މަޝްހޫރު ލަވަކިޔުންތެރިޔާ މަރިޔަމް މައީޝާ (ރާޅު މަރިޔަމް).-- ފޮޓޯ: ޕީއެސްއެމް
23 އޮކްޓޯބަރ 2025 - 15:06
ދަރިއަކު ނުހުންނަ އަދި ކައިވެންޏެއް ވެސް ނުކުރާ، މަޝްހޫރު ލަވަކިޔުންތެރިޔާ މަރިޔަމް މައީޝާ (ރާޅު މަރިޔަނބު) އޭނާގެ ދަރިފުޅަށް އިހުމާލުވާ ކަމަށް ބުނެ މީހަކު ކުރި ރިޕޯޓަކާ ގުޅިގެން ސޯޝަލް އެންޑް ފެމެލީ ޑިވެލޮޕްމަންޓް މިނިސްޓްރީން އޭނާގެ ގެއަށް ދިޔަ ކަމަށް ބުނާ މައްސަލައެއް ފެންމަތިވެއްޖެ އެވެ.
މައީޝާ މިއަދު "މިހާރު" އަށް ބުނީ ދެ އަހަރުގެ ދަރިފުޅަށް އިހުމާލުވާ ކަމަށް ބުނެ ކާކުކަން ނޭނގޭ ގޮތަށް މީހަކު ރިޕޯޓްކޮށްފައިވާ މައްސަލައަކާ ގުޅިގެން ފެމެލީ ޑިވެލޮޕްމަންޓް މިނިސްޓްރީން މިއަދު އެންމެ ފުރަތަމަ ގުޅީ އޭނާގެ ދައްތައަށް ކަމަށެވެ.
"ދައްތައަށް ގުޅާފައި ބުނީ މައީގެ ހުރޭހޭ ދެ އަހަރުގެ ... ކިޔާ ފިރިހެން ކުއްޖެއް ... އަތޮޅެއްގެ ރަށެއްގައި، ކޮންމެ ވެސް މީހަކާ އެކު އަޅުގަނޑު ހޯދާފައި ހުރި. އެ ކުއްޖާ އަޅުގަނޑު އަތުން ނަގަންވެގެންނޭ މި ގުޅީ، އަޅުގަނޑު އުޅޭ ތަނެއް ހޯދާށޭ،" މައީޝާ ބުންޏެވެ.
Thread:
— Mariyam Maeesha (@RaalhuMariyambu) October 23, 2025
Today, my sister got a call from the Ministry of Social and Family saying that I have a 2 year old child and they want to take the child from me due to an anonymous report made by someone.
އެންމެ ފުރަތަމަ ހީކުރީ އެއީ ޕްރޭންކް ކޯލެއް ކަމަށް ކަމަށާއި ފަހުން ނަންބަރު ވެރިފައި ކުރުމުން އެއީ މިނިސްޓްރީގެ ނަންބަރެއްކަން ޔަގީންކުރެވުނު ކަމަށް ވެސް އޭނާ ބުންޏެވެ.
"ދެން އަޅުގަނޑު ގުޅީ މިނިސްޓްރީއަށް. ގުޅާފައި ބުނީ މިހެންމިހެން ވެއްޖެޔޭ، މިއީ ހާދަ ބޮޑު ބްރީޗެކޭ، އަޅުގަނޑު ވެސް އަބުރު ގެއްލުނިއްޔޭ، މިހާރު ކިހިނެއްހޭ މި ވަނީ. ހާދަ ބޮޑު ގެޕެކޭ ތި އިންނަނީ ސިސްޓަމްގެ، ކުއްޖެއްގެ މައިންބަފައިން ނޭނގުމާއި ކުއްޖާ ވީ ތަނެއް ނޭނގުމާއި ނުބައި މީހަކަށް ކޮންޓެކްޓުކުރުން، އަދި އަޅުގަނޑަށް ނުގުޅާ އަޅުގަނޑުގެ ދައްތައަށް ގުޅުމަކީ ވެސް،" މައީޝާ ބުންޏެވެ.
އެކަން ހިނގާފައި އޮތްގޮތް ބެލުމަށް ފަހު ގުޅާނެ ކަމަށް ބުނެ ޖަވާބެއް ދިނުން ފިޔަވައި އިތުރު ކަމެއް މިނިސްޓްރީގެ ފަރާތުން ސާފު ނުވި ކަމަށް މައީޝާ ބުންޏެވެ.
މައީޝާ ބުނީ އެ ކޯލުގެ ފަހުން މިނިސްޓްރީގެ އޮފިޝަލުން އޭނާ ހޯދަން އޭނާގެ ގެއަށް ވެސް މިއަދު ދިޔަ ކަމަށެވެ.
"ގެއަށް ގޮސްފައި އެ ބޭފުޅުން ބުނީ އެނޯނިމަސް ރިޕޯޓެއް ކުރިއްޔޭ ... އަތޮޅެއްގެ ރަށެއްގެ ކައުންސިލަކަށް، އަޅުގަނޑުގެ ދަރިއަކު ހުރެޔޭ ކިޔާފައި. އެ އިންފޮމޭޝަން ދިޔައީ ޕޮލިހަށް، ދިޔައިމަ ޕޮލިހުންނޭ [މިނިސްޓްރީއަށް] އެ އިންފޮމޭޝަން ދިނީ. ޕޮލިހުގެ ފަރާތުން ލިބުނު ރިޕޯޓަކަށޭ އެ ބޭފުޅުން [މިނިސްޓްރީން] މި އިންވެސްޓިގޭޓްކުރަނީ،" މައީޝާ ބުންޏެވެ.
For the record, these are very serious allegations. I DO NOT HAVE A CHILD! More updates coming. This is such a bad mess up. @MSFDmv @aishathshiham @PoliceMv
— Mariyam Maeesha (@RaalhuMariyambu) October 23, 2025
މައީޝާ ބުނީ މިނިސްޓްރީއަށް ފަހުން ވެސް ގުޅައި މި މައްސަލަ ޖައްސާފައި ވާނެ ކަމަށެވެ.
މިނިސްޓްރީން ފަހުން އޭނާގެ ދައްތައަށް ގުޅައި، މިއީ އޮޅުމެއް ކަމަށް އެއްބަސްވެ މާފަށް އެދުނު ކަމަށް ވެސް މައީޝާ ބުންޏެވެ.
މައީޝާ ބުނީ މިނިސްޓްރީއަށް ހެދުނު މި ބޮޑު ގޯހުގެ ސަބަބުން، "އޭނާ މީހަކާ ނީނދެ ދަރިއަކު ހުންނަ ކަމަށް ބުނެ" އަޑުތައް ފެތުރި، އޭނާގެ އަގު ވެއްޓި، އަބުރު ކަތިލެވިފައިވާ ކަމަށެވެ. މިނިސްޓްރީން ފަހުން އޭނާއަށް ވެސް ގުޅައި މާފަށް އެދުނު ކަމަށާއި އެކަމަކު، މިއީ މާފަށް އެދިގެން ނިންމާލެވޭ ވަރަށް ވުރެ ބޮޑު، ސީރިއަސް މައްސަލައެއް ކަމަށް އޭނާ ބުންޏެވެ.
މާފަށް އެދުމަށް ފަހުގައި ވެސް މިނިސްޓްރީން އަލުން ގުޅައި، އެ ކުއްޖާގެ ވާހަކަތައް އޭނާ ގާތުގައި އެހި ކަމަށް މައީޝާ ބުންޏެވެ.
"އަޅުގަނޑަށް މައްސަލައަކީ އަޅުގަނޑުމެން ޓެކްސްޕޭއިން ހިންގާ ބޮޑު މިނިސްޓްރީއެއްގައި މި ކަހަލަ ބޮޑު ބްރީޗެއް، މި ކަހަލަ ބޮޑު ތުހުމަތެއް، މި ކަހަަލަ ވޭސްޓް އޮފް ޓައިމްއެއް އާންމު ރައްޔިތަކަށް ވެގެންދާއިރު، މިއީ ވަރަށް ބޮޑު މައްސަލައެއް،" އޭނާ ބުންޏެވެ.
"ގެއާ ހަމައަށް ދާއިރު، އެ ކުއްޖާގެ އުފަންދުވަހުގެ ސެޓްފިކެޓް އިންނަން ޖެހޭނީ ކްރޮސްޗެކު ކުރެވިފައި ދެއްތޯ؟."
މި މައްސަލައާ ގުޅިގެން ފެމެލީ އެންޑް ސޯޝަލް ޑިވެލޮޕްމަންޓް މިނިސްޓްރީގެ ބަހެއް ހޯދަން "މިހާރު" އިން ގުޅުމުން އަދި ޖަވާބެއް ނުލިބެ އެވެ.
Copyright © 2025 Mihaaru · Terms and Conditions · Privacy Policy · Code of Ethics · Editorial Policy
ކޮމެންޓްތައް
އިބްސް
27 October 2025
އަތަށް ގޮވުން ނޫން ކަމެއް މިސަރުކާރައް ނުވޭދޯ. ހަމަ ސަހަލު އެއް ވުޒާރާވެސް މިހާރު ނެތީއޭދޯ. މީދެން ބޮޑުވަރު.
އަން
26 October 2025
ޕޮލިހަށް ހުށަހެޅުނު މައްސަލަ އެކޯ، އެމީހުން ބުނެގެނޯ ދިޔައީ، ފުރަތަމަ ޕޮލިހުން އެޓެންޑްނުވެ އެހެން މީހުން ފޮނުވަނީ. ގުޅާފަ ވާހަކަ ދެއްކީމަ ދެން ބަލަންވާ ކަންތައް ނުބަލާ ނުޖެހޭދޯ ދާކަށް
77850
25 October 2025
މީ އާދައިގެ ކަމެއްނޫން. މިހާދޯހަޅިވެގެން ނުވާނެ މިނިސްޓްރީ. މީހުންގެ އަބުރު ކަތިލާ ތުތިމަހަށް ކޮށާ އުކާއިރު ސޮރީއަކުން ނުވާނެ. ކަން ހިނގިގޮތް ޕަބްލިކަށް ރަސްމީކޮށް އަންގާ އިހުމާލުވި ފަރާތްތަކަށް ފިޔަވަޅުވެސް އެޅެންޖެހޭނެ. ޢަދި އަބުރު ގެއްލުނު ފަރާތަށް ބަދަލުވެސް ދޭން ޖެހޭނެ.
2025
24 October 2025
ބަލަންޖެހޭ ކަންތައް ބައިވަރު ކޮބާ ހުސައިން ޒާހިރު..... ބޮއިހަލަކި
މުޑަހަންޖާ
24 October 2025
އެކަމަކުދޯ، ތިޔަ ރިޕޯޓެއްކުރިމީހާވެސް މިހަބަރު ކިޔާނެތާ. ކޮމެންޓުތައްވެސް ކިޔާނެތޯއްޗެ.
އަލިފް ހާ
24 October 2025
ރާއްޖޭގައި މިހާރު ވަރަށް ބުނާ އެއްޗެއް ޓެކްސްޕޭ ގެ ވާހަކަ.
ހަވަރު ބެރު
24 October 2025
ކަލޭ މަތިން ބައިން ޖެހިގެން ހުރިހާ ނޫހަކަށް ރިޕޯޓްކޮށް މުޅި ސޯޝަލް މީޑިއާގެ ސަންގު ފުމެ ހަވަރު އެއްނުކުރި ނަމަ ބަޔަކަށް ނޭނގޭނެ ކަމެއް ވީ ކަމެއްވެސް. ކަލޭ ބޭނުންވީ މަޝްހޫރުވާން. އެކަން ވެއްޖެއްނު.
ކަލޭ
25 October 2025
ކަލެއަކަށް ނޭންގޭ ތަ އެއީ މަޝްހޫރު މީހެއް ކަމެއް ކުރިންވެސް؟ ބްރާންތި ވިއަސް ފުކެއް ބޮޑޮވަރު ތީ ، ކަލޭ ބޭނުންވީ އަނގަ ކޮއްޕަން އެކަން ވެއްޖެ އެއްނު ދެން ހުރޭ ބީތާވެ ވާނުވާގަ
ފެމިނިސްޓް ކަތްދާދީ
24 October 2025
ބަޔަކަ ރިޕޯޓް ކުރީމަ މައްސަލައެއް ބަލަން ދިޔައީ، ދެން ތިޔައިގަ ކަލޭގެ ކޮން އަބުރެއް ގެއްލުނީ.
ކުންބެ
24 October 2025
"އެ ކުއްޖާ އަޅުގަނޑު އަތުން ނަގަންވެގެންނޭ މި ގުޅީ" މާނައަކީ ހަމަ އެނޮނިމަސް ރިޕޯޓެއް ލިބޭއިރަށް ތަނެއް ދޮރެއް ނުބަލާ ގޮސް ތުއްތު ކުދިން މައިންބަފައިންނާ ވަކި ކުރެވެއޭ. މިހާދިސާ އިން އެބަ އިނގޭ ތަނެއް ދޮރެއް ނުބަލާވަރު. ސްޓެޓިސްޓިކްސް އިތުރު ކުރަން.
ސކ.މާލެ
24 October 2025
ޖެންޑަރ މިނިސްޓަރަކީ ކުޑަކުދީންގެ ހައްގު އެއީ އޮންނަ އެއްޗެއްކަން އެކުދީންނަކީ ހިމާޔަތް ކުރަންޖެހޭ ބައެއްކަން ރަސްމީ ސިފައެއްގަ މި ރާއްޖެއަށް އިންޓްރޮޑިއުސް ކޮށްދިން މީހާ. ޢަވަހަށް ފިޔަވަޅު އެޅުމަކީ ހަމަ އެންމެ ރަނގަޅު ގޮތް. ފިޔަވަޅު އަޅާ މަސައްކަތް ކުރާ މީހުން އަތުން މިކަހަލަ މިސްޓޭކްސް ހެދިދާނެ. އެމީހުންނަށް އަދިވެސް ހިތްވަރު ދޭންވީ. އެއްޗެހި ކިޔައިގެން ޑީމޯޓިވް ނުކުރޭ.