ގޯތި ތެރޭގައި ތަނެއް އިމާރާތްކޮށްފި ނަމަ ހުކުރު މިސްކިތް ތަރިކައިގެ ލިސްޓުގައި ނުހިމެނިދާނެ ކަމުގެ ބިރު

ރާއްޖޭގެ ތާރީހީ ބިނާއެއް ކަމަށްވާ ހުކުރު މިސްކިތް

އަހުމަދު ސާއިލް އަލީ، މިހާރު

27 ނޮވެމްބަރ 2017 - 12:01

ތާރީޚީ އަދި ސަގާފީ ގޮތުން ފާހަގަކުރެވޭ ރާއްޖޭގެ އެންމެ މުހިއްމު އެއް ބިނާ ކަމަށްވާ އަދި ދުނިޔޭގެ ތަރިކައިގެ ވަގުތީ ލިސްޓުގައި ހިމެނޭ ހުކުރު މިސްކިތުގެ ގޯތިތެރޭގައި ކެފޭއެއް ފަދަ އިމާރާތެއް އަޅައިފި ނަމަ ތަރިކައިގެ ދާއިމީ ލިސްޓުގައި އެމިސްކިތް ނުހިމެނިދާނެ ކަމުގެ ބިރު އުފެދިއްޖެ އެވެ.

ހުކުރު މިސްކިތުގެ އިރުމަތީ ފަރާތު ގޯތި ތެރޭގައި އާ ބަގީޗާއެއް ތަރައްގީކޮށް، އެތަނުގައި ކެފެޓޭރިއާއެއް ވެސް ހަދަން ހައުސިން މިނިސްޓްރީން ވަނީ ނިންމައިފަ އެވެ. އެ މަސައްކަތް ކުރާނެ ބަޔަކު ހޯދަން މިހާރު ވަނީ އިއުލާންކޮށްފަ އެވެ.

ހުކުރު މިސްކިތުގެ ހުޅަނގު ފަރާތު އޮންނަ ގަބުރުސްތާނު: މިސްކިތުގެ އިރުމަތީ ފަރާތަށް ބޮޑު ބަދަލެއް ގެންނަން ސަރުކާރުން ވަނީ ނިންމާފައި --މިހާރު ފައިލް ފޮޓޯ

އެކަމަކު "މިހާރު" އަށް އެނގިފައިވާ ގޮތުގައި 350 އަހަރަށް ވުރެ ގިނަ ދުވަސް ވީ ހުކުރު މިސްކިތް ހިމެނޭ ބިމުގައި އެގޮތަށް ތަނެއް ހަދައިފި ނަމަ ތަރިކައިގެ ދާއިމީ ލިސްޓަށް އެ މިސްކިތް ނާރަފާނެ އެވެ.

ހެރިޓޭޖް މެނޭޖްމަންޓް ދާއިރާއިން ޑިގްރީ ހާސިލްކުރައްވާފައިވާ، ޓްރާންސްޕޭރެންސީ މޯލްޑިވްސްގެ ސީނިއަ ޕްރޮޖެކްޓް ކޯޑިނޭޓަރު އަހުމަދު ތޮލާލް ވިދާޅުވީ ދުނިޔޭގެ ތަރިކައިގެ ލިސްޓުގައި ތަނެއް ހިމަނާ ނަމަ އެތަނެއްގެ ވަށައިގެން ބޭނުން ނުކުރާ ހުސް ޖާގައެއް އޮންނަން ޖެހޭ ކަމަށެވެ. އެހެންކަމުން ހުކުރު މިސްކިތް ހިމެނޭ ސަރަހައްދުގައި ކެފޭއެއް ކަހަލަ އިމާރާތެއް ހަދައިފި ނަމަ އެތަން ދުނިޔޭގެ ތަރިކައިގެ ލިސްޓަށް ނުލެވޭނެ ކަމަށް އޭނާ ވިދާޅުވި އެވެ.

ހުކުރު މިސްކިތް ހިމެނޭ ސަރަހައްދު: ހައުސިން މިނިސްޓްރީން ތަރައްގީ ކުރަން ނިންމާފައި ވަނީ ހުކުރު މިސްކިތުގެ އިރަށް ވާ ގޮތަށް އޮންނަ ޕާކް: މިއީ ވެސް ހުސްކޮށް ބާއްވަން ޖެހޭ ތަނެއް ---ފޮޓޯ: ނިޝާން އަލީ/މިހާރު

"ބަފާ ޒޯންގައި އެއްވެސް ޑިވެލޮޕްމެންޓެއް ނުކުރެވޭނެ. ސަބަބަކީ މުޅި ތަނުގެ ހެރިޓޭޖެ ވެލިއު ކެނޑިގެންދާނެތީ. ތާޖް މަހަލް އޮތް ސަރަހައްދުގައި ވެސް ހުސް ޖާގަ އޮންނާނީ،" ތޮލާލް ވިދާޅުވި އެވެ.

އެކަމަކު މި މައްސަލާގައި ހެރިޓޭޖް ޑިޕާޓްމަންޓުން ވާހަކައެއް ނުދައްކަ އެވެ.

ހުކުރު މިސްކިތުގެ ގޯތިތެރޭގައި އަލަށް ތަރައްގީކުރަން އުޅޭ ސަރަހައްދު: މިއީ ވެސް ހުސްކޮށް ބާއްވަން ޖެހޭ ތަނެއް ---ފޮޓޯ: ނިޝާން އަލީ/މިހާރު

އެ ޑިޕާޓްމަންޓްގެ މީޑިއާ އޮފިޝަލް ހަސަން މުހައްމަދު ވިދާޅުވީ އެތަނުގެ ކަންބޮޑުވުންތަކެއް ހުރުމުން އެކަމާ ގުޅޭ ގޮތުން ހައުސިން މިނިސްޓްރީއާ މަޝްވަރާ ކުރަން ނިންމާފައިވާ ކަމަށެވެ. އިތުރު ތަފްސީލެއް ނުދެއްވި އެވެ.

އެނގިފައިވާ ގޮތުގައި ޔުނެސްކޯއިން މިހާރު ލަފާދީފައިވަނީ ހުކުރު މިސްކިތް ވަށައިގެން ބޮޑު ހުސް ޖާގައެއް ބޭއްވުމުގެ ފުރުސަތު ކުޑަވުމުން އެ ސަރަހައްދުގައި ތަރައްގީގެ މަޝްރޫތައް ނުހިންގުމަށެވެ.

ހައުސިން މިނިސްޓްރީން ބުނެފައިވަނީ ހުކުރު މިސްކިތު ގޯތިތެރޭގައި ކެފޭއެއް ހަދަނީ އެތަނުގައި ހުރި އާސާރީ ތަންތަނަށް ގެއްލުންނުވާ ގޮތަށް ކަމަށެވެ.

Hukuru miskiy himeney sarahadhu tharaggee kuraanee aasaaree thakehchah gellun nulibey gothah: Housing

The most trusted news source in the Maldives

Mihaaru

ދުނިޔޭގެ ތަރިކައިގެ ލިސްޓުގައި ތަނެއް ހިމެނިއްޖެ ނަމަ އެތަން ހިމާޔަތް ކުރަން ދުނިޔޭގެ އެހެން ގައުމުތަކުން ވެސް މަަސައްކަތް ކުރާނެ އެވެ. އަދި އެތަންތަނަށް ޒިޔާރަތްކުރާ ފަތުރުވެރިންގެ އަދަދު ވެސް އިތުރުވާނެ އެވެ.

މާލޭގައި މިހާރު ހުރި އެންމެ ތާރީހީ ބިނާތަކުގެ ތެރޭގައި މާލޭ ހުކުރު މިސްކިތް ހިމެނެ އެވެ. އެއީ ރާއްޖޭގެ ތާރީހު ރަމްޒުކޮށްދޭ ބިނާއެކެވެ. ރާއްޖޭގެ ފަންނުވެރިންގެ ކަވި މަސައްކަތްތައް ދައްކުވައިދޭ ތަނެކެވެ.

ހުކުރު މިސްކިތް ތާރީހް ޔުނެސްކޯ އިސްލާމް

30 ކޮމެންޓް, 46 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގާދިރު

29 November 2017

ގ.ކެނެރީގޭމުޙައްމަދު ނަޝީދައްވެރިކންދީފިނަމަ މިސްކިއްތައްތަޅާލައި ފައްޅިއަޅާނެކަމައްބުނެ ސަރުކާރާހަވާލުވިމީހުންކީއްބާމިކުރަނީގައިމު މި ސަރުކާރުގަގުރުއާނާބެހޭމަރުކަޒެއްގެނަންބޯޑުޖަހައިގެންލޯބީގެފިލްމުވެސްދެއްކީމިސްކިއްތަކާމުހިއްމުބިނާތައްތަޅާއެތަންތަނުގައި ކެފޭތައްއަޅަން އިއްލާންކޮއް އެހަދަނީނަޝީދުކުރާނީމިކަންތަކޭކިޔާހެދިމީހާބުނި ހުރިހާކަމެއްއެގެންދަނީކުރަމުންފައްޅިވެސްއަދިއަޅާނެމަޖިލީހުންފާސްކޮއްފިއްޔާކޮންމެ އެއްޗެއްވެސްގެޒެޓްކުރަންހުރިވާހަކަވެސްބުނެފައޮތީ ކާކުބާލާދީނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙުއްމާ

27 November 2017

މި ސަރުކާރު ނިމޭއިރު ރާއްޖޭގަ އެއްވެސް ތަރިކައްެއް އާސާރީ ތަނެއް ނުހުއްނާނެ. ރާއްޖޭގެ ތާރީޚްވެސް 2013 އާއި ހަމަޔަށް ފޮހެލާނެ. އެއިރުން މިރާއްޖޭގެ ތާރީޚް އިން އެނގެން އޮތް ފުރަތަމަ ރައީސަކީ ޔާމީނު ކަމަށް ވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗިކުސް

27 November 2017

ކީއްވެ ތިތަނުގަ ކެފޭ އަޅަނީ؟ ދިވެހި ރައްޔިތުންގެ ނުރުހުމުގައި ކެފޭ އަޅާގެންވާނެ ފައިދާއެއް ނެތް؟ ތި މިސްކިތަކީ މިހާރުވެސް ތި ސަރަހައްދުގެ މަސައްކަތްކުރާ ގިނަމީހުން ނަމާދުކުރަންދާ ތަނެވެ. އާރާއިބާރު އޮތީވެ ތިކަންކުރެވިދާނެ މިއަދު. ވާާނެއެއްވެސް ފައިދާއެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާސީނު

27 November 2017

ރައީސުލް ޖުމްހޫރިއްޔާ އެކަން އެކުރައްވަނީ ހަމަ ތިޔަ ލޮބުވެތި ދިވެހިރައްޔިތުންގެ ހައްޤުގައި. ހުރިހާ އެންމެން ބާރަށް އަތްޖަހަންވީމަ ކޮންހާ ބޢކާރު ޝަކުވާތަކެއްތަ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަވޭ

27 November 2017

ހުކުރު މިސްކިތް ތަރިކައިގެ ލިސްޓްގައި ހިމަނަން މާލޭގައި ދިިރިއުޅޭ އެއްވެސް ރައްޔިތަކު ނުބުނެއެވެ. ހުކުރު މިސްކިތް ކޮންމެހެން ތަރިކައިގެ ލިސްޓްގައި ނުހިމެނިއަސް މަމެންނަށް ހެޔޮ ހުކުރުމިސްކިތް ހުރި ތަނުގައި 25 ބުރީގެ އިމާރާތެއް ހަދާ އެ އިމާރާތުގެ ތިރީ ބުރި އާއި މަތީ ބުރީގައި ހުކުރު މިސްކިތް ހުރީމާ ނިމުނީ އެވެ. އެއީ އެއްވެސް މައްސަލަ އެއް ނޫނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިންކް ކުލަ

27 November 2017

މިދާވަރުން ދަންޏާ ދެންފެންނާނީ އިސްލާމީމަރުކަޒުތަޅާލާ އިސްލާމީ މަރުކަޒު ހުރިތާގަ ޕާރކް ހަދާތަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިންތިލީ ވޫމް

27 November 2017

ހުކުރު މިސްކިތުގެ ގޯތިތެރޭގައި އެއާޕޯޓެއްއަޅާ، ކެފޭއަކައްވުރެން މާ ފައިދާވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1234

27 November 2017

މަށަށްފެންނަނީ ހުކުރު މިސްކިތާއި މިސްކިތުގެ ގޯތިތެރޭގައި ހުރި ހުރިހާ އެއްޗެއް (ގަބުރުތައްވެސް) ކޮނެގެން ނަގައިގެން ގެންގޮސް ގދ. ތިނަދޫގައި ބަހައްޓަން. އެއަށްފަހު އެބިމުގައި ކެފޭއާއި، ފުޓްސަލް ދަނޑާއި، ވޮލީކޯޓު އަޅަން. މިސަރުކާރަކީ ވަރަށް ގިނައިން އެކަހަލަ މޮޅެތި ކަންކަން ކޮށްފަ ހުރި ސަރުކާރެއް ވީމަ މިހެން ހިޔާލެއް އެރުވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެފޭ

27 November 2017

ތިތާހަދަން އުޅޭ ކެފޭ އަށްނުވަނުމަށް ދިވެހިން ނިންމަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާބޫ

27 November 2017

ތި ލިސްޓަށް އެރިޔަސް ނޭރިޔަސް އޯކޭ. އެއަށް އެރީމަ ލިބެނީ ކޯޗެއްތަ ވަކި؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1234

27 November 2017

އެއްޗެއް ލިބޭތީތަ މިތާ ތިކޮމެންޓްކުރަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުކް

27 November 2017

އެއޮތީނު ލިޔެފަ ލިސްޓަށް އެރީމަ އެހެން ގައުމުތަކުންވެސް އެތަން ހިމާޔަތްކުރަން އުޅޭނެއޭ. އަހަރުމެން ދިވެހިންނަށް ތަނެއްގެ އަގު އިހްސާސްވާން ފަށަނީ މީހަކު އެތަނަކާ ބެހެން އުޅުނީމަ. އެހެން ނޫނީ ވަރިހަމަ ހުސް ދަޅާ ފުޅިން އެތަނެއް ކިތަންމެ ހަޑިކުރިއަސް. ދެރަވާނެ އަޅާލާނެ މީހަކު ނޫޅޭ.