28 ޖެނުއަރީ 2025 - 12:41
8 comments
ރާއްޖޭގެ ހުރިހާ ސްކޫލަކަށް ބޭނުންވާ ވަސީލަތްތައް ދެ އަހަރު ތެރޭ ހަމަކުރަން ޕްލޭނެއް އެކުލަވާލަން ނިންމާފައިވާ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް މިގޮތަށް ވިދާޅުވީ ހއ. އަތޮޅުގެ ރަށްތަކަށް މިއަދު ފެއްޓެވި ދަތުރުފުޅުގައި އެ އަތޮޅު މުރައިދުއަށް ވަޑައިގެން ރައްޔިތުންނާ ބައްދަލުކުރައްވަ އެވެ.
ރައީސް ވިދާޅުވީ ރާއްޖޭގެ ހުރިހާ ރަށެއްގެ ސްކޫލު ހިމެނޭހެން ކުރިއަށް އޮތް ދެ އަހަރަށް ތައުލީމީ ދާއިރާގެ ޕްލޭނެއް އެކުލަވާލަމުން އަންނަ ކަމަށެވެ. އޭގައި ހިމެނޭނެ ކަންކަމުގެ ތެރޭގައި ސްކޫލްތަކުގެ ތައުލީމީ ވަސީލަތްތައް ގާއިމް ކުރަން ވަރަށް ބޮޑު އިސްކަމެއް ދެއްވާނެ ކަމަށް ރައީސް ވިދާޅުވި އެވެ.
ހއ. އަތޮޅުގެ ރަށްތަކަށް ކުރައްވާ ރަސްމީ ދަތުރުފުޅެއްގައި ރައީސް ޑރ. މުހައްމަދު މުއިއްޒުގެ އަރިހުގައި އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު މުރައިދޫގައި.-- ފޮޓޯ: ރައީސް އޮފީސް
"އެއީ އިންފްރާންސްޓްރަކްޗާ ވައިސް، ޖުމްލަކޮށް ކޮންމެ ރަށަކަށް އެބަ ބޭނުންވޭ ކްލާސްރޫމުގެ ވަސީލަތްތައް، ލެބޯޓްރީ، ލައިބްރަރީ އަދި ސްޓާފްރޫމްތައް އަދި ހޯލް،" ރައީސް ވިދާޅުވި އެވެ.
" މި ކަންކަން އެބަ ޖެހޭ ތަރުތީބު ކޮށްލަން. އޭރުން ދެ އަހަރަށް ބަހާލެވިގެން އެކަން ކުރެވޭނީ."
ރައީސް ވިދާޅުވީ ރިޔާސީ އިންތިހާބުގެ ކެމްޕޭނުގައި ވައުދުވެވަޑައިގެން ގޮތަށް ތައުލީމީ ދާއިރާގެ ހާލަތު ރަނގަޅު ކުރަން ވަރަށް އަވަސް މުއްދަތެއްގެ ތެރޭގައި ޕްލޭން ހަދައި ނިންމަވާނެ ކަމަށެވެ.
ތައުލީމީ ދާއިރާގައި ވެސް އިސްކަން ދެއްވާ ކަންކަން ތަރުތީބު ކުރައްވާ ކުރިއަށް ގެންދަވާނީ އެކަމަށް ބަލައިގެން ކަމަށް އެމަނިކުފާނު ވިދާޅުވި އެވެ.
ތައުލީމީ ދާއިރާގެ އިތުރުން ސިއްހީ ދާއިރާގެ ޕްލޭން ވެސް އެކުލަވާލައްވާނެ ކަމަށް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލާލާ އިންސާނީ
28 January 2025
ތަން ތަން ބިނާނުކޮށް އިންސާނީ ވަސީލަތަށް އިސްކަން ދިނުން ކިހިނެއްވާނެ؟
ދޮން
28 January 2025
ދުވަހަކުނުދާވަރަށް ސުކޫލުތައް ފަހަތަށްދަނީ . ބަޖެޓެއްނުލިބޭ ، ޖަވާބެއްނުދެވޭ ، ފަހަތަށް
ކަތްދައްތަ
28 January 2025
ތިޔަ ޕުލޭން ސާފެވެ. ބެލެނިވެރިންގެ އަތުން ދަރިވަރަކަށް 100ރ ނަގައިގެން ހެދިކާ ހަދާފަ ކުދިންގާތު ގަންނަން ބުނީމާ ޕުލޭނު ފުރިހަމަ ވީއެވެ. ލިބޭ ލާރިން ސްކޫލުގެ އާބާތުރަ ފިލުވާފަ އޭސީ ކުރަން ހެޔޮއެދޭ މީހަކު ހުރިތޯ ބަލާނީއެވެ.
އަންދު ސަނަދު
28 January 2025
މިއީވެސް ފައިސަލްހެން ވަކިކުރަން ޖެހޭ ވަޒީރެއް ހުރިތަނެއް. ވަރަށް ރުންކުރުކޮށް މީހުންނާ ވާހަކަ ދައްކާ، ދުވަހަކުވެސް ހީވެސް ނުލާނެ، މިނިސްޓްރީގެ ވެރިންވެސް ތިބެނީ އުލުބައިންދާފަ. ޕްރިންސިޕަލުންނަކީ މީނާ ދަންނަބައެއްނޫން. ޓީޗަރަކާ އަމުދުން ހަތަރުކަޅި ހަމަކުރަން ބޭނުންނުވޭ. މިހާ ކިބުރުވެރިކަން ހުރެގެން ކިހިނެއް ތައުލީމީ ދާއިރާހިންގާނީ؟ ވަޒީފާ ދެނީ ހުސް ރައްޓެހިންނާ ކްލާސްމޭޓުންނަށް
ބަދޫރާ
28 January 2025
މުޅި މިނިސްޓްރީ ތެރެ ޚަރާބުކޮށްފި. އެތަކެއް ދުވަހު ތެދުވެރި ޚިދުމަތްކުރި މީޙުން އެހެލާލައިފި. މިވަރުގެ ޑިސްރެސްޕެކްޓްފުލް އަރޮގަންޓް މިނިސްޓަރެއް 12 އަހަރު ތެރޭ މިމިނިސްޓްރީ ނުދެކޭ!
ދސ×ޗސ
28 January 2025
ކަމެއް ކޮށްދޭނިއްޔާ ސްކޫލުތަކުގެ ކިޔެވުން އެއް ދަންފަޅިއަށް ބަދަލުކޮށްދީބަލަ
ކަރީނާ
28 January 2025
ފުރަތަނަ ގޮތްދޫކުރާ މިނިސްޓަރަކު ހޯދަބަލަ. ސްކޫލުތަކުގެ ޕްރިންސިޕަލުންނާ ވާހަކަ ދައްކާނެ ވަރުގެ މީހަކު. މިހާރު ހުރި މީހާ އޭނާގެ 3-4 އައުވާނުން ގޮވައިގެން އުޅޭފާޑުން މީހުން ތިބެނީ ފޫހިވެފަ. ޕްލޭން ކުރެޔޭ ކިޔަނީ، މާލެއިން ބޭރު އެއްވެސް ސްކޫލަކަށް ކޮންކަމެއް 2024 ނިމިދިޔައިރު ކޮށްދިނީ؟
ފޭށި
28 January 2025
ތިކަމަށް އެންމެ ފުރަތަމަ އަޅާންޖެހޭ ފިޔަވަޅަކީ އެޑިއުކޭޝަން މިނިސްޓްރީ ހިންގުން ތަންކޮޅެއް ހިތްތިރި، ރައްޔިތުންނާއި ސްކޫލުތަކުގެ ވެރިންނާ ވާހަކަދެއްކޭފެންވަރުގެ މީހަކާ ހަވާލުކުރުން. ބޮޑާ ކަމާއި ކިބުރުވެރިކަމާއެކު ހަރުކަށި ބަސްމަގުންނާއި، ތިމާނޫން މީހަކަށް ކަމެއްނޭނގޭކަމަށް ގަބޫލުކުރެވޭ ވެރިޔަކު ވުޒާރާގަ ހުރެ ރައީސްގެ ތި އެޖެންޑާދާނީ ސުމަކުން.