އައިޖީއެމްއެޗުގެ ހުމުގެ ކުލިނިކްގައި ޑޮކްޓަރަކު މިއަދު ބަލި މީހަކު ބަލަނީ -- ފޮޓޯ: ހުސެއިން ވަހީދު/ މިހާރު
14 މާޗް 2017 - 12:49
14 comments
އައިޖީއެމްއެޗުގެ ޑޮކްޓަރުންގެ ތެރެއިން މިހާރު ޗުއްޓީގައި ތިބި ހުރިހާ ޑޮކްޓަރުންގެ ޗުއްޓީތައް ކެންސަލްކޮށް ޑިއުޓީ އަށް ނެރެފި އެވެ.
އައިޖީއެމްއެޗުގެ ޑިރެކްޓަ އޮފް މެޑިކަލް ސާވިސަސް ޑރ. އަލީ ނަޒީމް ނެރުއްވި އިންޓާނަލްް މެމޯއެއްގައި ބުނެފައިވާ ގޮތުގައި ހުރިހާ ޑޮކްޓަރުން ވެސް މާދަމާއިން ފެށިގެން މި މަހުގެ ނިޔަލަށް ޑިއުޓީ އަށް ނުކުންނަން ޖެހޭނެ ކަމަށެވެ.
"ވަކި ގޮތެއް އަންގަންދެން އޮފްގެ ގޮތުގައި ލިބޭނީ ހަފުތާއަކު އެއް ދުވަސް،" މެމޯގައި ވެ އެވެ.
މިގޮތަށް ހަމަޖެއްސީ މިހާރު ފެތުރެމުންދާ ރޯގާއާ ގުޅިގެން ކަމަށް ވެސް މެމޯގައި ވެ އެވެ.
މާލޭގައި ހަލުއިކަމާ އެކު ހުމެއް ފެތުރެމުންދާތީ ހުރިހާ ސްކޫލަކާއި ޔުނިވާސިޓީތައް ވެސް މިއަދުން ފެށިގެން ވަނީ ބަންދުކޮށްފަ އެވެ. އަދި ހުމަށް ފަރުވާ ހޯދާ މީހުން ގިނަވެ، އައިޖީއެމްއެޗުގައި ވަނީ ހުމަށް ފަރުވާ ދިނުމަށް ހާއްސަ ކުލިނިކެއް ވެސް ހުޅުވައިފަ އެވެ. މި ހުން ފެތުރެމުން ދާއިރު، ސްވައިން ފްލޫ ވެސް ވަނީ ނުރައްކާތެރި ހާލަތަކަށް ގޮސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުޑް
15 March 2017
ޑޮކްޓާޒް ފޯ ހިއުމެނިޓީ.. ވެލް އެޕްރިޝިއޭޓެޑް
އިޔެ
14 March 2017
ޒަމާނުއްސުރެ ފޭދޫ ފިނޮޅަކީ މިކަހަލަ ބަލިމަޑުކަން ފެތުރުނީމަ ބޭނުން ކުރާރަށް. މިހާރު އެވެސް ނެތް.
އިޔެ
14 March 2017
ޑޮކްޓަރުން އަދި ނަރުހުން މާސްކު އެޅުމަކުން ނުފުދޭ. ހޮސްޕިޓަލަށްދާ އެންމެހާ ބަލިމީހުން އަދި މާސްކު ބޭނުންވާ އެންމެނަށް ހިލޭ މާސްކު ދޭހާ މުއްސަނދި ގައުމެއްމީ. މިކަން މިހާރުން މިހާރަށް ކުރުމަށް ސަރުކާރުގައި އެދެން.
ޒައިޝް
14 March 2017
ޑޮކްޓަރުންނާއި ނަރުހުން އަދި ހޮސްޕިޓަލްތަކުގެ މުވައްޒަފުންގެ އަގުހުރި މަސައްކަތް ބަލައިގަންނަން!
ފަގީރު ސޮރު
14 March 2017
ސްވައިންފުލޫއަށް ޝައްކު ކުރެވޭ 2 މީހަކު ރައީސް މައުމޫނުގެ ދުވަސްވަރު ފެނުމާއިއެކު އެކަހެރިކޮށް އެމީހުންނަށް ފަރުވާދޭން މާލެއަތޮޅުގެ ވަކިރަށެއް "ވަގުތީގޮތުން" ތައްޔާރުކޮށް ޚައްސަ ޓީމުތަކެއް އުފައްދާ ހުޅުމާލޭގައިވެސް ސްވައިންފުލޫއަށް ފަރުވާދޭނެ ވަކިތަނެއްހަދާ އެދެމީހުން ރަގަޅުވަންދެން ބެލެހެއްޓީ ދައުލަތުންނެވެ. 2016 ވަނަ އަހަރުގެ ކުރީކޮޅުއާއި މެދުތެރޭ އަދި އަހަރުގެ ފަހުކޮޅު ސްވައިންފްލޫ އިތުރުވާން ފެށުމުން ( އިތުރުވާކަން ސަރުކާރަށް އެގިތިބެ ) ހެލްތް މިނިސްޓްރީން މިކަމަށް އެއްވެސް ފިޔަވަޅެއް އަޅަފައިނުވެއެވެ. ބެއްލެވީ އާދައިގެ ކަމެއްގެ ގޮތުގައެވެ. ސިޔާސީ އެޖެންޑާއެއް ހާސިލްކުރުމަށެވެ. އެހެން ކަމުން މިހަފްތާގެ އާދީއްތަ އާއި ހަމައަށް ސްވައިންފުލޫ ކޮންޓްރޯލް ކުރުމަށް ދައުލަތުން އެއްވެސް ފިޔަވަޅެއް އަޅާފައިނުވާކަމީ ދިވެއްސެއްގެ ހައިސިއްޔަތުން އަޅުގަނޑު ހިތާމަ ކުރާ ކަމެކެވެ. ދުރާލާ ވަގުތު އޮއްވާ ސަރުކާރުން މިރޯގާ ކޮންޓްރޯލް ކުރަން އުޅުނުނަމަ މިހާ ހަލުވި ސްޕީޑެއްގައި ނުފެތުރުނީސްކަން ކަށަވަރެވެ. މާތް ﷲ މިބަލިން ދިވެހި އުއްމަތް ތާއބަދަށް ސަލާމަތް ކުރައްވައިފާދޭވެ. އާމީން.
ހަސަނު
14 March 2017
ރަސްގެ ފާނުގެ ޔޮޓުގައި ތިއްބެވި ޑޮކްޓަރުންވެސް އައި،ޖީއެމް ހޮސްޕިޓަލާއި ގުޅިވަޑައިގަތުމަށް އެދެމެވެ.
އަޙްމަދު
14 March 2017
ﷲ ސުބުޙާނަހޫ ވަތަޢާލާގެ ހަޟްރަތުން ޘަވާބާއި މަދަދަށްއެދި އަޅުގަނޑުމެން ރައްޔިތުންނަށްޓަކައި މަސައްކަތްކޮށްދެއްވާ ހުރިހައި މީހުންނަށް ވަރަށް ބޮޑަށް ޝުކުރިއްޔާ. ޔާ ﷲ އެގޮތަށް މަސައްކަތްކުރާ އަޅުތަކުންގެ ފާފަތައް ފުއްސަވައި ޖަންނަތު ދެއްވާންދޭވެ. އަދި އަޅުގަނޑުމެންގެ ތެރެއިން ބަލިވެފައިވާ އެންމެހައި މީސްތަކުންނަށް އަވަސް ޝިފާއެއްދެއްވާ ރަނގަޅުކޮށްދެއްވާ ފާންދޭވެ. ހަމަކަށަވަރުން އިބަﷲއަކީ ބަލިތަކަށް ޝިފާދެއްވާ އިލާހެވެ.
ހަސަންފުޅު
14 March 2017
އޮފީސްތަކާއި ސަރުކާރުވެސް ބަންދުކޮށްލަންވީ ނޫންތަ.....
ޔާރާ
14 March 2017
ރާސްގެފާނު ކައިރީވެސް ވިދާޅުވޭ އަދި މިކޮޅަށް އަންނަން ނޫޅޭޝޭ. ގައުމުގެ އެންމެ މުހިންމު ރިސޯސްތައް މިވަގުތު ބޭނުން ކުރެވެމުންދަނީ ވަރަށް ނާޒުކު ކަމަކަށޭ.
ނަރުސް
14 March 2017
ޑޮކްޓަރުން އެކަންޏެއް ނުން...ނަރުހުންގެ ގެވެސް 1 އޮފް ގަ ޑިއުޓީ އަށް ނެރެފި