ޚަބަރު / މުހައްމަދު މުޖުތާޒް (ރައީސް، ސީއެސްސީ)

ޖޭއެސްސީއަށް މުޖްތާޒް އައްޔަންކުރައްވައިފި

ޖޭއެސްސީގެ މެމްބަރު ކަމަށް މުޖުތާޒު އައްޔަންކުރައްވައި މަގާމުގެ ލިޔުން ރައީސް ޑރ. މުހައްމަދު މުއިއްޒު ހަވާލުކޮށްދެއްވަނީ. -- ފޮޓޯ | ރައީސް އޮފީސް

މާއިދާ މުހައްމަދު ރަޝާދު، މިހާރު

17 ސެޕްޓެމްބަރ 2025 - 09:41

3 comments

ޖުޑީޝަލް ސާވިސް ކޮމިޝަން (ޖޭއެސްސީ)ގެ މެމްބަރު ކަމަށް ސިވިލް ސާވިސް ކޮމިޝަނުގެ ރައީސް، މުހައްމަދު މުޖްތާޒު މިއަދު އައްޔަން ކުރައްވައިފި އެވެ.

ރައީސް އޮފީހުގައި ބޭއްވި ރަސްމިއްޔާތުގައި މުޖްތާޒަށް މަގާމުގެ ހުވާ ލައިދެއްވީ ސްޕްރީމް ކޯޓުގެ ފަނޑިޔާރު މުހައްމަދު ސަލީމެވެ.

ހަނިމާދޫ ދާއިރާގެ މެމްބަރުކަން ވެސް ކުރިން ކުރެއްވި މުޖްތާޒު ޖޭއެސްސީއަށް އަައްޔަންކުރައްވައި މަގާމުގެ ލިޔުން ހަވާލުކޮށްދެއްވީ ރައީސް ޑރ. މުހައްމަދު މުއިއްޒެވެ.

ރައީސް އޮފީހުން ބުނި ގޮތުގައި ޖޭއެސްސީގެ މެމްބަރު ކަމަށް މުޖްތާޒް އައްޔަންކުރެއްވީ ސިވިލް ސާވިސް ކޮމިޝަނުގެ ރައީސްގެ ހައިސިއްޔަތުންނެވެ.

ޖޭއެސްސީގައި ތިއްބަވާ 10 މެމްބަރުންގެ ތެރެއިން ތިން މެމްބަރުންނަކީ ސީދާ މަޖިލީހުން ކަނޑައަޅާ މެމްބަރުންނެވެ. އެއީ މަޖިލީހުގެ ރައީސާއި މަޖިލީހުން ކަނޑައަޅާ މެމްބަރުގެ އިތުރުން އާންމުންގެ ތެރެއިން އެ މަޖިލީހުން ކަނޑައަޅާ މެމްބަރެވެ.

ޖޭއެސްސީގައި ދެން ބާކީ ތިއްބަވާ ހަތް މެމްބަރުންނަކީ ރައީސުލްޖުމްހޫރިއްޔާގެ މެމްބަރަކާއި ބަންޑާރަ ނައިބާއި ސިވިލް ސާވިސް ކޮމިޝަންގެ ރައީސްގެ އިތުރުން ވަކީލުންގެ ތެރެއިން އިންތިހާބުކުރާ މެމްބަރަކާއި ތިން މަރުހަލާގެ ކޯޓުތަކުގެ ތިން ފަނޑިޔާރެކެވެ.

ޖުޑީޝަލް ސާވިސް ކޮމިޝަން ރައީސް އޮފީސް މުހައްމަދު މުޖުތާޒް (ރައީސް، ސީއެސްސީ)

3 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބޫ

17 September 2025

ސީ.އެސް.ސީ ގެ ރައީސް ޖޭ.އެސް.ސީ ގެ މެންބަރަކަށްވާިއރު ޖޭ.އެސް.ސީ ގެ ރައީސް ސީ.އެސް.ސީ ގެ މެންބަރަކަސް ނުވަނީ ކީއްވެބާ؟ މިއީ ހަމަ މިނިވަން މުސްތަޤިއްލު ކޮމިޝަންތަކުގަ އެކަން އޮންނަން ޖެހޭ އުޞޫލުބާ؟ ޤާނޫނީ ފަންނުގެ ކޮންމެސް ބޭފުޅަކު މި އަށް ޖަވާބެއް ދެއްވައިފިނަމަ ވަރަށް ރަނގަޅު