މިއީ ރައްޔިތުންގެ ފަޅީގެ ސަރުކާރެއް: ރައީސް

ރައީސް ޑރ. މުހައްމަދު މުއިއްޒު ހިތާދޫއަށް ވަޑައިގެން

ފާތިމަތު އަޖްފާން، މިހާރު

13 އޯގަސްޓް 2025 - 12:58

އެ މަނިކުފާނުގެ ސަރުކާރުން އަބަދުވެސް މަސައްކަތް ކުރާނީ ރައްޔިތުންގެ ފަޅީގައި ތިބެގެން ކަމަށާއި އެ އަށް ވުރެ މުހިންމު އެހެން ކަމެއް ނޯންނާނެ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.

ރައީސް އެހެން ވިދާޅުވީ މިހާރު ބ. އަތޮޅަށް ކުރައްވާ ދަތުރުފުޅުގައި މިއަދު އެ އަތޮޅު ހިތާދު އަށް ވަޑައިގެން ރައްޔިތުންނާ ވާހަކަފުޅު ދައްކަވަމުންނެވެ.

"ރައްޔިތުންނަށް ބޭނުންވާ ވަރަށް ވުރެ މުހިންމު ކަމެއް ނޯންނާނެ އަޅުގަނޑަކަށް އަދި މި ސަރުކާރަކަށް،" ރައީސް ވިދާޅުވި އެވެ.

އެ ބައްދަލުވުމުގައި އެމަނިކުފާނު ވިދާޅުވީ މިދިޔަ ދޮޅު އަހަރުގެ ތެރޭގައި ސަރުކާރުގެ ސިޔާސަތުތައް ތަންފީޒު ކުރުމަށް ގިނަ ފިޔަވަޅުތައް އަޅުއްވާފައިވާނެ ކަމަށެވެ.

އެގޮތުން ހުރިހާ ރަށަކަށް ވެސް ހަމަހަމަ އުސޫލެއްގެ ތެރެއިން ހިދުމަތް ދީ، ތަރައްގީގެ މަޝްރޫއުތައް ހިންގުމަށް ކުންފުނިތަކާއި ހަވާލުކޮށް، ބައެއް މަޝްރޫއުތައް ހިނގަމުންދާކަމަށް ވެސް ރައީސް މުއިއްޒު ވިދާޅުވި އެވެ.

ރައީސް މުއިއްޒު ހިތާދޫގެ ރައްޔިތުންނާ މިއަދު ބައްދަލުކުރައްވަނީ.---ފޮޓޯ: ރައީސް އޮފީސް

ބައެއް ރަށްރަށުގެ ތަރައްގީއަށް ފަށާ މަޝްރޫއުތަކާ މެދު ރައްޔިތުންގެ ކަންބޮޑުވުން ހުރިކަން އެނގިވަޑައިގަންނަވާ ކަމަށާއި އެ ފަދަ މަޝްރޫއުއެއް ރައްޔިތުން ބޭނުން ނުވާ ގޮތަކަށް ނުފައްޓަވާނެ ކަމަށް ރައީސް ވިދާޅުވި އެވެ.

ބައެއް ރަށްރަށުގައި ގާ އެތުރުމާއި ތާރު އެޅުމަށް އެ ރަށްރަށުގެ ރައްޔިތުން ބޭނުން ނުވާތީ ސަރުކާރުން އެ މަޝްރޫއުތައް ހިންގާނީ އެ ކަންކަމަށް ބަލައިގެން ކަމަށް ވެސް އެ މަނިކުފާނު ވިދާޅުވި އެވެ. އެހެންވެ، ހިތާދޫގެ މަގުތައް ވެސް ހަދާނީ އެ ރަށުގެ ރައްޔިތުން ބޭނުންވާ ކޮންސެޕްޓަކަށް ކަމަށް ރައީސް ވިދާޅުވި އެވެ.

އެ މަނިކުފާނުގެ ދަތުރުފުޅުގައި މިއަދު ވަނީ ހިތާދޫގެ ބިން ހިއްކުމުގެ މަސައްކަތް އެމްޓީސީސީއާ ހަވާލުކުރުމުގެ އެއްބަސްވުމުގައި ސޮއިކޮށްފަ އެވެ. އަދި އެ ރަށު ސްކޫލްގައި މަލްޓިޕާޕަސް ހޯލެއް އިމާރާތްކުރުމުގެ މަސައްކަތް އެފްޑީސީއާ ވެސް މިއަދު ހަވާލުކުރި އެވެ.

މަލްޓިޕާޕަސް ހޯލްގެ މަސައްކަތް އެފްޑީސީއާ ހަވާލުކުރި ޑިޒިން އެންޑް ބިލްޑް އުސޫލުންނެވެ.

ބ. ހިތާދޫ ރައީސް ޑރ. މުހައްމަދު މުއިއްޒު

21 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑރ ވާންޗޯ

14 August 2025

ރައިއްޔަތުންފަޅީގަ!!!. އެކަމަކު ރައިއްޔަތުމީހާ މިއުޅެނީ 20ރ އަށްވުރެދަށުން ބޭސްފަރުވާއަކަށްވެސް ޑޮލަރެއްނުލިބިގެން. 1000 ޑޮލަރވެސްދެނީ ރާއްޖޭންބޭރުން ބޭސްކުރަންޖެހޭކަމަށް ޑޮކްޓަރގެ ލިޔުމެއްއޮވެގެން. އެލިޔުމަކީ ލިބޭއެއްޗެއްނޫން އާސަންދައިގެދަށުން ފޮނުވަންބޭނުންވާ މީހަކަށްނޫނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

14 August 2025

މިސަރުކާރުވެސް އޮތީ ބިދޭސީންގެ ފަޅީގަކަން، ވަޒީފާއެއްގަ އުޅޭ ދިވެއްސަކަށް ނުލިބޭހާ ގިނަ ޢިނާޔަތްތައް ބިދޭސީންނަަށް އޮންނަ އޮތުމުން އެކަނިވެސް ސާފުއެވެ! %100 ބިދޭސީ މުވައްޒަފުން ލައިގެން ހިންގޭ ކަންމަތީ ފިހާރަތަކާއި ހޮޓާތައްވެސް ވަރަށް ގިނައެވެ. ސުޕަމާކެޓްތަކާއި ކެފޭތަކުގެ ކައުންޓަރުންވެސް މިއަދު ފެންނަނީ މުޅިންހެން ބޭރުމީހުންނެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސް

14 August 2025

ރައްޔަތުން ނޫން ފަޅިއެއް އޮވޭތަ؟ އޮތިއްޔާ ސައްހަ ފަޅިޔަކަށް ނުވާނެ. ދައުލަތުގަ ތިބޭ ހުރިހާ އެންމެންނަކީ ރައްޔަތުންގެ ހާދިމުން، މުސާރަ ދީފަ އަމާނާތެއް ހަވާލު ކޮށްފަވާ މީހެއް ކޮންމެ މީހަކީވެސް. ރައީސް ވެސް ލައިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗޫޤީ

14 August 2025

ހިތުން ރައްޔިތުންގެ ސަރުކާރެއް އެކަމަކު ޕާޓީ ވެރިކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަފާޒް ސަލީމް

14 August 2025

ފެނިގެން މިދަނީ ހަގީގަތުގައިވެސް ރައްޔިތުން ފަޅީގައި އޮތް ސަރުކާރެއް. މިސަރުކާރުން ދަނީ ރައްޔިތުން އެދޭ ކަންކަން ހަގީގަތުގައިވެސް ކޮށްދެމުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސފަފަ

13 August 2025

ގައިމު އެއްވެސް ތާކުން އެއްވެސް މީހަކާ ދިމާނުވޭ މިހާރު މިސަރުކާރަށް ތާއީދު ކުރާ އެންމެ މީހެއްވެސް މިހާރަކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

13 August 2025

ކޮންމެ ސަރުކާރަކުން ބުނަނީ ހަމަ ތިހެން. ސަރުކާރު ހޮވަނީ ރައްޔިތުން، އެހެންވީމަ ކޮންމެ ސަރުކާރެއް އޮތަސް އެއީ ރައްޔިތުންގެ ސަރުކާރެއ،ް ރައްޔިތުންގެ "ފަޅި" އޭ ކިޔަނީ ސިޔާސީ ބަހެއް. ރާއްޖޭގެ ރަައްޔިތުންނަކީ އެއްބަހަކުން ވާހަކަދައްކާ އެއް ދީނެއްގެ އެއްބައެއް. ދިވެހި ރައްޔިތުންގެ ތެރޭ އެކި ފަޅި ފަޅި ތިބޭކަމަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެން

13 August 2025

ލަދުނުގަންނަމީހާ، ކޮންމެވާހަކައެއްވެސްދައްކާނެ، އަދި ކޮންމެކަމެއްވެސްކުރާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސެނަދެ

13 August 2025

ބާކީއޮތީ 3 އަހަރާ ކުޑަދުވަސްކޮޅެއް! ކުރެވުނު ކަމެއް ކޮއްލާތި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންސާފުގާރު

13 August 2025

ރައްޔިތުންފަޅީގެ ސަރުކާރެއް ކަމަށް ގަބޫލެއްނުކުރެވޭ. އެހެންނަމަ ނޫސަންދައާއި އެހެނިހެން ކްލިނިކް ތައް ބަނގުރޫޓްކޮށް، ފައިސާނުދީ ހިފަހައްޓާ، އެތަންތަނުގެ މުވައްޒަފުންގެ ޢާއިލާތަށް ނިކަމެތި ނުކުރާނެ. ބޭސްތަށް ނުލިބި ރައްޔިތުން އިނދަޖެހޭގޮތަށް ޕޮލިސީ ހަދައިގެން، ކުދި ވިޔަފާރިތައް ހަލާކުކުރަން ގައުމެއްގެ ރައީސް ނުނިކުންނާނެ.