މިސްކިތްތައް ސާފުކުރަން ދިވެހިން ނުލިބުނު، އަލުން ހުޅުވާލަނީ

މާލެ ސިޓީ ކައުންސިލްގެ ބިދޭސީ މުވައްޒަފުންތަކެއް މިސްކިތެއް ސާފުކުރަނީ.-- ފޮޓޯ: ސިޓީ ކައުންސިލް

ފާތިމަތު އަޖްފާން، މިހާރު

21 މާޗް 2024 - 11:20

މާލޭގެ މިސްކިތްތައް ފޮޅައި ސާފުކޮށް ބެލެހެއްޓުމުގެ މަސައްކަތަށް ދިވެހިން ހޯދަން އިއުލާން ކުރުމުން ވެސް މީހުން ނުލިބުމުން ވަޒީފާ ދޭ މުއްދަތު އިތުރުކޮށް އަލުން ހުޅުވާލަން މާލެ ސިޓީ ކައުންސިލުން ނިންމައިފި އެވެ.

މިދިޔަ މަހުގެ 22ގައި ކައުންސިލްގެ ބައްދަލުވުމުގައި ނިންމާފައި ވަނީ މިސްކިތްތައް ބަލަހައްޓަން ދިވެހިން ހޯދާށެވެ. ބިދޭސީން ނަގާނީ ދިވެހިން ނުލިބިއްޖެ ހާލަތެއްގައި އެކަނި ކަމަށް ވެސް ނިންމި އެވެ.

މިދިޔަ ހަފްތާގެ ބައްދަލުވުމުގައި މާލޭގެ މޭޔަރު އާދަމް އާޒިމް ވިދާޅުވީ އެ މަސައްކަތަށް ދިވެހިން ނުލިބުނު ކަމަށެވެ. އާޒިމް ވިދާޅުވީ ކައުންސިލުން އެ ދުވަހު އިއުލާން ކުރީ 114 ދިވެހިން ހޯދަން ކަމަށާއި ނަމަވެސް ލިބުނީ އެންމެ 14 މީހުން ކަމަށެވެ.

އެ ދުވަހުގެ ބައްދަލުވުން ނިންމާލީ ދިވެހިން ހޯދުމާ މެދު ވަކި ގޮތެއް ނުނިމި އެވެ.

މާލޭ މޭޔަރު އާދަމް އާޒިމް، ސިޓީ ކައުންސިލްގެ ޖަލްސާއެއްގައި.-- ފޮޓޯ: މާލެ ސިޓީ ކައުންސިލް

މިސްކިތްތައް ސާފުކުރަން ދިވެހިން ނުލިބޭ މައްސަލަ އަށް ހައްލެއް ހޯދުމުގެ ގޮތުން އިއްޔެ ބޭއްވި ކައުންސިލްގެ ބައްދަލުވުމުގައި މޭޔަރު ހުށަހެޅުއްވީ ކައުންސިލްގެ އެކިއެކި ބޭނުމަށް ނަގާ ވަގުތީ މުވައްޒަފުންގެ ވަޒީފާގެ މުއްދަތު އެއް އަހަރުން ތިން އަހަރަށް އިތުރުކުރުމަށެވެ.

"ވަގުތީ މުވައްޒަފުން ނަގާ މުއްދަތު މިހާރު އިންނަނީ އެއް އަހަރަށް. ދިވެހިން ލިބުމުގައި ދަތިތައް ހުންނަނީ އެއް އަހަރު ދުވަހަށް ނަގަން ފެށި ފަހުން. މިސްކިތްތަކަށް މީހުން ނަގަން އިއުލާން ކުރުމުން ވެސް އަޅުގަނޑުމެންނަށް ފީޑްބެކް އެބަ ލިބޭ، އެއް އަހަރު ދުވަސް ޖަހައިފަ އިނުމުން ވަޒީފާ އަށް އަންނަން އުޒުރުވެރިވާ ކަމަށް،" އާޒިމް ވިދާޅުވި އެވެ.

ސިޓީ ކައުންސިލްގެ ޖަލްސާއެއްގައި ކައުންސިލްގެ މެމްބަރުންތަކެއް.-- ފޮޓޯ: މާލެ ސިޓީ ކައުންސިލް

ޖަލްސާގައި ބައިވެރިވި ހުރިހާ މެމްބަރުންގެ އިއްތިފާގުން އިއްޔެ ނިންމީ ކައުންސިލަށް ނަގާ ވަގުތީ މުވައްޒަފުންނަށް މަދުވެގެން ތިން އަހަރުގެ ކޮންޓްރެކްޓެއް ދިނުމަށެވެ. އަދި އެގޮތަށް ބަދަލުކޮށް މިސްކިތްތަކަށް ދިވެހިން ނެގުމަށް އަލުން އިއުލާން ކުރުމަށް ވެސް ކައުންސިލުން އިއްޔެ ނިންމި އެވެ.

"އޭރުން އެ މީހުންނަށް ވަޒީފާގެ ޔަގީންކަން ލިބުމާއެކު، އަޅުގަނޑުމެންނަށް ދިވެހިން ލިބޭނެ،" އާޒިމް ވިދާޅުވި އެވެ.

މާލެ މިސްކިތްތައް ކުރިން ސާފުކުރަމުން އައީ ކުންފުނިތަކާ ހަވާލުކޮށްގެންނެވެ. ނަމަވެސް އެ މަސައްކަތް ސިޓީ ކައުންސިލުން ކުރާ ގޮތަށް ބަދަލުކުރަން ކައުންސިލުން ނިންމި އެވެ. މިސްކިތްތައް ސާފުކޮށް ބެލެހެއްޓުމުގައި މިހާރު ގިނައީ ބިދޭސީންނެވެ.

މާލެ ސިޓީ ކައުންސިލް މިސްކިތްތައް އާދަމް އާޒިމް (މާލޭގެ މޭޔަރު)

30 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދިވެހިން އަމިއްލައައް ގައުމު ހަލާކު ކުރަނީ.

22 March 2024

ބަލަ ދިވެހިންނަކީ އަހަރުމެންގެ އަަދަކާދަ ދޫކޮއް އަރަބި ވާހިތުން އުޅޭ ބައެކޭ! އެއްވެސް އަރަބި ގައުމެއްގައި، ގައުމުގެ އަހުލުވެރިން މިކަހަލަ ދަށުފަންތީގެ މަސައްކަތެއް ނުކުރާނެ. ދިވެހިންނައް ވަރައް ހަޑިކަންކަން މިއީ. ސީއީއޯ ހެދިގަ ބޮޑުގޮޑީގަ ތިބޭނީ. ދެން ކޮފީ މޭޒުގަ، އިންވެސްޓަރު އައިސް އާދޭސް ކުރަންދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން

22 March 2024

ގެޒެޓް ފުރެންދެން އޮތީ މާލޭ ސިޓީ ކައުންސިލް ވަޒީފާ އިއުލާން މުޅިންވެސް ކޮންޓުރެކްޓް މީ އެމް ޓީ ސީ އިިން ކުރިން ހަދާހެން ވަގުތީ ގޮތުން ޕުރޮޖެކްޓަށް މީހުން ނަގާހެން ނަގާ ބަޔެއްތޯ ،، ދުވެހިން ކިހިނެތްތޯ ކޮންޓުރެކް ގައި ވަގުތީ ވަޒީފާގައި އުުޅޭނީ މީޖެއްސުމެއް ، ހިންގުން ތެރިކަމެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބުރުގެ

21 March 2024

ދިވެހިން ލިބޭނެ. ލިބޭނެގޮތަކީ އެކަށީގެންވާ މުސާރައާ ވަޒީފާ އަދާކުރަންޖެހޭ މުއްދަތު 5 އަހަރަށް ބަދަލުކުރުމުން. މިހާރުވެސް ބައެއް ތަންތަނުގަ 10 ވަރަކަށް ހާސް ލިބޭ ދިވެހިން އެބަތިބި 24 ގަޑިރުގެ ތެރެއިން 8 ގަޑިއިރު މަސައްކަތް ކުރާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮއްލަ

21 March 2024

މާލޭގެ މިސްކިތްތަކުގެ ގޮތެއް ނޭންގެ. އެކަމު ރަށްފުށުގަ ހުންނަ މިސްކިތް ސާފު ކުރާ މީހަކަށް ލިބޭނީ މަހަކަށް -/5000 ރުފިޔާ. ދެކޮޅު ޖައްސަން އެކުދިން ރަށުތެރޭން އެކިއެކި މަސައްކަތް ކުރަންޖެހޭ. މުސާރަ ރަނގަޅު ކުރަނިކޮށް ދިވެހިންވެސް ލިބޭނެ. ވެމްކޯގަވެސް ދިވެހިން ގިނަ. ރަނގަޅު އެއްޗެއް ލިބޭތީ. މާލޭގަ ގިނަވާނީ ކުއްޔަށް އުޅޭމީހުން. މިބުނަނީ އަނެއްކާ 20 30 ހާސް ރުފިޔާ މުސާރައެއްގެ ވާހަކަ އެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންނެތް ދިވެހި ފިރިހެނުން

21 March 2024

ދިވެހިން ކަންނެތީ. އަމުދުން ޒުވާނުން!!! މިސްކިތް ސާފު ކުރުމަކީ ބުރަ ލޭބަ މަސައްކަތެއްވެސް ނޫން. 1 އަހަރު ވިޔަސް ކޮންޓްރެކްޓު ވިޔަސް އެއީ 12 މަހުގެ މުސާރަ. މޮޅެތި ޖޮބު ތަކަށް ދާން ވަނީ. އެކަހަލަ ޖޮބެއް ނުލިބިއްޖާ އަމާ ބަފާ ދިނީމަ ކައިގެން. މީ ދިވެހި ޒުވާނުންގެ ވިސްނުމާ އުޅުން! ހިތާމަ ހުރި ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢާޒިމް 2

21 March 2024

ފުރަތަމަ މިސްކިތްތައް ސާފުކުރާ މިހާރު ހަވާލުކޮށްފައިވާ ފަރާތްތަކަށް ފައިސާދޭން ވެއްޖެނު! 3 މަސްވެއްޖެޔޭ ބިލްތައް ހިފަހައްޓައިގެން ތިބޭތާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގު ކުނިކަހާ މީހުން ވެސް މަކަރު ހަދަނީ

21 March 2024

މަގު ކުނިކަހާ ބައެއް މީހުން ވެސް އެމީހުން ކުނިކަހަންޖެހޭ ސަރަޙައްދު ކުނި ނުކަހާ މަކަރު ހަދާއިރު ލިބޭ މުސާރަ ކާން ބިރެއްވެސް ނުގަނެ އެވެ. އެގޮތަށް ކުނިނުކަހައި މަކަރު ހަދާތޯ މޮނިޓަރ ކުރަން ޖެހޭނެ އެވެ.