އެ ނިކަގަސްތައް ކަނޑަން ރައްޔިތުން އެދުނީ އެ ގަސްތަކުގެ މުލުގެ އުނދަގޫ އެހިސާބުގައި ދިރިއުޅޭ މީހުންގެ ގޭގެއަށް ކުރާތީ.
ރައީސް ޑރ. މުހައްމަދު މުއިއްޒު ވިލިމާލެ ރައްޔިތުންނާ ބައްދަކުރެއްވުން: ވިލިމާލޭގެ ނިކަގަސްތައް ކަނޑަން ފެންނަ ކަމަށް އާންމުން އަތްނައިގެން ވޯޓު ލަނީ.-- ފޮޓޯ: ރައީސް އޮފީސް
24 ނޮވެމްބަރ 2025 - 15:08
ވިލިމާލޭގައި ހުރި ދުވަސްވީ ދެ ނިކަގަސް ކަނޑަން، އެ ރަށުގެ ރައްޔިތުންނާ އެކު ރައީސް ޑރ. މުހައްމަދު މުއިއްޒު ރޭ ބޭއްވެވި ބައްދަލުވުމުގައި ނެގި ވޯޓުން ނިންމައިފި އެވެ.
ވިލިމާލޭގައި ދިރިއުޅޭ ރައްޔިތުންނާ ބައްލުކުުރެއްވުމަށް ރޭ މުހިއްޔުއްދީން ސްކޫލް ހޯލުގައި ބޭއްވި ޖަލްސާގައި އެ އަވަށުގައި ދިރިއުޅޭ ބައެެއް ރައްޔިތުން ވަނީ އެ މީހުންގެ ހުރި ކަންބޮޑުވުންތައް ރައީސާ ހިއްސާކޮށްފަ އެވެ.
ރައްޔިތުންގެ އެއް ކަންބޮޑުވުމަކީ ވިލިމާލެ ޕޮލިސް ސްޓޭޝަނާ ޖެހިގެން އޮންނަ ހުސްބިމުގައި ހުންނަ ދެ ނިކަގަހުގެ މުލުގެ އުނދަގޫ އެ ހިސާބުގައި ދިރިއުޅޭ މީހުންގެ ގޭގެ އަށް ކުރުމުވެ.
ރައީސް ޑރ. މުހައްމަދު މުއިއްޒު ވިލިމާލެ ރައްޔިތުންނާ ބައްދަކުރެއްވުން: ވިލިމާލޭގެ ނިކަގަސްތައް ކަނޑަން ފެންނަ ކަމަށް އާންމުން އަތްނައިގެން ވޯޓު ލަނީ.-- ފޮޓޯ: ރައީސް އޮފީސް
ރޭގެ ޖަލްސާގައި ވާހަކަ ދެއްކި އާންމުންގެ މީހަކު ބުނީ އެ ނިކަގަސްތަކުގެ ސަބަބުން އެ ހިސާބުގައި ދިރިއުޅޭ މީހުންގެ ގެދޮރު ހަލާކުވެ، ގޭގެ ފާރުތައް ފުނޑުފުނޑުވަމުންދާ ކަމަށާއި އެ ގަސްތަކުން ފައިބާ އެއްޗެހިން ގޭގޭގެ ފުރާޅު ވެސް ހަޑިވެ، ހަލާކުވަމުންދާ ކަމަށެވެ.
"މި ހުރިހާ ކަމެއް ވަމުން އެބަދޭ. އެންވަޔަރަމެންޓަށްޓާކާ ވެސް އަޅުގަނޑުމެން މަސައްކަތްކުރަން ޖެހޭނީ އިންސާނުންނަށް ވެސް އޭގެން ފައިދާކުރާނެ ގޮތަށް. ނުކުރާ ގޮތަކަށް އޮވެގެން ނުވާނެ ކަންނޭނގެ،" އެ މީހާ ބުންޏެވެ.
"އެހެންވީމަ، އަޅުގަނޑު ވަރަށް ބޮޑަށް އާދޭހާ އެކު ދަންނަވަން އެ ގަހުގެ ކަންތައް ކޮންމެވެސް ގޮތަކަށް ހަމަޖައްސައިދޭން."
އެހެން މީހަކު ބުނީ އެ ނިކަގަސްތައް ކައިރީގައި ހުރި ގެތަކުގައި މީހުން ދިރިއުޅެނީ ވަރަށް ހާލުގައި ކަމަށެވެ. އެ ހިސާބު ގޭގޭގެ ފާހާނާތައް ހުރީ ނިކަގަހުގެ މުލުން ފުރިފައި ކަމަށް އޭނާ ބުންޏެވެ.
"އިންސާނުންނަށް ވުރެ މުހިންމު އެހެން އެއްވެސް އެއްޗެއް ނޯންނާނެ. އެހެންވީމަ، ގަސް ވެސް ހިމާޔަތް ކުރަންވީ، އެ ގަސް އެހެެން ތަނަކަށް ގެންގޮސްގެން ވިޔަސް. އެ ގަސް މަރެއް ނުވާނެ. އަޅުގަނޑުމެން މި ތިބީ ފެންކުރާ ހިފައިގެން ގޮސް ފެން އަޅައިދޭން ވެސް ތައްޔާރަށް އެ ގަސް ރޯކުރަން. އެމީހުންގެ [އެ ސަރަހައްދުގައި އުޅޭ މީހުންގެ] ހައްގުގައި،" އޭނާ ބުންޏެވެ.
އާންމުންގެ އެ ކަންބޮޑުވުމާ ގުޅިގެން ރައީސް މުއިއްޒު ރޭގެ ޖަލްސާ ނިންމަވާލައްވަމުން ވިދާޅުވީ އެ މަނިކުފާނު މާލޭގެ މޭޔަރަކަށް ހުންނެވި އިރު ވެސް އެ ޝަކުވާ ލިބި، އެ ހިސާބުގައި ހުރި ގޭގެ ބައްލަވަން ވަޑައިގެންނެވި ކަމަށެވެ. ރައްޔިތުން ބޭނުންވާ ނަމަ އެ ގަސްތައް އެތަނުން ނަގާނެ ކަމަށް ރައީސް ވިދާޅުވި އެވެ.
"ގާނޫނީ އިޝޫއެއް ނެތްކަން އޭޖީ ވިދާޅުވެއްޖެ، އެންވަޔަރަމެންޓަލީ އެ އޮންނަ އުސޫލުތަކުގެ ތެރެއިން ހައްލެއް ގެނެވޭނެ ކަމަށް މިނިސްޓަރު ވިދާޅުވެއްޖެ. ރައްޔިތުން ބޭނުންވާ ގޮތް އަންގާލަދެއްވަން ވީނުންތޯ؟،" ރޭގެ ބައްދަލުވުމަށް ހާޒިރުވި މީހުންނަށް ރައީސް ދެންނެވި އެވެ.
ރައީސް ޑރ. މުހައްމަދު މުއިއްޒު ވިލިމާލެ ރައްޔިތުންނާ ބައްދަކުރެއްވުން: ވިލިމާލޭގެ ނިކަގަސްތައް ކަނޑަން ފެންނަ ކަމަށް އާންމުން އަތްނައިގެން ވޯޓު ލަނީ.-- ފޮޓޯ: ރައީސް އޮފީސް
އެއަށް ފަހު، އެ ޖަލްސާގައި ރައީސް ވަނީ ވޯޓަކަށް އައްސަވައި، އެ ގަސްތައް އެ ތަނުން ނަގަން ރައްޔިތުންނަށް ފެންނަ ނަމަ އެކަން އަންގައިދިނުމަށް އަތްމައްޗަށް ނެގުމަށް އެދިވަޑައިގެންފަ އެވެ.
"އެ ގަސް އެތަނުން ނަގަން ބޭނުންވާ ބޭފުޅުން އަތްޕުޅު ހިއްލަވާލައްވާ ދެއްވާ،" ރައީސް ވިދާޅުވި އެވެ.
އެއާ އެކު، އެ ޖަލްސާގައި ތިބި ގިނަ ބަޔަކު ވަނީ އެ ތަނުން އެ ގަސް ނަގަން ފެންނަކަން އަންގައިދިނުމުގެ ގޮތުގައި އަތްމައްޗަށް ނަގައިފަ އެވެ.
"އެހެންވީމަ، އިއްތިފާގުން ގާތްގަނޑަކަށް ފާސް މި ވީ. އެހެންވީމަ އިރާދަކުރެއްވިއްޔާ އެކަން ކުރިއަށް ދާނެ،" ރައީސް ވިދާޅުވި އެވެ.
އެ ނިކަގަސްތައް ކަނޑަން ނިންމުމާ އެކު، ތިމާވެށީގެ ހިމަޔާތުގައި އަޑުއުފުލާ ބައެއް މީހުން ވަނީ ސޯޝަލް މީޑިއާގައި ކަންބޮޑުވުން ފާޅުކޮށްފަ އެވެ. ތަރައްގީގެ ނަމުގައި ވިލިމާލޭގެ ފެހިކަން ގެއްލޭ ގޮތަށް އެ އަވަށުގެ ގަސްތައް ކަނޑާއި މަގުތަކުގައި ތާރު އަޅަން އުޅޭތީ ވެސް ކުރިން ފާޑުކިޔެވެ.
Copyright © 2025 Mihaaru · Terms and Conditions · Privacy Policy · Code of Ethics · Editorial Policy
ކޮމެންޓްތައް
1206
25 November 2025
މި އެންވައިރަންމަންޓް މީހުން ކަންތައްތައް ބިޓް ޓޫ މަޗް..މިޔަރު ހަމާލަތަކުގައި މީހުންނަށް ގެއްލުން ވަމުންދާ ކަން އެބަ އެނގޭ. އެކަމަކު މިޔަރު މަރައިގެން ނުވޭ. ގާތިލުންގެ މީހުންގެ އަހުލުއިޔާރުން ނުހައްގުން މަރަމުން އެބަދޭ. އެކަމަކު އެ ގާތިލުން މަރައިގެން ނުވޭ. މަގުތޫލުގެ ވާރިސުންނަށް ހުރި ހައްގުތަކަށް ވުރެ ގާތިލުގެ ހައްގު ލިސްޓު ދިގު.
ކަލޭގެސަން
25 November 2025
މޮޔައިންގެ ދުނިޔެ.
މޮބްޕަވަރ
25 November 2025
މޮބްވޯޓް، މީ އަންނިވެސް ކުރާ ބޯގޯސްކަމެއް. ތިހެންނަގާ ވޯޓަކުން ރައްޔިތުންގެ ހަގީގީ އިޙްސާސެއްސާފުނުވާނެ. ހަމަ އެކަނި ފެންނާނީ ތިފަދަ ޖަލްސާތަކުގެ ތިބޭ ބަޔަކު ޖަޒުބާތުގަޖެހިގެންދޭ ވޯޓް، ގިނަ ފަހަރަށް ވިސްނާވެސްނުލާނެ.
ގިނި
24 November 2025
އެ ހިސާބުގައި މީހުން ދިރިއުޅޭ ކޮން ގެ އެއް ތޯ ހުންނަނީ، އެދުރުހިޔާ އެކަނި އަޅުގަނޑަށް އެނގިގެން ހުންނަނީ
ގިނަމާ
25 November 2025
ތި ބުނީ ތެދެއް، އެބުނާ ޕޮލިސް ސްޓޭޝަން ކައިިރިއަކު އެއްވެސް ބަޔަކު ނޫޅޭ، އާންމުން ދިރި އުޅެނީ އެތަނާ ވަރަށް ދުރުގައި، އެންމެ ކައިރީގަވެސް ހުންނާނީ އެދުރުހިޔާ އެތާ އުޅޭ ބަޔަކު ނުދޭ ޖަލްސާއަކަށް، ޖަލްސާއަށް ދިޔައީ މާލޭން އައި ބައެއް، އެއީ ވިލިމާލޭގައި ދިރިއުޅޭ ބައެއްވެސްނޫން، އެބުނާ ވޯޓެއްގައި ބައިވެރިވީ އެތައްމިތަނުން ފުއްމާލީ ޕާޓީ ކުދިން ކޮޅެއް.
ކޮރަލް
24 November 2025
އުނދަގޫ ވާ ގަސް ތައް ކަނޑާފަ ގްރާފްޓް ކޮށްފަ ތިރީގަ މޭވާ އަޅާ ގަސްތައް އިންދަން ވީ އެވެ.
އޮނަރަބްލް އަފީފު ދީދީ
24 November 2025
މާތްވެގެންވާ ޢިޤިރޭސި ދައުލަތުގެ ދަށުގައި އައްޑޫ އޮތް އިރު އައްޑޫގައި ހުރި ރުއްތަކެއް ކަޑަން އިޤިރޭސިން ވާހަކަ ދެއްކި ޖަލްސާ އެއްގައި އިންނެވި އައްޑޫ ފޭދޫ ބްލާޝަން އިބްރާހިމް ލަތީފް (ތުއްތު ދީދީ) ވަގުތުން ތެދުވެ އެކަން ކޮށްގެން ނުވާނެކަމަށް ބުނެ އަޑު އުފުލާ އެކަން ހުއްޓުވި. އޭގެ 60 އަހަރު ފަހުން އެދުވަސްވަރު އިޤިރޭސިންނއިންދާފައި ހުރި ރުއްތަކެއް (އައްޑޫ މަޝްހޫރު ރުއްފަށާ) 35 ރުއް ކަޑާ ބިމާ ހަމަކޮށްލި އިރު އިސްވެ ހުންނެވީ އައްޑޫސިޓީ މޭޔަރ ނިޒާރު.
ޏޫޏް
24 November 2025
ސޯބެ ހުރީ
އލށފތ.
24 November 2025
ކީކޭތޯ؟ "މާތްވެގެންވާ ޢިޤިރޭސި ދައުލަތުގެ"؟! ކަލޯ ހިތް ސާފުކޮއްލަން އަވަސްވެގަންނާކައް ނުވޭތަ؟
ޕަޕޭޓޯ
24 November 2025
ތިޔަ ނިކަގަސްތައްވެސް މަރާނުލާ ކައުންސިލިންދީގެން ތިކަން ރަނގަޅުކުރަން ފެނޭ.
ދޮހޮއްތުބެ
24 November 2025
ގަހުގެ ބައުންޑްރީއެއް ވަށައިގެން ފުންކޮއް ޝީޓް ޕައިލްކުރޭ މޫތައް ދުވިޔަނުދީ ހިފެހެއްޓުމައް
ކިއްލިބާތުޝާހު
24 November 2025
ނިކަގަހަކީ ޖިންނި ނިކަންގިނައިން އައިސްގޮސްވެއުޅޭ ގަހެއްކަމަށް މުސްކުޅިން ކިޔާއުޅޭ. ގޮތެއްވީމާ މަށާދިމާއަށް ނާންނާތި. މަމީ ފަންޑިތަވެރިއެއްނޫން.
ޟަދުރު
24 November 2025
އަޅުގަނޑުމެންގެ ރަށުގާވެސް އެބަހުރި ކަނޑާލަންވެފާހުރި ރުކެއް. މަނިކުފާނު ވަޑައިގެން އަޅުގަނޑުމެންގެ މެދުގާ އިންސާފުކޮށްދެއްވާ.