ވިލިމާލެއިން ނަގާ ދެ ނިކަގަހުގެ ބަދަލުގައި އެ ރަށުގައި 300 ގަސް އިންދާނެ ކަމަށް ރައީސް ވިދާޅުވި.
މައްޗަންގޮޅި ސަހަރާގައި ހުންނަ ނިކަގަސް: އާންމުންނަށް އުނދަގޫވާތީ މި ގަސް ނަގަން ވަނީ ނިންމައިފައި.-- ފޮޓޯ: ނިޝާން އަލީ | މިހާރު
26 ނޮވެމްބަރ 2025 - 12:02
މައްޗަންގޮޅި ސަހަރާގައި ހުރި ނިކަގަހާ ހެދި، އެ ހިސާބުގައި ދިރިއުޅޭ މީހުންގެ ގޭގެ އަށް ގެއްލުން ލިބި، އުނދަގޫތައް ވާތީ އެ ގަސް ނަގަން ސަރުކާރުން ނިންމައިފި އެވެ.
ރައީސް ޑރ. މުހައްމަދު މުއިއްޒު މައްޗަންގޮޅީގެ ރައްޔިތުންނާ ބައްދަލުކުރައްވަން ރޭ އަމީނިއްޔާ ސްކޫލް ހޯލުގައި ބޭއްވި ޖަލްސާގައި އެ ހިސާބުގައި ދިރިއުޅޭ އާންމުން ވަނީ ސަހަރާގައި ހުންނަ އެ ނިކަގަހުގެ މުލުން ގޭގެއަށް ގެއްލުން ލިބޭތީ އެކަމުގެ ކަންބޮޑުވުންތައް ހިއްސާކޮށްފަ އެވެ.
ޖަލްސާގައި ވާހަކަދެއްކި އާންމުންގެ މީހަކު ބުނީ އެ ނިކަގަހުން ދުވާ މުލުގެ ސަބަބުން އޭނާގެ ގޭގެ ފާހާނަ ކޮންމެ ތިން މަހަކު މަރާމާތުކުރަން ޖެހޭ ކަމަށެވެ. އަދި ފާހާނާގެ ހޮޅިތަކަށް ކޮންމެ ފަހަރަކު ގެއްލުން ލިބި، މިހާރު އާ ހޮޅި އަޅަން ޖެހިފައިވާ ކަމަށް ވެސް އޭނާ ބުންޏެވެ.
އެހެންވެ، އެ މައްސަލަ ހައްލެއް ހޯދައިދޭން އޭނާ ރައީސްގެ އަރިހުގައި އެދުނެވެ.
އެ މައްސަލައާ ގުޅިގެން ރޭ ޖަލްސާގައި ރައީސް ވިދާޅުވީ ތިމާވެށި ހިމާޔަތްކޮށް، ރައްކާތެރިކުރުމަށް މިހާ އިސްކަންދިން ސަރުކާރެއް މި ނޫނީ ނެތް ކަމަށެވެ. އޭގެ އެއް ހެއްކަކީ އެމަނިކުފާނުގެ ވައުދެއް ކަމަށްވާ "ފަސް މިލިއަން ގަސް" އިންދުމުގެ ޕްރޮގްރާމް ކަމަށާއި އެއީ މީގެ ކުރިން އެއްވެސް ސަރުކާރަކުން ކޮށްފައިވާ ކަމެއް ނޫން ކަމަށް ރައީސް ވިދާޅުވި އެވެ.
މައްޗަންގޮޅި ސަހަރާގައި ހުންނަ ނިކަގަސް: އާންމުންނަށް އުނދަގޫވާތީ މި ގަސް ނަގަން ވަނީ ނިންމައިފައި.-- ފޮޓޯ: ނިޝާން އަލީ | މިހާރު
އެ ޕްރޮގްރާމްގެ ދަށުން މުޅި ރާއްޖޭގައި މިހާތަނަށް 800،000 ގަސް އިންދާފައިވާ ކަމަށާއި ކުރިއަށް އޮތް ތިން އަހަރު ދުވަހުގެ ތެރޭގައި ޓާގެޓް ހާސިލްވާނެ ކަމަށް ވެސް ރައީސް ވިދާޅުވި އެވެ.
"އަޅުގަނޑު ގަބޫލުކުރާ އެންމެ މުހިންމު އެއް ކަމަކީ ސަސްޓެއިނަބަލް ޑިވެލޮޕްމެންޓް [ދެމެހެއްޓެނިވި ތަރައްގީ] ވީމާ، މި ރާއްޖޭގައި ފެހިކަން އެއީ މުހިންމު ކަމެއް. އެހެންވީމަ، އަޅުގަނޑުމެންނަކީ ފެހިކަމަށް ލޯބިކުރާ ގަސްތަކަށް ލޯބިކުރާ ބައެއް،" ރައީސް ވިދާޅުވި އެވެ.
"ގަސް ކެނޑުމާއި މި ކަންކަމަކީ އަޅުގަނޑުމެންގެ ސިޔާސަތެއް ނޫން. އެކަމަކު ތަނެއްގެ ޒަރޫރީ ބޭނުމަކަށް، އިންސާނެއްގެ ދިރިއުޅުމަށް އުނދަގޫވާ ކަމަށް ވަންޏާ އޮންނަ ހަމަތަކާއި އުސޫލުތަކުގެ މަތިން، ގާނޫނީ ގޮތުން އިޖުރާއަތްތައް ފުރިހަމަ ކުރެވިގެން އެ އޮންނަ ގޮތަކަށް ގަހެއް އެތަނުން ނެގުމަކީ ގަސް އިންދުމާ ދެކޮޅު ހެދުމެއް ނޫން."
ރައީސް ވިދާޅުވީ އާންމުންނަށް އުނދަގޫވާތީ ވިލިމާލޭގައި ދެ ނިކަގަސް ނަގާއިރު، އޭގެ ބަދަލުގައި އެ އަވަށުގެ އެކި ތަންތަނުގައި 300 ގަސް އިންދަން ތިމާވެއްޓާ ބެހޭ މިނިސްޓްރީއަށް އަންގަވާފައިވާ ކަމަށެވެ.
"މިހާރު އެ ބޭފުޅުން އެ ޕްރޮގްރާމް އެ ފަށަނީ. ދެ ގަހުގެ ބަދަލުގައި 300 ގަސް. އެހެންވީމަ، އަޅުގަނޑުމެންނަކީ ފެހިކުރުމަށް ލޯބިކުރާ ބައެއް،" ރައީސް ވިދާޅުވި އެވެ.
"ރައްޔިތުންގެ އާންމު ދިރިއުޅުމަށް، އިންސާނީ ދިރިއުޅުމަށް އުނދަގޫ ވަންޏާ، އެ ކުރަން ޖެހޭ ކަމެއް ކުރުމަކީ ޒަރޫރީ ކަމެއް. އެހެންވީމަ، އެކަން ކުރެވިގެން ދިއުމަކީ އަޅުގަނޑު ހިތުން ޖާއިޒު ކަމެއް."
ވިލިމާލޭގައި ހުރި ދުވަސްވީ ދެ ނިކަގަސް ކަނޑަން ސަރުކާރުން ނިންމީ އެ ރަށުގެ ރައްޔިތުންނާ އެކު މިދިޔަ އާދިއްތަ ދުވަހުގެ ރޭ ރައީސް ބޭއްވެވި ބައްދަލުވުމުގައި ނެގި ވޯޓުންނެވެ. ވިލިމާލެ ޕޮލިސް ސްޓޭޝަނާ ޖެހިގެން އޮންނަ ހުސްބިމުގައި ހުންނަ ދެ ނިކަގަސް ނަގަން އެ އަވަށުގެ ރައްޔިތުން އެދުނީ އެ ގަހުގެ މުލުގެ އުނދަގޫ އެ ހިސާބުގައި ދިރިއުޅޭ މީހުންގެ ގޭގެއަށް ކުރާތީ ކަމަށް ބުނެ އެވެ.
Copyright © 2025 Mihaaru · Terms and Conditions · Privacy Policy · Code of Ethics · Editorial Policy
ކޮމެންޓްތައް
ޏނިކަ ގަސް
27 November 2025
މީ ކޮންމެ އަވަށެއްގެ ގަސްކަނޑާ މޫސުމަކީތަ؟
ކަލާމް
26 November 2025
ވ ދެރަ. ވ ހަނދާންތަކާ ގުޅިފައިވާ ގަހެއް ކޮންމެގޮތެއް ވިޔަސް. އަނެއްކޮޅުން ބުނާގޮތުގައި މއ. ކަލާމް ވަރުގަދަ ފަންޑިތައެއް ހަދާފައިން ގަހެއްތީ. ކޮންމެސްބައެއްގެ ދިރުއުޅުން ހަލާކުވާނެކަމައް ވަނީ. ކެނޑުމުގެ ބަދަލުގައި އިތުރުގޮތެއް ހޯދާނެކަމަށް އުއްމީދުކުރަން.
ލަތީ
26 November 2025
މައްޗަންގޮޅީ ސަހަރާ ވަސައިގެން ޕޭމަންޓު ހިފައިގެން ބަންގާޅީން އެކުރާ ވިޔަފަރި ހުއްޓުވާބަލަ
ދެންމަޑުކޮށްލާ
26 November 2025
މިހާރުދެން ތިޔޮތީ ފުރުސަތު ގެއްލިފަ. ބައްދަލުކުރެއްވި ރޭ އެތަނަށް ގޮސް ވާހަކަ ދެންނެވި މީހުން ދެންނެވި ކަންކަމަށް އިސްކަން ލިބެނީ.
1828
26 November 2025
ރާއްޖެތެރޭ އާއްމު ރައްޔިތުން ޒަރޫރީ އަދި އަސާސީ ބޭނުންތަކަށް މާލެ ދާން ޖެހޭތީވެސް ވަރަށް އުނދަގޫ އަދި ވަރަށް ތަކުލީފް އުފުއްލަން ޖެހޭ. ދެން އެހެންވީމައި މާލެ ނޫން އެހެން ގޮތެއް ހޯދައިދެއްވަންވީއެއްނޫން ތޯ؟
މުލީ ހަސަނު
26 November 2025
އަޅުގަނޑަށް ފެންނަނީ، މިހާރު ހުޅުމާލޭގަ ބިންހަމަ ގަސް ހައްދަން ބިން ތައްޔާރު ކުރާ ގޮތަށް ގަސްހުރިތަން ތައްޔާރު ކުރުމަށްފަހު މިހަާރު ގަސް ހުރި ތަނުގައި އަލުން އިންދަން.
މިކިސްޓް
26 November 2025
މަނިކުފާނެވެ، ސްޓެލްކޯ ފާރުގައި ހެއްދި ހުރިހާ ގަހެއް މިހާރު މަރުވެއްޖެ، ދެން ތި ފަސްމިލިއަން ގަސް ސަސްޓެއިނަބްލް ވާނެގޮތެއް ކިޔާދެއްވަފާނަންތޯ،
ޖާގަ
26 November 2025
ތިޔަގަސް ނަގާތަނަަށް ބޮޑުބެރުގުރޫޕެއް ގެންދަންވާނެ. ހާދަ އުފާވެރި ޚަބަރެކޭ ރައީސް މިއިއުލަަނުކުރެއްވީ.
އަސޭލާ
26 November 2025
ޖިންނީންގެ ގަހެއް ނިކަގަހަކީ. އެތަނުން ބޭފުޅެއް ނުވަތަ ބޭފުޅުންތަކެއް އަޅައިގަނެއްޖިއްޔާ އަނެއްކާ އަނެއް 6 ކަންތައް.
ދޮން
26 November 2025
އިންސާނުން ދިރިއުޅެން އުދަގޫވީމާ ޖެހޭނީ ނަގަން ، ސިޔާސީ ވެގެން ވާކަށްނެތް ގަހަކީ އަލުން އިންދާ ހެއްދޭ އެއްޗެއް މީވާބޮނޑު ޖަންގަންޔެއްނޫން ނިކަގަސް ބަހައްޓަން ، މިހާރު މިވާގޮތަކީ ރައީސް މީހާ ރައްޔިތުން ކައިރިޔަށް އައީމާ މިކަން ކަން ތިލަވަނީ އާހިރުގައި އެކަމުގެ ޝަކުވާ ކުރާތާ 10 ބާރަ އަހަރުވެފައި މިއޮއްނަނީ ކައުންސިލްތަކުން ނީވޭ ކަމަށް ހަދައިގެން ތިމާވެށި ތާކިހާ އަޅައިގެން ތިބެނީ ބޮލުން ރެކިގެން
މޯލްޑިވްސް 2.0-
26 November 2025
މާލެތިޔައީ ޖަންގައްޔެއް، ކޮންކުރީޓް
ކޮވެލި
26 November 2025
ދިސް އިޒް އަ ޑިސްގްރޭސް. ބުއްދި ހަމަޖެހޭ މީހަކު މިޒަމާނުގައި ކުރާނެ ކަމެއް ނޫން މިހުންނަނީ.