ޖޭއެސްސީއަށް އާއްމުންގެ ތެރެއިން އިދުރީސް އައްޔަންކުރަން ފާސްކޮށްފި

ޖޭއެސްސީ: އެ ކޮމިޝަނަށް އާންމުންގެ ތެރެއިން ކަނޑައަޅާ މެމްބަރު ކަމަށް އިދުރީސް އައްޔަންކުރަން ވަނީ ފާސްކޮށްފައި --- ފޮޓޯ/މިހާރު

15 ޖުލައި 2025 - 15:33

8 comments

ޖުޑީޝަލް ސާވިސް ކޮމިޝަން (ޖޭއެސްސީ) އަށް އާއްމުންގެ ތެރެއިން ކަނޑައަޅާ މެމްބަރު ކަމަށް އިދުރީސް ފައުޒީ އައްޔަންކުރަން ރައްޔިތުންގެ މަޖިލީހުން މިއަދު ފާސްކޮށްފި އެވެ.

ޖޭއެސްސީގައި މިހާރު އާންމުންގެ ތެރެއިން ކަނޑައަޅާފައި ހުންނަވާ މެމްބަރު އައިމިނަތު އުއްމުކުލްސުމްގެ ދައުރު ހަމަވާތީ އެ މަގާމަށް ކުރިމަތިލާން މަޖިލީހުން މިދިޔަ މަހު ހުޅުވާލުމުން އަށް ބޭފުޅަކު ކުރިމަތިލެއްވި އެވެ. އޭގެ ތެރެއިން، 75 އަށް ވުރެ މަތިން މާކްސް ލިބުނު ހަތަރު ބޭފުޅެއްގެ ނަން، ޖުޑީޝަރީ ކޮމެޓީން މަޖިލީހުގެ ތަޅުމަށް ފޮނުވި އެވެ.

އެ ބޭފުޅުންގެ ތެރެއިން، އިންޓަވިއުގައި އެންމެ މަތިން މާކްސް ލިބުނު އިދުރީސް އެ މަގާމަށް އައްޔަންކުރަން މަޖިލީހުން ވަނީ ފާސްކޮށްފަ އެވެ. އޭނާ މި ވަގުތު ހުންނެވީ ލ. ކަލައިދޫ ކައުންސިލްގެ ސެކްރެޓަރީ ޖެނެރަލްގެ މަގާމުގަ އެވެ.

ޖޭއެސްސީގައި ތިއްބަވަނީ އާންމުންގެ ތެރެއިން މަޖިލީހުން ކަނޑައަޅާ މެމްބަރަކާއި ސިވިލް ސާވިސް ކޮމިޝަންގެ ރައީސާއި ބަންޑާރަ ނާއިބާއި ރައީސުލްޖުމްހޫރިއްޔާ ކަނޑައަޅާ މެމްބަރަކާއި ގާނޫނީ ވަކީލުންގެ ތެރެއިން ކަނޑައަޅާ ވަކީލަކާއި ދަށު ކޯޓުތަކުން ކަނޑައަޅާ ފަނޑިޔާރަކާއި ހައިކޯޓުން ކަނޑައަޅާ ފަނޑިޔާރެއްގެ އިތުރުން ސުޕްރީމް ކޯޓުން ކަނޑައަޅާ އެ ކޯޓުގެ ފަނޑިޔާރެކެވެ.

ރައްޔިތުންގެ މަޖިލިސް ޖުޑީޝަލް ސާވިސް ކޮމިޝަން މިނިވަން މުއައްސަސާތައް

8 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބުދުލް ޤާދިރު

16 July 2025

ތައުލީމީ ފެންވަރު ކިތައްމެ ރަނގަޅަސް ކިތައްމެ ތަޖުރިބާއެއް ހުއްޓަސް މި ސަރުކަރު މަޤާމު ދޭނީ އެދޭ މީހުންގެ ތެރެއިން ތަޢުލީމެއް ތަޖުރިބާއެއް ނެތް މީހާއަށް. ކުރިމަތިލި 8 ބޭފުޅުންގެތެރޭގައި އުސްތާޒުންނާއި ޑރ. އިން ތިއްބެވި އިރު ރުހުންދޭން ފެނުނުމީހަކީ ތީ. ތައުލީމީ ދާއިރާވެސް ބޮއްސުންލައިގެން ދިޔައީ މި ކަހަލަ ކުނިބުނި މަޤާމުތަކަށް ނަގާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސްތޫރު

16 July 2025

ޖޭއެސްސީ އަށް ފަހުގެ ތާރީހެއްގައި އައްޔަން ކުރެވޭ އެއްމެ ހަރުދަނާ ރަނގަޅު މީހަކަށް ވާނެ މި ބޭފުޅާ. އެކުގަ އުޅުނު އިރުވެސް އެހާ ހަރުދަނާ މަސައްކަތައް ފަރުވާތެރި ބޭފުޅެއް