މާލޭގައި ބިދޭސީން ދިރިއުޅޭ ތަންތަން، ސިޓީ ކައުންސިލްގެ ބައެއް މުވައްޒަފުން ބަލަނީ
19 މާޗް 2020 - 21:56
12 comments
ދުނިޔޭގައި މިހާރު ހަލުވިކަމާ އެކު ފަތުރެމުންދާ ކޮވިޑް-19 އިން ރައްކާތެރިވުމަށް، މާލޭގައި ބިދޭސީން އުޅޭ ތަންތަނާއި އެ މީހުން އުޅޭ ހާލަތު، މާލޭ ސިޓީ ކައުންސިލުން ބަލަން ފަށައިފި އެވެ.
ގިނަ އަދަދެއްގެ ބިދޭސީން އުޅޭ މާލޭގައި ރޯގާ ފެތުރިއްޖެ ނަމަ އަދި އެ މީހުން ދިރިއުޅޭ ތަނަކުން ރޯގާ ފެނިއްޖެ ނަމަ، އަޅާނެ ރައްކާތެރިކަމުގެ ފިޔަވަޅުތައް ދެނެގަތުމަށް ފެށި މި ހަރަކާތުގައި މިއަދު ވެސް ވަނީ ބިދޭސީން އުޅޭ ގިނަ ތަންތަނެއް ބަލައިފަ އެވެ. އަދި ކުރިއަށް އޮތް ދެ ދުވަހު ވެސް އެ ހަރަކާތް ކުރިއަށް ގެންދާނެ ކަމަށް ސިޓީ ކައުންސިލުން ބުންޏެވެ.
ކައުންސިލްގެ އޮފިޝަލަކު ވިދާޅުވީ ބިދޭސީން ދިރިއުޅޭ ތަންތަނާއި ކައްކާ ތަންތަނަށް ގޮސް، އެތަންތަނުގައި ދިރިއުޅޭ އަދި އެ ތަންތަން ބޭނުން ކުރާ މީހުންގެ އަދަދު ބަލާނެ ކަމަށެވެ. އެއީ ރޯގާ ފެތުރިއްޖެ ނަމަ، ތަން ބަންދު ކުރުމާއި ކަރަންޓީނު ކުރާނެ މީހުންގެ އަދަދު ދެނެގަތުމަށް ކަމަށް އޭނާ ވިދާޅުވި އެވެ.
މާލޭގައި ބިދޭސީން ދިރިއުޅޭ ތަންތަން، ސިޓީ ކައުންސިލްގެ ބައެއް މުވައްޒަފުން ބަލަނީ.
"ބޭނުމަކީ އެންމެ ނުރައްކާތެރި ހާލަތަށް ވެސް ތައްޔާރުވެ ތިބުން،" އޮފިޝަލް ވިދާޅުވި އެވެ.
މާލޭގައި އެތައް ހާސް ބިދޭސީން އުޅޭއިރު އާއްމު ގޮތެއްގައި އެފަދަ ކޮންމެ ތަނެއްގައި ވެސް ގިނަ ބަޔަކު ދިރިއުޅެ އެވެ. އަދި މި ފަދަ ތަނެއްގައި ބަލި ފެތުރިއްޖެ ނަމަ ކޮންޓްރޯލް ކުރުމަކީ އުނދަގޫ ވާނެ ކަމެއް ކަމަށް ސަރުކާރުން ވެސް ވަނީ ބުނެފަ އެވެ.
ރާއްޖެއަށް އެންމެ ގިނައިން ބިދޭސީން އަންނަ ބަންގްލަދޭޝް އާއި އިންޑިއާގައި ހަލުވި ކަމާއެކު ކޮވިޑް-19 ދަނީ ފެތުރެމުންނެވެ. އަދި ބަންގްލަދޭޝް އިން ރާއްޖެ އަށް ކުރާ ދަތުރުތައް މިހާރު ވަނީ ހުއްޓާލައިފަ އެވެ.
ރާއްޖެ އިން މިހާތަނަށް 13 މީހަކު ޕޮޒިޓިވްވެފައިވާއިރު އަދި ދިވެއްސެއްގެ ގައިން މިބަލި ފެނިފައެއް ނުވެ އެވެ. ނަމަވެސް ގިނަ ދިވެހިން ވެސް ވަނީ ބައްޔަށް ޓެސްޓުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާތުމަތު
20 March 2020
ބަންގްލަދޭޝް މީހުންނެކޭ އެއްގޮތަށް ސަމާލުކަންނުދީނުވާއެކިގައުމުތަކުގެމީހުންމާލޭގައެބައުޅޭ. ކޮންމެވެސް ސްޕޮންސަރ އެއްހޯދައިގެންއޯޕަން ކޮށް ޕާރޓްޓައިމް މަސައްކަތް ކުރަން ދުވާލަކު 6ގެނޫނީ 7ގޭ ގަމަސައްކަތްކޮށްފަގްރޫޕްހަދައިގެންކޮޓަރިއެއްގައެއުޅޭ މީހުންތައް.
ޑޮންޑަނާ
20 March 2020
މިސަރުކާރަށްވެސް އެއްވެސް ކަމެއްނޫން ބޭރުމީހުންގެ ކަންތައް ހައްލުކުރަން. އެކަމަކު އެކަން ނުކުރަނީ މަސައްކަތްކުރާނެ ދިވެހން ނުތިބޭތީ.
ސަންފަގެއަލީ
20 March 2020
އެބުނާހެން މިހާރަކު ތިކަމެއްނުވާނެ. ނާޖާއިޒުގޮތަކަށް ގައުމަށް ފޯއްއެތެރެކުރިހެން ބޭރުމީހުން އެތެރެކޮށް އެއްވެސް އުސޫލެއްނެތި މަގުމައްޗަށް މިއޮތީ އޮއްސާލާފަ. އާއްމުންނަށް އުނދަގުލަކަށް ވެފަ. އެއްވެސް ސާފުތާހިރުކަމެއް އަހުލާގެއް ތިބިބައެއްނޫން. ކޮވިޑެއްގެމާކުރިންވެސް މިކަމެއްއޮތީމިހެން. ކުޑަމިނުން ޖަމާއަތުގައި މިސްކިތު ނަމާދުކުރެވޭވަރެއްވެސްނޫން. ދުވާވަހުން ދަލާކުނިމިލަޔާ އެކު ދެފަރާތުން ފިއްތާފަ. ކަމާބެހޭބަޔަކަށް ރޭކާވެސްނުލާ. ދެންމިހާރަކު ނުވާނެ
ގަޓް ބްރޯ
20 March 2020
ތިޔަގޮތަށް އުޅޭ ބިދޭސީންނަކީ ރާއްޖޭ ގާނޫނުތަކާ ގަވައިދަށް ބޯލަނބާނެ ބައެއްނޫން. ތިޔައީ ބޭކާރު މަސައްކަތެއް. ތިޔަކަމާނޫޅެ ރައްޔިތުންނަށް ފައިދާހުރި އެހެން ކަމަކާއުޅުން ބުއްދިވެރި!!
ހަސަނުލްއަލީ
20 March 2020
ތިޔަކަން ކުރަންޖެހޭ ދުވަސް މީގެ 15 އަހަރުކުރިން ހިނގައްޖެ! ދެން ތިޔަކަމެއް ނުވާނެ! ހުއްޓާލާފަ އެހެން ކަމަކާ އުޅޭ!
ފަރަގު
20 March 2020
ކަރަންކާ މަގުގަ އެބަ ހުރި 70 މީހުން އުޅޭ ކުދި ކުދި ތަންކޮޅުތައްވެސް. އެގޮތަށް އޮތް އެއް ގެ މިހާރު ބަންދު ކޮށްފި. މި ގެސްޓު ހައުސުތައް މި ހިންގަނީ ކޮން ހުއްދައެއް ނަގާގެން ބާއޭ ހިތައް އަރާ. އަދި އިންސާނިއްޔަތާ ހިލާފަށް ބަޔަކު އެހެން ބައިތިއްބާއިރު އެކަން ނުހުއްޓުވެނީ ކީއްވެބާ؟
އަހު މަދު
19 March 2020
އި ރާކު މަގަކީ ވަ ރަށް ބިދޭސީން ގިނަ ސަ ރަހައްދެއް.
ރަދީފުގެދަރި ކުމާރު
19 March 2020
މިފަހަރު ތިޔަތަންތަން ސާވޭކުރުމަށްފަހު ތިޔަބައިމީހުން "އިންސާނުންގެ ދަރަޖައަށް" ގެންނަންޖެހޭ. ތީވެސް އަހަރެމެންފަދަ އިންސާނުން.
ކޮރަލް
19 March 2020
ރަށައްދާން ބޭނުންވާ ބަންގްލަދޭޝް މީހުންނަށް ފަސޭހައިން ފުރޭނެ ގޮތް ހަދާ ދީބަލާށެވެ. ސަރުކާރައްވެސް ފައިދާ ވާނެ އެވެ. އެތައް ބަޔަކު ނުފުރިއެވެ.
ބޫޓު
20 March 2020
ސަރުކާރަށް ދީފަ ހުރި ޑިޕޮޒިޓް ފައިސާކޮޅު ހުސްވެދާނެތީ ނުކެރޭނެ
އެސްކޮބާރ
19 March 2020
ބިދޭސީ މަސައްކަތުމީހުން މާލޭގަ އުޅެނީ ވަރަށް ނިކަމެތި ހާލަޔުގަ. އެމީހުންގެ ތެރޭ މިވައިރަސް ފެތުރިއްޖެނަމަ އިންތިހާ ދަރަޖައިގެ މުސީބާތްތަކެއް އެމީހުންނަށް ކުރިމަތިވާނެ. އެމީހުންނަކީ ބަލިތައް ޖެހުނަސް އާއްމުކޮށް ހޮސްޕިޓަލަށް ދައްކާ ބައެއް ނޫން. ގިނަ މީހުންގެ އިމިއުނިޓި ހުންނަނީ ކޮމްޕްރޮމައިޒްވެފަ. އެމީހުންގެ ތެރެއިން ވާކް ޕާމިޓް ނެތް މީހުން މޯލްޑިވިއަންގެ ޗާޓަރ ފްލައިޓްތަކެއްގަ ބަނގްލަދޭޝްއަށް ފޮނުވާލަން ޖެހޭ. އިންސާނިއްޔަތަށްޓަކާ.
ނޫނޯ
20 March 2020
ކިހިނެތް ބަންގާޅަށް ފޮނުވަނީ ؟؟؟ އެމީހުނަކީ ބަންގާޅުމީހުނެއް ނޫނޯ ބަންގްލަދޭޝް ހައިކޮމިޝަނުންބުނީ! ނައިފަރުން ދާދިފަހުން މަރުވި މީހާއަށް ޒިންމާނުވި ބަޔަކު ގައުމަށް ލާރިފޮނުވާ ބާރުހުރި މީހުނަށް ޒިންމާވާނެބާ!