ރައީސް މުއިއްޒު، ޕީއެންސީ ހައުސް ރޭ ހުޅުއްވައި ދެއްވާއިރު އަރިހުގައި ރައްޔިތުންގެ މަޖިލިހުގެ ރައީސް އަބްދުއްރަހީމައި ނއިބު ރައީސް ހުސައިން އަދި އެމްޑީއޭގެ ލީޑަރު ސިޔާމް.
24 ޖޫން 2024 - 06:54
54 comments
އެ މަނިކުފާނު ވެރިކަމަށް ވަޑައިގެން ފައިސާ ޗާޕުކުރުން ހުއްޓާލައި އަދި ރާއްޖެ އަށް ގެއްލުންވާ ގޮތަށް ބޮޑެތި އިންޓްރެސްޓް ރޭޓުގައި ބޮޑެތި ލޯނުތައް ނުނަގައި މިހާތަނަށް އަމިއްލަ ކުންފުނިތަކަށް ހަތަރު ބިލިއަން ރުފިޔާ ސަރުކާރުން ދައްކާފައިވާ ކަމަށް ރައީސް ޑރ. މުހައްމަދު މުއިއްޒު ރޭ ވިދާޅުވެއްޖެ އެވެ.
ޕީއެންސީގެ އާ ޖަގަހަ "ޕީއެންސީ ހައުސް" ހުޅުވުމަށް ބޭއްވި ހަފުލާގައި އެ މަނިކުފާނު އެހެން ވިދާޅުވިއިރު، މި ސަރުކާރު މިދިޔަ އަހަރުގެ ނޮވެމްބަރު 17 ގައި ވެރިކަމާ ހަވާލުވިއިރު އެކި ކުންފުނިތަކަށް ނުވަ ބިލިއަން ރުފިޔާ ދައްކަން ޖެހިފައިވާ ކަމަށް ވަނީ ކުރިން ބުނެފަ އެވެ.
ރޭގެ ރަސްމިއްޔާތުގައި ރައީސް ވިދާޅުވީ، އަމިއްލަ ކުންފުނިތަކަށް މި ހަތް މަސް ތެރޭގައި ދެއްކި ހަތަރު ބިލިއަން ރުފިޔާގެ އިތުރުން މިހާތަނަށް ސަރުކާރުގެ އެކިއެކި ކުންފުނިތަކަށް ވެސް ހަތް ބިލިއަން ރުފިޔާ ދައްކައި ހަލާސް ކޮށްފައިވާ ކަމަށެވެ. އެއީ ޖުމުލަ 11 ބިލިއަން ރުފިޔާގެ ދަރަންޏަށް ޖެހޭ ފައިސާ އެވެ.
"ފައިސާ ޗާޕުނުކޮށް، އާމްދަނީގެ ގޮތުގައި ލިބުނު ފައިސާ އިން ތަރައްގީގެ މަސައްކަތްތަކާއި އަދިވެސް މުހިންމު ގިނަ ކަންތައްތައް ކުރަމުން ފައިސާ ދައްކަމުން އައީ. ބޭރުގެ ދަރަނީގެ ވެސް 2.7 ބިލިއަން ރުފިޔާ އެންމެ ލޯނެއް ވެސް ޑިފޯލްޓް ނުވެ ވަގުތުން ދައްކަމުން މި އައީ. 2.7 ބިލިއަން ބޭރަށް ވެސް ދައްކައިފިން،" ރައީސް ވިދާލުވި އެވެ.
"ގާތްގަނޑަކަށް 13 ބިލިއަން ރުފިޔާ މި ހަތް މަސް ތެރޭގައި އަޅުގަނޑުމެން މި އޮތީ ދައްކާފައި."
ލޯނު ދެއްކި އަދަދު ކުރުކޮށް:
- އަމިއްލަ ކުންފުނިތަކަށް ހަތަރު ބިލިއަން ރުފިޔާ.
- ސަރުކާރުގެ ކުންފުނިތަކަށް ހަތް ބިލިއަން ރުފިޔާ.
- ބޭރުގެ ދަރަނިތަކަށް 2.7 ބިލިއަން ރުފިޔާ (ލޯނެއް ޑިފޯލްޓް ނުވެ)
- ހަތް މަސް ތެރޭގައި 13 ބިލިއަން ރުފިޔާގެ ދަރަނި ސަރުކާރުން ހަލާސްކުރި.
ރައީސް މުއިއްޒު ވިދާޅުވި ގޮތުގައި ސަރުކާރާ ދެކޮޅު މީހުން ފޮރުވަން ބޭނުންވަނީ އެ ވާހަކަތައް ނުވަތަ އެ އަދަދުތަކެވެ. އެކަމަކު ވިދާޅުވީ، ސަރުކާރާއި ޕީއެންސީން ދައްކާނީ ތެދު ވާހަކަތައް ކަަމަށެވެ.
އެ މަނިކުފާނު ރޭ ވެސް ތަކުރާރު ކުރެއްވީ މި ސަރުކާރުން ފައިސާ ޗާޕުކުރުން ހުއްޓާލުމާ ގުޅޭ ވާހަކަތަކެވެ. އެއީ މިދިޔަ ރިޔާސީ އިންތިހާބުގައި އެ މަނިކުފާނު ވެވަޑައިގެންނެވި އެންމެ މުހިންމު އެއް ވައުދުކަން ފާހަގަކުރައްވައި ރައީސް ވިދާޅުވީ، އެ ފިޔަވަޅު އެޅުމުން އައިއެމްއެފާއި ވޯލްޑް ބޭންކުން ވަރަށް ބޮޑަށް ބަލައިގަތް ކަމަށެވެ.
ރައީސް މުއިއްޒު ވިދާޅުވީ، ރައްޔިތުންގެ މަޖިލިހުގެ އިންތިހާބެއް ބޯމަތި ވެފައި އޮއްވައި އަދި އޭރުގައި އޮތް ރައްޔިތުންގެ މަޖިލިހުގައި ސިޔާސީ ބާރުވެރިކަމެއް ސަރުކާރަށް ނެތް ދުވަސްވަރެއްގައި ފައިސާ ޗާޕުކުރުން ހުއްޓާލުން ވީ ވަރަށް އުނދަގޫ ނިންމުމަކަށް ކަމަށެވެ.
ޕީއެންސީގެ އާ ޖަގަހަ ހުޅުވަން ރޭ ބޭއްވި ރަސްމިއްޔާތުގައި ރައީސް މުއިއްޒު ވާހަކަފުޅު ދައްކަވަނީ.
"ވަރަށް ފަސޭހަވީސް ކުރިން ވެސް އެކަން ކުރި ގޮތަށް، މިދިޔަ ސަރުކާރުން އަދި އަމުދުން ދުވަހަކު ވެސް ރާއްޖޭގެ ތާރީހުގައި ނުކުރާ ވަރަށް ފައިސާ ޗާޕު ކުރެއްވި ސަރުކާރެއް އެއީ. އަޅުގަނޑު ވަރަށް ގިނައިން އެ ވާހަކަ ދެއްކިން. އޭގެ ކުރީގައި 40 އަހަރު [ފައިސާ ޗާޕުކުރުން] ކުރިހާ ވަރަށް ވުރެ ވެސް ގިނަ ކަން. އެ ގޮތަށް ކޮށްލެވުނީސް ވަރަށް ފަސޭހައިން،" އެ މަނިކުފާނު ވިދާޅުވި އެވެ.
ރައީސް ވިދާޅުވީ، ފައިސާ ޗާޕުކުރުން ހުއްޓާ ނުލައި ކުރިއަށް ދިއުމަކީ އެންމެ ފަސޭހަ މަގު ކަމަށާއި އެކަމަކު އެއީ އިހުލާސްތެރިކަމުގެ މަގު ނޫން ކަަމަށެވެ.
"އެއީ ޝޯޓު ކަޓެއް. އެހެން ނަމަވެސް ގޮސް ނިމޭނީ އެ އަށް ވުރެ ފުން އަނދަވަޅަކަށް. އެހެންވީމާ އެ ހިތި ބޭސް، ބޭހުގެ ނަތީޖާ ރަނގަޅު ބޭސް. އެއީ ހަގީގީ ބޭސް. އެ ބޭސް ދިވެހި ރައްޔިތުންނަށްޓަކައި އަޅުގަނޑު ހިޔާރު ކުރީ،" ރައީސް މުއިއްޒު ވިދާޅުވި އެވެ.
އެ މަނިކުފާނު ރޭ ވިދާޅުވީ، ވެރިކަމާ ހަވާލުވެވަޑައިގެންނެވިއިރު ސޮވެރިން ޑިވެލޮޕްމަންޓު ފަންޑުގައި ވެސް ހުރީ ދެ މިލިއަން ޑޮލަރު ކަމަށާއި އެ ފަންޑުގައި ހުރި ފައިސާ ވެސް ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން އޮތީ ބޭނުންކޮށްފައި ކަމަށެވެ.
އަޅުގަނޑުމެންގެ ޓާގެޓަކީ މި އަހަރު ނިމޭއިރުގައި [ސޮވެރިން ޑިވެލޮޕްމަންޓު ފަންޑުގެ އަދަދު] 100 އަށް އެރުވުން.--- ރައީސް
ސޮވެރިން ޑިވެލޮޕްމަންޓު ފަންޑުގެ ބޭނުމަކީ ބޭރުގެ ދަރަނި ދައްކަން ބޭނުންވާ ފައިސާ ޖަމާކޮށްފައި ބެހެއްޓުމެވެ.
ރައީސް މުއިއްޒު ވިދާޅުވި ގޮތުގައި، މި ސަރުކާރު ވެރިކަމަށް އައިސް އެ ފަންޑަށް އިތުރަށް ފައިސާ ޖަމާކޮށް، އަދަދު މިހާރު 54 މިލިއަން ޑޮލަރަށް އަރަ އެވެ. އެއީ އެކި ކުންފުނިތަކަށް މިހާތަނަށް ދެއްކި ފައިސާ ދައްކަމުން ހޯދި ކާމިޔާބީއެއް ކަމަށް އެ މަނިކުފާނު ވިދާޅުވި އެވެ.
ޕީއެންސީ ހައުސް ހުޅުވަން ރޭ ބޭއްވި ރަސްމިއްޔާތަށް ދިޔަ މީހުން.
"އަޅުގަނޑުމެންގެ ޓާގެޓަކީ މި އަހަރު ނިމޭއިރުގައި [ސޮވެރިން ޑިވެލޮޕްމަންޓު ފަންޑުގެ އަދަދު] 100 އަށް އެރުވުން. އިރާދަކުރެއްވިއްޔާ އަޅުގަނޑުމެންގެ އިގުތިސާދީ އެޖެންޑާ ހަމަ ވައުދުވީ ގޮތަށް، އެއީ ކޮން އިރަކު ވީ ވައުދެއް، މެނިފެސްޓޯ އިއުލާން ކުރި ރޭ ހުޅުމާލޭގައި ފުރަތަމަ ރިޔާސީ އިންތިހާބު ފައްޓަން ބޭއްވި ޖަލްސާ އެ ތަނުގައި ދެއްކި ވާހަކަ މިއަދު ވެސް މި ދައްކަނީ. ބަދަލެއް ނުވާނެ،" ރައީސް ވިދާޅުވި އެވެ.
"އެ ދުވަހު އިއުލާންކުރި އެޖެންޑާގައި އޮތް ގޮތަށް މި މަސައްކަތް މި ކުރަނީ."
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގެދޮރުވެރިޔާ
26 June 2024
ރައީސް މުޢިއްޒުގެ ވަށައިގެން ހުސް "މުނާފިގު" ބޮޑު ބައިގަނޑެއް އެނބުރޭތަން ފެންނަނީ. އެއް އިރެއްގައި ރައީސް ޔާމީނު ވަރެއްނެތިގެން އުޅުނު ހުރިހާ އެންމެން މިހާރު މުޢިއްޒު ވެގެން ތި އުޅެނީ. މުޢިއްޒު އެކަން ހަނދުމަފުޅު ބަހައްޓަވާތި
ސެންޓްރަލްބޭންކަރ
25 June 2024
(ބޭޑް = ފައިސާ ޗާޕުކުރުން) މިކަހަލަ ރިޖިޑް ތިންކިން ބޭނުން ކުރަން ރަނގަޅު ވިސްނުން ކޮށި މީހުން އެކަމަކު ވިސްނޭ ހިކުމަތްތެރި މީހަކު ވިއްޔާ ތަންފުކެއް ފުލެކްސިބަލް ވާންޖެހޭ ފައިސާ ޗާޕްކުރުންވެސް އޮޕްޝަނެއްގެ ގޮތުގައި ބެއިންދުން ރަނގަޅު ތޯއްޗެ ޒިންބާބުވޭ އަދި ލުބުނާނަށް ވީހެން ނުވާނެ ގޮތް ބަލައިގެން ރުފިޔާ ޗާޕުކުރަން އެނގެންޏާ
ފެރެސް
24 June 2024
ރަށްރަށުގެ ނިކަމެތި މީހުންގެ އަތުން ނަގަަފަހުރި ޕޮލިސް ސްޓޭސަން ތަކައް ކުލި ނުލިބޭތާ 2 މަސް ވެއްޖެ. އެހެންވެ މިޖަހާލީ.. އެހާ މުއްސަދި ބައެެެްނޫން. މިގޮތްތޯ ރަގަޅީ......
ނިހާމް މުސްތަފާ
24 June 2024
ފައިސާ ޗާޕެއް ނުކުރެޔޭ.
ނޫސަންގު
24 June 2024
ބްރޯ. ތިކަން ކުރަން ނޫންތަ. މިދިޔަ އަހަރު ޖީއެސްޓީ އިތުރުކޮށްދިނީ ކުރީ ސަރުކާރުން. ބިލިއަނުން ބަޖެޓް ހަދާ ފައިސާ ފެނެއްހެން ދަވާލަން ލިބެނީވެސް ކޮންމެވެސް ބަޔަކު ތަޢާރަފް ކުރި ޓެކްސް ގާނޫނުން. ވެރިކަމަށް އައިސް އަދި ހަރުދަނާ އެއްވެސް ކަމެއް ކުރެވިފައެއް ނެތް. ގެދޮރުގެ ވާހަކަ ދައްކަނީ ރައްޔިތުން ބޮލަށް ސަވާރުވާން ވެގެން. ޕީއެސްއައިޕީ ގެ 50 ޕަސެންޓް ހައުސިންގ އަށް ކަނޑއެޅީމަ ދެންވާނީ ކިހިނެއް؟؟
ދޮން
24 June 2024
މިހާލަތުގައި ފައިސާ ޗާޕް ނުކުރާނީ މޮޔައިން ބަލަ މަސްވެރިންނަށް ބޭނުންވާ 2 އަހަރުގެ ފައިސާ ޗާޕްކޮށް އެމް އެމް އޭގައި ބަހައްޓާ ފައި ދެން ލިބޭއެއްޗަކުން ރިކަރަންޓް އަދި ކެޕިޓަލް ޚަރަދު ފޫބެއްދިނަމަ ޤައުމު ހިގާނީ ރަގަޅަށް ، މުޅިދުނިޔޭގައި ހަނގުރާމަ ކުރަނީ ކޮން ޤައުމަކުންތޯ ހިލޭ އެހީދޭނީ އެކަމަކު ބަޖެޓް ހަދަނީ ހިލޭ އެހީ ހިމަނައިގެން ،، ކޮބާތޯ އިކޮނޮމިކްސް މިނިސްޓަރ އެން ފައިނޭސް މިނިސްޓަރ ދުނިޔޭގެ ޚަބަރުތައް ވިދާވެލައްވާ،،
އަބްޑޫޅް +
24 June 2024
ކާޑުން ޕޭކޮށްލީ ދޯ؟
އައްސަދުު
24 June 2024
ރައީސްގެ ޕޮލިސީތަށް މައިގަނޑު ގޮތެއްގައި ރަނގަޅު ކަމަށް ފެނޭ. އެހެން ނަމެވެސް ރައީސަށް މީހުން ކުރާ އިޙްތިރާމާއި ގަދަރު އަދުރޭ މެންކަހަމަ މީހުންނާއި ހެދި ކުޑަވާތަން ވެސް މީ ފެންނަ މަންޒަރެއް
ހުސެއިްން ޝާމް
24 June 2024
އިއްޒަތްތެރި ރައީސުލް ޖުމުހޫރިއްޔާގެ އިސްލާހީ އެޖެންޑާ އަށް ރައްޔިތުންގެ މަޖިލީހުގެ އިއްޒަތްތެރި ރައީސްގެ ތާޢީދާއި އެއްބާރުލުން ދިނުމަކީ ވަރަށް ފައިދާ ކުަރާނެ ކަމެކެވެ.އެއިރުން އައްޑޫ އަންހެންވެރިން .މޭކަޕްކޮށްގެން ފިނިބުރު ޖަހަންދާއިރު މަނިކުފާނަށް ވަރަށް ތަޢުރީފުކޮށް ވާހަކަ ދައްކާނެ.ބުނާނެ މީނެލްސަން މަންޑޭލާ އަށްވުރެ މާރަގަޅު ބޭފުޅެކޭ.އެއީ.ޕީއެޗްޑީ ހަދާފަ ތިބޭ ބައެއް އެމީހުންގެ ޓެކްނިކަލީ ވާހަކަ ދައްކާނެ ހުނަރު.އެކަން ދަނެގެން މަނިކުފާނުއުޅޭނީ
ޔޯލަ
24 June 2024
ފައިސާ ޗާޕްކުރަންޖެހުނީމާ އެއީ ކުރަންޖެހޭ ކަމެކެވެ. އެހެނަސް ހައްދެއް ނެތް މިންވަރަކަށް ނޫނެވެ. ހަގީގަތަކީ އިގުސާދު ހިފެހެއްޓުނީ ފައިސާ ޗާޕްކުރަންޖެހޭ ދަނޑިވަޅުގައި ފައިސާ ޗާޕުކޮށް ލޯނު ނަގަންޖެހޭ ތަނުގައި ލޯނު ނެގިކަމުންކަމެވެ. އިގުތިޞާދު ރަގަޅު ކުރަން ނުވަތަ ލިބޭ އާމްދަނީ އިތުރުކުރަން މިސަރުކާރުން ކުރިކަމެއް އަދި ނެތެވެ. ކުރީ ސަރުކާރުން ޓެކްސް ބުރެކެޓް އިތުރު ކުރުމުން ލިބުނު އާމަދަނީ އިތުރުވީއެވެ. ފަންޑަން ފައިސާވެސް ލެވުނީ އެހެންވެއެވެ.
ގަނިއަ
24 June 2024
ކަލޭތިބުނަނި ޖީއެސްޓީ ބޮޑުކުރަާށޭ ދޯ
އަފްރާސިޔާބު
24 June 2024
ދެން އެންމެ ރަނގަޅު. ކުރިން އާމްދަނީ ހޯދައި ފައިސާ ޖަމާނުކުރީ ކީއްވެ. މިއަދުގެ ސަރުކާރުން ކަމެއްނުކޮށް ޖަމާކުރާނަމަ އަދި އެގޮތް އަހަރެމެންނަށް މާރަނގަޅު. މުއިއްޒު ތަފާތީއޭ ބުނެވޭނީ.
ދޮނަޅަ
24 June 2024
އަފްރާސިޔާބުއަށް ބުނެލަން އޮތީ ދައްކާ ވާހަކަ ރަގަޅަށް އޮޅުންފިލާތޯއެވެ. އާމްދަނީ ހޯދާ އިގްތިސާދު ނަގަހައްޓަން ކުރާ މަސައްކަތުގެ ނަތީޖާއަކީ ކުއްލިއަކަށް ފެންނާނެ ކަމެއް ނޫނޭ. އާމްދަނީ ލިބޭ ވަސީލަތްތައް ހުއްޓި އިގްތިސާދު އަޑިއަޅާލިވަގުތު ނެގެހެއްޓި މެސަރސްތަކުންނޭ މިއަދު އިގްތިސާދު ހިފެހެއްޓި ދަރަނި ދެއްކި ފަންޑަން ފައިސާ ޖަމާކުރެވި ޚަރަދުތައް ކުރުމަށް މަގުފަހިވެފައިވަނީ. އޭގެތެރޭގައި ހިމެނެއޭ ޓެކްސްގެ ޕަސެންޓް އިތުރުކުރުން. ރަގަޅަށްބާ މި ފަހުމުވީ
ސަލީމު އިދުރީސް
24 June 2024
ބަލަ މުއީޒު ވެރިކަމާ ހަވާލު ވީއޮރުވެސް އޮތީ ފައިސާ ޗާޕުކުރުން ހުއްޓާލާފެއޭ! މިހާރުވެއް މިގައުމުގެ އިގުތިސޯދީ ހަމައެނި ޕަންޕު ކަމައްވާ ވެލާނާ އެއާޕޯޓު ބަންދުކުރަން ޖެހިއްޖެއާ އިގުތިސޯދައް ފައިސާ ޕަންޕު ކުރެވޭނެ އެހެންގޮތެއްނެއް ވީމަ ސޯލިހައް ވިސްނުނީ ކޮއިޑަކީ ދާއިމީ ކަމެއް ނޫންކައް ގައުމުވިއްކައި ނުލާ ފައިސާ ޗާފުކޮއްގެން ހިފަހައްޓާ ލެވިއްޖެނަމަ ފަހުން ހަމަޔަކައް އެޅުވޭނެކަން މުއިޒު ފައިސާ ހޯދަނީ މަސްވެރިންއަތުން ފަހުން އަގުދެންދޭން މަސްގަނެގެންތޯ