އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު "މިހާރު" އަށް އިންޓަވިއުދެއްވަނީ.-- ފޮޓޯ: ނިޝާން އަލީ / މިހާރު
28 އޯގަސްޓް 2025 - 14:29
އޭ ލެވެލްއަށް ކިޔަވަން ބޭނުންވާ ކުދިންގެ އަދަދު އިތުރުވެފައިވާ ކަމަށާއި ސަރުކާރު ސްކޫލްތަކުން ހުރިހާ ކުދިންނަށް ޖާގަ ދެވޭނެ ކަމަށް އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު މިއަދު ވިދާޅުވެއްޖެ އެވެ.
މީގެ ކުރިން އަމިއްލަ ސްކޫލުތަކުގައި އޭ ލެވެލް ކިޔަވާ ދަރިވަރުންނަށް ވެސް ފީ ދައްކަމުން ދިޔައީ އެޑިޔުކޭޝަން މިނިސްޓްރީންނެވެ. ނަމަވެސް މި އަހަރު ވަނީ އަމިއްލަ ތަންތަނުގައި ކިޔަވާ ނަމަ ދެން މިނިސްޓްރީން ފީ ނުދައްކާނެ ކަން ޕްރައިވެޓް ސްކޫލުތަކަށް އަންގައިފަ އެވެ.
އެ ބަދަލާ ގުޅޭގޮތުން ވާހަކަ ދައްކަވަމުން އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު "މިހާރު" އަށް ވިދާޅުވީ މިދިޔަ އަހަރު އޯލެވެލް ނިންމި ދަރިވަރުންގެ ތެރެއިން އޭ ލެވެލް ކިޔަވަން ބޭނުންވާ ހުރިހާ ކުދިންނަށް ސަރުކާރު ސްކޫލުތަކުން ޖާގަ ދެވޭނެ ކަމަށެވެ.
މާލެ އާއި ހުޅުމާލޭގެ ސީއެޗްއެސްއީން ފުރުސަތު ނުދެވިއްޖެ ނަމަ ޕްރައިވެޓް ސްކޫލުތަކުން އެ ދަރިވަރުންނަށް ޖާގަ ހޯދައި، ފީ ވެސް މިނިސްޓްރީން ދައްކައިދޭނެ ކަމަށް އިސްމާއިލް ވިދާޅުވި އެވެ.
"އެ ދަރިވަރަކު ކިޔަވާ ރަށެއްގައި އޭ ލެވެލް ކިޔަވައިދޭ ސްކޫލަކުން ޖާގަ ނުލިބޭ ހާލަތެއްގައި މިނިސްޓްރީން އެ ކުއްޖާ ޕްރައިވެޓް ސްކޫލަށް ވައްދައިގެން ޖާގަ ހޯދައިދޭނެ. މިއީ އެއްވެސް ގޮތަކަށް ކަންބޮޑުވާންވީ ކަމެއް ނޫން،" މިނިސްޓަރު ވިދާޅުވި އެވެ.
"އަޅުގަނޑުމެން މި ލަފާކުރަނީ 1500 ކުދިން ޖުމްލަ، ދެ ސީއެޗްއެސްއީއަށް ވަންނަން ހުށަހަޅާނެ ކަމަށް. އެ އަދަދަށްވުރެ އިތުރަށް ވެސް ޖާގަ އެބަހުރި، ކުދިން ތިބިއްޔާ ވެއްދޭނެ. ދެ ސީއެޗްއެސްއީން ޖާގަ ނުދެވިއްޖެނަމަ އަމިއްލަ ސްކޫލުތަކަށް ވައްދައި، ފީ މިނިސްޓްރީން ދައްކައިދޭނަން."
އޭ ލެވެލް އަށް ކިޔަވާ ކުދިންގެ އަދަދު އިތުރުކުރަން މި ސަރުކާރުން ވަނީ ބަދަލުތަކެއް ވެސް ގެނެސްފަ އެވެ. އޭގެ އިތުރުން މިނިސްޓްރީން ވަނީ އިތުރު 23 ސްކޫލެއްގައި އޭލެވެލްއަށް ކިޔަވައިދިނުމުގެ ހުއްދަ ވެސް ދީފަ އެވެ.
މިނިސްޓަރު ވިދާޅުވީ އަންނަ ދިރާސީ އަހަރާއެކު އިތުރު ހަތް ސްކޫލަކަށް އޭލެވެލް ކިޔެވުމުގެ ހުއްދަ ދިނުމަށް ނިންމާފައިވާ ކަމަށެވެ. އެ ބަދަލުތަކާ އެކު އޭ ލެވެލް ކިޔަވަން ބޭނުންވާ ދަރިވަރުންގެ އިތުރުވެފައިވާ ކަމަށް ވެސް އިސްމާއިލް ވިދާޅުވި އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ހަޤީޤަތަކީ...
28 August 2025
ހުރަވީ ސްކޫލަށް، މާލޭގެ ބޮޑަތި އާބާދީގެ ސްކޫލްތަކުން ކުޑަ ދުވަސް ކޮޅަކަށް ނަމަވެސް، ތަޖުރިބާ ހުރި ރަގަޅު ލީޑިންގ ޓީޗަރުންނާ ޓީޗަރުންލުމަކީ އަޅުގަނޑުގެ ވަރަށްބޮޑު އެދުމެއް، ޕްރައިމަރީ ގްރޭޑް ފަހަކަށްވެސް ދެނީ އެހާމެ ފެންވަރުދަށް ޕޭޕަރު، ޖަމާލުއްދީނުގައި ކިޔެވިއިރު މޮޅުދަރިވަރެއް ނަމަވެސް މިހާރުވަނީ ޕޭޕަރު މާފަސޭހަވެެ އިތުރަށް ދަސްކުރުމަށް ފޫހިވާން ފަށާފަ، ހުރިހާމާއްދާއިން ފްލީ އެޗީވް ލިބޭތީ ބެލެނިވެރިން ރުހިފައި ތިއްބަސް އެއްޗަކީ އޯލެވެލް ނަތީޖާ.
ބެލެނިވެރިއެއް
28 August 2025
އަހްމަދިއްޔާ ކަހަލަ އަވަށުމަދަރުސާތަކަކީ އަމިއްލަބަޔަކު ހިތްވަރާއެކު ހިންގާ ޕަބްލިކްޕްރައިވެޓް ސްކޫލްތަކެއް ކަމަށްވާތީ ހުރިހާ ސަރުކާރަކުންވެސް ލުއިތަކެއްދޭ. ދެޖިންސް ވަކިކޮށް، އަންހެން ކުދިންވަކި ކްލާސްތަކެއްގަ، ފިރިހެންކުދިން ވަކި ކްލާސްތަކެއްގައި ކިޔަވައިދީގެން ޑިސިޕްލިން ހިފަހައްޓާ ސްކޫލެއްކަމަށްވާތީ ކިތަންމެ ފަޤީރަސް ކިރިޔާ ވިޔަސް އަހްމަދިއްޔާއަށް ލާން ބެލެނިވެރިން ތިބޭނެ، ސީއެޗްއެސްސީގަވެސް މިގޮތަށް ކިޔަވައިދޭނަމަ ގިނަ ބެލެނިވެރިން އޯކޭވާނެ
ާއަލޭ
29 August 2025
ތީ ބޭފުޅަކު ހިތުހުރި ގޮތަކަށް މުސާރަ ކަޑައަޅައިގެން ކުދިން ދަށްކާ ފީގެ އިތުރުން ސަރުކާރުން ވޭތުވެދިޔަ 5 އަހަރު ދެެއްވި 100 މިލިޔަން ރުފިޔާ އަށްވުރެ ގިނަ ރުފިޔާ މިސްޔޫސް ކުރާ ތަނެއް!
އަބްދުލްގާދިރު
28 August 2025
ސީއެޗްއެސްއީގެ ޓީޗަރުންތައް ދެބަޔައް ބަހާލާފައި، ސެކަންޑަރީ ސްކޫލުތަކުން މުޅިން އަލަށް މަތީ ސާނަވީއައް ކިޔަވައިދޭން ޓީޗަރުން ނަގާފައި ދެތިން ހަތަރު ދަންފަޅި ހަދައިގެން ކޮންއެއްޗެއް ހަދަންތޯ ތިއުޅުއްވަނީ؟ ރަނގަޅަށް ހިނގަ ހިނގާ ހުރި ސްކޫލެއް މުޅިން ހަލާކުކޮއްލައިފި.
ކކކކކ
28 August 2025
އޭލެވެލް އަށް އޯލެވެލް ނަތީޖާ ދަށްކުދިން ވައްދާގެން އެކުދިންގެ އުމުރުން 2 އަހަރު ބޭކާރު ކުރަންތަ ސަރުކާރުން ބޭނުންވަނީ. އޯލެވެލް މަތީ މާރކްސް ހޯދާކުދިންވެސް އޭލެވެލް އިން އީ ފާސްވެސް ނުލިބޭ. ކީކޭ އަޅެ ބުނާނީ!!
ވާން
29 August 2025
ވާނުވާ ދިރާސާކޮށްގެން ލިޔުއްވާ! ދުނިޔޭގެ އެންމެ ތަރައްގީ ތަންތަނުގައި ހައިސްކޫލަށް ކިޔަވާނެ ބައިވަރު ޕާތުވޭތައް ހުރޭ. އެކަޑަމިކް، ވޮކޭޝަނަލް، އިންޓާރން ފަދަ އިހްތިޔާރުތައް ދޭ. ރާއްޖޭގައިވެސް ގެނައީ މި ބަދަލު. މީ ގެންނަން ލަސްވެފަ އޮތް ބަދަލެއް. އެކަޑަމިކަލީ މޮޅެތި ކުދިންނަށް އެކަޑަމިކް، އެއަށްވުރެ ދަށް ކުދިންނަށް އެހެން ގޮތެއް އިހްތިޔާރު ކުރެވެން އެއޮތީ.
އެކަލޯ 1
29 August 2025
އޭލެވެލްގައިވެސް ދެވޭ އިމްތިހާނު ބަދަލުކޮށްލާނެ. ސްޓޭންޑެޑް ޓެސްޓެއްކަމަށް ވާ އެޑެކްސެލް އިމްތިހާނުގެ ބަދަލުގައި ގިނަކުދިން ފާސްކުރުމަށް ކެމްބުރިޖަށް އޯލެވެލް ބަދަލު ކުރިފަދައިން ދެން އިވޭނީ އޭލެވެލް ހަދާ އިމްތިހާނު ބަދަލު ކުރާ ވާހަކަ. އޯލެވެލްގައި ކެމްބުރިޖް އިމްތިހާނުން އޭފާސް ގެންނަ ދަރިވަރުންނަށް އެޑެކްސެލް ޕޭޕަރެއް ހަދަން ދިނުމުން ޑީ ފާސް ނުހޯދޭ.
ގައުމީދޫ.
28 August 2025
ޖާގަ ދެވިދާނެ އެކަމަކު އެކުދިން އޭލެވެލް އިން ފާސްވާ ފެންވަރަށް ގެންނަން އެއްވެސް މަސައްކަތެއް ރާވާފައިވޭތޯ!
ފިލޮޅު
28 August 2025
ފޮނި ނުކަނޑާ ޖޭ.އެސް ގްރޭޑް 2ބީ ގެ ޓީޗަރުން ހަމަކޮށްބަލަ. މިހާރު ކޮންމެ ދުވަހަކު ޓީވީ ބަލާފަ ގެޔަށޭ ފޮނުވާލަނީ.
ފަރު
28 August 2025
ކުރީ ސަރުކާރުތަކުންވެސް އަމިއްލަ ސްކޫލްތަކުން އޭލެވެލް އަށްކިޔަވާ ކުދިންނަށް ފީދައްކާގޮތަށް ނިންމާ އަމިއްލަ ސްކޫލްތަކާ ހަވާލުކުރީ ސީއެޗްއެސްސީއިން އޭލެވެލްއަށް ކިޔަވަންބޭނުންވާ ހުރިހާ ކުދިންނަށް ޖާގަދެވެންނެތިގެން މިނިސްޓްރީއިން އެއްވެސް ދިރާސާއެއްހެދިންތޯ އަމިއްލަ ސްކޫލްތަކުން ކިޔަވާ ކުދިންނަށް ފީދައްކާދިނުންތޯ މާލޭގައި އިތުރު ސްކޫލްތައް އަޅާގެން ސަރުކާރުން ހިންގުންތޯ ޚަރަދުކުޑައީ އަދި ކުދިންގެ ކިޔެވުމާއި އަޚުލާގުރަގަޅީ
ނަނާހުވަފެން
28 August 2025
ސީއެޗްއެސްސީ އޯވަރ ކްރައުޑް ކޮށްލީމަ ހުރިހާ ގެއްލުމެއް ކުދިންނަށް
އިބްރާހީމް
28 August 2025
ސަރުކާރަށް ކުރުވެންޏާ ތިގޮތް މާޤައުމަށްފައިދާބޮޑުވާނެ, ތިހެންނުވެގެން އޭޑީކޭ ތަންތަންވެސް މުއްސަދިވީ, ތިގޮތުގައި ހިފަހައްޓާ އަދި ސަރުކާރު ސްކޫލްތައްވެސް ހިތްވަރުކޮށްލާ އެނގިދާނެތާ
ކކކކކކ
28 August 2025
އޭލެވެލް ހުތިހާ ކުދިންނަށް ހިލޭ ކިޔަވަައިދެވެންވާނެ. އަހްމަދިއްޔާއާ ވިލާގަ ކިޔަވަނީ ސީއެޗްއެސްސީ ގެ ޖާގަ މަދުވުމުން. ސަރުކާރުން މިކަމާމެދު ވިސްނާނެކަމަށް އުންމީދުކުރަން.
އަލީއާ
28 August 2025
ސަރުކާރު ސުކޫލްތަކުން ޖާގަނެތިގެން އަމިއްލަ ސުކޫލްތަކަށް ދާންޖެހޭކުދިންގެ ފީ ސަރުކާރުން ދައްކާނެވާހަކަ މިއާޓިކަލްގަ އެބައޮތެއްނޫންތޯ.