
11 December 2023
ކީކުރަން ދޭ އެއްޗެއް؟ އެންމެން ހިޖުރަ ކުރަނީ މާލެ އަށް.
ޕިރާޑް
11 December 2023
އޮޅުވަލައިގެން ހޯދާ ސިޓީގެ ދަރަޖެއަށް ކަމަށް ބަލައިގެން މިހުރީ ޤާނޫނުގައި ބުނާ އަދަދަށް މީހުން ހަމަނުވޭ...އެހެންވީމާ މާދާމާ ޖެހޭނެ ގައްދޫ ކައުންސިލުންވެސް މިކަމާ އުޅޭން .....
އައްބެ
11 December 2023
ޤަނޫނުގައި ބުނާ އަދަދަށް މީހުން ހަމަނުވަނީސް ސިޓީގެ ދަރަޖަ ހޯދަން ތިނަދޫ ކައުންސިލުން ތެޅޭތާ ކިތަމެ ދުވަހެއް، މިގޮތަށް ސިޓީގެ ދަރަޖަ ދެންޔާ ރާއްޖޭގެ ހުރިހާ ރަށެއްވެސް ސިޓީޢަށް ހަދަމާ ހިންގާ މީދެން ބަޔަކު ރޮއެގަންނައިރަށް ލިބޭ އެއްޗެއްވެއްޖެއާ ހުރިހާ ރަށަކަށްވެސް ލިބެންޖެހޭނެ.. ލަދެއްވެސް ނުގަނޭ..
ކާއްޑޭ
11 December 2023
ހޯޑެއްދޫވެސް ސިޓިއަކަަށް ހަދަންޖެހެއެވެ
ޛޚޛޣޞޛޙ
11 December 2023
މިއީ ޤާނޫނާ ޚިލާފަށް މިބައިގަނޑު ކުރާ ކަމެއް ޤާނޫނުގައި ސިޓީގެ ދަރަޖަ ދޭން ނިންމާފައިވަނީ ދިހަހާސް މީހުން ހަމަވީމަ ތިނަދޫގައި ދިހަހާސް މީހުން ރަޖިސްޓްރީވެފައި ނެތްކަން އެންމެނަށް އެނގޭ، ބަޔަކު ހަމަ ރޮއެގަންނައިރަށް ސިޓީގެ ދަރަޖަ ދެންޔާ ވ.އަތޮޅުގެ ހުރިހާ ރަށެއްވެސް ސިޓީއަކަށް ބަދަލުވާނެ.