ބްރޯޑްކޮމްގެ ރައީސަކަށް އިންތިހާބުކުރި ސަފާ ޝަފީގް -- ފޮޓޯ: ރައީސް އޮފީސް
22 ޖެނުއަރީ 2025 - 14:14
ބްރޯޑްކާސްޓިން ކޮމިޝަން (ބްރޯޑްކޮމް)ގެ ރައީސް ކަމަށް އެ ކޮމިޝަންގެ މެންބަރު ސަފާ ޝަފީގް އިންތިހާބުކޮށްފި އެވެ.
ބްރޯޑްކޮމްގެ ހުސްވެފައިވާ ރައީސްގެ މަގާމަށް ސަފާ އިންތިހާބު ކޮށްފައިވަނީ މިއަދު ބޭއްވި އެ ކޮމިޝަންގެ ބައްދަލުވުމުގަ އެވެ.
އެ ކޮމިޝަންގެ ރައީސް ކަމުގެ މަގާމު ހުސްވީ އެ މަގާމުގައި ހުންނެވި މަރިޔަމް ވަހީދާގެ ދައުރު ހަމަވުމުންނެވެ.
ކުރީގެ ޓީވީ ޕްރެޒެންޓަރެއް ކަމަށްވާ ސަފާ އެ ކޮމިޝަނަށް އައްޔަން ކުރީ ސެޕްޓެމްބަރު، 2023 ގަ އެވެ.
ސަފާ ވަނީ ރާއްޖޭގެ ގައުމީ ޔުނިވާސިޓީ އާއި ލިމްކޮކްވިންގް ޔުނިވާސިޓީ މާސްޓާސް ޑިގްރީ ހާސިލް ކުރައްވައިފަ އެވެ. އަދި އޭނާ ވަނީ ޓީވީއެމްގެ ޕްރެޒެންޓަރެއްގެ ގޮތުގައި ވެސް ގިނަ ދުވަސްތަކެއް ވަންދެން މަސައްކަތް ކުރައްވައިފަ އެވެ.
ބްރޯޑްކޮމް އަށް ރައީސަކު އިންތިހާބުކޮށްފައިވަނީ، އެ ކޮމިޝަންގެ މެމްބަރުކަމުން ހުސްވެފައިވާ ދެ މަގާމަށް ކަމަށް ރައްޔިތުންގެ މަޖިލީހުގެ އިހަވަންދޫ ދާއިރާގެ ކުރީގެ މެމްބަރު މުހައްމަދު އަބްދުﷲ (މުހައްމާ) އަދި ބްރޯޑްކޮމްގެ ކުރީގެ މެންބަރު އާމިނަތު ސަރާހަތު އިއްޒަތު ސިދުގީ އިއްޔެ އައްޔަން ކުރުމަށް ފަހުގަ އެވެ.
ބްރޯޑްކޮމްގައި މި ވަގުތު ތިއްބަވަނީ އަލަށް އައްޔަން ކުރެއްވި ދެ މެންބަރުންނާއި ރައީސް ސަފާ އާއި ނައިބު ރައީސް މުހައްމަދު ފަޒީންގެ އިތުރުން މެންބަރު އާމިނަތު އަމީނާގެ އިތުރުން ޝިފްލާ އިބްރާހީމް އަދި އައިމިނަތު ނުޒުހާ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
މަރިޔާ
23 January 2025
ކިޔެވުމުގެ ބޭނުމެއްނެތޭ ހިތަށް އަރާ.
ލުބާ
23 January 2025
މީ ސާޖިދާ ތިމާގެ ވީމަ ލިބުނު މަގާމެއް! ގައުމެެއްނެތް!!!
އައިޝަތް މާހާ
23 January 2025
އެއްކޮށް ވޯކް ކުރިން 4 އަހަރު. ވަރަށް މަސައްކަތް ވެގެން އުޅޭ. މީހަކަށް ނުހައްގުން އަނިޔާއެއް ނުދޭނެ. އަބަދުވެސް ހަމަހަމަކޮށް މަސައްކަތް ކުރީ. މަރުހަބާ ސަފާ. އިންޝާﷲ ނަތީޖާ ރަނގަޅު ވާނެ
ނިހާލް މުހައްމަދު
23 January 2025
ކޮންގްރާ މަގޭ ކޮލީގް ސަފާ. ޔަގީން ތާރީހުގަ ބްރޯޑްކޮށްމަށް އަންނަ އެއްމެ ގާބިލް ނަޒާހާތްތެރި ރައީސްއަކަށް ވާނެ
ކޮސް
22 January 2025
ދެން މުހައްމާ އިސްވެ ހުރެ ޞަފާމެން ލައްވާ ލަވަޔާ ޑުރާމާ ކުޅޭނީ ތިތާ. ހީވަނީ ރޯދަމަހު ޕީ.އެސް.އެމް އިން އެޕިސޯޑުތައް ދައްކާނެހެން.
ރައުންޑިންގ އެންޑް ރައުންޑިންގ
22 January 2025
ފާތުންނާއި އަޅުގަނޑުގެ ފަރާތުން މަރުހަބާ! ކސ
މައްކުބޭ
22 January 2025
ރާއްޖޭގެ ކޮންމެ ދާއިރާއެއްގައިވެސް މިފެންނަނީ އަންހެހުންނަށް ބޮޑެތި މަޤާމް ދޭތަނެވެ. މިޤައުމުގެ ފިރިހެންނުން ބާކީ ކުރުމުން ޤައުމުގެ ބޮޑެތި މުއައްސަސާތަކުގެ ޑިސިޝަންސްތައް ވީކް ކުރެވެވެމުންދާ މަންޒަރު، ނަގާ ފިރިހެނުންނަކީވެސް ކަމަށް ޤާބިލް ބައެއް ނޫން. ބޭނުމަކީ އެއް ބޭނުމެއް، މުއައްސަސާއެއް ހުއްޓެއްކަމަކު އެތަނަކީ ދަތެއް ނެތް، ނަމެއްގައި ބަހައްޓާތަނަކަށް އެތަންތަން ހެދުން. ވަކި ސަރުކާރެއް ނޫން، ހުރިހާ ސަރުކާރަކުންވެސް ކަންކުރަނީ އެއްބީދައިން.
ރާގޮނޑި
22 January 2025
އެއޮށް ބޮޑު އެމެރިކާގަވެސް ބްރޯޑްކާސްޓިންގް އާއި ޓެލްކޮމް އާއި އިންޓަނެޓް އަދި ފްރީކުއެންސީ ތައް ރެގިއުލޭޓު ކުރަނީ އެފްސީސީ ކިޔާ އެއް މުއައްސަސާއިން. ރާއްޖޭގަވެސް އެބަޖޭ ކޭމް އާއި ބްރޯޑްކޮމް އެއްކޮށްލަން!
ދޯރި-
22 January 2025
ޓީވީއެމްގެ ޕްރެޒެންޓަރެއްގެ ގޮތުގައި ގިނަ ދުވަސްތަކެއް ވަންދެން މަސައްކަތް ކުރިއެއް ކަމަކު ޓީވީއަކުން ދެކުނު ހަދާނެއް ނުވެއެވެ. މިހާރު މީހާއަށް ބޮޑު ބަދަލެއް އައިސްފައިވުން އެކަށީގެންވެއެވެ. ދެން ސުވާލަކީ ޕްރެޒެންޓަރަކަށް އުޅުމަކީ ބްރޮޑްކާސްޓީންގެ ޓެކްނިކަލް މަސައްކަތް އިނގުމެއް ނޫނެވެ.
ރޯދި
22 January 2025
މިއީ ވަރަށް ޓެކްނިކަލް ބައެއް ކަންކަމަށް ބޭނުންކުރާ ބައެއްކަމަށް ހީވުމަކީ ވެސް ބޮޑު ޖޯކެއް.
ސަންޕާ
22 January 2025
މަރުހަބާ