އައްޑޫ އިކުއިޓޯރިއަލް ހޮސްޕިޓަލް--
09 މެއި 2020 - 12:49
63 comments
އައްޑޫން ރޭ ދަންވަރު މާލެ ގެނައި ބަލި މީހަކު ކޮވިޑް-19 އަށް ޕޮޒިޓިވްވެއްޖެ އެވެ.
އައްޑޫ މޭޔަރު އަބްދުﷲ ސޯދިގު (ސޯބެ) މިއަދު ވިދާޅުވީ، މެދު އުމުރުގެ އެ ފިރިހެންމީހާ ރޭ ދަންވަރު މާލެ ގެނައީ އައްޑޫ އިކުއެޓޯރިއަލް ހޮސްޕިޓަލްގައި ވެސް ފަރުވާ ދިނުމަށް ފަހު، ހާލު އިތުރަށް ސީރިއަސް ވެގެން ކަމަށެވެ.
"އެއީ ހިތުގެ ޕޭޝަންޓެއް. މާލެ ގެންގޮސް ހެދި ފުރަތަމަ ޓެސްޓުން މިހާރު ވަނީ އޭނާ ކޮވިޑަށް ޕޮޒިޓިވް ވެފައި،" މަރަދޫފޭދޫ އެކަމަކު ހިތަދޫގައި ދިރިއުޅޭ އެ މީހާއާ ގުޅޭ ގޮތުން ސޯބެ ވިދާޅުވި އެވެ.
ރިސޯޓެއްގައި މަސައްކަތް ކުރާ އެ މީހާ އައްޑު އަށް ދިޔައީ މޭޔަރު ވިދާޅުވި ގޮތުގައި މާޗް 30 ގަ އެވެ. އެއީ މާލޭގައި ދުވަސްކޮޅަކަށް މަޑުކުރުމަށް ފަހު އެވެ.
އައްޑޫން ފުރަތަމަ ކޮވިޑް-19 އަށް ޕޮޒިޓިވްވި މީހާއާ ބައްދަލުވި މީހުން ދެނެގަތުމަށް "ކޮންޓެކްޓް ޓްރޭސިން" ގެ ކަންކަން މިހާރު ވަނީ ފަށައިފަ އެވެ. އޭގެ ތެރޭގައި އައްޑޫ ހޮސްޕިޓަލުން އެ މީހާ އަށް ފަރުވާ ދިން މީހުން ހިމެނެ އެވެ.
އައްޑު އަކީ ކޮވިޑް-19 އާ ގުޅިގެން ކުރިއްސުރެ ރައްކާތެރިކަމުގެ ވަރުގަދަ ފިޔަވަޅުތައް އަޅާފައިވާ ސިޓީ އެކެވެ. އެގޮތުން އެއް ރަށުން އަނެއް ރަށަށް ނުދެވޭ ގޮތަށް ހެދުމާއި ފިހާރަތަކުން ވެސް ހަމައެކަނި ޑެލިވަރީ ކުރެވޭނެ އިންތިޒާމު ހަމަޖައްސާފައިވާތާ ދުވަސްކޮޅެއް ވެއްޖެ އެވެ.
"އެހެންވީމާ މޫވްމަންޓްސް ވަރަށް މަދުވާނެ،" މޭޔަރު ވިދާޅުވި އެވެ.
އައްޑޫން މީގެ ކުރިން ކޮވިޑް-19 އަށް ޝައްކު ކުރެވުނު ބައެއް މީހުން ޓެސްޓް ހަދާފައި ވެ އެވެ. އެ އެންމެންގެ ނަތީޖާ ވެސް ނެގެޓިވް އެވެ.
ރާއްޖެ އިން ކޮވިޑް-19 ޖެހުނު މީހުންގެ މިހާރުގެ ޖުމްލަ އަދަދަކީ 744 އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑަމް
09 May 2020
އަތޮޅުތެރެއައްވެސް ހުރިހާއެއްޗެއްދޭން ޖެހޭނެކަމައްޤަބޫލުކުރަން އެކަމަކު އަތޮޅުތެރޭގަތިބިއެންމެންއަރާމާލެތޮއްޖެހުނީ ދެންހަދާނީކިހިނެއްޢައްޑޫސިޓއަކީ ތިރީސްހާސްމީހުންނައްވުރެބޮޑުއާބާދީއެއްއޮތްތަނެއް އެކަމަކު މިހާރު15ހާސްވެސްތިބިކަމެއްނޭގެ ވީމާއަތޮޅުތަކައްޙިދުމަތްފޯރުކޮއްދިނުމުގާތަކެތިފޮނުވާނީކޮންމިންގަޑަކުންބަލާފަތޯ ކިތަންމެބޭނުންވިއަސް އެވަރަކައްއެއްވެސްޤައުމެއްގަ ބަޖެޓެއްވެސްނޯވޭ!!
ބައިސްކަލްު
09 May 2020
އަތޮޅުތަކުގަ ޓެސްޓުކުރެވޭގޮތް ހަދަނީއޭ ކިޔާތާ 2 މަސްވަނީ، ކުރީދުވަހު ނޫސްވެރިއަކު ސުވާލުކުރީމަ ބުނީ އެއީ އަދި ނުވެސް އުފައްދާ އެއްޗެކޭ، އ.ދ އިން އުފައްދަފާނެއޭ ފަހަރެއްގަ.
ކިޝޯރު
09 May 2020
ރާއްޖެތެރޭގަ މިހުރި ހޮސްޕިޓަލްތަކަށް ކޮވިޑަށް ޓެސްޓްކުރާ މެޝިން އާއި ޓެސްޓް ކިޓް ހޯދާނެ ގޮތެއް ނޭގި ޓެސްޓް ކުރެވޭނެ ގޮތެއް ހަމަނުޖެހުމަކީ ޤާބިލު ކަމެއް ނެތުމުގެ އިތުރުން އިހުލާސްތެރިކަމާ މެދުވެސް ސުވާލު އުފައްދަންޖެހޭ ވަރުގެކަމެކެވެ. ސަރުކާރުގެ އެތެއްހާސް ވަޒީފާތަކުގަ ތިބި މީހުންނާއި ކުންފުނިތަކާއި އެތައްސަތޭކަ ސިޔާސީ މަގާމުތަކާއި މިނިސްޓްރީ ތަކަށް ރައްޔިރުންގެ ބައިރުލްމާލުން އެތައް މިލިލަނުން ބިލިޔަނުން ކުރާ ހަރަދުގެ ބޭނުމަކީ ކޮބާތޯ؟
ޢަލީ ބަނާތު
09 May 2020
ކަލޯގަޔާ ތިކޮންޓެކްޓް ޓްރޭސް ކުރާނީ ކިހިނެއް މީހާރުވެސް މަގުތައް ފުރެންދެން ތޮއްޖެހިގެން އެހެރަ އުޅޭމީހުންގެ ތެރެއިން އެގަހުކޭލެއް މިގަހުކޭލެއް ވަކިކުރާނީ ކިހިނެތް ހީވަނީ އީދެއް އައިސްގެން އުޅޭބައެއްހެން ވިއްޔާ !
ރަދީފުގެ މުންނަ
09 May 2020
އަހަރެން ހީކުރީތިއޮއްބޮޑު ހޮސްޕިޓަލް ހުޅުވީމައި ދެން ހުރިހާކަމެއް ތިތަނުންވާނެކަމަށް މާލެ ނަޔަކަސް..
ހަސަންބެ.
09 May 2020
ހުރިހިތާމައެއްގެ ބޮޑުކަމާއެވެ. މިގައުމުގައި އޮތް ސަރުކާރަށް މާލެ ހަމަ އަކަށް ނޭޅުވިގެން އުޅޭއިރު 2ވަނަ އަށް އެންމެބޮޑު އާބާދީ ތިއޮތީ މިވަބާގައި ޖެހިފައި. އައްޑޫމީހުންގެ ވޯޓުހޯދައިގެން އައިސަރުކާރަށް އެންމެކުޑަމިނުން އައްޑޫގައި މިބައިޔަށް ޓެސްޓްކޮށްލެވޭހައިމިންވަރުވެސް ގާއިމުނުކުރެވުނު. ގޭގައި ކަރަންޓީނުވެފައި ޕެނަޑޯލް ގުޅައެއްކައިލައިގެން ތިބެންޖެހިފައި ރައިޔަތުންނަށް ތިއޮތީ.
ސާފުކޮށްލަދީ
09 May 2020
އައްޑޫ މިއީ ގައުމެއްތަ؟ އެގައުމުގެ ކޮން ސްޓޭޓަކުންތަ ޕޮޒިޓީވް ވެގެން މިއުޅެނީ؟ އަދި އެސްޓޭޓްގެ ކޮން ސިޓީއަކުންތަ؟
ބައިސްކަލްު
09 May 2020
ކ.މާލެއަކީ ވަކި ހާއްސަތަނެއްތަ، ނޫނީ ސްޓޭޓެއްތަ ހުރިހާ ޓެސްޓުކިޓުތައް ފުނިޖަހަން.
އުޅުން ސުމެއް
09 May 2020
އައްޑޫ މީހުންގެ ކަންތައް ހާދަ ބޮޑޭދޯ. ކަރަންޓީނުން ފިލައިގެން ރަށުތެރޭ އުޅުނީ މީހަކު ޕޮޒިޓިވް ނުވެގެންތޯ؟ ސާބަހޭ!
ބައިސްކަލްު
09 May 2020
"އައްޑޫމީހުން" ފިލީ ކަރަންޓީނުންތާ، މާލޭމީހުން ފިލާފަހުރީ ބަޑިބުރާސްފަތި ހިންގައިގެން ޖަލަށްލާފަތިއްބާ، އަނެކަކު ރައްޔިތުންގެ އެތައް ބިލިއަން ރުފިޔާގެ ހިޔާނާތްވެގެން ބަންދުކޮށްފަހުއްޓާ ފެނުނީ އިންޑިއާގައޮތް ޓަގުބޯޓަކުން.
ޖިންނި
09 May 2020
ރިސޯޓުންއައިސް މާލޭގައި މަޑުކޮށްފައި ރަށްރަށް ދިޔަމީހުންގެ ގައިން ވައިރަސްހުރެ ނޭންގި އެހެންމީހުންގަޔަށް ފެތުރުމުގެ ފުރުސަތު އޮންނާނެ. އެމީހުން ރިސޯޓުން އައިރު ވައިރަސް ނެތަސް މާލެއިން ވައިރަސް އެރުމުގެ ފުރުސަތުއޮންނާނެ. މާލެ ލޮކްޑައުންކުރީ މާލާގައި ފެތުރެންފަށީމަ. ޑެލިވަރީތެރެއިންވެސް ފެތުރުނު. އަމިއްލަ ރަށަށްގޮސް އައިސޮލޭޓް ނުވުމަކީ މިސްޓޭކެއް
އައްޑޫ ސީޓީ
09 May 2020
އައްޑޫގައި ކޮވިޑް-19 އަށް ފަރުވާ ދިނުމުގައި ބޭނުން ކުރާނެ އެކަށީގެންވާ މިންވަރަށް ޕާސަނަލް ޕްރޮޓެކްޓިވް އިކްއިޕްމެންޓް (ޕީޕީއީ) ނެތްކަމަށް އައްޑޫ އިކުއިޓޯރިއަލް ހޮސްޕިޓަލްއިން ބުނެފިއެވެ