ކޮވިޑް-19 އަށް ރާއްޖެ އިން ޕޮޒިޓިވްވި މީހުންގެ އަދަދު އަނެއްކާވެސް އިތުރުވާން ފަށައި، މިއަދު 145 މީހަކު ޕޮޒިޓިވްވެއްޖެ އެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނީ މިއަދު ކޮވިޑް-19 އަށް ޕޮޒިޓިވްވި މީހުންގެ ތެރެއިން 93 މީހުން ޕޮޒިޓިވްވީ މާލެ ސަރަހައްދުން ކަމަށާއި ރިސޯޓްތަކުނެ 36 މީހަކު ޕޮޒިޓިވްވި ކަމަށެވެ. އަތޮޅު ތެރެއިން ޕޮޒިޓިވްވީ 14 މީހެކެވެ. އެ ބައްޔަށް ޕޮޒިޓިވްވި މީހުން އިތުރުވާން ފެށީ އަދަދުތައް ވަރަށް މަދުވެފައި އޮތުމަށް ފަހު އެވެ.
ކޮވިޑް-19 އަށް ރާއްޖެ އިން ޕޮޒިޓިވްވި އަދަދު 15،200 އަށް މިހާރު ވަނީ އަރައިފަ އެވެ. އެކަމަކު 13،900 އަށް ވުރެ ގިިނަ މީހުން އެ ބަލިން ރަނގަޅުވެފައިވާތީ މި ވަގުތު ފަރުވާ ދެނީ 1،273 މީހަކަށެވެ.
ކޮވިޑް-19 ގައި ރާއްޖެ އިން މިހާތަނަށް 51 މީހަކު ވަނީ މަރުވެފަ އެވެ.
