ކައުންސިލްގެ މުވައްޒަފުން ބުޅާ ފެސިލިޓީގެ މަސައްކަތް ކުރަނީ.-- ފޮޓޯ | މާލެ ސިޓީ ކައުންސިލް
23 އޮކްޓޯބަރ 2024 - 10:55
19 comments
ހުޅުމާލޭގައި ގާއިމްކުރާ ބުޅާ ފެސިލިޓީތަކަށް ގެންދާ ބުޅާތަކަށް ފަރުވާދިނުމަށް ޑޮކްޓަރަކާއި ވެޓެރިނަރީ ނަރުހުން ހޯދަން މާލެސިޓީ ކައުންސިލުން އިއުލާނު ކޮށްފި އެވެ.
ހުޅުމާލެ ފޭސް ދޭއްގައި މި އަހަރުގެ މާޗްމަހު އަޅަން ފެށި ބުޅާ ފެސިލިޓީ މިހާރު ވަނީ ނިމުމަކާ ގާތްވެފައި އެވެ. އަންނަ މަހު އެ ތަނަށް ބުޅާތައް ގެންދަން ފަށާނެ އެވެ.
ކައުންސިލުން އިއްޔެ ކުރި އިއުލާނުގައި ބުނީ ފެސިލިޓީއަށް ގެންދާ ބުޅާތަކަށް ފަރުވާދިނުމަށް ޑޮކްޓަރަކާއި ދެ ނަރުހުން ބޭނުންވާ ކަމަށެވެ. ވެޓެރިނޭރިއަންއެއް ހޯދަން އިއުލާންކޮށްފައި ވަނީ 35،000ރ. އަށެވެ.
ވެޓެރިނަރީ ނަރުހުންގެ މުސާރައިގެ ގޮތުގައި ކަނޑައަޅާފައި ވަނީ 8،130ރ. އެވެ.
މަސައްކަތް ކުރާ ކޮންމެ ދުވަހަކަށް ސާވިސް އެލަވަންސްގެ ގޮތުގައި 100ރ. ކަނޑައަޅާފައިވާ އިރު، އިތުރުގަޑީގައި މަސައްކަތް ކުރާނަމަ، މުސާރައިގެ 35 ޕަސެންޓު ވެސް ލިބޭނެ އެވެ.
ކައުންސިލްގެ މުވައްޒަފުން ބުޅާ ފެސިލިޓީގެ މަސައްކަތް ކުރަނީ.-- ފޮޓޯ: މާލެ ސިޓީ ކައުންސިލް
ކުރަން ޖެހޭ މައްސައްކަތް:
- ވެޓްރިނަރީ ހިދުމަށް ހޯދަން އަންނަ މީހުންނަށް ހިދުމަތް ދިނުން.
- އާންމު ޗެކަޕްތަކާއި ފަރުވާތަކާއި އަދި އޮޕަރޭޝަންތަކުގައި ވެޓެރިނޭރިއަންއަށް އެހީތެރިވުން
- ވެޓެރިނޭރިއަން އަންގާ ގޮތުގެ މަތިން ބުޅަލަށް ބޭސް ދިނުން (ކާންދިނުމާއި ބޭސްއެޅުމާއި އަދި އިންޖެކްޝަން ޖެހުން)
- ބުޅަލުގެ ލޭ ނެގުމާއި ކުޑަކަމުދާ ތަކެތި ޓެސްޓްކުރުމާއި އަދި މި ނޫނަސް އެހެނިހެން ބަލި ދެނެގަތުމަށް ކުރާ ޓެސްޓުތައް ހެދުން
- އެނެސްތީސިއާ ބެލެހެއްޓުމާއި އޮޕަރޭޝަނަށް ފަހު ރިކަވަރީގައި ތިބޭ ބުޅާތަކަށް ބޭނުންވާ ފަރުވާ ދިނުން
މާލޭގެ މަގުމަތީގައި ދިރިއުޅޭ ބުޅަލެއް.-- ފޮޓޯ: މިހާރު
އޭގެ އިތުރުން ނާސިން ފަރުވާ އާއި ސާޖިކަލް އަދި ކްލިނިކަލް އެހީތެރިކަމާއި ބުޅަލަކަށް ކަމެއް ދިމާވެ ކުއްލި ހާލަތުގައި ދޭން ޖެހޭ ފަރުވާ އާއި ވިލަރެސްކުރުމާއި މުއާމަލާތް ކުރުމާއި ތައުލީމާއި އައުޓްރީޗްގެ އިތުރުން އިންފެކްޝަން ކޮންޓްރޯލް ކުރުން ވެސް ނަރުހުންގެ މަސައްކަތުގައި ހިމެނެ އެވެ.
ހުޅުމާލެ ފަރުކޮޅުފުށި ސަރަހައްދުން 5،000 އަކަފޫޓުގެ ބިމެއްގައި އަޅާ ވަގުތީ ބުޅާ ފެސިލިޓީއަކީ މާލެ ސަރަހައްދުގެ ޕާކްތަކާއި މަގުމައްޗާއި އާންމުން އެހެން ތަންތަނަށް އެއްވެ އުޅޭ ބުޅާތައް ގިނަވެ، ބުޅާތަކަށް ލިބެމުންދާ އަނިޔާތަކާއި ތަފާތު ބަލިތައް ޖެހުމުން ސަލާމަތްކުރުމަށް އަޅަން ފެށި ތަނެކެވެ. އެ ތަނުން ބުޅާތަކަށް ރައްކާތެރި ސާފު މާހައުލެއް ހޯދައިދެވޭނެ ކަމަށް މިނިސްޓްރީ އޮފް އެގްރިކަލްޗާ އެންޑް އެނިމަލް ވެލްފެއާއިން ވަނީ ބުނެފައި އެވެ.
އެ ތަނުގައި މިހާރު ކުރަމުން އަންނަނީ ފިނިޝިންގެ މަސައްކަތްތަކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
2024
24 October 2024
ތިވަރުގެ ބޮޑު އިސްރާފުކުރުމިގެ ބޭނިމަކީ ކޮބައި ފަޅުރަށްތަށް ބައިބަރު މިރާއްޖޭގަ....ބޮއިހަލަކި
މާމަގެ ބުޅާ
24 October 2024
ބުޅާ ފެސިލިޓީގެ ކުރެހުމެއް ދައްކާލަދިންނަމަ. އެތަން ފަރުމާކޮށްފަހުރިގޮތެއްވެސް ބަލާލަންބޭނުން. ފާހާނާ ކުރުމުގެ ނިޒާމު ރަނގަޅަށް ހުންނަންޖެހޭނެ. މިހާރުވެސް މަގެއްމަތިން ހިނގެންނޯވޭ.
އިސްމާލު2.0
24 October 2024
ބުޅާ އާސަންދަ ކޮބާ؟؟
ހާޝިމު
23 October 2024
މިޤައުމުގައި އަހަރުމެންނަށް ވުރެން ބުޅަލުގެ ރައްކާތެރިކަމާއި ހިމާޔަތް މާބޮޑުތަން ކަށަވަރު
ދަލޭކަ ދައިތަ
23 October 2024
އާސަންދަ ފުލް ކަވަރޭޖް ބުޅަލަށް. އަހަރެމެން ޓެކްސް ދައްކައިގެން ވެސް ބޮޑުބައި މިޖެހެނީ ސަލާންޖަހައިގެން ޕޭކުރަން ބޭސްކުރަން ބޭނުންނަމަ، ނޫނީ ސަހަރާއިން ފުރަތަމަ ކޯލް އަންނާނީ އައިޖީއެމްއެޗްއަށްވުރެ ކުރިން. ބުޅާގެ ދަފްތަރުގައި އަވަހަށް ޖެހެންވީ.
ގޯނބިލި މޯޑޫ
23 October 2024
ސަރުކާރުން ކަނޑާލާ 200 ސިޔާސީ މުވަޒަފުން އަށް ތިޔަ ތަނުން ވަޒީފާ ދީފަ ތަ ތިބީ އަނެއްކާ؟؟ އިސްރާފު ކުރުމާއި ބޭކާރު ހަރަދު ކުރަން އުޅޭ ސަރުކާރެއް ނޯންނާނެ މި ނޫނީއްޔާ.
މުނާާ
23 October 2024
ތިޔަ ތަނެއް ހެދިޔަސް ބުޅަލުން ސަލާމަތެއްނުވާނެ. އެހެންނަމަ، ރީހެބް ހުރެގެން ޕާޓޭ ތަކުން އަހަރެމެން މިންޖުވީސް! ބުޅާ ގެންގުޅޭ މީހުން ހަމަ މަގުތަކަށް ބުޅާ ދޫކުރާނެ.
ބުޅަލުގެރަސްކަން
23 October 2024
މުސްކުޅިން ބުނޭ އެކަކުންޏެއް ހަރުކޮންނަންވާނީ އެކަކުންޏެއްގެ ވަރުންނޭ. އެހެންވީމާ މިސަރުކާރަށް ކޮށްދެވޭނެ ވަރަކީ ބުޅާ ދިރިއުޅޭނެ ބޯހިޔާވަހިކަމެއް ހޯދައިދިނުމޭ. އިންސާނުންނަށް ފްލެޓް ސްކީމެއް ހިންގޭފަދަ ގާބިލުކަމެއް ނެތޭ. މިކަން ކޮށްގެންވެސް ރަށުތެރޭގައި މިއުޅޭ ބުޅާތަކުގެ އުނދަގުލުން ސަލާމަތްވިޔަސް އެވެސް ކަމެއްތާ.
އަފީީ
23 October 2024
މީ ދެން ބޮޑުވަރު! އިންސާނުން އައިޖީއެމްއެޗް ގެ އޯފީޑީއަށް ޑަކްޓަރަށް ދައްކަންގޮސް މުޅިދުވަސް! އިންސާނުނަށްވުރޭ ބުޅަލަށް ދޭ ސަމާލުކަމާ ހިދުމަތް ބޮޑު! ބޯހިޔާވަހިކަން ހަމަނުޖެހި އެތައް ބަޔަކު އެބަތިބި، އެކަމަކު ހަމަ ބިމެއްް ކަނޑާ ބުޅަލަށް ގެ އަޅަންވީމަ ބިންވެސް ބޯކޮއްއޮތަކަމަށް މިވީ. ފަޅުރަށަކަށް ތި ބުޅާތައް ގެންގޮސް ދޫކޮށްލަބަލަ.!
އަފީ އެއްނޫން
23 October 2024
އަފީ ދާންވީނުން ފަޅު ރަށަކަށް ދޫވާން؟
ގޮއްޔެ
23 October 2024
އަހަރެމެން އިންސާނުންނަށް ހަމަނޭވާ ލައިގެން ނިދާލެވޭނެގޮތެއްނެތްއިރު ބުޅާ ފެސިލިޓީއާ ބުޅާ ހޮސްޕިޓަލާ، ބުޅާ ރެސްޓޯރެންޓާއި، ބުޅާ ސްކޫލާއި، ބުޅާ ޕާކާއި، ބުޅާ ސުވިމިންގޕޫލާއި، ބުޅާ ފުޓްސަލް ދަނޑާއި، ފުޓްބޯޅަ ދަނޑާއި، ބާސްކެޓްބޯޅަ ދަނޑާއި، ބަށިކޯޓާއި، ޖިމާއި މިހެންގޮސް ނަންހުސްކުރި ހުރިހާ ކަމެއް ފުރިހަމަކޮށް ބޮޑުމުސާރައިގައި އެތަންތަނަށް މުވައްޒަފުން ވައްދައިގެން ބުޅަލަށް ޚިދުމަތެދޭއިރު އަހަރެމެން އިންސާނާގެ އަގެއް އެބައޮތްތޯ؟