ގައިދީންތަކެއް، މާލޭގެ މަގު ހެދުމުގެ މަސައްކަތް ކުރަނީ.-- މިހާރު ފޮޓޯ
26 ޖުލައި 2018 - 15:10
27 comments
ހުކުމް ތަންފީޒުކުރަމުންދާ ބައެއް ގައިދީންގެ އަދަބު ލުއިކޮށްދޭން ރައީސް އަބްދުﷲ ޔާމީން ނިންވަމައިފި އެވެ.
ރައީސް އޮފީހުގެ ތަރުޖަމާން އިބްރާހިމް މުއާޒް އަލީ މިއަދު ކުރެއްވި ޓްވީޓެއްގައި ވިދާޅުވީ، ގައިދީންގެ އަދަބުތައް ލުއިކޮށްދޭން ރައީސް ޔާމީން ނިންމެވީ މިއަދު ފާހަގަކުރަމުން އަންނަ މި އަހަރުގެ މިނިވަން ދުވަހާ ގުޅިގެން ކަމަށެވެ.
ރައީސް އޮފީހުން ނެރުނު ބަޔާނެއް ގައި ބުނީ، އަދަބު ލުއިކޮށްދޭ ގައިދީންގެ ތެރޭގައި، މީހަކު މެރުމާއި އިސްލާމީ ޝަރީއަތުގައި ހައްދު ކަނޑައަޅާފައިވާ ކުށްތަކާއި ޓެރަރިޒަމާއި ކުޑަކުއްޖަކަށް ޖިންސީ ގޯނާ ކުރުމުންދާ މީހުން ނުހިމެނޭނެ ކަމަށެވެ. އޭގެ އިތުރުން މަސްތުވާތަކެތީގެ ވިޔަފާރި ކުރުމާއި ގަދަކަމުން ބަދުއަޚުލާގީ އަމަލު ހިންގުމާއި އެއް ޖިންސުން ޖިންސީ ގުޅުން ހިންގުމުގެ ކުށުގައި ތިބި މީހުން ވެސް، އަދަބު ލުއިކޮށްދިނުމުގެ ތެރޭގައި ނުހިމެނޭނެ ކަމަށް ރައީސް އޮފީހުން ބުންޏެވެ.
އަދަބު ލުއިކޮށްދޭން ނިންމާފައި ވަނީ، މާފު ދިނުމާއި އަދަބު ލުއިކޮށްދިނުމުގެ ގާނޫނުގެ 29 ވަނަ މާއްދާގެ ދަށުން ޝަރުތު ހަމަވާ މީހުންނަށެވެ.
އަދަބު ލުއިކޮށްދޭން ރައީސް ނިންމަވާފައި ވަނީ އެކަމަށްޓަކައި އެކުލަވާލާފައިވާ ކޮމެޓީއަކުން، ގައިދީންނާއި އެ މީހުންގެ ބެލެނިވެރިންނާ އިންޓަވިއުކޮށް، ޚާއްސަ ޝަރުތުތަކެއް ކަނޑައެޅުމަށް ފަހު އެވެ. އެގޮތުން، އަދަބު ލުއިކޮށްދީފައިވާ މީހަކު، ޝަރުތުތަކާ ހިލާފުވެއްޖެ ނަމަ އެ މީހަކަށް ކޮށްދިން ލުއި ބާތިލްވާނެ ކަމަށް ރައީސް އޮފީހުން ބުންޏެވެ.
އެއާ އެކު، އަދަބު ލުއިކޮށްދިނުމުގެ ކުރިން އެ މީހަކު ހުރި ހާލަތަށް ބަދަލުވެގެން ދާނެ ކަމަށާއި ލުއިކުރި އަދަބުގެ ހުކުމުގެ ތަންފީޒު ނުވެ ބާކީ އޮތް މުއްދަތު، ތަންފީޒު ކުރަން ޖެހޭނެ ކަމަށް ރައީސް ކަނޑައަޅުއްވާފައިވާ ކަމަށް ވެސް ބުންޏެވެ.
ޖިނާއީ ހުކުމެއްގެ ދަށުން އަދަބު ކަނޑައަޅާފައިވާ މީހުންގެ އަދަބު ލުއިކޮށްދިނަސް، ފައިސާއެއް ދައްކަން ހުކުމުގައި ކަނޑައަޅާފައިވާ ނަމަ އެ ކަމަކަށް ލުޔެއް ނުދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢޙަމީދު
27 July 2018
އަންގިދޭނެ ދޯ
އަންސާ
26 July 2018
ނަރުހުންގެ އެލަވަންސް ތައް ކެޑީމާ ވަރަށް ވޯޓް ލިބޭނެ...
ހުންސާ
28 July 2018
ނަރުހުންނާއި، ޓީޗަރުންނާއި ފުލުހުންނާއި ސިފައިން އެކަނިތަ އުޅެންޖެހެނީ. މިމީސްމީހުންނަށް މިހާރުވެސް ވިއްސަކަށް ހާހަށްވުރެން މަތިން އެބަލިބޭ.
ހޯހޯ
26 July 2018
މިގައުމުގައި ހިނގާ ކުއްތަކުގެ މަދު މައްސަލައެއް ފުލުހުންނަށް ހުށަހެޅެނީ. އޭގެން މަދު ބައެއް އެކަށީގެން ވާ ވަރަށް ތަހުގީގު ކުރެވި ޕީޖީ އަށް ފޮނުވެނީ، ބާކީ ފައިލްކޮއްފަ. ޕީޖީއަށް ފޮނުވޭ މަދު މައްސަލަ އެއް ކޯޓުން ސާބިތުވެ ހުކުމެއް ކުރެވެނީ. އެ ޖަލަށް ލެވޭ މަދު ކުއްވެރިން ސަލާމަތްވާނެ ހާސް މަގު އެބަ އޮވޭ. ޕެރޯލް އާ އަފޫ އާންމު ތަކާ.
އަޖީތު
26 July 2018
އަދިކިރިޔާ މިނިވަންދުވަހެއް މި ވެރިކަމުގައި މިއައީ؟ ނޫން ނޫން. މި ފަހަރު ވޯޓުލާންޖެހޭތީ ކުރާ ކަމެއް. މިއީ މިނިވަންދުވަހާ ގުޅޭ ކަމެއް ނޫން!
ބަނާނާ
26 July 2018
ކޮއްކޮމެންނޭ ގައުމަށް ހެވެއްއެދޭނަމަ ވޯޓުނެދޭތި ދޫކޮށްލީއޭ ކިޔާފަ.
ހާޖަރާ
26 July 2018
ވަރަށް ރަނގަޅު ނިންމެވުމެއް.
ޖޫސްޕެޓީ
26 July 2018
5 އަހަރުން އެއްއަހަރުތަ މިނިވަންދުވަހެއް އަންނަނީ.
ވާނުވާ
26 July 2018
މިނިވަންކަން އިހުސާސްވާނީ އަޅުވެތިކަމެއް ތަހަައްމަލް ކުރިބައެއް... ވިސްނާލައްވާ މިއަދަކީ މިޤައުމުގެ 53 ވަނަ މިނިވަންދުވަސް، އިގިރޭސިންގެ އަތުން އަޅުވެތިކަމުން ސަލާމަތްވިދުވަސް.....ނަމަވެސް ވިސްނާލައްވާ އަނެއްކާވެސް ހަމަ އެ އިގިރޭސިން މިއަދު އަނެއްކާވެސް ޤައުމުގެ ދާހިލީ ކަންކަމުގެ ތެރެއަށްވަންނަގޮތް....ވިސްނާ
ގޯލްޑްމޭން
26 July 2018
އިނގިރޭސިންނެއް ނޫޅޭ ރާއްޖެއަޅުވެތިކުރާކަށް މިހާރު! އެޒަމާން ހިނގައްޖެ! ތިޔައިީ މިހާރު ޕީޕީ މީހުން ދިވެހިންގެ ބޯކާލެވޭތޯ ދަމާ ފަތިވަރެއް!
ހަރުވާޅު
26 July 2018
އިނގިރޭސިންގެ "އަޅުވެތިކަމުގަ" އެމީހުން ކަލެއަށް ނުވަތަ ދިވެއްސަކަށް ކުރި ގޯނާއެއް ބުނެދީފާނަންތޭ.
ވާނުވާ
26 July 2018
ލުއި ލިބުން ހުރިހާ ގައިދީންނަށް މަރުހަބާ...ލިބުނު ފުރުސަތުގެ ބޭނުން ހެޔޮގޮތުގައި ހިއްޕަވާ......
ބޮކުބާޑު
26 July 2018
މިފޮޓޯއަށް ރަގަޅަށް ބަލާލަބަލަ. ބުރަ މަސައްކަތާއެކު ގައިދީން މަގުމައްޗަށް ނެރެފަ އެތިބީ އެއްވެސް ރަށްކާތެރިކަމެއް ނެތި. އަރައިގެން އެތިބީ ފެންފައިވާނުގަ. އަރާލާނެ ބޫޓެއް ނުދެވުނުތާ، ގަދަ އަތްވަށް ނެރިފަތިބޭ އިރު ބޮލުގަ އަލާނެ ތޮތްޕެއްހާ ހިސާބުވެސް ދިށްކޮށްލެވިފަ ނެތް، ކީކޭ ބުނާނީ. ތަންތަނަށް މީހުންލަނީ އެއްވެސް ބަލާލުމެއްނެތި އެޅިހާބަތަކަށް ރިހައަޅާ ވަށްތަރު ރިހަ މީހުންވިއްޔާ. ކީއްކުރާނީ. ގައުމުގެ ހާލަތު.