ބްރޯޑްކޮމްގެ މެމްބަރު ޒީނާ: އޭނާ ވަކިކުރަން ކޮމެޓީން ވަނީ ފާސް ކޮށްފައި -- ފޮޓޯ/މިހާރު
13 އޮކްޓޯބަރ 2020 - 12:47
3 comments
ބްރޯޑްކާސްޓިން ކޮމިޝަންގެ މެމްބަރު ޒީނާ ޒާހިރު މަގާމުން ވަކިކުރަން ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމެޓީން ނިންމައިފި އެވެ.
ކުރީގެ ސަރުކާރުގެ ދުވަސްވަރު ގާނޫނީ ވާޖިބު އަދާ ނުކުރުމާއި ވަކި މީޑިއާތަކާ މެދު ތަފާތުކޮށް، ފިޔަވަޅު އެޅުމުގެ މައްސަލާގައި ޒީނާ މަގާމުން ވަކިކުރުމުގެ މަސައްކަތް މިނިވަން މުއައްސަސާތަކާ ބެހޭ ކޮމެޓީން ކުރިން އޮތީ ފަށައިފަ އެވެ.
އެ މައްސަލާގައި ޒީނާ ވަކިކުރަން ނިންމީ އިއްޔެ ބޭއްވި ކޮމެޓީގެ ބައްދަލުވުމުގައި ބައިވެރިވި ނުވަ މެެމްބަރުންގެ ތެރެއިން ފަސް މެމްބަރުންގެ ވޯޓުންނެވެ. އޭނާ މަގާމުން ވަކިވާނީ މަޖިލީހުގެ ޖަލްސާގައި ފާސް ކުރުމުންނެވެ.
ޒީނާ ވަކިކުރަން ނިންމިއިރު، އޭނާގެ މަގާމުގެ ދައުރު ހަމަވާން މިހާރު ބާކީ އޮތީ ފަސް މަސް ދުވަހެވެ.
އެ މައްސަލާގައި ޒީނާގެ އިތުރުން އެ ކޮމިޝަންގެ އެހެން ބައެއް މެމްބަރުންގެ މައްސަލަތައް ބަލައި، އެ ބޭފުޅުން ވަކިކުރަން ވެސް ކޮމެޓީން މިދިޔަ އަހަރު ނިންމި އެވެ. އެކަމަކު މަޖިލީހުގެ ތަޅުމުގައި ވޯޓަށް އެހުމުގެ ކުރިން އޭގެ ތެރެއިން ގިނަ މެމްބަރުން ވަނީ އިސްތިއުފާ ދެއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބްޝާ .
13 October 2020
އަދިވެސް މީނަ ވަކި ނުކުރޭތަ..އެންމެން އިސްތިއުފާ ދިންއިރު ނުދީ.. ހަޔާތްވެސް ކުޑައޭދޯ.. ރަތްލާޖެހި ޔާމީނުގެ އައުވާނުން.
ޙިނި
13 October 2020
ޒިންމާ އަދާނުކޮއް ބާރާބަރައް މުސާރަ ދީފަ. ދެން ވަޒީފާއިން ވަކިކުރީމަ ނިމުނީތަ. ރާއްޖެޓީވީ އިދަޖައްސާލަން ސަރުކާރު އިދާރާއެގަ ހިންގި ސިޔާސީ ކަންކަން ނުބަލާ ނިންމާލަނީތަ. ތިގޮތައް ކަން އުރީމަ ދެން ގެންމީހާވެސް ކަން ކުރާނީއެގޮތަ. ރާވައިގެން ނޫސްމީޑިޔާ އާ ދެކޮޅައް ކަން ކުރީމަވެސް މިދަނީ ގެޔައް . ދައުވާކުރަން ވީ އަދި މިގޮތައް އައްޔަން ކުރާ ސިޔާސީ މަގާމުތައް ކަން ގާނޫނެއްހަދަންވީ. މުސްތަގުބަލުގަ ކަންކަން ރަންގަޅުވާނީ މިމީހުން ކުރިކުޝައް އަދަބުދެވިގެން.
މުބީނު މާރނީ
13 October 2020
ކުދިކުދި ކަންތައްކުރާ މީހުން ދޯ ވަކިކުރަނީ ؟ ކޮބާ ޒަހާ ؟ ކޮބާ ފައްޔާޒު ؟