400 އަށް ވުރެ ގިނަ ދަރިވަރުންނާއެކު މާލެ ސީއެޗްއެސްއީ އަލުން ހުޅުވައި ކިޔަވައިދޭން ފަށައިފި

މާލޭ ސީއެޗްއެސްއީ އިމާރާތް ހުޅުވައި ކިޔަވައިދޭން ފަށާއި ދަރިވަރުން ސްކޫލަށް ވަންނަނީ-- ފޮޓޯ:އެޑިއުކޭޝަން މިނިސްޓްރީ

ފާތިމަތު އަޖްފާން، މިހާރު

01 ސެޕްޓެމްބަރ 2024 - 17:28

މާލޭގައި ޒަމާންވަންދެން ހިންގި އޭ ލެވެލް ސްކޫލް، ސީއެޗްއެސްއީ އިމާރާތް ހުޅުވައި މިއަދު އަލުން ކިޔަވައިދޭން ފަށައިފި އެވެ.

މާލެ ސަރަހައްދުގައި މަތީ ސާނަވީއަށް ކިޔަވައިދޭ ހަމައެކަނި ސްކޫލު، ސީއެޗްއެސްއީ މިހާތަނަށް ހިންގީ އަމީނިއްޔާ ސްކޫލުގެ ބިއްދޮށުގަ އެވެ. އެކަމަކު، އެ އިމާރާތް ބޭނުންކުރުން މިދިޔަ އޮގަސްޓް މަހު ހުއްޓާލުމަށް ފަހު، ސީއެޗްއެސްއީ ބަދަލުކުރީ ހުޅުމާލޭގައި އަލަށް ހެދި އިމާރާތަށެވެ.

އެކަމަކު އެ ސްކޫލްގައި އަލުން ކިޔަވައިދޭން ފަށަން އެޑިއުކޭޝަން މިނިސްޓްރީން ނިންމީ މާލޭގައި އޭލެވެލަށް ކިޔަވައިދޭނެ ސަރުކާރުގެ ސްކޫލެއް ނެތުމަކީ އެ ކަމުގެ ދަތިކަން ގިނަ ދަރިވަރުންނަށާއި ބެލެނިވެރިންނަށް ފޯރާތީ އެވެ.

މާލޭ ސީއެޗްއެސްއީ އިމާރާތް-- ފޮޓޯ:އެޑިއުކޭޝަން މިނިސްޓްރީ

އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވީ އެ ސްކޫލު ވެގެންދާނީ މާލޭގައި ހުރި މަތީ ސާނަވީއަށް ކިޔަވައިދޭ އެންމެ ފެންވަރު ރަނގަޅު، ހިތްފަސޭހަ އަދި ދަރިވަރުންނަށް އުފާވެރި އުނގެނުމުގެ މާހައުލު ތަނަވަސްވެފައިވާ ސްކޫލަށް ކަމަށެވެ.

މިނިސްޓަރު ވިދާޅުވީ މި ސްކޫލު ހުޅުވުމުން މަތީ ސާނަވީއަށް އުނގެނުމަށް، މާލެ އާއި ހުޅުމާލެ އާ ދެމެދު ދަތުރުކުރާ ދަރިވަރުންގެ އަދަދު މަދުވާނެ ކަމަށެވެ.

މާލޭ ސީއެޗްއެސްއީ އިމާރާތް ހުޅުވައި ކިޔަވައިދޭން ފެށުމުން ދަރިވަރުން ސްކޫލަށް ވަންނަނީ -- ފޮޓޯ:އެޑިއުކޭޝަން މިނިސްޓްރީ

މިއަދު އަލުން ކިޔަވައިދޭން ފެށިއިރު، 400 އަށްވުރެ ގިނަ ދަރިވަރުން ކިޔަވަން ފަށާފައިވާ ކަމަށާއި އިތުރު ދަރިވަރުން ވަނުމަށް އެދެމުންދާ ކަމަށް ވެސް މިނިސްޓަރު ވިދާޅުވި އެވެ.

އެ ސްކޫލުގެ ޕްރިންސްޕަލަކަށް ހަމަޖައްސާފައި ވަނީ ދަރުމަވަންތަ ސްކޫލުގެ ޕްރިންސިޕަލްކަން 17 އަހަރު ކުރެއްވި އަބްދުﷲ ދީދީ އެވެ.

މާލޭ ސީއެޗްއެސްއީ އިމާރާތް ހުޅުވައި ކިޔަވައިދޭން ފެށުން ފާހަގަ ކުރުމަށް ބޭއްވި ރަސްމިއްޔާތުގައި އެ ސްކޫލުގެ ޕްރިންސިޕަލް އަބްދުﷲ ދިދީ ސަލާމް ކުރައްވަނީ-- ފޮޓޯ: އެޑިއުކޭޝަން މިނިސްޓްރީ

މާލޭގައި މި އިމާރާތުގައި ކިޔަވައިދޭން އަލުން ފެށިޔަސް، ހުޅުމާލޭގައި ވެސް އޭލެވެލް އަށް ކިޔަވައިދޭން މިނިސްޓްރީން ވަނީ ނިންމައިފަ އެވެ.

މާލެ ސީއެޗްއެސްއީ ޑރ. އިސްމާއިލް ޝަފީއު (އެޑިއުކޭޝަން މިނިސްޓަރު)

15 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޓްރޫބްލޫ

02 September 2024

ކުލަ ލީ ލީނުން އެހުރީ އާ ކޮށްލާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފް އިބްރާހީމް

02 September 2024

އަޅުގަނޑު މެން މިކަން ކޮށްދޭން ރައީސް ކައިރީ ދެންނެވިން. މިކަން ކޮށްދިނީތީ ވަރަށް ޝުކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްޝީން

02 September 2024

ދެން ދަރި ލާން ހުޅުމާލެ ދާކަށް ނުޖެހޭނެ. ބޮޑު ލުޔެއް މި ލިބުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސީރާ އާދަމް

02 September 2024

ވަރަށް އުފާވެއްޖެ. މީ ގިނަ ކުދީން އިންތިޒާރު ކުރަމުން އައި ދުވަސް. އެކުދިން ކުރަމުން އައި ބޮޑެތި ދަތުރުތައް ނުކޮށް ކިޔަވަން ދެވޭނެ ދުވަހެއް އައުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު އަންސަރު

02 September 2024

ޒަމާން ތަކެއް ފަހުން އެންމެ ފަހުން މިތަން ހުޅުވާލެވިއްޖެ ދޯ. ސަޅި ސަޅި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒީނާ ޒާހިރްް

02 September 2024

އެމްޑީޕީއިން އަބަދުވެސް ވިސްނާނީ ކަމުގެ އެއްކޮޅަށް. މިކަންވެސް އެމީހުން ކުރީ ހަމައެހެން. މި ގައުމުގަ އެމީހުންނަށް ކުރެވުނު ރަނގަޅު އެއްކަމެއްވެސް ހަމަ ނެތީއޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައުޝަންް

02 September 2024

ކުރިޔަށް އޮތްތަނުގައި މާލެ ހުޅުމާޅެ ސީއެޗްއެސްއީ އިންތިހާއަށް ފުޅާވެގެންދާނެކަމަށް ބެލެވޭ. މި ސަރުކާޜުގެ ދުރުވިސްނުމާއެކު އޭލެވެލް ކިޔަވާ ދަރިވަރުން އިންތިހާ ގިނަވެގެންދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލަމް ހަނީފްް

02 September 2024

މާލެއާއި ހުޅުމާލެއަކީ ބްރިޖަކުން ގުޅިފަ އޮތްތަނެއްކަމުގައިވިޔަސް ކުދިން ކިޔަވަން އެއްރަށުން އަނެއްރަށަށް ދާން އުނދަގޫބޮޑު ކަމެއް. ސަރުކާރުން އެތަށް ބެލެނެވެރިންގެ ޝަކުވާ އަޑުއަހާ މިކަމަށް ހައްލެއް ހޯއްދަވައިދެއްވީތީ ރައީސް މުއިއްޒުއަށް ޝުކުރު އަދާކުރަން.