މ. ސުންބުލާގެ: ވަރަށް ބާވެފައި ހުރި އެ އިމާރާތުގެ ބައެއް ރޭ ވަނީ ވެއްޓިފައި.-- ފޮޓޯ: ފަޔާޒް މޫސާ | މިހާރު
11 އޮކްޓޯބަރ 2023 - 10:51
34 comments
މާލޭގައި ހުރި ބާ އިމާރާތެއްގެ ބައެއް ރޭ ވެއްޓުނީ އެތަނަކީ ދިރިއުޅެން ރައްކާތެރި ނޫން ތަނެއް ކަމަށާއި އެތަން ހުސްކުރަން އެކި ފަހަރު މަތިން ވެރިފަރާތަށް އަންގާފައި ވަނިކޮށް ކަމަށް މާލޭ ސިޓީ ކައުންސިލުން މިއަދު ބުނެފި އެވެ.
ފަރީދީ މަގުގައި ހުންނަ މ. ސުންބުލާގޭގެ އިމާރާތުން ބައެއް ވެއްޓި ހިނގި މި ހާދިސާގައި މީހަކަށް އަނިޔާއެއް ނުވެ އެވެ. އެ ގެއަކީ ފަޅަށް ހުރި ގެއެކެވެ.
މ. ސުންބުލާގޭގެ ކޮންކްރީޓުގަނޑުން ބައެއް ވެއްޓިފައި.-- ފޮޓޯ: އެމްވީ ކްރައިސިސް
މާލޭ ސިޓީ ކައުންސިލުގެ ތަރުޖަމާން މަރިޔަމް ޝިއުނާ "މިހާރު" އަށް ވިދާޅުވީ އެ އިމާރާތާ ގުޅޭ ޝަކުވާ އާންމުންގެ ފަރާތުން ސިޓީ ކައުންސިލަށް ލިބުނު ކަމަށެވެ. އެ ޝަކުވާތަކާ ގުޅިގެން ސިޓީ ކައުންސިލުން އެ އިމާރާތް ބަލައި، އެއީ ދިރިއުޅެން ރައްކާތެރި ނޫން ތަނެއް ކަމަށް ކަނޑައަޅައި އެތަން ހުސްކުރަން ވެރިފަރާތަށް އެންގި ކަމަށް ވެސް އޭނާ ވިދާޅުވި އެވެ.
"ވެރިފަރާތުން ސިޓީ ކައުންސިލުގައި އެދުނީ ކައުންސިލުން އެތަން ތަޅާލަ ދޭން. އެކަމަކު، ސިޓީ ކައުންސިލަށް އެތަން ތަޅާ ނުލެވޭނެ ދެއްތޯ މީހުން ދިިރިއުޅެންޏާ،" އޭނާ ވިދާޅުވި އެވެ.
މ. ސުންބުލާގެ: ވަރަށް ބާވެފައި ހުރި އެ އިމާރާތުގެ ބައެއް ރޭ ވަނީ ވެއްޓިފައި.-- ފޮޓޯ: ފަޔާޒް މޫސާ | މިހާރު
ޝިއުނާ ވިދާޅުވި ގޮތުގައި، ސިޓީ ކައުންސިލުން އެތަން ތަޅާލާ ނަމަ، ވެރިފަރާތުން އެ އިމާރާތް ހުސްކޮށް ކައުންސިލާ އެތަން ހަވާލުކުރަން ޖެހޭނެ އެވެ. ނަމަވެސް، ގޭގެ ވެރިފަރާތުގެ އެއްބާރުލުން ނުލިބުމުން އަދިވެސް އެކަން އޮތީ ނުވެ އެވެ.
މާލޭގައި އަދިވެސް މި ކަހަލަ ދިރިއުޅެން ރައްކާތެރި ނޫން އިތުރު ދެ އިމާރާތެއްގެ މައްސަލަ ސިޓީ ކައުންސިލުގެ ސަމާލުކަމަށް އައިސްފައި ވާތީ، އެތަންތަން ވެސް ހުސްކުރަން އަންގާފައިވާ ކަމަށް އޭނާ ވިދާޅުވި އެވެ.
މި އިމާރާތުގެ މައްސަލާގައި ޕްލޭނިން މިނިސްޓްރީގެ ބަހެއް އަދި ނުލިބެ އެވެ.
މ. ސުންބުލާގެ: ވަރަށް ބާވެފައި ހުރި އެ އިމާރާތުގެ ބައެއް ރޭ ވަނީ ވެއްޓިފައި.-- ފޮޓޯ: ފަޔާޒް މޫސާ | މިހާރު
މ. ސުންބުލާގެ އަކީ ހަތަރު ބުރިއަށް ނަގާފައި ހުރި ގެއެކެވެ. އެ އިމާރާތާ ޖެހިގެން އޮންނަ ހަނި ގޯޅިގަނޑުގެ ތެރެއަށް ވެއްޓުނީ، އެ އިމާރާތުގެ ފުރަތަމަ ފުލޯގެ ބޭރަށް ވާ ފަޅީގައި ހުރި ކޮންކްރީޓުގަނޑެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑަމް
12 October 2023
އިމާރާތެއްކޮއް,ތިރީސް,ސާޅީސް އަހަރުވަންދެން އެތަނުން ކުލިނަގަނަގާތިބެފާ އިމާރާތް ވިހިފަންސަވީސްބުރިއައްނަގަންވީމާ އިމާރާތްތަޅާލާ ބިންސާފުކޮއްދީ,އަލުން އިމާރާތްކުރަންބޭނުންވާ ސިމެންތި ދީހަދަންޖެހޭނީސަރުކާރުންކަމައްޤާނޫނުއަސާސީގެމާއްދާއެއްގައޮތީތޯ,ގަމާރުވިއަސްތީބޮޑުވަރުަ!
އެޑަމް
12 October 2023
ހުރިހާއޮންރަބަލުން އެއްފަހަރާ ތިހެންވިދާޅުވިއަސް އަޅުގަޑުމެން މާލޭމީހުންދެރައެއްނުވޭ ލަދެއްވެސްނުގަނޭ އަދިރުޅިއެއްވެސްނާދޭ ސަބަބަކީ މާލޭގެރައްވެހިންނައްް ގޯތިދޭންއިޢުލާނުކުރައްވާއިރައް ބައިލައްކަވިއަސް,ލައްކައެއްވިއަސްއަދިއެއީދޮޅުލައްކަ ގޯތިވިއަސްމާލޭރައްވެހިންނަކައްހަމައެއްނުވޭ!މިޢީއޮންރަބަލް,ކޮންތާކުން,ވިއްސައިގެންގެނެސްމާލެތެރެއައް ގޯތިހޯދަންއުކާލިބައެއްތޯ,މިކަމުގެސަބަބުން އުފަންމާލޭމީހަކައްބިންކޮޅެއްލިބޭވަރެއްނުވޭ!
ބޮޑުމީހާ
11 October 2023
އިމާރާތް ތަޅާލަންވީމަ ސިޓީ ކައުންސިލަށް، އިމާރާތް ބޭނުންކޮށް ކުއްޔަށް ދީގެން ފައިސާ ހޯދާއިރު ސިޓީ ކައުންސިލަށް އޭގެއިން މަންފާއެއް ކުރޭބާ؟
ހަސަނު ދެޔޯ
12 October 2023
މީގަ މޮޅުތަންކޮޅަކީ މަލޭބޭފުޅާ ކުލިކައިގެން ފަލަވީމާ ކުލިކޭތަން ބާވެ ކުލިނުކެވޭވަރުވީމާ ސިޓީކައުންސިލުންވީ ރައްޔިތުންގެ ޓެކްސް ފައިސާއިން ތަންތަޅާ ސާފުކޮށްފަ އަނެއްކާ މާލޭބޭފުޅާ ކުލިކާންދޭން، މިބޭޅާމިހާދުވަސްވީއިރު ހޯދިފައިސާއިން ބައިރުފިޔާއެއްވެސް ޓެކްސް ނުދައްކާ ކުއްޔަކުންނެއް
ބޮޑުވަރު
11 October 2023
މީހަކު މަރުވީމަ ބާރުމިނުގަ ކަންކަން ކުރިއަށްދާނީ. އޭގެ ކުރިން ފިޔަވަޅު އަޅާކަށްނޭނގޭނެ
ސަމަރޭ
11 October 2023
ސިޓީ ކައުންސިލުން ބަލާ ފިޔަވަޅު އަޅާ ދީބަލަ މަގުމައްޗަށް ފެން ފައިބާ ގޮތަށް ދޫކޮޮށްލާފަ ހުންނަ އޭސީގެ ޑްރެއިން ހޮޅީގެ މައްސަލަތަކާ, ދޮންނަ މެޝިނުގެ ފެންގަނޑު މަގުމައްޗަށް ދޫކޮއްލާ މައްސަލައާ, 2 ފޫޓުން 2 ފޫޓުން ސައިކަލް ޒޯނުގައި ޕެލެޓް އަތުރާފަ ހުންނަ މައްސަލައާ, ގޭގޭ ބެލްކަނި ފާރުބުރި މަތީ ވެއްޓޭ ގޮތަށް ބަހައްޓާފަ ހުންނަ ގަސްމުށީގެ މައްސަލައާ, ގުދަން ހަދައިގެން ގުދަން ކުރިމަތިން މުދާ އަރުވާ ބާލަން ޖާގަ ނަގައިގެން ތިބޭ ކުންފުނިތަކުގެ މައްސަލައާ, ގަރާޖުތަކުން ޕެޓްރޯލާ ކެމިކަލާ ތެލާ ސްޕޭރާއާ ޖަހާ އިންސާނުންގެ ސިއްހަތު ނުރައްކަލަށް ވައްޓާލާ މައްސަލައާވެސް.. ގައިމު މިހާރު ބާރުވެސް ވެރިކަންވެސް އެބައޮތެއްނު...
މުއިއްޒުވުން
11 October 2023
ތިކަންތައް ހައްލުވެފަ ހުންނާނީ. މުއިއްޒު ތިކަންތައްތަށް ހައްލުކުރަން 25ވަރަކަށް މީހުންނަށް ވަޒީފާދިން.
މީހާާ
11 October 2023
ބަޔަކުމީހުން ޝަކުވާކޮށްގެން ތަން ހުސްކުރަަން އަންގާއިރު މުއްދަތެއް ކަނޑައަޅައި އެ މުއްދަތު ތެރޭގައި ހުސްކުރިތޯ ބަލާނެ މީހެއްވެސް ހުންނަން ޖެހޭނެ ދެއްތޯ؟
އަލިފުޅު3
11 October 2023
ރައްކާތެރިނޫން ތަނެއްގައި މީހުން ދިރިއުޅޭނަމަ، އެތަނެއްގެ ވާހަކަ އާއްމު ކޮށް އިއުލާނުކޮށް އެތަނަކުން ގެއްލުމެއް ލިބިދާނެ ވަށއިގެން ހުރި ހުރިހާ ތަނެއްގާ އުޅޭ ބަޔަކަށް ވަކިވަކީން ލިޔުމުން އަންގާ އަދި ބޭރަށް ފެނާނެހެން 4ފޫޓު 8 ފޫޓު ފޫޓުގެ ޕްލައިވުޑެއްގާ ލިޔެ ބެހެއްޓީމާ ތިކަން ހަމަޖެހޭނެއެވެ. ދެން ޖެހޭނީ އެތަނުގާ ދިރިއުޅޭ އެންމެންގެ ޑެންޓަލް ރިކޯޑު ނަގާ ހިތާމަވެރި ހާދިސާ އަކަށް ތައްޔާރުވެގެން ތިބުމެވެ.
ބައެއްމީހުންގެ ވިސްނުން
11 October 2023
މީގަ ކުއްވެރިވާނީ އިމާރާތް. އިމާރާތް ޖެހޭނެދޯ ލޭންދޭނަށް ސިމެންތިކޮޅަކާ ދަނގަޑުކޮޅަކާ އެއްޗެހި ހޯދައިގެން ނަމަވެސް ކޮޅަށް ހުރެވޭވަރުކުރަން. މީހުންނަށް ދުއްޕާންނުކޮށް.
މާލެރައްޔިތެއް
11 October 2023
ސިޓީ ކައުން ސިލުންތަ މިހާރު އަމިއްލަ މީހުންގެ ގެދޮރު ބާވުމުން ތަޅާ ކުނި އުކާ ތަންސާފު ކުރަންވެސް ޖެހެނީ.
ނާދިރަ
11 October 2023
މުޖުތަމައަށް ހުރި ނުރައްކަލަކަށްވަންޏާ ކަންފަތުގައި ހިފާފާވެސް އެމީހުން ނެރެވެންވާނެ. ނުކުންނާށޭ ނުކުންނާށޭ ކިޔާލަ ކިޔާލަ ތިބޭނީ މީހަކަށް ނޫނީ އެތައްބަޔަކަށް އަނިޔާއެއް ލިބެންދެންތޯ. ތިކަހަލަ ގެއެއް އެބަހުރި އިސްލާމިކް ޔުނިވާރސިޓިއާއި ޖެހިގެންވެސް. ތިރީގައި މިހާރުވެސް ފިޔާރައެއް ހިނގާ، މަތީބުރީގައި ބޮޑެތި ރެނދުތައްލާ ބައިބައިފައިބަމުންދަނީ. ބިދޭސީންނަށް ކުއްޔަށްދީފަ ވެރިންއުޅެނީ އެހެންތަނެއްގަ. މިކަން ބަލާނީ ކޮންއިރަކުންތޯ.