ފެނަކަ ފުވައްމުލަކު އިންޖީނުގެ: ފެނަކައިން ވެސް މިހާރު ވަނީ ފިއުލް ސާޗާޖު ނަގަން ފަށާފައި. ފޮޓޯ: ފެނަކަ ފުވައްމުލައް
03 ނޮވެމްބަރ 2016 - 11:24
18 comments
ކަރަންޓު ޔުނިޓަކުން ހަތަރު ލާރި ފިއުލް ސާޗާޖުގެ ގޮތުގައި ނަގަން ނިންމައި، ފެނަކަ ކޯޕަރޭޝަނުން ވެސް ކަރަންޓު ދޭ ރަށްރަށުގެ ގޭގެ އަށް ބިލު ފޮނުވަން ފަށައިފި އެވެ. މި ބަދަލާއެކު، ރަށްރަށުގެ ކަރަންޓުގެ އަގު ވެސް މިހާރު ވަނީ ބޮޑުވެފަ އެވެ.
މިއީ އެ ކުންފުނިން މި އަހަރުގެ ފެބްރުއަރީ މަހުން ފެށިގެން ކަރަންޓުގެ އަގަށް ބަދަލު ގެނައި ފަހުން ފިއުލް ސާޗާޖު ކަރަންޓް ބިލުގައި ހިމަނާ ފުރަތަމަ ފަހަރެވެ. މި ޗާޖު ހިމަނަން ފަށާފައި ވަނީ ސެޕްޓެމްބަރު 19 ވަނަ ދުވަހުން ފެށިގެންނެވެ. ފެނަކަ ކޯޕަރޭޝަނުން ރާއްޖޭގެ 153 ރަށެއްގައި ކަރަންޓްގެ ހިދުމަތް ދެ އެވެ.
ފެނަކަ ކޯޕަރޭޝަނުން އޮކްޓޯބަރު މަހުގެ ބިލު ގޭގެ އަށް ފޮނުވި އިރު ބުނެފައި ވަނީ އެ ކުންފުންޏަށް ސެޕްޓެމްބަރު 19 ވަނަ ދުވަހުން ފެށިގެން ޑީސަލް ލީޓަރެއް ގަންނަން ލިބޭ އަގު ވަނީ 8.12ރ. އަށް ބޮޑުވެފައި ކަމަށެވެ.
ފެނަކަ ކޯޕަރޭޝަނަށް ޑީސަލް ގަންނަން ލިބޭ އަގު ލީޓަރެއް 8ރ. އަށް ވުރެ ބޮޑު ވާ ނަމަ އިތުރުވާ ކޮންމެ 10 ލާރިއަކަށް ތިން ލާރި ފިއުލް ސާޗާޖުގެ ގޮތުގައި ނެގުމުގެ ހުއްދަ މޯލްޑިވްސް އެނާޖީ އޮތޯރިޓީން ވަނީ ދީފަ އެވެ.
ފެނަކަ ކޯޕަރޭޝަނުން ގެއަކަށް ފޮނުވި އޮކްޓޯބަރު މަހުގެ ކަރަންޓް ބިލެއް.
ފެނަކައިގެ އިތުރުން ސްޓެލްކޯ އިން ވެސް ވަނީ އޮކްޓޯބަރު މަހުން ފެށިގެން ކަރަންޓް ޔުނިޓަކަށް ހަތަރު ލާރި ފިއުލް ސާޗާޖުގެ ގޮތުގައި ނަގަން ފަށައިފަ އެވެ. ކުރިޔަށް އޮތް ތަނުގައި ތެލުގެ އަގު މައްޗަށް ދާ މިންވަރަކަށް ފިއުލް ސާޗާޖުގެ ގޮތުގައި ނަގާ މިންވަރު ބޮޑުވެ ޖުމްލަ ބިލް ބޮޑުވަމުންދާނެ އެވެ.
މިދިޔަ ފެބްރުއަރީ މަހު އެނާޖީ އޮތޯރިޓީން ކަރަންޓްގެ އަގަށް ގެނައި ބަދަލާ ގުޅިގެން، މާލެ އާއި މާލެ ސަރަހައްދުގައި ކަރަންޓް ޔުނިޓަކަށް ނަގާ އަގަށް ވުރެ ފެނަކަ އިން ކަރަންޓް ދޭ ރަށް ރަށުގައި ޔުނިޓަކަށް ނަގާ މިންވަރު ބޮޑެވެ.
ކަރަންޓްގެ އަގުތަކަށް އެންމެ ފަހުން ގެނައި ބަދަލާ ގުޅިގެން ކަރަންޓް ބިލުގެ ބޮޑުވާ ކަމުގެ ޝަކުވާ ގިނަ ބަޔަކުކޮށްފައިވެ އެވެ. އަދި އޭގެ ފަހުން 500 ޔުނިޓުން ފެށިގެން ދަށުގެ ޔުނިޓްތަކުގެ އަގު ހެޔޮ ކޮށްފައިވެ އެވެ. އެއާއެކު ވެސް ކަރަންޓް ބިލު ބޮޑުވާތީ އެ ޓެރިފް ރޭޓްތަކަށް ބަދަލު ގެންނަން ނިންމާފައިވާ ކަމަށް މިއަހަރުގެ ކުރީކޮޅު ރައީސް އަބްދުﷲ ޔާމީން ވިދާޅުވެފައިވެ އެވެ. ނަމަވެސް ކަރަންޓުގެ އަގަށް އޭގެ ފަހުން އެއްވެސް ބަދަލެއް ގެނެސްފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުޙައްމަދު
04 November 2016
ޤައުމުގެ ހަޒާނާއިން ވައްކަން ކޮށް! ހިޔާނާތްތެރިވެ! ފަޅުރަށްތައް ބިޑަކާނުލައި ދޫކޮށް! ރާއްޖޭގެ ސަރަޙައްދުތައް ވިއްކައި! ސިވިލް ސާރވިސް މުވައްޒަފުންގެ ބޯނަށް ނުދީ! އަސާސީ ޚިދުމްތައްތަކާއި ކަރަންޓާއި ކާޑާއި، ޕާސްޕޯޓާއި ދުއްވާ އެއްޗެހީގެ އަހަރީ ފީތައް ބޮޑުކޮށް ރައްޔިތުން ފެލާލާ! މާލެ މަތިމައްޗަށް މީހުން ޖަމާކޮށް ތޮށްޖެހެއްސުމަކީ ތަރައްޤީ ކަމަށް ވިސްނައިދީ! އަދި ސިޔާސީ މީހުން ދެކެ ރައްޔިތުން ފޫހިވީމާ! ޤައުމުގެ ހަޒާނާއިން ނެގި ލާރިން ކުޑަ މިންވަރެއް ޕީ.ޕީ،އެމް ގެ ޖަލްސާއަށް އަންނަ މީހުންނަށް ބެހުމަކީ "ވެން މަސް ވެނަށް ކާންދިނުމެވެ".
ޙަދޫ
03 November 2016
ޚެނެރީ ވެރިކަމުގަ މިހުރިހާ އެއްޗެހި އަގު ބޮޑުކުރާ ކަމަށް ބުނެ ހަޅޭ ލެވި މީހުން މިއަދު ވެރިކަމުގައި ތިބެ ރައްޔިތުން ފެލަނީ ވަރަށް ރޭތި
GAN Island
03 November 2016
މޮޅު އިކޮނޮމިސްޓް ނުވިއެއްނު މާރުކޭޓް ގޮޅީގައި އިންނަ މީހާ ވަރުވެސް. އަދި އިންކަމް ޓެކްސް ދައްކާޏް ޖެހޭ 100 ވަރަކަށް މަހުޖަނުންނަށް ''ދައުލަތުގެ އެހީ'' ގެ ނަމުގައި ރައްޔިތުން އަތުން ފައިސާ ނަގާފަވެސް ދޭނެ. މިއޮތީ ރައްޔިތުންނަށް ވަރުގަދަ ވެރިކަމެއް ލިބިފަ.
ޢަލީ
03 November 2016
ކޮބާތަ 3% ޖީއެސްޓް ނެގަންފެށީމަ ރައްޔިތުން ހަނާވެގެން ފަނާވެގެން މަގުތަކަށް ނުކުތް މީހުން މިއަދު. މިހާރު ޖީއެސްޓީ 6% އޭރު ޑިއުޓީ މާފްކުރި އެއްޗެހިން ޑިއުޓީ ނަގަންފަށައިފި. ކާޑުގެ ސަބްސިޑީ ކަނޑައިފި. ކަރަންޓް އަގު ބޮޑުވެއްޖެ..
ޜަދުން
03 November 2016
ބަލަ މަސްވެރިން ނަށް 00.40 ލާރި ހެޔޮކޮށް ދީފަ އެނަގަނީ އެންމެ 00.04 ލާރިއޭ
ރަދުން
03 November 2016
މަވެސް ދިނީ އަންލައިކްއޭ
އަސްލު ސަކީނާ
03 November 2016
އެންމެ ހަތަރު ލާރި .... ދެން މިއީ ތެޅިފޮޅި ގަނެ މަގުމައްޗައް ނިކުންނަ ވަރުގެ އަދަދެއް ނޫންދޯ ... މަވެސް 'އަސްލު' ޖަލްސާއަށް ދާނަން ... ކޮމެންޓް ކުރާ އެންމެންވެސް ދާތި ...
ިހިޔާލު
03 November 2016
ކޮންމެ ޔުނިޓަކަށް ހަތަރު ލާރި. ބޭނުން ކުރަނީ ކިތައް ޔުނިޓްކަން އިނގޭބާ؟ ހަމަ މިހެން ކާޑުގެ ކޮންމެ ބާވަތަކުންވެސް ނިސްބަތުން ވަރަށް ކުޑަ އަދަދެއްހެން ހީވި ނަމަވެސް އަހަރެއް ވަރުގެ މުއްދަތަށް އާންމު މީހަކު ބޭނުންކުރާ އެއްޗިހީގެ އަދަދަށް މި އިތުރު ކޮށްލީމަ ފުދޭވަރެއްގެ ބޮޑު އަދަދެއް ފެންނާނެ. ބޭސިކް ހަސާބު އިލްމު ނުވަތަ އިކޮނޮމިކް އިލްމު ނެތް ބަޔަކަށް މިކަމެއް ނުވިސްނޭނެ. މި ދެކަމުގެ ސަބަބުން ވިޔަފާރިވެރިންވެސް އެމީހުންނަށް ލިބޭ ޕްރޮފިޓްސް އެއްވަރެއްގެ ހިފަހައްޓަން އެހެނިހެން ގިނަ އެއްޗިހީގެ އަގުވެސް ބޮޑުކުރާނެކަން ކަށަވަރު. ކުޑަ އަދަދުތަކުން. އެކަމަކު ދިގު މުއްދަތަކަށް ބަލައިފިއްޔާ ބޮޑު އެއްޗަކަށް މިވެސް ވާނެ.
ލޭބޯ ސަރުކާރު
03 November 2016
މިއަށް ވުރެ ރަގަޅަށް ރައްޔިތުން ހަނާއެއް ނުވާނެ.
ދަރުބާރު- ފެކްޝަން
03 November 2016
ތިނިމުނީނު ތިކަން....ސިންޕަލް ކަމެއްނުތީ..........މަށާ މަގޭ އާއިލާވެސް ޖަލްސާއައް ދާނަން ތިވީގޮތުން.
ފުލޯލަސް
03 November 2016
2018 ކީއްކުރަން 2023 ގަވެސް މަމެން ހޮވާނީ ޔާމީނެވެ......!!!!ކެކެކެކެ
ްއަލީ
03 November 2016
2023 ގައި ޔާމީނު ވެރިކަމަށް އަންނަންޏާ ޖެހޭނީ ޤާނޫނު އަސާސީ ބަދަލުކުރަން. ނޫނީ ޖެހޭނީ 2018 އަށް ކުރިމަތި ނުލައި މަޑުކޮށްލަން. ނޫނީ ފެއިލްވާން
ކޯޑިނޭޓަރ
03 November 2016
ޔާމީން: ރަގަޅު.....ޕަކާސް