ފިޔަވަީގެ ކުދިންތަކެއް ކިޔަވަނީ. މި ފަދަ ސެންޓަރުތަކެއް ފަސް ރަށެއްގައި މިހާރު ވަނީ ގާއިމްކޮށްފައި
24 ޑިސެމްބަރ 2020 - 10:32
14 comments
ދައުލަތުގެ ބެލުމުގެ ދަށުން ކުޑަކުދިންގެ ހިޔާގަ އާއި ފިޔަވަތީގައި ތިބޭ 17 ކުއްޖަކު ބ. އޭދަފުއްޓަށް މިއަދު ބަދަލުކޮށްފި އެވެ.
މިއީ ހިޔާ އަދި ފިޔަވަތީގައި ތިބޭ ކުދިންނަށް އުފާވެރި، ރައްކާތެރި މާހައުލެއް ފޯރުކޮށްދިނުމަށް ސަރުކާރުން ފެށި އާ ކަމެކެވެ. އޭދަފުށީގެ އިތުރުން، ހއ. ދިއްދު އާއި ށ. ފުނަދު އާއި ދ. ކުޑަހުވަދު އާއި ޏ. ފުވައްމުލަކަށް ކުދިން ބަދަލު ކުރާނެ އެވެ.
ދައުލަތުން ބަލަހައްޓާ ކުދިން ގޮވައިގެން، އެއާޓެކްސީގައި، ބ. އޭދަފުއްޓަށް މިއަދު ވަޑައިގެންނެވީ ޖެންޑާ މިނިސްޓަރު އާއިޝަތު މުހައްމަދު ދީދީ އެވެ. އެ ރަށުގައި އެ ކުދިން ތިބޭނީ، ހުރިހާ ރަށެއްގައި ވެސް ހަދާފައިވާ "އަމާން ހިޔާ"ގަ އެވެ.
އެއީ ދެ ބުރިއަށް ހަދާފައި ހުންނަ ބޮޑު ގެ އެކެވެ. ކުދިންގެ އަދަދަށް ބަހާލައި، ކޮންމެ ދެ ކުއްޖަކަށް ކޮޓަރިއެއް ހުންނައިރު، ޑައިނިން ރޫމަކާއި ލައިބްރަރީ އަކާއި އިންޓަނެޓް ކެފޭ އަކާއި ހެލްތު ރޫމެއް ހުރެ އެވެ. ކުދިންނަށް ކުޅެވޭ ގޮތަށް، ތަނުގެ ގޯތިތެރެ ފައްކާކޮށްފައި ވެ އެވެ. އެ ގެއާ ޖެހިގެން، އިދާރީ އިމާރާތެއް ވެސް ވަނީ ހަދައިފަ އެވެ. ކުދިންގެ ހިދުމަތުގައި 30 މުވައްޒަފުން އެތަނުގައި އުޅެ އެވެ.
"މިހާރު"އާ ވާހަކަ ދައްކަވަމުން ޖެންޑާ މިނިސްޓަރު އައިޝާ ވިދާޅުވީ، ބޭނުމަކީ ތޮއްޖެހިފައިވާ ހިޔާތަކުން ކުދިން ޖާގަ ތަނަވަސް ތަނަކަށް ބަދަލުކޮށް، އާއްމުންގެ އަޅާލުމާއި ލޯބި އެ ކުދިންނަށް ފޯރުކޮށްދިނުން ކަމަށެވެ. "އަމާން ހިޔާ" ގައި ތިބޭ ކުދިންނަށް އެހެން އާއިލާތަކަށް ޒިޔާރަތް ކުރެވޭނެ އެވެ. އަދި އެހެން ކުދިންނާއެކު ކުޅިވަރު ކުޅެ، ކުޑަކުދިންނަށް އާއްމުކޮށް އޮންނަ ހުރިހާ ފުރުސަތުތަކެއް އެ ކުދިންނަށް ލިބޭނެ ކަމަށް މިނިސްޓަރު ވިދާޅުވި އެވެ.
"އެކަމަކު އެ ކުދިންނާއެކު އަބަދު ވެސް ކެއާޓޭކަރުން އުޅޭނެ. އެ ކުދިންގެ ހުރިހާ ކަމެއް، ކައުންސިލާއި ސިއްހީ ހިދުމަތްދޭ ތަންތަނާއި ސްކޫލާއި ފުލުހުން ވެސް މޮނީޓާ ކުރާނެ،" އޭނާ ވިދާޅުވި އެވެ.
"އެއީ އަޅުގަނޑުމެންނަށް އެ ކުދިންނަށް ރައްކާތެރި މާހައުލެއް ފޯރުކޮށްދިނުމަށް ކުރާ ކަމެއް،"
މިނިސްޓަރު ވިދާޅުވިގޮތުގައި، ދައުލަތުގެ ބެލުމުގެ ދަށުގައި ތިބެނީ މައިންބަފައިން އިހުމާލުވުމާއި ބަންދުގައި ތިބުމުން، އެ މީހުންގެ އަޅާލުމާއި ލޯބި ގެއްލިފައި ތިބި ކުދިންނެވެ. އެހެންވެ، އެއީ ވަރަށް ބޮޑެތި ހިތާމަތަކެއް ތަހައްމަލު ކުރަމުންދާ ކުދިންތަކެއް ކަމަށް ވިދާޅުވި އެވެ. އެކަމަށް ސަމާލުކަން ދީ، ކުދިންގެ ހިދުމަތުގައި ކައުންސިލިން ދޭ މީހުންނާއި އެހެނިހެން ހިދުމަތްތައް ވެސް ފަސޭހައިން ލިބޭނެ ކަމަށް އާއިޝާ ވިދާޅުވި އެވެ.
ރަށްރަށަށް ކުދިން ފޮނުވުމުގެ އަނެއް މަގުސަދަކީ ކުދިންގެ މެދުގައި އޮތް އާއިލީ ލޯބި ދެމެހެއްޓުމެވެ. ހިޔާތަކުގައި ގިނައިން ތިބެނީ އެއް އާއިލާއަކަށް ނިސްބަތްވާ ކުދިން ކަމަށް ވިޔަސް، ވަކި އުމުރަކަށް ދިޔުމުން ދެ މަރުކަޒަކަށް ކުދިން ބަދަލު ކުރެ އެވެ. އުމުރުން 13-18 އަހަރާ ދެމެދުގެ ކުދިން، ވިލިމާލޭގައި ހުންނަ ކުޑަކުދިންގެ ހިޔާގައި ތިބޭއިރު އޭގެ ހަގަށް ތިބޭ ކުދިން ބައިތިއްބަނީ ހުޅުމާލޭގައި ހުންނަ ފިޔަވަތީގަ އެވެ.
"އަޅުގަނޑުމެންގެ ސިޔާސަތު އޮންނަ ގޮތުން ކުދިންގެ މެދުގައި އޮންނަ އެ އެއްބަނޑުއެއްބަފާ ކަމުގެ އެޓޭޗްމެންޓް ވެސް އެބަކުޑަވޭ. މައިންބަފައިން ނެތުމުގެ ސަބަބުން އެ ކުދިންނަށް، އާއިލީ ގުޅުން ވަރަށް މުހިއްމު. އެހެންވެ، އަޅުގަނޑުމެން އާ ޕްރޮޖެކްޓް މި ފެށީ ވެސް އެ ގުޅުން ބަދަހި ވާނެ ފަދަ ގޮތަކަށް،" އާއިޝާ ވިދާޅުވި އެވެ.
އޭނާ ވިދާޅުވި ގޮތުގައި އޭދަފުއްޓަށް ބަދަލު ކުރީ ވެސް ހަތަރު އާއިލާއަކަށް ނިސްބަތްވާ ކުދިންނެވެ. އެއީ ފިޔަަވައްޗާއި ހިޔާގައި ތިބި ކުދިން އެއްކޮށްލައިގެންނެވެ.
ޖެންޑާ މިނިސްޓްރީން ބުނީ އެހެން ރަށްރަށުގައި ހުންނަ "އަމާން ހިޔާ" ތައް އަންނަ އަހަރުގެ ތެރޭގައި ހުޅުވައި، އިތުރު ކުދިން އެތަނަށް ބަދަލު ކުރާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒުވާނާ.
26 December 2020
18 ޢަހަރު ފުރުމުން އެކުއްޖެއްގެ ރަށުން އެކުއްޖަކައް ވަޒީފާ ހޯދައިދީ އޭގެފަހުގަ މައިންބަފައިންނައް އޯގާތެރިވުމައް ނަސޭހަތްދީ ކިހާރަނގަޅު ބައެއްއެއީ އެވަރައް ލޯބިދީގެން ބަލާބޮ ޑުކުރީމަ ދައުލަތުން ވަގައް ނަގައިގެން ވިއްޔަ ތިކަން ތިކުރީ
ދެރަ
25 December 2020
ކުދިން ބޮޑަތި ވުމުން ގައުމީ ޚިދުމަތަށް ނެނެގެވުމުން ނޫނީ ނަތީޖާ ނުފެންނާނެ، 18 ވުމުން ދޫކޮށްލުމުންވެސް ބައެއްކުދިންދަނީ ގެއްލިގެން. ޢެމަންޒަރު ލޮލުން އެބަދެކެން
އުފާހުރި
24 December 2020
ދައުލަތުގެ ބެލުމުގެ ދަށުގައި ތިބުން އެއީ އެކުދިންނަށް ﷲ މިންވަރު ކުރެއްވެވި ބޮޑު ނިޢުމަތެކެވެ. ފައިދާހުރި މީރު ކެއުމާއި، ތަޢުލީމާއި، ބޭސްފަރުވާ އާއި، އަންނައުނާ، އަރާމު ނިދާ ކޮޓަރި އާއި އެކިއެކި ކުޅިވަރާއި، ދިރިއުޅޭނެ ތަނަވަސް މާހައުލެއް ލިބޭނެއެވެ. މުޖުތަމަޢު ތެރޭގައި މިހާރު، ޕާރޓޭންނަށާއި، ތަޅާފޮޅާ ކުށްވެރިންނަށް ވެފައި ތިބި، އެތަކެއް ހާސް، ޒުވާނުންނަކީ ޢާއިލާ އާއެކު އުޅެމެ، ހަލާކުވެ މުސްތަޤްބަލް ގެއްލިފައި ތިބި މީހުންނެވެ.
އޮނަރަބްލް އަފީފު ދީދީ
24 December 2020
ރަނގަޅު މަޤުސަދެއްގައި ހެޔޮ ބަދަލަކަށް އެދިގެން ކުރިކަމެއްނަމަ ކިތަންމެހާވެސް އުފާވެރިކަން ގެނެސްދޭނެ ކަމެއް. # ޔުނިސެފް، ޖެޕާން އަދި ޔޯރޮޕިއަން ޔުނިއަން އާއި އަރަބި ދައުލަތް ތަކުގެ އެހީގައި ކެލާ، ފިއްލަދޫ، ހަނިމާދޫ، ކާށިދޫ، ކުޑަހުވަދޫ، ތުލުސްދޫ، ތ. ގުރައިދޫ، ތިމަރަފުށި، ވިލުފުށި، ލ. ގުޅިފައިވާ ހުރިހާ ރަށްތައް، ހުވަދޫ އަތޮޅުން ތިނަދޫ، ކޮލަމާފުށި، ވާދޫ، ފަރެސްމާތޮޑާ އަދި އައްޑޫ ފަދަ މިފަދަ ކުދިންނަށް މުސްތަޤްބަލްއޮތް ރަށްރަށުގައި ވަސީލަތް ޤާއިމްކުރެވޭތޯބަލާ.
ހިފެހެއްޓުމެއްނެތްކަރުނަ
24 December 2020
ތިފަދަކުދީން ތިގޮތަށް ގެންގުޅޭތާމިވީ ދިގުތާރީޚުގާ މުޖުތަމައުއަށް ބޭނުންހިފޭވަރުގެ ކުއްޖަކު ތިޔަފުރާޅުގެ ދަށުން ނެރެވިއްޖެތޯ؟ ޖަވާބަކީ ނޯ.. ނޫނެކޭ. ހީވަނީ އެއްވެސްއިރެއްގެ ސަރުކާރަކުން ބޭނުމެއްނުވާހެން މިކުދީން ރަނގަޅުގޮތުގާ ތަރުބިޔަތުކުރަން. މިހާރުވެސް މިބުނަނީ ތިފަދަކުދީން ތިގޮތަށް ވަކިތަނެއްގާ ބައިތިއްބައިގެން ނަތީޖާ ނުނެރެވޭނޭ. ސަރުކާރުންކުރާ ބޮޑުޚަރަދުން އާއިލާއަކަށް ހައެއްކަހާސް ރުފިޔާދީފާ އެކުއްޖާ ބަލައިދޭން ބުންޏަސް އެކަންކުރާނެ ބައިވަރުއާއިލާއެބަތިބި.
ހިތި ކަރުނަ
24 December 2020
އަޅެފަހެ މީހެއް އަޖައިބުން އަންތަރީހެއް ނުވާނެތަ، އާޢިލާ ތަކަށް ނުބެލެހެއްޓިގެން ދަޢުލަތަށް ނަގާ ވާހަކަ މިދައްކަނީ.
މުޝް
25 December 2020
ޖަވާބަކީ ވެސް.... އަހަންނަށް އެނގިގެން ރިޒޯޓް ވަޒީފާތަކުގަ އެބަތިބި މީގެ ކުދިން....ދެން އެންމެން ޑިގްރީއެއް ނުނަގާނެ ތޯއްޗެ
އެންމެ ފުންމިނުން
24 December 2020
17 ކުދިންނަށް 30 މުވައްޒަފުން....؟ ކުރިންކަންތައްދިޔަގޮތަށްވުރެ ތިގޮތް މާބޮޑަށްވެސް ރަނގަޅު. އެކަމަކު ތިޔަކުދީންނަކީ އާއިލާއެއްގެތެރޭގާތިބެ ބޮޑުވާ ކުދިންނަށް ހަދަންޖެހޭ. އެކަން ތިޔައްވުރެ މާ ޚަރަދުކުޑަކޮށްވެސް ކުރެވެން އެބައޮތް. މިހާރުވެސް އިއުލާނުކޮށްބަލަ މީންކުއްޖަކު އާއިލާއެއްގެތެރޭގާ ބަހައްޓައިގެން ތަރުބިޔަތުދޭންބޭނުންވާ ބަޔަކީ ކޮބައިތޯ. އޭގެފަހުގާ އެކުއްޖާ ބަލަހައްޓާ އާއިލާއަށް 5000 ރުފިޔާއާ 7000 ރުފިޔާއާ ދެމެދުގެ އެހީއެއްވެސްދެއްވަބަލަ.
މޮހިތު
24 December 2020
އެކުދިންނަށް ބޭނުންވާ ރަށްކާތެރިކަން ޔަގީން ކޮށްދެނީ ތިބޭފުޅާތޯ. 7000ރ ގެ ބޭނުމުގަ ކުދިންގެންދާނެ މީހުންވެސް ތިބޭނެ!
ތިލަކޮށް
24 December 2020
ކުދިންގެ ޚިދުމަތުގަ 8 މުޢައްޒަފުން. 30 މުޢައްޒަފުން ގެންގުޅޭކަށް ނުކުރޭނެ މާ ގިނަ ދުވަހަކު. ހަމަ ޔަޤީން. ޖެންޑާއެއްނު. ޤަބޫލު ނުކުރެވެންޏާ ޖެންޑާގެ ދަށުން ހިންގާ ތަންތަން ބަލާލަބަލަ
މުޝް
25 December 2020
ކޮންމެހެން ދައުލަތުން ލާރިނުދިނަސް...ކުދިން ބޭނުންވާ އާއިލާތަކަށް އަަބަދުވެސް ކުދިންދޭ. އެކަމަކު ވަރަށް ބައިވަރު ޝަރުތު ފުރިހަމަވާ މީހުންނަށް
ފުންއަސަރު
24 December 2020
ތިޔަވިސްނުންފުޅު ގޯހެއްނޫން. ތީ ކުރަންވެ އެކަމަކު ނުވެފާހުރި ކަންކަން. ބޮޑެތިކަންތައް ވާނީ ލަހުންނޭ ބުނާފަދައިން ތިކަންވެސް ތިއޮތީ ލަސްވެފަ. އެކަމަކު ތިކަން ލަސްވުމުގާ ބައެއްގެ އިހްމާލު އެބައުޅޭ. އެކަމަކު އެކަން ބަލަންނުތިބެ ތިޔަ އެޅުއްވި ރަނގަޅު ފިޔަވަޅަކީ ޝުކުރުން މިހިތް ފުރުވާލި ފިޔަވަޅެއް. ހަގިގަތުގާވެސް އެފަދަކުދިންނަށް އާއިލާއެއްގެ ލޯބި ބޭނުންވޭ. ތިފަދަކުދިން ގެންގުޅެ ބޮޑުކުރާނެ އާއިލާއެއް ލިބިއްޖެނަމަ، އަދިވެސް އެފަދަކުދީން ބަލާނެ އާއިލާތަކާހަވާލުކުރަންވީ
ރުޅި
24 December 2020
އަސުލުވެސް މާލޭގެ މި ނުބައި ތޮއްޖެހުމުން ކުދިން ބަދަލުކުރުމުން އެތައް ފައިދާއެއްކުރާނެ. ކުދިން ފިލައިގެން ދިއުން ވެސް ހުއްޓުވޭނެ
ރަންނަބަނޑޭރި
24 December 2020
މަރުޙަބާ މިނިސްޓަރ އާއިޝާ.. މިއީ ރަނގަޅު އިސްނެންގެވުމެއް.. ކުދިންނަށް މާރަނގަޅު ހިތްގައިމު އުފާވެރި މާހައުލެއް ފަހިވާއިރު، އަތޮޅުތެރޭގައި އެތަކެއް ވަޒީފާއެއްވެސް އެބަ އުފެދޭ.. ހުރިހާކަމެއް މާލެއަށް ބޮނޑިކުރުމުގެ ސަގާފަތް ނިމުމަކަށް ގެނެސްގެން މެނުވީ މިފަދަ އިޖުތިމާޢީ މައްސަލަތަކަށްވެސް ހައްލެއް ނުލިބޭނެ..