27 އޮކްޓޯބަރ 2020 - 15:12
46 comments
މާލޭގައި ޓެކްސީ ދުއްވާ ހަމައެކަނި އަންހެން ޑްރައިވަރު އާމިނަތު ވަހީދާ (އައިންތު)ގެ ކާރަށް ރޭ އަނެއްކާ ވެސް ގެއްލުން ދީފި އެވެ. މީގެ ކުރިން ވެސް އެތައް ފަހަރަކު އޭނާގެ ޓެކްސީ އަށް ވަނީ ގެއްލުންތައް ދީފަ އެވެ.
"މިހާރު" އާ ވާހަކަދައްކަމުން އައިންތު ބުނީ ރޭ އޭނާގެ ކާރު ޕާކު ކޮށްފައި އޮތީ ދިރިއުޅޭ ގެ ކައިރީ ޑްރަގް ކޯޓު ކުރިމަތީގައި ކަމަށެވެ. އޭނާ ބުނީ ރޭ 8:30ގައި ކާރު ޕާކުކުރުމަށް ފަހު ދެން ކާރަށް އަރަން ދިޔައީ މިއަދު ހެނދުނު ހައެއް ޖެހިއިރު ކަމަށެވެ.
އައިންތު ބުނޮގޮތުގައި އޭނާގެ ކާރުގެ ބިއްލޫރިތައް ތަޅާލައި ކަވަރަށް ވެސް އެކި ވަރުގެ ގެއްލުން ދީފައި ވެއެވެ.
"ޑްރަގް ކޯޓު ބަލަހައްޓަން އިން ބިދޭސީ ގާޑުމިހާ ބުނީ ރޭ ދަންވަރު އެކެއް ޖެހިފަހުން ބަޔަކު އައިސް ކާރުގެ ބިއްލޫރިތައް ތަޅާލިއޭ. އޭނާ ފުލުހުންނަށް ވެސް އެންގި ކަމަށް ބުނީ،" އައިންތު ބުންޏެވެ.
"ދެން އަޅުގަނޑު މި އައީ ފުލުހުން ބުނެގެން ގޮސް ބަޔާން ދީފައި. ބުނި ފޮރެންސިކް އަށް ބޭނުންވާ ކަންކަން ބަލައި ތަހުގީގުކުރަނީ އޭ މިހާރު."
އޭނާ ބުނީ މިއީ ސިލްސިލާކޮށް ބަޔަކު ގަސްދުގައި ދޭ ގެއްލުމެއް ކަމަށާއި 2018 ވަނަ އަހަރުން ފެށިގެން މިހެން ގެއްލުންދޭތާ މިއީ ފަސް ފަހަރު ކަމަށެވެ. އެ މައްސަލަ ބޮޑުވެގެން ޓެކްސީ ވެސް ބަދަލުކޮށްފައިވާ ކަމަށާއި ފުލުހުންގެ ފަރާތުން މައްސަލަތަކަށް އެއްވެސް ކުރިއެރުމެއް ނުލިބޭ ކަމަށް އޭނާ ބުންޏެވެ.
ނަމަވެސް އޭނާ ބުނި ގޮތުގައި މިފަހަރު ކާރު ޕާކުކޮށްފައި އޮތް ސަރަހައްދުގައި ސީސީޓީވީ ހުރުމުން އެއީ ކޮން ބައެއްކަން ހޯދުމުގައި އޮތް އުއްމީދެކެވެ.
"މީހުން މިހާރު ޖެހިލުންވޭ އެ މީހުންގެ ކާރު ދުއްވަން އަޅުގަނޑުގެ އަތަށް ދޭން ވެސް. އަޅުގަނޑަކީ އެކަނިވެރި މައެއް. ދަރިންނަށް ކާންބޯންދޭން ކުރާ މަސައްކަތް މިއީ. މިވަރުވާ އިރު ފުލުހުން ބުނަނީ އެކަށީގެންވާ ހެއްކެއް ނުލިބެއޭ،" އައިންތު ބުންޏެވެ.
"ކޮންމެ ފަހަރަކު މިވަރުގެ ގެއްލުން ދިނީމަ މަސައްކަތް ހުއްޓިފައި މި ހުންނަން ޖެހެނީ. މިއަދު ދަރިން ސްކޫލަށް ވެސް ނުގެންދެވުނު. ކުލި ދައްކަން ވެސް އުޒުރުވެރިވެފައި ހުއްޓާ އަނެއްކާ މިކަން މިއައީ."
މިކަމުގައި ޝައްކުވާ ބަޔަކު ތިބި ކަމަށް އޭނާ ބުންޏެވެ. އޭގެ ތެރޭގައި އޭނާގެ ކުރީގެ ފިރިމީހާ ހިމެނެ އެވެ. މިދިޔަ އަހަރު ވެސް ކާރު ދުއްވާފައި ދަނިކޮށް ހިފަހައްޓައި އޭނާގެ ކާރަށް ގެއްލުން ދިނީ ކުރީގެ ފިރިމީހާ އެވެ.
އައިންތު ބުނިގޮތުގައި ޓެކްސީ ކުރުމުގައި އުޅޭ އިރު އޭނާއާ ދިމާކޮށް ގުޅައި އިންޒާރު ދޭ ދެ ޑްރައިވަރަކު ވެސް އުޅެ އެވެ. އެ ދެ މީހުންގެ މައްސަލަ ވެސް ކަމާމބެހޭ ފަރާތްތަކަށް ހުށަހަޅާފައިވާ ކަމަށާއި މިކަމުގައި އެ މީހުންނަށް ވެސް ޝައްކުކުރެވޭ ކަމަށް ބުންޏެވެ.
އައިންތު އަކީ މާލޭގެ ޓެކްސީ ސެންޓަރަކާ ގުޅިގެން ޓެކްސީ ދުއްވާ ހަމައެކަނި އަންހެން ޑްރައިވަރެވެ. އޭނާ ޓެކްސީ ކުރަން ފެށީ 2017 ވަނަ އަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިސުރުމީދާ
28 October 2020
ވަރަށް ދަށުދަރަޖާގެ އަމަލެއް. ހަމަ އަންހެނަކަށް ވީތީ ޓާގެޓުކޮށްގެން އޭނާއަށް ޖެއްސުންކުރަނީ. އެއްބައިމީހުންނަށް ހީވެފައި އޮންނަނީ ކަންނޭނގެ ވަކި ވަޒީފާތަކަކީ ވަކިބައެއް ކުރަންޖެހޭ އެއްޗެކޭ. ނަސީބެއް މިރާއްޖޭގައި ތައިލެންޑުފަދަ ޤައުމުތައް ހެން ކޮންސްޓްރަކްޝަން ދާއިރާގައި ވެސް އަންހެނުން ނޫޅޭކަން. އެފަކީރުން 10 ބުރި އިމާރާތަކުން ކަންނޭނގެ ހޫރާލާނީ. ތަންކޮޅެއް ތަހުޒީބުވާން ވެއްޖެ އަހަރުމެން. ޗޮސް.
ޙިނި
28 October 2020
މިވެސް ޓެރަރިޒަމެއް ނޫން ދޯ. ފުރަތަމަ ކާރައް އޭނަގެ ކުރީގެ ފިރިމީހާ ހަމަލާދިނީ ނިދީގައް ފައިއޮޅިގެން އޮޅުމަކުން. އާމިނަތު ވަހީދާ ތިކަމުގައި އެންމެ ތަންގަޅުވާ ނީ އަޅަނުލިއްޔާ ރާއްޖެޔަކުން އިންސާފެއް ނުނިބޭނެ.
ރަދީފްއޮފިޝިއަލް
28 October 2020
އައިންތުގެ މޫނުމަތިން ވަރަށް ގިނަ ވާހަކަ އެބަ ކިޔައިދޭ.އަހަރެން ވަރަށް ދެރަވޭ މި ކަމަނާއަށް މިލިބޭ އަނިޔާ އަދި ހިތާމަ އަޑުއިވި. (މިކަހަލަ ހަބަރުތަކުގަ ފޯން / އެކައުންޓް ނަމްބަރުވެސް ހިމަނާނަމަ ކޮންމެވެސް ވަރެއްގެ އެހީއެއް ދިއްކޮށްލެވޭނެ) ވ.ވެދުން
ވަހީދުބެ
28 October 2020
ދެކޮޅުގަ ވެސް މަ އްސަލަ އުޅޭ. މީނަ ވެސް ހަމަލާދޭ.
ޔާނު
28 October 2020
ކަލެއަށްތަ އޭނަ ހަމަލާދިނީ؟
އަޖައިބުު
28 October 2020
އޭނަ ފިރިމީހާ އެކަމު ނުބުނޭނު އެހެންނެއް.
މޯލްޑިވިޔަން ޕެޓްރޮއިޓް
28 October 2020
ހަމީދޫ ޓުވީޓުނުކޮށް އަމަލުން ދައްކަބަލާ! ބުނެލަންއޮތީ ކޮންމެމީހެއްގެވެސް ޕްރޮފަޓީ ހިމާޔަތްކުރުމަކީ ގާނޫނު އަސާސީން ލިބޭބާރެކޭ.
ޙަބީބު
28 October 2020
ތިޔަމައްސަލައެއްނުބަލާނެ ތިޔަކައް ބަދަލެއްވެސްނުލިބޭނެ އަދުލުއިންސާފު ގާއިމުކުރާނީ ކިހިނެއް ފުރަތަމަ ނޫރުސޫރަތައް ފުރިހަމަޔައް ތަބާވާ ބައެއްނޫން އެންމެމަތީ ކޯޓުތަކުގަ އެތިބީ އެމީހުންގެ ކަރުވަޅުތައްހުރީ ދިމާލައް އެމީހުންގެ ވަނާތައްހުރީ ރެޕްކުރެވިފަވާ ހެދުމަކުން ވީމާ ރައްޔިތުން ތިކަމުގަ ކުއްވެރިވަނީ އެފަދަމީހުނައް އެމަގާމު ދިނީމަ ދެންވެސްކުރިޔައް އޮތް އިންތިހާބުތަކައް ދާއިރު ވިސްނާތި ކޮބާތަ ތިކާރައް ހުއްދަހޯދަން ދެއްކިގަރާޖު.
R332937016257541
28 October 2020
ދިވެހިރާއްޖޭގެ ކޯޓު ތަކުގައި މިދިޔަ ސަތޭކަ އަހަރު ފެށިގެން މުޅިންވެސް ތިބީ އަރަބި ކަރައިން ކިޔެވި މީހުން. އެމީހުން މުޅި ޖުޑިޝަރީ ހަލާކު ކުރީ. މިހާރު ކޮންވާހަކައެއް ތިދައްކަނީ. ހެދުނު އިރު އެރީއްސުރެ އަޑުއަހަނީ ދީނީ ދަރުސް، ނިދަނީ ކަހުފި ސޫރަތް ކިޔަވާފަ. އެކަމަކު މުޅި ގައުމުގައި ތިބީ ވަގުންނާއި ޒިނޭ ކުރާ މީހުންނާއި މީހުން މަރާ މީހުން.
ހަބީބާ
28 October 2020
ވަންހަނާތައް ފެނުމާއި އަދުލު އިންސާފާ ހުރީ ކޮންގުޅުމެއްތޯ؟ ކޮމެންޓު ފެށީ އަދުލް އިންސާފުން، މެދުތެރެއިން ނޫރު ސޫރަތް، ރައްޔިތުން ކުއްވެރިވެ، ނިމުނީ ގަރާޖަކުން. ސަޅި.
ކައުންސެލަރު
28 October 2020
މިތަނުގެ ޕޮލިހުންނާ ކޯޓްތަކާ އަދި އެގްޒެކެޓިވް ބާރުތައްކޮބާ؟ ނިކަމެތިން އަބަދުވެސް ނިކަމެތިކަމުގަ. އިހަށްދުވަހު ކޯޓުން ހުކުމްކުރި "ވަގު" ހުރީ ގޭބަންދުގައޭ ބުނާތީއިވޭ. އެވެސް ދެރަ ނިކަމެއްޗެއްނަމަ އޮތީހީ ޖަލުގެ ތޭރިތަކުގެ ބިއްދޮށުގަ. އަނެއްކާ ކުށްކުރާ މީހުންގެ ހައްގުތައް މިއޮންނަނީ. ކީއްކުރާނީ، މީވާ ގައުމެއް. މިނޫން ދުވަހެއް އަންނާނީ ދިވެހިންދެކެ ހަގީގީ ލޯބިވާ ވެރިޔަކު އައިސްގެން. މިހާރު އެހެނެއްނޫން
ފަހުދު
28 October 2020
ބޮޑުންނައް ބޮޑުގޮތް. ނިކަމެތިންނައް ނިކަމެތިގޮތް. މިއޮތީ އިންސާފު ހޯދައިދީފަ.
ޅު ކޮ ފޫ
28 October 2020
ދެން އަވަހަށް ކާރުތަޅާ ކޮމިސަނެއް ހަދާ... 6 އެއްކަ މީހުންނަށް 5 އަހަރު 40ކޭ ދީ...
ޢަގީދާ
28 October 2020
މމއެނގިގެން ހިންގާ ކަން ހިއްސާ ކޮށްލާނަން 68 އަހަރުވަފައިވާ މަޔަކު އޭނާގެ ދަރި އުނދަގޫ ކުރާތީ ކޯޓު އަ މުރު ނެރިފައި ވާ އިރު ތަކުރާރު ކޮށް އުނދަގޫ ކުރީ މަ ފުލުހުންނަށްއެންގީ މަ ބުނާނީ އަ މުރު އޮތްކަ މެއްް ނޭނގެޔޭ... މީ ގައު މުގެ ހާލު. ޖެންޑާ މިނިސްޓްރީ އާ ފުލުހުން ނަކީ ހަތުރުން. ދެން މެދުގަ ރައްޔިތު މީހާ އަށް ދެރަޔީ.
ޒުވާނާ.
28 October 2020
މިތާއެބަހުރިތަ މިހާރުޖެންޑާމިނިސްޓަރެއް