ރައީސް އިބްރާހިމް މުހައްމަދު ސޯލިހް، ދ. އަތޮޅު ހޮސްޕިޓަލްގެ ހާލަތު މިދިޔަ ހަފުތާގައި ބައްލަވާއިރު، ހެލްތު މިނިސްޓަރު އަމީން އަރިހުގައި.---ފޮޓޯ: ހެލްތު މިނިސްޓްރީ
19 އޮކްޓޯބަރ 2019 - 13:22
16 comments
ރަށުގައި ހުންނަ ސިއްހީ މަރުކަޒުތަކަށް ސާމްޕަލް ދީގެން، ރާއްޖޭގައި މީހުން ދިރިއުޅޭ ހުރިހާ ރަށެއްގައި ލޭގެ ޓެސްޓްތައް ހަދަން ފެށުމުގެ ރަސްމީ މަސައްކަތް ހެލްތު މިނިސްޓްރީން މާދަން ފަށަން ނިންމައިފި އެވެ.
ރާއްޖޭގެ 183 ރަށުގައި މީހުން ދިރިއުޅޭއިރު ލެބޯރެޓަރީ ހުންނަނީ 90 ރަށެއްގަ އެވެ. ޓެސްޓްތައް ހެދުމަށް ގިނަ ރަށްރަށުން މީހުން ދާން ޖެހެނީ ކަނޑު ދަތުރުތައްކޮށް އަތޮޅު ހޮސްޕިޓަލްތަކަށެވެ. ކޮންމެ ރަށެއްގައި ލެބޯރެޓަރީއެއް ހެދުމަކީ ބޮޑު ހަރަދަކަށް ވާތީ ސަރުކާރުން މިހާރު ނިންމާފައިވަނީ "މޯބައިލް ލެބޯރެޓަރީ" ގެ ހިދުމަށް ފެށުމަށެވެ.
ހެލްތު މިނިސްޓްރީގެ ޑެޕިއުޓީ ޑިރެކްޓަރު ޖެނެރަލް ތަސްލީމާ އުސްމާން "މިހާރު" އަށް މިއަދު ވިދާޅުވީ މާދަމާ ފަށާ ޕްރޮޖެކްޓުން ކުރިއަށް އޮތް އަހަރެއްހާ ދުވަހުގެ ތެރޭގައި ރާއްޖޭގެ ހުރިހާ ރަށެއްގައި ތިބެގެން ޓެސްޓްތައް ހެދޭނެ ކަމަށެވެ.
އެގޮތުން، އެ ރަށެއްގައި ހުންނަ ސިއްހީ މަރުކަޒަކަށް ޓެސްޓް ހެދުމަށް ސާމްޕަލް ދިނުމުން އެ މިނިސްޓްރީން އެ ސާމްޕަލްތައް ލެބޯރެޓަރީ ހުންނަ އެންމެ ކައިރި ރަށަކަށް ގެންގޮސް އެ ދުވަހުން އެ ދުވަހަށް ނަތީޖާ ލިބޭނެ އިންތިޒާމް ހަމަޖައްސާނެ ކަމަށް ވިދާޅުވި އެވެ.
"ސާމްޕަލްތައް ލެބޯރެޓަރީ ހުންނަ ރަށްތަކަށް ގެންދިއުމަށް އަޅުގަނޑުމެން ވަކި ފަރާތްތަކަކާ ހަވާލު ކުރާނަން. ސާމްޕަލް ދެއްވުމުން އެ ދުވަހު އޮންލައިންކޮށް ނަތީޖާ ލިބޭނެ،" މާދަމާ ފަށާ ޕްރޮޖެކްޓާ ގުޅޭގޮތުން ތަސްލީމާ ވިދާޅުވި އެވެ.
އެ ޕްރޮޖެކްޓްގެ ދަށުން ހުރިހާ ރަށަކުން ވެސް ލޭ ނަގައިގެން އާންމުކޮށް ހަދާ ހުރިހާ ޓެސްޓެއް ހެދޭނެ ކަމަށް އޭނާ ވިދާޅުވި އެވެ.
އެ ޕްރޮޖެކްޓް ރަސްމީކޮށް ފެށުމަށް ނިންމާފައި ވަނީ ލ. އަތޮޅުގަ އެވެ. އެކަން ފައްޓަވައި ދެއްވާނީ ހެލްތު މިނިސްޓަރު އަބްދުﷲ އަމީނެވެ. އެ އަތޮޅު ކުނަހަންދޫ އާއި މާމެންދޫން ހިތަދޫގައި ހުންނަ ލެބޯރެޓަރީ އަށް ސާމްޕަލް ގެންދިއުމަށް ވަނީ ނިންމައިފަ އެވެ. އަދި ދަނބިދޫ އާއި މުންޑޫން މާބައިދު އަށް ސާމްޕަލް ގެންދާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިގޭ
20 October 2019
ކާލު ހާލިހެދީމާ ކޮވެލި ބިސްއަޅާގޮތަށް ތިޔައީ މިހާރުވެސް ޕްރެޓިސް ކުރަމުންގެންދާ ކަމެއް. ރައްޔިތުން ގުނބޯ ނުހައްދަވާ.
އަންނީ
20 October 2019
މޯބައިލް ލެބޯޓްރީގެ ޚިދުމަތަކީ 2011 ވަނަ އަހަރުން ފެށިގެން ތަޢާރަފް ކުރެވިފައިވާ ޚިދުމަތެއް. މިއަދާ ހަމައަށް އެޚިދުމަތް އެންމެ އެކަށީގެންވާ ގޮތުގައި ރައްޔިތުންނަށް ނުލިބެނީ ރަގަޅު ދަތުރުފަތުރުގެ ނިޒާމެއް ނެތިގެން. މާދަމާ ފޮނުވަން މިރޭ ސާމްޕަލް ނަގާފަ މާދަމާ ހެނދުނު މި އެނގެނީ ފެރީ ނޯންނަކަން. ދެން މިޖެހެނީ ބަލި މީހާ އަމިއްލައަށް އެތައް ހާސް ރުފިޔާއެއް ދީފަ ރީޖަނަލް ހޮސްޕިޓަލަށް ސާމްޕަލް ފޮނުވަން ނުވަތަ ބަލި މީހާ ދާން.
ބޮސް ރޮސް
20 October 2019
ކޮންމެ ކަމެއް ސިޔާސީ ނުކޮށްބަލަ. ވެރިކަމަށް އަންނަންޖެހޭނީ ކޮންމެ ބަަޔަކުވެސް ރައްޔިތުންނަށް ޚިދުމަތް ކުރަން. އެހެންވީމާ އެބައެއްގެ ވިސްނުމާ އެއްގޮތަށް ކޮންމެބަޔަކުވެސް ކަންތައްތައް ރަނގަޅު ކުރަންޖެހޭ.އެއީ ވާދަވެރިވެ ހަސަދަވާންވީ ކަމެއްނޫން. ވެރިކަމާ ނާޖާއިޒު ފައިދާ މިދިޔަ 5 އަހަރު ލިބިލިބި ތިބި ބަަޔަކަށް މިކަހަލަގޮތްތަކެއްވާނެކަން އެނގޭ.. އެހެންވީމާ މިކަންކަން ރަނގަޅުކުރަން އެބަޖެހޭ ބަޔަކު ތެދުވަން.
ޞިދުޤީ
20 October 2019
ބައްލަވާ! ތިޔަޚިދުމަތް ބ. ޢަތޮޅުގައި ފައްޓައިގެން ކުރިޔަށްދާތާ އަދަށް 4 އަހަރު. ދުނިޔޭގެ ތަންތާ ކަންކަން ހިނގާކަން ރާއްޖޭގެ ބައެއްމީހުންނަށް ނޭނގެނީތަ؟ ނޫނީ ގަސްތުގަ އޮަލުވާލަނީތަ؟ ނޫނީ އުޑެއްބުޑެއް ނޭނގެނީތަ. ވަކިބަޔަކަށް ގޮސްހުސްވިޔަސް އެބަޖެހޭ ހަގީގަތް ގަބޫލުކުރަން. މީ ހަގީގަތް. މިއެއް ބަދަލެއް ނުވާނެ. ނަދީމާއަށް ސަލާމް
އިންކް
20 October 2019
ބ.އަތޮޅުގައި އެކަނި ކުރީމާ ނިމުނީތަ.
ޔޫން
19 October 2019
މިހާރުވެސް މޯބައިލް ލެބޯޓްރީގެ ހިދު މަތް ބައެއް އަތޮޅުތަކުގަ އޮވޭ. އަލަށްކުރާކަ މެއްނޫން ތީ އަސްލު.
ޑުރެކިއުލާ
19 October 2019
ބޭރު ގައުމެއްގެ އެހީގައި ނަމަވެސް ރަނގަޅު ފެންވަރުގެ ޑްރޯނެއް ހޯދައިފިއްޔާ މޫސުން ރަނގަޅު ދުވަސްދުވަހު ކައިރި ރަށްރަށަށް ހަރަދުކުޑަކޮށް ސާންޕަލް ފޮނުވާލެވޭނެކަމަށް މަމެން ދެކެނީ. ވަރަށް ބޮޑުތަނުން ހަރަދުކުޑަވާނެ ތޯއްޗެ.
މޫސާ ކަލލޭފާނު
19 October 2019
ކިހިނެއްތޯ ކޮންމެރަށެއްގައި ލެބޯޓަރީއެއް އަޅަނީ. މިއީ މާކުރިންވެސް ކުރަންޖެހިފައޮތްކަމެއް. ޝުކުރިއްޔާ މިނިސްޓަރ އަމީން ތިގެންގުޅުއްވާ ޒަމާނީ ކޮސްޓް އިފެކްޓިވް ވިސްނުންފުލަށް. މިފަދާ ބިނާކުރުވަނިވި ވިސްނުންފުޅުތަކަކީ ރައްޔިތުންނަށް ބޯޑުފަސޭހައެއް ލިބޭނެކަމެއް
ނަދީމާ އަހުމަދު
19 October 2019
ސިއްހީ ދާއިރާ މެކުހަށް. އިބޫގެ ވައުދުތައް ހަގީގަތަކަށް. ހިންގުންތެރި ވަޒީރަށް ސަނާއާއި ތައުރީފް
ޝޮކްތެރަޕީ
19 October 2019
ކުރީސަރުކާރިގެ ފޮނިމީރުކަން ނާޖައިސް ގޮތުގަ މިސަރުކާރު ނަގަނީ.
އަސްލު ހަގީގަތް
20 October 2019
ކޮންކަމެއްގެ ފޮނިމީރުކަން ހޯދަނީ.
ވާފިރު
19 October 2019
އަމީން ވަރުގެ ވަޒީރެއް ހަމަ ނެތީއޭ! ސާބަހޭ ދަރިޔާ!