ރޯދަ މަހުގެ ފެނާއި ކަރަންޓް ބިލް ބޮޑުނުވާ ގޮތަށް ކެޕް ކުރަން ރައީސް ނިންމަވައިފި

އޭދަފުއްޓަށް ރައީސް ވަޑައިގެންނެވުމުން ރައްޔިތުން މަރުހަބާ ކިޔަނީ

އޭދަފުށިން، ނާޒިމް ހަސަން، މިހާރު

03 މާޗް 2024 - 23:18

ރޯދަ މަހު ކަރަންޓާއި ފެނުގެ ބިލް ބޮޑު ނުވާނެ ގޮތަށް ކެޕް ކުރަން ނިންމާފައިވާ ކަމަށް ރައީސް ޑރ. މުހައްމަދު މުއިއްޒު މިރޭ ވިދާޅުވެއްޖެ އެވެ.

ބ. އޭދަފުއްޓަށް ވަޑައިގެން ރަށުގެ ރައްޔިތުންނާ ބައްދަލު ކުރައްވައި ދެއްކެވި ވާހަކަފުޅު ރައީސް ވިދާޅުވީ ރޯދަ މަހު ކަރަންޓާއި ފެނުގެ ބިލް ބޮޑުވުމަކީ އަބަދުވެސް އޮންނަ ޝަކުވާއެއް ކަމަށާއި ނަމަވެސް، މި ފަހަރުގެ ރޯދަ މަހު ބިލްތައް ބޮޑު ނުވާނެ ކަމަށެވެ.

"އާންމު މަހެއްގަ އެ ހުންނަ ރޭޓްގަ ކެޕް ކޮށްފައި. އާންމު މަހެއްގަ ހުންނަ މިންވަރަށް ރަމަޟާން މަހު ކަރަންޓު ބިލާއި ފެން ބިލް ހުންނާނީ،" ރައީސް ވިދާޅުވި އެވެ.

ރައީސް ވިދާޅުވީ ސްޓެލްކޯ އިން ފެނުގެ ހިދުމަތް ދެމުން އަންނަ ރަށްރަށުން ނަގަމުން އަންނަ 30ރ. ޗާޖް އުވާލުމަށް ވެސް އެ ކުންފުންޏަށް އަންގަވާފައިވާނެ ކަމަށެވެ.

"މިފަދަ ލުއިތައް ރައްޔިތުންނަށް ދިނުމަކީ އަޅުގަނޑަށް ލިބޭ އުފަލެއް. ރައްޔިތުން ތިބީ ވަރަށް ހާލުގައި. ރާއްޖޭގެ އިގުތިސޯދު އޮތީ ވަރަށް ހާލުގައި. އިގްތިސޯދުގައި ބުންވަރު ޖައްސަމުން ރައްޔިތުންނަށް ލުއި ދެވޭތޯ މި ބަލަނީ،" ރައީސް ވިދާޅުވި އެވެ.

ރައީސް ވިދާޅުވީ ރޯދަ މަހު ކޮންމެ ގޭބިސީއަކަށް 10 ކިލޯގެ ހަނޑޫ އަދި ފުށް ބަސްތާއެއް ހަދިޔާ ކުރާނެ ކަމަށާއި އެއީ ވެސް ރައްޔިތުންނަށް ކޮންމެ ވެސް މިންވަރެއްގެ އެހީތެރިކަމެއް ދިނުމަށް ކުރާ ކަމެއް ކަމަށެވެ. މި ފެށޭ ހަފްތާގައި އެ މަސައްކަތް ފެށޭނެ ކަމަށް އެ މަނިކުފާނު ވިދާޅުވި އެވެ.

މީގެއިތުރުން ކައުންސިލްތަކުން މިސްކިތްތަކުގެ ކަރަންޓު ބިލް ދައްކާއިރު މިހާރު ނަގާ ގަވަމެންޓް ރޭޓްގެ ބަދަލުގައި ޗާޖް ކުރާނީ ޑޮމެސްޓިކް ރޭޓްގައި ކަމަށާއި އޭރަށް ކަރަންޓު ބިލް ވަރަށް ބޮޑު ތަނުން ހެޔޮ ވާނެ ކަމަށް ރައީސް ވިދާޅުވި އެވެ.

"އޭރަށް ކައުންސިލް ބަޖެޓުން ސަލާމަތް ވާނެ. އެއީ ވެސް ކައުންސިލްތައް ހިންގަން ފުރުސަތު ދިނުން. އޭގެ ފައިދާ ވާނެ ރައްޔިތުންނަށް،" ރައީސް ވިދާޅުވި އެވެ.

ރައީސް ޑރ. މުހައްމަދު މުއިއްޒު

110 ކޮމެންޓް, 42 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މޮޑަފް

04 March 2024

ކެޕްކޮއްފަ އިތުރުވާބަޔަށް ވަނީ ކިހިނެއްކަން އެނގޭނީ ރޯދަމަސް ނިމި އިންތިޚާބުވެސް ނިމުނީމަދޯ. އިތުރުވާބައި ދާނީ ޖެހިގެން އަންނަ ބިލަށް. ދެކޮޅުނުޖެހޭ ކުންފުނިތަކުން ހިލެއެއް ތި ނުދޭނެ. މިއީ ހުސް އިންތިޚާބީ ކަޑަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯމީ

04 March 2024

އިބޫ ވެރިކަމުގަ ރައްޔިތުން ފެލީ ހަމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެނދިމަރިޔަނބު

04 March 2024

ކަރަންޓުބިލް ބޮޑުވަނީ ބޭނުންކުރާވަރު އިތުރު ވީމަ. ކޮންމެ ދުވަހަކު ދެވައްތަރު ކޭކާ، ކުޅިބޯކިބަލާ، ފިހުނު ކުކުޅާ ހަދަން ހެނދުނުން ފެށިގެން އިރު އޮއްސެންދެން އަވަން ޖައްސާފަ. އަޑުނޭހިޔަސް ނުބެލިޔަސް ހަތަރުދަމު ޓީވީ ޖައްސާފަ. ކަރުހިއްކަފާނެތީ އޭސީ ހަތަރުދަމު 16 ގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

04 March 2024

ކެޕްކުރީމަ ކިތަންމެ ވަރަކަށް އަވަން ޖެއްސިޔަސް މީޓަރެއް ނުހިގާނެޔޭ، ރައީސް އެ ވިދާޅުވީނޫންތަ ކެޕެއް ޖަހާނެވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިސްއެޕޮއިންޓެެޑް

04 March 2024

މުއިއްޒުއަށް އަހަރެން ތާއިދުކުރަން. އެކަމަކު މިއީ ރަނގަޅު ނިންމުމެއް ނޫން. ދައުލަތުން ރައްޔިތުންނަށް ހުރިހާ ކަމެއް ހިލޭ ސާބަހަށް ކޮށްދޭންޖެހޭނެ ކަމަށް މިހާރުވެސް ވަރަށް ގިނަ ބަޔަކަށް ވިސްނިފަ އޮންނަނީ. މިކަހަލަ ނިންމުންތައް ނިންމީމާ އެކހަލަ ބޯދާ ވިސްނުން އިތުރު ވާނީ. މިއީ ދުރު މުސްތަަގުބަލުގައި އެއްވެސް ސަރުކާރަކަށް ކެރިކުޅަދާނަ ކަމަކަށް ނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

MySuperGreenDOTcom

04 March 2024

@ޑިސްއެޕޮއިންޓެެޑް: އެނގޭތަ ގަންނަކޮންމެ އެއްޗުން %8 ޖީއެސްޓީ ސަރުކާރަށް ރައްޔިތުންގެ ފައިސާއިން ނަގާކަން؟ މާނައަކީ ވިއްކާ ކޮންމެ -/100ރ އަކުން އިތުރު -/8ރ ރައްޔިތުންގެ އަތުން ސަރުކާރަށް އެބަނަގައޭ، މިއީ ވަރަށްބޮޑު އަދަދެއް، އާބާދީގެ ނިސްބަތުން ދުވަހުން ދުވަހަށް ގަންނަ ސައިފަތްޕެކެޓު ފަދަ ތަކެއްޗަށްއެކަނި ހިސާބުހަދާލިޔަސް އަދަދުތައް ދަށްކަނީ މިލިޔަނުންބިލިޔަނުން، އެހެންވީމާ ކަރަންޓުގެ އަގު ހެޔޮކުރަންޖެހޭނެ ކުރެވޭނެގޮތްހޯދައިގެން ހެޔޮކުރަންޖެހޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާއިލް އީސަ

04 March 2024

ކޮބާ ދެން ކީކޭ ބުނާނީ އިދިކޮޅު މީހުން؟ މިދިޔަ އެެއްވެސް ވެރިކަމެއްގަ ކޮށްލަން ނޭނގުނު ނުވަތަ ނުކުރި ކަންތައް ވެރިކަމުގެ ފުރަތަމަ އަހަރުވެސް މިކޮށްލަނީ މުއިއްޒް. މިއީ އިހްލާސްތެރި ވެރިންނަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޚުރުވެރިދިވެހިން

04 March 2024

ތީގެއިން އެނގޭއެއްޗަކީ މުޢިއްޒުތިދަނީ ދިވެހިންނަކީ ތަންދޮރު ނުދަންނަ ބައެއްކަން ސީދާގޮތުންނާއި ނުސީދާގޮތުން އެމީހުންނަށް އަންގައިދެމުންކަން، އެއާރ އެމްބިއުލާންސް އެކޭކިއާފައި ޑޭޝްމަތިންދާބޯޓެއްގެ ބޭރުގައި ރީތިގޮތްގޮތަށް ސްޓިކާތަތްކޮށްފަ އެތެރެހުރިގޮތަށް ބަހައްޓާފައި ފަހަތުސީޓާއިޖެހިގެން ދެފަރާތު 2 ސްޓްރެޗަރ ހަރުކޮށްލީމަ އަހަރަމެންމިތިބީ އަމިއްލަ އެއަރ އެމްބިއުލަންސެއް އެބައޮތްކަމަށް ފަޚުރުވެރިވެފަ ޤަބޫލުކޮށްގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

04 March 2024

ބަލަ ރަނގަޅު މީހެއް ވިއްޔާ ރޯދަމަހު ކަންޓާ ފެނާ އެއްކޮށް ހިލޭ ކުރާނީ ނޫންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިހުސާނު

04 March 2024

ބޯމަތީގަ އިންތިޚާބެއް އޮތީމަ ގަޅިޖައްސަނީ. އެހެންގޮތަކަށް ބުނާނަމަ ނުސީދާކޮށް ރައްޔިތުންނަށް ރިޝްވަރުދެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

04 March 2024

ހަބޭސް... މަދެން މި ރޯދަ މަހު މަސްފިހެލާނީވެސް ހަމަ ސީދާ ކަރަންޓުން.. ކޮޓަރިވެސް ފިނިކޮށްލާނަން މަސް ރައްކާކުރާ ފުރީޒަރެއްވަރަށް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނުގެ ދަރި

04 March 2024

މަގޭ ބަފައަށް ހެޔޮ ވިސްނުން ދެއްވާށި!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާބަސް 1

07 March 2024

އިސްރާފުކުރަން ހިފާލަނީ!. ދެން ޤައުމު ރަނގަޅު ނުވީމަ ނުވާ ވާހަކަ. އަމިއްލަ މީހާ ފުރަތަމަ އިސްލާހުވާންވަނީ. އިސްރާފުކުރުން ބަޔަކަށް ގެއްލުން ދިނުމުގެ ނޔަތުގަ ކުރީމަ ބައްލަވައިވޮޑިގެންވާފަރާތުން ބައްލަވައި ވޮޑިގެންވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިއްބަތު އަޒީޒް

04 March 2024

ރައްޔިތުންނަށް ލުއިގޮތް ފަސޭހަ ހޯދަދޭން މަނިކުފާނު ތިކުރާ މަސައްކަތް ބަލަައިގަންނަން. އަދި ތި މަސައްކަތުގައި ބަރަކާރް ލައްވާށި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުވޭދާ ރަމީޒް

04 March 2024

ރޯދަ މަސް ވާނީ އެއްމެ ބޮޑަށް ކަރަންޓް ބިލް ބޮޑުވާނެ މަހަށް. މިފަހަރު މިލިބުނީ ފުރިހަމަ ރޯދަ ހަދިޔާއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިބުރާސް

04 March 2024

ގައުމު މި ހަބަރު ފެނިފަ ހަދާންވީ ސޯލިހް ސަރުކާރުން ހޫނޭ ކިޔާފާ އެތައް ފަހަރަކު ކަރަންޓް ބިލް ބޮޑު ތަނުން( ކުރިން 1000 އެރިއްޔާ 3000) އަށް ބޮޑު ކުރި ހަދާން. މިއީ ހަގީގީ ވެރިންނަކީ