20 ޖެނުއަރީ 2021 - 13:33
18 comments
އެމްއޭސީއެލްގެ ޑެޕިއުޓީ ފައިނޭންޝަލް އޮފިސަރުގެ މަގާމުގައި ހުންނަވަނިކޮށް ހާމިދު ރިޒާ، 2019 ގައި ވަޒީފާ އިން ވަކިކުރީ ގާނޫނާ ހިލާފަށް ކަމަށް ކަނޑައަޅައި، ވަޒީފާ އާއި މިދިޔަ ދުވަސްތަކުގެ މުސާރަ އާއި އިނާޔަތްތައް ދޭން، ވަޒީފާއާ ބެހޭ ޓްރައިބިއުނަލުން ހުކުމްކޮށްފި އެވެ.
އެމްއޭސީއެލްގައި ވަޒީފާ އަދާކުރަައްވާތާ 20 އަހަރު ވީ، އަދި ފައިނޭންސާއި އެކައުންޓިންގެ ދާއިރާ އިން މަތީ ތައުލީމު ހާސިލް ކުރައްވާފައިވާ ހާމިދުގެ މައްސަލަ މި މަހު 14 ގައި ނިންމަމުން ޓްރައިބިއުނަލުން ބުނީ އޮކްޓޯބަރު 7، 2019 ގައި އޭނާ ވަކިކުރުމުގައި "މައުލޫއީ އަދުލުވެރިކަމާއި އިޖުރާއީ އަދުލުވެރިކަން" ވެސް ނެތް ކަމަށެވެ.
އެމްއޭސީއެލްގައި ތިއްބެވި އެންމެ ތަޖުރިބާކާރު ފަންނީ ބޭފުޅުންގެ ތެރޭގައި ހިމެނިވަޑައިގަންނަވާ ހާމިދު ވަޒީފާ އިން ކުއްލިއަކަށް ވަކިކުރި އިރު "ސީނިއަަ މެނޭޖްމަންޓުން ހިތްހަމަނުޖެހުން" ފިޔަވައި، އެހެން ސަބަބެއް އެމްއޭސީއެލުން ބުނެފައެއް ނުވެ އެވެ. އެކަމަކު، އޭގެ ކުރިން ސުލޫކީ އެއްވެސް މައްސަލައެއް، އެއްވެސް އިންޒާރެއް، އަދި ނަސޭހަތެއް ވެސް ދީފައި ނުވާ ކަމަށް ޓްރައިބިއުނަލަށް ލެއްވި މައްސަލާގައި ހާމިދުގެ ފަރާތުން ބުނެފައިވެ އެވެ. އެހެންކަމުން ހާމިދު އެދިވަޑައިގަތީ އޭނާއަކީ ވަޒީފާއިން ވަކިކޮށްފައި ނުވާ ބޭފުޅެއްކަން ކަނޑައަޅައިދިނުމަށާއި މިދިއަ ދުވަސްތަކުގެ މުސާރަ އާއި އެހެން އިނާޔަތްތައް ވެސް ލިބޭ ގޮތަށް، މައްސަލަ ނިންމައި ދިނުމަށެވެ.
ޓްރައިބިއުނަލްގައި ދިފާއުވަމުން އެމްއޭސީއެލުން ބުނެފައި އޮތީ ހާމިދު ވަޒީފާ އިން ވަކިކުރީ އޭނާއާ މެދު "ސީނިއަ މެނޭޖްމަންޓްގެ ހިތްހަމަނުޖެހުންތަކެއް ހުރުމުން" ކަމަށެވެ. އޭނާއާ މެދު އިސްލާހީ ފިޔަވަޅެއް އެޅުމުގެ ބަދަލުގައި ވަޒީފާ އިން ވަކިކުރީ އެމްއޭސީއެލް "ހިންގުމުގެ އިސް މަގާމެއްގައި ހުރި ފަރާތަކަށް ވާތީ" ކަމަށް ވެސް، ޓްރައިބިއުނަލްގައި އެ ކުންފުނިން ބުންޏެވެ.
އެމްއޭސީއެލުން ދެއްކި ވާހަކަތަކުން އެނގެނީ އެއްބަސްވުމުގައި އޮންނަ ގޮތަށް "ނޯޓިސް ދިނުމަށް ފަހު، ވަޒީފާ އިން ވަކިކުރުމުގެ އިހުތިޔާރު ކުންފުންޏަށް ލިބޭތީ" ހާމިދު ވަޒީފާއިން ވަކިކުރީ އެ އެއްބަސްވުމުގެ އިމުގެ ތެރެއިން ކަމަށް، ގަބޫލުކުރާކަމެވެ.
ނަމަވެސް ޓްރައިބިއުނަލަށް ފެނުނީ އޭގެ އިދިކޮޅަށެވެ. އެގޮތުން އެމްއޭސީއެލްގެ ނިންމުން ރާއްޖޭގެ ވަޒީފާއާ ބެހޭ ގާނޫނާ ހިލާފު ކަމަށް، ޓްރައިބިއުނަލުން ކަނޑައެޅި އެވެ. ހާމިދަކީ "އެއްވެސް ހާލެއްގައި ވަޒީފާއިން ވަކިވެފައިވާ ފަރާތެއް ކަމުގައި ނުބެލުމަށް" ވެސް، ނިންމި އެވެ. އެހެންކަމުން ޓްރައިބިއުނަލުން އެމްއޭސީއެލްގެ މައްޗަށް އަމުރުކުރީ ހާމިދު ވަޒީފާއިން ވަކިކުރި ދުވަހުން ފެށިގެން އަލުން ވަޒީފާ ދިނުމާ ހަމައަށް ވޭތުވި ދުވަސްތަކުގެ މުސާރަ އާއި އިނާޔަތްތައް ވެސް ދިނުމަށެވެ.
އެ ފައިސާ އެއް ފަހަރާ ދޭން ޓްރައިބިއުނަލުން ކަނޑައެޅި މުއްދަތަކީ ޖެނުއަރީ 14 އިން ފެށިގެން 14 ދުވަހެވެ.
ޓްރައިބިއުނަލުން ހާމިދާ އެއްކޮޅަށް މައްސަލަ ނިންމިޔަސް، އެކަމާ ބެހޭ ގޮތުންނާއި އާ ސަރުކާރާ އެކު އެމްއޭސީއެލްގެ ބޯޑާއި މެނޭޖްމަންޓަށް އައި ބަދަލުގެ ތެރޭގައި ހާމިދާ މެދު އެފަދަ ފިޔަވަޅެއް އެޅީ ކީއްވެގެން ކަމާ މެދު ވެސް، އެއްވެސް އެއްޗެއް ވިދާޅުވާކަށް އޭނާ ބޭނުމެއް ނުވި އެވެ.
"މިހާރު"ން ގުޅުމުން އޭނާ ވިދާޅުވީ "މި ކޭހާ ބެހޭ ގޮތުން އެއްވެސް ވާހަކައެއް ދައްކަން ބޭނުން ނޫން" ކަމަށެވެ.
ވަޒީފާއާ ބެހޭ ޓްރައިބިއުނަލުން ހާމިދާ އެއްކޮޅަށް މައްސަލަ ނިންމުމުގެ އިތުރުން މި މަހުގެ 11 ގައި އޭނާއަށް ވަނީ ހައި ކޯޓުން ވެސް ކާމިޔާބެއް ލިބިވަޑައިގެންފަ އެވެ. މައްސަލާގައި ޓްރައިބިއުނަލުން ވަކި ގޮތެއް ނިންމުމުގެ ކުރިން އޭނާގެ ވަޒީފާއަށް މީހަކު އައްޔަންކުރުން ހުއްޓުވަން ނެރުނު އަމުރު އެމްއޭސީއެލުން ހައި ކޯޓުގައި އިސްތިއުފާންކުރި އެވެ. އެކަމަކު މި މަހު 11 ގައި ހައި ކޯޓުން ނިންމީ ޓްރައިބިއުނަލްގެ އަމުރު ރަނގަޅު ކަމަށާއި އެ އަމުރު ބާތިލްކުރާނެ ގާނޫނީ ސަބަބެއް ނެތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙާރިސް
23 January 2021
ޙާމިދު ވަކިކުރީ ސީޕްލޭނ ޓާރމިނަލް ޓީ.އެމް.އޭ އަށް ދޭން އެއްބަސް ނުވުމުން.
އަރީޝް
21 January 2021
ހުވާ މިބުނޫ، ބޯޑުމެންބަރ ނޫރައްދީން މަގާމުގެ ނަހަމަ ބޭނުބްކޮށް ފައިދާ ނެގި މައްސަލަ ބަލަންޖެހޭބެ. މިކަން އޮއްބާލާ ފިއްޔާ ދެވަނަ ފަހަރަށްވެސް ބެލޭނެ. މިއީ އެމްއެމްޕީއާރުސީ މައްކަމަށްވުރެ ގެއްލުން ބޮޑު ކަމެއް. ދެއަހަރުން 70 މިލިއަން، ތިންއަހަރުން 100މިލިއަން ޑޮލަރު ގެއްލުން ދައުލަތައް. ޒީރޯ ޓޮލަރެންސް؟
އިސްމާއިލު ޝަރީފް
20 January 2021
އެމްއޭސީއެލް ބޯޑުގައި މަސްލަހަތު ފުޝްއަރާ ބޭފުޅުން ސަރުކާރުން އައްޔަން ކުރައްވައިގެން އެބޭފުޅުން ކުންފުނީގެ ހިންގުމަށް ސީދާ ވަދެ ހެދުމަކީ ކުށެކެވެ. އަދި އެބޭފުޅުން ބޭނުން ގޮތަކަށް ކުންފުނި ހިންގުމަށްޓކައި ބޭރުން ޕަޕެޓެއް ގެނެސް ބޭންދުމަކީ ދައުލަތައް ރަގަޅުގޮތެއްނޫން. ސަރުކާރުން މިކަންތައް އިސްލާހިކޮށްދެއްވާ.
ކަންބޅި
20 January 2021
ސީޕުލޭން ޓާރމިނަލް.
ޢިބޫ
21 January 2021
"އިބްރާހީމް ނޫރައްދީން އިންޓަނޭޝަނަލް އެއަރޕޯޓް"- އިނިއާ- ކުރިންވެސް ކިޔާގޮތައް ކުރުކޮށް އިގިރޭސިން ކިޔަނީ "އިނިއާ"
ޝަރީފޫ
20 January 2021
ކޮބާ މިދިޔަ ދައުރު، އެއަރޕޯޓޭ، މިނިސްޓަރ މުހައްމަދު ސައިދޭ، އޭއްޗެކޭ މީއްޗެކޭ، ކިޔައިގެން ވާހަކަ ދެއްކި ނޫރައްދީނު
ޝަރީފޫ
21 January 2021
ކޮބާތޯ؟ އެމްޔޫ މަނިކް. ޗެއަރމަނަކަށް ހުންނަވާއިރު މިކަންކަން ނުބައްލަވަނީ ކީއްވެތޯ؟ މަޓީގެވެސް ޗެއަރމަން. ނޫރައްދީން ބޭނުން ގޭހެއް އަބުރަން ހުންނައިރު، އޭނަޔާ ޗެއަރމަންކަން ހަވާލުކުރަން ވީނޫންތޯ؟
މޯޑް
20 January 2021
މެނޭޖްމަންޓްން ބޯނަސް ކޮޅު ވެސް ކައިފި
ލޯބިރު
20 January 2021
ސީޕްލޭން ޓަރމިނަލް ހަވާލު ކުރަން މިހާރު އޮތީ ތައްޔާރުވެފަށް ، އިބުރާހިމު ނޫރަދީނު އަޑީގަށް އޮވެގެން
މޮޔަސޮރު
20 January 2021
ސީނިއަރ މެނޭޖްމަންޓަކީ .. ކޮންމެވެސް...ދީން އެއް. ބޮޑު މެންބަރަކަށް ހުރެ ކުްނފުނީގެ ހިންގުމުގެ ތެރެއަށް ބޭނިގެން އުޅޭ. މިއީ ހުއްޓުވަންޖެހޭ ކަމެއް. އެމީހުން ކުރިއަރުވަނީ އެމީހުންގެ އަމިއްލަ ވިޔަފާރި. ހާމިދު ޓާމިނަލް ކުްނފުންޏަށް ގެއްލުންވާ ގޮތަށް ދިނުމަށް ދެކޮޅު ހެދީ އެއީ މައްސަލައަކީ....
ދުއްމާރި
20 January 2021
ކޮރަޕްޓް. މީހެއް. ޥަރަޢްވާހަކަ.
އަބްދޫ
20 January 2021
މީނަޔަށް މުސާރަދޭންޖެހޭނެ. ގާޏޫނުގައިވާ ފަދައިން ޒިންމާވާންޖެހޭ ބައެއްގެ ސަބަބުން ދަވްލަތަށް ލިބުނު ގެއްލުމުގެ ބަދަލު ހޯދަންޖެހޭނެ. ދަވްލަތަސް ލިބުނު ގެއްލުމަކީ މީހަކުލަައްވާ މަސައްކަތް ނުކުރުވާ މުސާރަ އިގެ ގޮތުގާ ފައިސާ ދޭންޖެހުން. ވީމާ ގާނޫނުގައިވާގޮތުން އިހުމާލުވާ މީހެއްގެ އަތުނަ ދަވްލަތަށް ފައިސާހޯދާ
ައައްޔަ
20 January 2021
ހާމިދު ރިޒާއަކީ ވަރަށް ޤާބިލް ވަޒީފާއަށް ކަމޭހިތައިގެން ކުންފުނީގެ ކުރިއެރުމަށް މަސައްކަތްކުރި ހީވާގި މުވައްޒަފެއް، އޭނާއާއި އަދިވެސް އެހެން ވެރިންތަކެއް ކުއްލިޔަކަށް ވަޒީފާއިން ވަކިކުރީ ކުންފުންޔާ މިވެރިކަމުގަ ހަވާލުވީ ބަޔަކު ހިންގަން ރާވަމުންދިޔަ ޖަރީމާތަކަށް ފާޅުގައި ނޫނެކޭ ބުނަންކެރޭނެ ަޔަކަށް ވާތީ އެކަންކަން ކުރެވޭނެ މަގުފަހިލުރަން ވެގެންކަން އެންގޭ. ތިޔަ ކޯޓުއަމުރަށް ތަބާނުވާނެކަން އެންގޭ އެކްމަކު ހާމިދުއަށް މަރުހަބާ.