ޚަބަރު / ޑރ. މުހައްމަދު މުއިއްޒު، މާލޭގެ މޭޔަރު

ހުޅުމާލޭގެ އާ ފްލެޓްތަކުގައި ދިރާސީ އަހަރު ފެށެން ވާއިރަށް މީހުން ދިރިއުޅެން ފަށާނެ: މުއިއްޒު

ހުޅުމާލޭގައި ފްލެޓް އިމާރާތްކުރުމުގެ ބިޔަ މަޝްރޫއު އިފުތިތާހު ކުރުމުގެ ރަސްމިއްޔާތުގައި މިނިސްޓަރު މުއިއްޒު ވާހަކަ މިރޭ ދައްކަވަނީ.---ފޮޓޯ: ހުސެއިން ވަހީދު/މިހާރު

އާމިނަތު ޝިފްލީން، މިހާރު

18 ނޮވެމްބަރ 2017 - 22:19

32 comments

ރައީސް އަބްދުﷲ ޔާމީންގެ ސަރުކާރުން ހުޅުމާލޭގައި އަލަށް އިމާރާތްކުރި 704 ފްލެޓްގައި، އަންނަ ދިރާސީ އާ އަހަރު ފެށުމުގެ ކުރިން މީހުން ދިރިއުޅެން ފަށާނެ ކަމަށް ހައުސިން މިނިސްޓަރު މުހައްމަދު މުއިއްޒު މިރޭ ވިދާޅުވެއްޖެ އެވެ.

މިދިޔަ އަހަރު ނިންމި އެ ފްލެޓްތަކަށް 14،000 އަށް ވުރެ ގިނަ މީހުން ކުރިމަތިލި ނަމަވެސް، އެންމެ މަތިން ޕޮއިންޓް ލިބިގެން ފްލެޓް ކަށަވަރުވީ މީހުންގެ ލިސްޓު ހައުސިން މިނިސްޓްރީން މިދިޔަ ސެޕްޓެމްބަރު މަހު ވަނީ އާއްމުކޮށްފަ އެވެ.

ހުޅުމާލޭ ދެ ވަނަ ފިޔަވަހިން ގާތްގަނޑަކަށް 80،000 މީހުންނަށް ފްލެޓް އިމާރާތް ކުރުމުގެ ބިޔަ މަޝްރޫއު ފެށުމަށް ހުޅުމާލޭގައި ބޭއްވި ޖަލްސާގައި ވާހަކަ ދައްކަވަމުން މުއިއްޒު ވިދާޅުވީ، މަގްސަދަކީ އަންނަ އަހަރުގެ ސްކޫލުތަކުގެ ކިޔެވެން ފެށެންވާއިރަށް 704 ފްލެޓްގައި މީހުން ދިރިއުޅެން ފެށުން ކަމަށެވެ. އަދި އެކަން ކާމިޔާބު ކުރުމަށް ހައުސިން މިނިސްޓްރީ އާއި އެޑިއުކޭޝަން މިނިސްޓްރީ އާއި އެހެން ވެސް ކަމާ ބެހޭ އިދާރާތަކާއެކު މިހާރު މަސައްކަތް ކުރަމުން އަންނަ ކަމަށް ވިދާޅުވި އެވެ.

ފްލެޓް ދިނުމުގައި ކޮރަޕްޝަނަށް މަގުފަހިވާ ގޮތަށް އަމަލު ކުރި ކަމަށް ތުހުމަތު ކުރެވުނު ނަމަވެސް މިނިސްޓަރު ވިދާޅުވީ އެ ފްލެޓްތައް ދީފައިވަނީ އެކަމަށް އެންމެ ހައްގުވާ މީހުންނަށް ކަމަށެވެ. އަދި އެއީ ބޯހިޔާވަހިކަމަށް ވަރަށް ބޭނުންވެފައި ތިބި ނިކަމެތި ކަމަށާއި އޭގެ އެންމެ ހައްގުވެރިން ހޮވުމަށް ބުރަކޮށް މަސައްކަތް ކުރަން ޖެހުނު ކަމަށް ވިދާޅުވި އެވެ.

ހުޅުމާލޭގައި އަޅާފައިވާ ފްލެޓްތަކެއް: ގެދޮރުވެރިކަމުގެ މަޝްރޫއުގައި ގާތްގަނޑަކަށް 15،000 މީހުން ކުރިމަތިލި.

"އެކަމަކު ފްލެޓަށް ކުރިމަތިލި 14،000 މީހުންނަކީ ވެސް އެކަމަށް ވަރަށް ބޭނުންވެފައި ތިބި މީހުން. ފްލެޓަށް މީހުން ހޮވި ފަހުން ވެސް އެތައް ބަޔަކު އަޅުގަނޑާ ބައްދަލު ކުރި." މުއިއްޒު ވިދާޅުވި އެވެ.

އޭނާ ވިދާޅުވީ ފްލެޓަށް ކުރިމަތިލި އެންމެންނަކީ ވެސް އެއަށް ހައްގުވާ މީހުން ކަމަށާއި އިތުރު ފްލެޓްތައް އަޅަން ރައީސް އަބްދުﷲ ޔާމީން ނިންމެވީ އެ މީހުންނަށް ބޯހިޔާވަހިކަން ހޯއްދަވައިދިނުމަށް ކަމަށެވެ.

ހުޅުމާލޭން ދޫކުރާ މި ފްލެޓްތަކުގެ ކުލީގެ ގޮތުގެ ކަނޑައަޅާފައިވަނީ 25 އަހަރަށް ބަހާލައިގެން މަހަކު 6،000 ރުފިޔާ އެވެ. އަދި ޑައުންޕޭމަންޓްގެގޮތުގައި ދައްކަން ޖެހެނީ 25،000 ރުުފިިޔާ އެވެ.

ހައުސިން މިނިސްޓްރީން ކުރިން ބުނެފައިވާ ގޮތުގައި ތިން ކޮޓަރީގެ ފްލެޓްގައި ދިރިއުޅޭނީ އޭގެ ހައްގުވެރިންކަން ޔަގީންކުރާނެ ކަމަށާއި ފްލެޓް ހަވާލު ކުރާނީ ވެސް އެކަން ޔަގީން ކުރުމަށް އެގްރީމެންޓް ހެދުމަށް ފަހުގައި ކަމަށެވެ.

މުއިއްޒު ވަނީ ބޯހިޔާވަހިކަން ފޯރުކޮށްދިނުމަށް ސަރުކާރުން މިހާތަނަށް ކޮށްފައިވާ މަސައްކަތްތަކުގެ ތަފްސީލު މި ޖަލްސާގައި ދެއްވާފަ އެވެ.

އޭނާ ވިިދާޅުވީ ރައީސް ޔާމީން ވެރިކަމަށް ވަޑައިގަތުމަށް ފަހު އެންމެ ފުރަތަމަ ވެސް މަސައްކަތް ކުރެއްވީ ސުނާމީގައި ގޯތިގެދޮރު ގެއްލުނު މީހުންނަށް ބޯހިޔާވަހިކަން ފޯރުކޮށްދިނުން ކަމަށެވެ. އަދި އެއީ އޭގެ 10 އަހަރު ކުރެއްސުރެ ހައްލު ނުވެފައި އޮތް މައްސަލައެއް ކަމަށާއި އެކަން، އެ މަނިކުފާނު އެންމެ އަހަރެއްގެ ތެރޭގައި ކޮށްދެއްވި ކަމަށް މިނިސްޓަރު ވިދާޅުވި އެވެ.

"ރައީސް ޔާމީނަކީ ހުސް ވައުދުވާ ބޭފުޅެއް ނޫން. އެ މަނިކުފާނު ވާހަކަފުޅެއް ވިދާޅުވެއްޖެ ނަމަ ރައްޔިތުންނާ ހަމައަށް ވަޑައިގަންނަވަނީ އެކަން ކުރާނެ ގޮތްތަކާއެކު." ވޭތުވެ ދިޔަ ހަތަރު އަހަރު ސަރުކާރުން ގެނެސްފައިވާ ތަރައްގީތައް ފާހަަގަ ކުރައްވަމުން މުއިއްޒު ވިދާޅުވި އެވެ.

ޑރ. މުހައްމަދު މުއިއްޒު، މާލޭގެ މޭޔަރު ހުޅުމާލެ ހުޅުމާލެ ހައުސިން ފްލެޓް ރައީސް އަބްދުﷲ ޔާމީން ބޯހިޔާވަހިކަން

32 ކޮމެންޓް, 79 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރީޝާ

20 November 2017

މިނޫން ވާހަކައެއް މިމަނިކުފާނަކަށް ނުވިދާޅުވޭ، މީގެ ކުރިން މުޅިންވެސް ޕާކުގެ ވާހަކަ، މިހާރު ފުލެޓުގެ ވާހަކަ، ބަލަ ފުލެޓް ލިބުނީނަ ނިމުނީއެއްނޫން، އަދި ފުލެޓްގައި ދިރިއުޅެވޭނީވެސް ކާންބޯން ލިބިގެން، ވަޒީފާއެއް ލިބިގެން، އާއިލާ ބެލެހެއްޓޭނެ ގޮތެއް އޮވެގެން، މިނިވަން މުއައްސަސާގެ މީހުން ފުލެޓްދީގެން ގަނެލިގެން ދިވެހިން ނުގަނެވޭނެ، ފުލެޓަކީ ވޯޓްދިނަސް ނުދިނަސް ލިބޭނެ އެއްޗެއް، ހުޅުމާލެ ހިއްކީ ފުލެޓްދޭން، ބިންނެއްމީހުންނަށް ބިންދޭން، އެއީ ވޯޓަށް ވިއްކަން ފުލެޓްދިނުމަށް ހިއްކި ބިމެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

19 November 2017

ބޮޑަށް ލަފާކުރެވެނީ ވޯޓް ގަންނަން ކުރިން މީހުން 500 ރުފިޔާދޭ އުސޫލުން ވޯޓް ޔަގީންކޮށްފައި ފުލެޓުގެ ތަޅުގަނޑު ހަވާލުކުރުމަށް، މިއީ ރިޝްވަތުގެ ވައްތަރެއް، ވޯޓްކާރިވީމަ ސަރުކާރުން އެޅި ޓެކުސްގެ ފައިސާގެ ފުލެޓްތަށް ވޯޓްދޭ އަދި ޔާމީނުގެ ފެކްޝަން ކުރިއަރުވާ މީހުންނަށް ދިނުން، މިއީ ކަނޑައެޅިގެން ހިންގާ ބޮޑު ޖަރީމާއެއް، މިކަމުގެ ފުރިހަމަ ޒިންމާ ހައުސިންގް މިނިސްޓްރީގެ އިސްވެރިން ނަގަންޖެހޭނެ، މިކަންކަން އަދި ބެލޭނެ ދުވަހެއް އަންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައި އެމް ސޯ މުއިޒްޑް

19 November 2017

ދޮންކަލޯ އެބަޖެހޭ ރަނގަޅު ބޭހެއް ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯނުއެދުރު

20 November 2017

ދޮންކަލޯއައް ކުރާކައްދެން އިތުރައް ހަބޭސް ނޫންއެއްޗެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަށްޑޫ މީހާ

19 November 2017

މޮޅު ވާހަކަ ނުދައްކާ ނިކަން އިއުލާން ކޮށްބަލަ ލިބުނު މީހުންގެ ނަންތަށް. ނުކެރޭނެ ވިއްޔާ ފުލެޓް ދިނީ ޕީޕީއެމް އޮފީހުގައި ގުލާމު ކުރަންއުޅުނު ކުދިންނަށް އެކަނި. އަދި ނުވިތާކަށް ރަށްތަކުގައި ޕީޕީއެމް އޮފީސްހަދައިގެން ގުލާމްކުރަން ތިބި މީހުންނަށްވެސް ފުލެޓް ދިން އެމީހުންނަށް ލިބުނު ޕޮއިންޓެއްވެސް އަހަރުމެންނަކަށް ނޭގޭ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑު ގޮހޮޑާ

19 November 2017

2015 ވަނަ އަހަރު ޖުމުހޫރީ މައިދަނުގައި ބޮޑު ހަރަދުކޮށްގެން ބޮޑު ހަރަކަތެއް ހިންގާ 15000 ފުލެޓްގެ އެއްބަސްވުންހެދި ހަނދާން އެބަހުރިތަ: އެވެސް ދުމަށް އެރީ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙައްމަދު ޙަސަން

19 November 2017

އަދި އެ 700 ފްލެޓައްވެސް މީހުނަށް ނުވަދެވޭ؟ ޕިސް ޕިސް. ޕިސް. އެވެސް އަންނަ އަހަރަށޯ. ތިއުޅެނީ 300 އެއްހާ މީހުންނަށް ފްލެޓް ނުދެވިގެން. ދެން ތިވަރުން 80000 މީހުންނަށް 1 އަހަރުތެރޭ ފްލެޓް ދޭނެ ފޯމިއުލާއެއް މަށަކަށް ނުވިސްނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢައުރޭ

19 November 2017

ފުލެޓު ދޮންބެއެޅި ފުލެޓު ތައް ފުލެޓު ވަގު ކަލައިފި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ

19 November 2017

އެމްޑީޕީ އަކުން ނުކުރެވޭނެ . އެމްޑީޕީ އަކީ ގައުމަށް ފައިދާވާ ކަންކަން ކުރަން ދަންނަ ބައެއް ނޫން. މުޅިންވެސް މުޒާހަރާ ކުރަން ދަންނަ ބައެއެް އުޅޭ ޕާޓީ އެއް.އިހްލާސްތެރި ވަފާތެރިން އެޕާޓީ އަކު ނުތިބޭނެ. 3 އަހަރުވީސަރުކާރުގެ ދުވަސްވަރު ގައުމު ދިޔައީ ފަހަތައް ކަން އެމްޑީޕީ މީހުން ގަބޫލު ނުކުރިޔަސް އެއީ ހަގީގަތެއް. ކުންފުނަޏާ ވަދާންގެ އަށް ވީހެން ގައުމަށް ވެސް އޮތީވެފާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންމަނިކު

19 November 2017

ކަލޭ މަށަށް ބުނެދީބަލަ ޔާމީނުގެ ދައުރު ފަށަމުން އަޅަންފެށި 700 ފްލެޓަށް 4 އަހަރު ވީއިރު މީހުނަށް ނުވަދެވިގެން އުޅޭއިރު 1 އަހަރުތެރޭ ހަތްހާސް ފްލެޓަށް މީހުން ވައްދާނެގޮތެއް؟ ނޫނީ ބުނެދީބަމަ 1+1 = ކިހާވަރެއްކަން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދސޗދސ

19 November 2017

އަހަންނަށް ވަރަށް ގިނައިން އަޑު އިވޭ ތިޔަ ފްލެޓް ލިބޭ މީހުން ކުލީގެ ޑަބަލް ކުލި ޖައްސާފައި އެހެން ފަރާތް ތަކަށް ފްލެޓް ދީފައި މާލޭގައި ކުއްޔަށް އެޅޭ ވާހަކަ. ހަމަ ވަރަށް ގިނައިން ވެފަ ހުރި ކަންތައް. ދަންނަ އެތައް ބައެއް ކޮށްފައި ހުރި ކަންތައް ހަމަ. ފްލެޓްވެސް ހޯދަނީ ވިޔަފާރި ކުރަން. ފްލެޓްތަކުގައި އުޅެނީ ކޮންބައެއްތޯ ބެލުން މުހިއްމު..