ޚަބަރު / ރައީސް އިބްރާހިމް މުހައްމަދު ސޯލިހް

ހަނިމާދޫ އެއާޕޯޓާ އެކު އިގްތިސާދު ފުޅާކުރަންޖެހޭ: އިބޫ

ރައީސާއި ޖައިޝަންކަރު މިރޭގެ ރަސްމިއްޔާތުގައި ސަލާމް ކުރައްވަނީ: އިންޑިއާއިން އެންމެ އިސްކަން ދޭ ގައުމަކީ ރާއްޖެ ކަމަށް އޭނާ ވިދާޅުވި --- ފޮޓޯ/ރައީސް އޮފީސް

އާސިމާ ނިޒާރު، މިހާރު

10 ނޮވެމްބަރ 2025 - 14:21

6 comments

ހދ. ހަނިމާދޫ އިންޓަނޭޝަނަލް އެއާޕޯޓް، ހަމައެކަނި ތަރައްގީކުރުމަކުން ނުވާނެ ކަމަށާއި އެ ސަރަހައްދުގެ އިގުތިސާދު ފުޅާކުރަންޖެހޭ ކަމަށް، ކުރީގެ ރައީސް އިބްރާހިިމް ސޯލިހު (އިބޫ) މިއަދު ވިދާޅުވެއްޖެ އެވެ.

އެ މަނިކުފާނުގެ ވެރިކަމުގައި އިންޑިއާގެ ލައިން އޮފް ކްރެޑިޓުގެ ދަށުން 136 މިލިއަން ޑޮލަރު (ދެ ބިލިއަން ރުފިޔާ) ހަރަދުކޮށްގެން ފެއްޓެވި ބޮޑު މަޝްރޫއު ނިންމުމަށް ފަހު ރޭ ބޭއްވި ރަސްމިއްޔާތެއްގައި ވަނީ އެތަން ހުޅުވައިފަ އެވެ.

އެކަމާ ގުޅިގެން، އިބޫ ސޯޝަލް މީޑިއާގައި ކުރެއްވި ޕޯސްޓުގައި ވިދާޅުވީ އެ އެއާޕޯޓަކީ ބޮޑުތިލަދުންމަތީގެ އިގްތިސާދީ ދުވެލި ހަލުވި ކުރުމަށް މަގުފަހިވާނެ ތަނެއް ކަމަށެވެ.

އިބޫ ވިދާޅުވީ އެއާޕޯޓާ އެކު، އެ ސަރަހައްދުގެ އިގްތިސާދު ހަރުދަނާކޮށް ޓޫރިޒަމްގެ ކެޕޭސިޓީ އިތުރުކޮށް، އާ ވިޔަފާރިތަކަށް ހުޅުވާލައި އެ ސަރަހައްދުގެ މަންފާ އެންމެ ފުރިހަމަ ގޮތުގައި ހިފަންޖެހޭނެ ކަމަށެވެ.

Congratulations to the people of Hanimaadhoo and Bodu Thiladhunmathi on the official inauguration of Hanimaadhoo International Airport. The airport will prove transformative for the region’s rapid economic development.

Along with the airport, Hanimaadhoo would need to strengthen… pic.twitter.com/TpC1uErguv
— Ibrahim Mohamed Solih (@ibusolih) November 10, 2025

އެ މަނިކުފާނު ވިދާޅުވީ މިކަން ކާމިޔާބުކުރުމަށް ސަރުކާރުން މަސައްކަތްކުރާނެ ކަމަށް އުންމީދުކުރައްވާ ކަމަށެވެ.

އިބޫ ވަނީ އެ މަޝްރޫއު ހަގީގަތަކަށް ހެދުމަށް އިންޑިއާއިން ދިން އެހީއަށް އެ ގައުމުގެ ބޮޑުވަޒީރު ނަރެންދުރަ މޯދީއަށް ޝުކުރު އަދާކުރައްވައިފަ އެވެ.

ފޮޓޯ ގެލަރީ / ހަނިމާދޫ އިންޓަނޭޝަނަލް އެެއާޕޯޓް ރަސްމީކޮށް ހުޅުވުން

މި މަޝްރޫއު ފެށިއިރު އިކޮނޮމިކް މިނިސްޓަރަކަށް ހުންނެވި، ފައްޔާޒު އިސްމާއިލް، ސޯޝަލް މީޑިއާގައި ކުރެއްވި ޕޯސްޓުގައި ވިދާޅުވީ އެއީ އިގުތިސާދީގޮތުން ފުދުންތެރި އަދި އަދި އުތުރުގެ ސަރަހައްދަށް ދެމެހެއްޓެނިވި ތަރައްގީ ގެނައުމަށް އެޅި މުހިއްމު ފިޔަވަޅެއް ކަމަށެވެ.

"އޭގެ ހެޔޮ އަސަރު އަންނަން އޮތް ޖީލުތަކަށް ވެސް ލިބޭނެ،" ފައްޔާޒް ވިދާޅުވި އެވެ.

A major milestone in decentralized development; the Hanimaadhoo International Airport is an important step toward an economically independent and sustainable north. Credit goes to president @ibusolih’s administration and the talented team at the @MoEDmv, as well as the Indian… pic.twitter.com/EputwMug6l
— Fayyaz Ismail (@faya_i) November 9, 2025

"މިއީ ލާމަރުކަޒީ އުސޫލުން ރާއްޖެ ބިނާކުރުމުގެ ތަސައްވުރު ހަގީގަތަކަށް ހެދުމުގައި މުހިއްމު ދައުރެއް އަދާކުރާ ކަމެއް" ގެ ގޮތުގައި ވެސް އޭނާ ސިފަކުރެއްވި އެވެ.

އެ މަޝްރޫއުގެ ދަށުން ހަނިމާދޫ އެއާޕޯޓުގައި 2.7 ކިލޯމީޓަރުގެ އާ ރަންވޭއަކާއި އަހަރަކު 1.3 މިލިއަން ފަސިންޖަރުންނަށް ހިދުމަތް ދެވޭ އާ ޓާމިނަލަކާއި އެއިރޯ ބްރިޖަކާއި ޑިއުޓީ ފްރީ އާއި ލައުންޖާއި އާ އެއާ ޓްރެފިކް ކޮންޓްރޯލް ޓަވަރަކާއި ކާގޯ އިމާރާތަކާއި ފިއުލް ފާމެއްގެ އިތުރުން ސީޕްލޭނަށް ހިދުމަތް ދެވޭނެ ޖެޓީ ވެސް ވަނީ ހަދައިފަ އެވެ.

ހަނިމާދޫ އެއާޕޯޓަކީ 1990 ވަނަ ހިދުމަތް ދޭން ފެށި ތަނެކެވެ. އަދި 2013 ވަނަ އަހަރު އެތަން އިންޓަނޭޝަނަލް އެއާޕޯޓަކަށް ބަދަލުކުރި އެވެ. މި ހުރިހާ ދުވަހަކު އެތަން އޮތީ ތަރައްގީއެއް ނައިސް ވަރަށް އާދައިގެ ގޮތަކަށެވެ.

ރައީސް އިބްރާހިމް މުހައްމަދު ސޯލިހް ހދ. ހަނިމާދޫ ހަނިމާދޫ އިންޓަނޭޝަނަލް އެއާޕޯޓް ފައްޔާޒު އިސްމާއިލް (ކުރީގެ މިނިސްޓަރު)

6 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދުރުމި1

10 November 2025

ތިލަދުންމަތީގައި ރިސޯޓްތަށް ތަރައްގީކޮށް ބެޑް އިތުރު ކޮށްގެން ނޫން ގޮތަކަށް ތިތަން ފީޒިބްލް ވާނެ ގޮތެއް ނޯއްނާނެ . ރިސޯޓްތަށް އިތުކުރާނެ ޕްލޭނެއްނެތި މޑޕ ވެރިކަމުގައި ތި އެއަރޕޯޓް ބޮޑުކުރީ އިންޑިޔާގެ އަސްކަރީގެ ބޭނުމަށް . ވެރިކަން ބަދަލުވިކަން އެއީ ނަސީބު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

10 November 2025

މީދެން ކާކު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމުދަ

10 November 2025

ގައުމު ދަރުވާލީމަ ނޫންތޯ ފުޅާވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލއ

10 November 2025

ވެރިކަމުގަ ހުރިއިރު ކުރަންނޭނގުނުކަމެއް ކުރާކަށް ކޮންމެހެން ގޮވާނެކަމެއްނެތް، މިހާރުއޮތީ ހުރިހައިކަމެއް ރާވާނިމިފައި، ތިއުޅެނީ މިކަމެއް މިހެންމިވީ ތިމަންނަ އެހެންގޮވީމައޭ ބުނަންވެގެން. ޥެރިކަމުގަހުރި އިރު ބެލީ ޚަޒާނާ ބަހައި ހުސްކުރެވޭތޯ، 1 ބިލިއަނާ ގާތްކުރާވަރުގެ ޑޮލަރުހުރި މީނަ ހަވާލުވިއިރު، ނިމިގެން ދިޔައިރު 200 ވެސް ހަމައެއް ނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދާ

10 November 2025

ކޮވިޑުގެ ވެކްސިން ޖެހިންތޯ. ޖަހާފަހުރިހެން ހީނުވޭ. ލަންކާ ބަނގުރޫޓުވީ ބޯހަރު ރައީސަކު ހިންގަން ހުރީމާ. އެންމެންނާ ގުޅޭ މަޑުމައިތިރި ރައީސެއް ދިވެހިރާއްޖެއަށް ލިބުން އެއީ ދިވެހިންގެ ނަސީބު އެވަގުތުގައި. ބުނާތީ އިވެނީ އަންނި ބުނެކިޔާގެންނޭ ރާއްޖޭގެ ބޯޑަރު ހުޅުވާލަދިނީ ލޮބުވެތި އިބޫ ރައީސް. އަންނި ބޮޑުވަޒީރު ކަމައިގެން ނޫޅުނު ނަމަ މޑޕ ވެރިކަން ކުރީސް ދެވަނަ ދައުރުގައި.