ރައްޔިތުންގެ މަޖިލީހުގެެ ދިއްގަރު ދާއިރާގެ މެމްބަރު އަހުމަދު ފާރިސް މައުމޫން މިއަދު ހަވީރު އަނބުރާ ޖަލަށް ބަދަލުކޮށްފި އެވެ.
މަޖިލީހުގެ މެމްބަރުންނަށް ރިޝްވަތު ހުށަހެޅި ކަމަށް ބުނެ ފާރިސަށް ކުރާ ދައުވާއާ ގުޅިގެން އޭނާ ޝަރީއަތް ނިމެންދެން ބަންދުގައި ބަހައްޓަން އަމުރުކޮށްފައި ވަނިކޮށް އޭނާ ގޭ ބަންދަށް ބަދަލުކުރީ މިމަހުގެ 11 ވަނަ ދުވަހު އެވެ. އޭނާ ގެއަށް ބަދަލުކުރީ މާފުށީ ޖަލުގައި އޭނާ ހުންނެވި ޖަލު މަރާމާތު ކުރާތީ ކަމަށް ކަރެކްޝަންސް އިން އޮތީ އޭރު ބުނެފަ އެވެ.
ފާރިސް އަނބުރާ ޖަލށް ގެންދިޔައިރު، އަދާލަތު ޕާޓީގެ ރައީސް ޝައިހް އިމްރާން އަބްދުﷲ ވެސް ވަގުތީ ގޮތުން ގޭ ބަންދުގައި ބެހެއްޓުމަށް ފަހު މިއަދު ހެނދުނު ވަނީ އަނބުރާ ޖަލަށް ގެންގޮސްފަ އެވެ.