އެމްއޭސީއެލްގެ ޑިރެކްޓަރުންގެ ބޯޑުން ދެ ބޭފުޅަކު މިއަދު ވަކިކޮށްފި އެވެ.
ޕްރައިވަޓައިޒޭޝަން ބޯޑުން ސޯޝަލް މީޑިއާގައި ކުރި ޕޯސްޓެއްގައި ބުނީ ދިވެހި ސަރުކާރުން ހިންގާ އެއާޕޯޓުތަކުގެ ބެލެނިވެރި ކުންފުނީގެ ޑިރެކްޓަރުންގެ ބޯޑުގެ އެގްޒެކެޓިވް ޑިރެކްޓަރު ހ. ފިނޮޅު، މުހައްމަދު މިހާދު އަދި ބޯޑު މެމްބަރު މ. ވެލާލުގެ، ސަހަރު ވަހީދު ބޯޑުން ވަކިކޮށްފައިވާ ކަމަށެވެ.
އެމްއޭސީއެލްގެ ސީއޯއޯގެ މަގާމު ވެސް ފުރުއްވަމުން އަންނަ މިހާދު އެ ކުންފުނީގެ ބޯޑަށް އައްޔަން ކުރެއްވީ އޭޕްރީލް 2025 ގަ އެވެ. އޭނާ ވަނީ އެސްޓީއޯގެ ޑެޕިއުޓީ ޗީފް ފައިނޭންޝަލް އޮފިސަރުކަމާއި ސަރުކާރުގެ އެކި ކުންފުނިތަކުގެ އިސް މަގާމުތައް ފުރުއްވައިފަ އެވެ.
ބީއެމްއެލްގެ ބޯޑު މެމްބަރެއްގެ އިތުރުން އެ ބޭންކުގެ ޑެޕިއުޓީ ސީއީއޯ އަދި ސީއޯއޯގެ މަގާމު ފުރުއްވަމުން ގެންދަވާ ސަހަރު، އެމްއޭސީއެލްގެ ބޯޑަށް އައްޔަން ކުރެއްވީ ޑިސެމްބަރު 2023 ގަ އެވެ.
އައްޑޫ ހަންކެޑެ ތަރައްގީކުރަން މިދިޔަ ޖުލައި މަހު އުފެއްދި ކޯޕަރޭޝަންގެ މެނޭޖިން ޑިރެކްޓަރަކަށް ވެސް މިދިޔަ އޮގަސްޓު މަހު ސަހަރު އައްޔަންކޮށްފައިވެ އެވެ.