މިދިޔަ ހަފުތާ އަކީ މިހާތަނަށް ކޮވިޑްގެ އެންމެ ގިނަ ކޭސްތައް ފެނުނު ހަފުތާ. ކުރިއަށް އޮތް ހަފުތާގައި ވެސް ރިވިއުކުރުމަށް ފަހު އިތުރަށް ފިޔަވަޅުތައް އަޅަންޖެހޭ ނަމަ އެކަން ކުރާނެ.
ކޮވިޑް ޖެހޭ މީހުންގެ އަދަދު ރާއްޖޭގައި އިތުރުވުމާ ގުޅިގެން އެޗްޕީއޭއިން މާލެ ސަރަހައްދުގައި ހަވީރު 6 އިން ހެނދުނު 6 އަށް އެއްގަމު އުޅަނދު ދުއްވުން މަނާ ކޮށްފައިވާތީ އިރުއޮއްސޭ ގަޑިއަށް ބްރިޖު ހުރަސް ކުރަން ކިއު ހަދާފައި--. ފޮޓޯ: ނިޝާން އަލީ/މިހާރު
04 މާޗް 2021 - 23:28
22 comments
ކޮވިޑް-19ގެ ކޮމިއުނިޓީ ސްޕްރެޑެއް މާލޭގައި އޮތް ކަން މިދިޔަ އެޕްރީލް 15 ގައި އެނގުނު ފަހުން މިހާތަނަށް އެންމެ ގިނަ ކޭސްތައް ފެނުނީ މިދިޔަ ހަފުތާގައި ކަމަށް ހެލްތު އިމަޖެންސީ އޮޕަރޭޝަން (އެޗްއީއޯސީ)ގެ ތަރުޖަމާން ޑރ. ފާތުމަތު ނަޒްލާ މިރޭ ވިދާޅުވެއްޖެ އެވެ.
ކޮވިޑުގެ ތިން ވަނަ ރާޅާ އެކު ރާއްޖޭގެ ހާލަތު އަދިވެސް ގޯސްވަމުންދާތީ ބަލި ކޮންޓްރޯލްކުރުމަށް ކުރިއަށް އޮތް ހަތް ދުވަހަށް އަނެއްކާވެސް ފިޔަވަޅުތައް ވަނީ އިތުރަށް ހަރުކަށިކޮށްފަ އެވެ. މިހާތަނަށް އަޅަމުން އަންނަ ފިޔަވަޅުތަކުން މާބޮޑު ނަތީޖާއެއް ނުފެނި މިއަދު ވެސް 167 މީހަކު ވަނީ ބައްޔަށް ޕޮޒިޓިވްވެފަ އެވެ.
އެޗްއީއޯސީން ހަފުތާ ގުނަމުން އަންނަނީ ފުރަތަމަ ކޮމިއުނިޓީ ސްޕްރެޑް މާލެއިން ފެނުނު ދުވަހުން ފެށިގެން، ކޮންމެ އަންގާރަ ދުވަހަކުން ޖެހިގެން އަންނަ އަންގާރަ ދުވަހާ ހަމައަށެވެ.
"މިދިޔަ ހަފުތާގައި މިވަނީ 1،020 ކޭސް ފެނިފައި. އެއީ މިހާތަނަށް އެއްވެސް ހަފުތާއެއްގައި ކޭސް ފެނިފައި ނުވާ މިންވަރެއް،" ނަޒްލާ ވިދާޅުވި އެވެ.
އެޗްއީއޯސީގެ ޕްރެސް ކޮންފަރެންސެއްގައި ޑރ. ނަޒްލާ ވާހަކަ ދައްކަވަނީ.
ކޮވިޑުގެ ދެ ވަނަ ރާޅުގައި ވެސް ހަފުތާއެއްގެ ތެރޭގައި މި އަދަދަށް މީހުން ޕޮޒިޓިވްވެފައެއް ނުވެ އެވެ. ރާއްޖޭގެ މިހާރުގެ ހާލަތު އޮތީ ސިއްހީ ޚިދުމަތްތެރިންނަށް ކިރިޔާ ހިފަހައްޓާލެވޭވަރުގައި ކަމުން ހަތް ދުވަހަށް ފިޔަވަޅުތައް ވަރުގަދަކުރީ ކުރީގެ ފިޔަވަޅުތައް އުވާނުލަ އެވެ.
ކެއިން ބުއިމުގެ ޚިދުމަތް ދޭ ތަންތަން ރޭގަނޑު އަށަކުން ފެށިގެން ބަންދުކުރަން ނިންމި ނިންމުން ވެސް އިތުރު ހަފުތާއަކަށް ދެމެހެއްޓީ އެވެ. އިރުއޮއްސި ހައެއްގެ ފަހުން ވެހިކަލް ދުއްވުން ވެސް މަނަލެވެ.
އިތުރަށް މިރޭ އިއުލާންކުރި ފިޔަވަޅުތައް
- ރޭގަނޑު 11 އިން ފެށިގެން ފަތިހު 4:30އަށް މަގުމަތީގައި އުޅުން މަނާ.
- އެއްފަހަރާ ފަސް މީހުންނަށް ވުރެން ގިނަ މީހުން އާއްމު ތަންތަނަށް އެއްވުން މަނާ.
- ސިނަމާތަކާއި ފިލްމުތިއޭޓާތައް ބަންދުކުރުން.
- ދުވާ ޓްރެކްތައް ބަންދުކުރުން.
- ޕާކުތަކާއި މައިޒާންތައް ބަންދުކުރުން.
- އެކަނި ކުރާ ކަސްރަތު ފިޔަވައި ކުޅިވަރު ހަރަކާތްތައް ހުއްޓާލުން.
- ޔުނިވަސިޓީތަކާއި ކޮލެޖްތަކަށް ދަރިވަރުން ހާޒިރުވެ ކިޔެވުން ހުއްޓާލައި އޮންލައިން ކްލާސްތަކަށް ބަދަލުކުރުން.
ނަޒްލާ ވިދާޅުވި ގޮތުގައި ފިޔަވަޅުތައް ވަރުގަދަކުރަން ޖެހޭނީ ބަލި ފެތުރުން ކޮންޓްރޯލް ނުވާތީ އެންމެން އެއްވެގެން ކުރާ ކަންކަން ވީހާވެސް މަދުކުރުމަށެވެ. އެއްތަނުން އަނެއް ތަނަށް ގޮސް މަސްހުނިވުން ވެސް މަދުކުރަން އަޅާ ފިޔަވަޅުތަކެއް ކަމަށް ވިދާޅުވި އެވެ.
"ކުރިއަށް އޮތް ހަފުތާގައި ވެސް ރިވިއުކުރުމަށް ފަހު އިތުރަށް ފިޔަވަޅުތައް އަޅަން ޖެހޭ ނަމަ އެކަން ކުރިއަށް ގެންދާނެ،" ނަޒްލާ ވިދާޅުވި އެވެ.
ރާއްޖޭގައި ކޮވިޑުގެ އެކްޓިވް ކޭސް 20000 އަށް ވުރެން ގިނައިރު މި ބަލީގައި މިއަދުގެ ނިޔަލަށް 64 މީހަކު ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާއިސާ
05 March 2021
ހެޔޮނުވާނެ އެޗް އޯސީގައި ތިބި ޑޮކްޓަރުންނާއިއެކު ތިއެންމެންނަށް މިހާތަނަށް ލިބިފަވާ އިނާޔަތް ހާމަކޮއްލަދީބަލަ. އަޑު އިވެނީ މުސާރައިގެ އިތުރުން ބައެއް ޑޮކްޓަރުންނަށް90 ހާސް އަދި ޑްރައިވްރުންނާ ހަމަޔަށް 60 ހާހުން 40 ހާސް 30ސްހާސް މަހަކު ލިބެޔޭ.. މިނޫހުން ނަމަވެސް މިކަން ކޮއްލަދީބަލަ.
ބަރުބާދު
05 March 2021
މިދިޔަ އޭޕްރިލްގަ ޓެސްޓުކުރިވަރައް ދުވާލަކު 1000 ޓެސްޓު ހެދިނަމަ ތިހެނެއް ނުވީހެއްނު، އޭރުން ތިއަދަދު 200 އާ 250 އާ ދޭތެރޭގަ ހުރީސް . އދދި ދުވާލަކައް 10000 ޓެސްޓު ކުރެވޭނަމަ 2000 ފެނުނީސް. އެންމެ ނުބައި ސިނާރިއޯއައް ތައްޔާރޭ ގޮވިއިރު، 1000 ޓެސްޓުން 5000 ޓެސްޓު ދުވާލަކު ކުރެވޭ ކެޕޭސިޓީ ހޯދަން 1 އަހަރު، ލަދުގަންނަން ދަސްކުރަން ވެއްޖެނޫންތޯ؟.
ނައު66
05 March 2021
މާލޭގެ އާބާދީގެ 90% ވެކްސިން ޖެހީމަ ދެން މާލޭގަ ޓެސްކުރާނެ ކަމެއްނެތް. ނޫނީ ވެކްސިން ޖެހުމުގެ ބޭނުމެއް ނެތް. މުޅި އުމުރު އުޅެންޖެހެނި މިކަމާ. އެމެރިކާގެ ސީޑީސީން ވެސް އަންގަނީ ވެކްސިންޖަހާ ފުރިހަމަ ކުރާ މީހުން އައިސޮލޭޓު ވާކަށް ނުޖެހޭނެއޭ.
ޒައިކް
05 March 2021
އޮފީސްތައް ބަނދު ނުކޮށް ތި ނުވާނެ ކޮންޓްރޯލެއް.. އެޗްޕީއޭ ގައިޑްލައިނަކަށް ތަބައެއް ނުވޭ އޮފީސްތަކުގެ ވެރިންނެއް ހުރިހާ އެންމެން ނެރެ މަސްހުނިކޮށްގެން މަސައްކަތްކުރުވަނީ.. އޮފީހަށް ނައިސްކުރެވޭ މަސައްކަތްވެސް
ޑެބީ
05 March 2021
އެއްކަލަ ސިވިލް ސާވިސް ކުދިން ކޮޅު ސްކޫލު ބަންދާ ދިމާކޮށް އޮފީސްތައް ބަންދުކޮށްލަން ތެޅި ފޮޅެނީއުތަ؟
ހާލަތު19
05 March 2021
ތިކަމެއް ނުވާނެ ދުވާލުގެ ކޮންޓެކްވުން މަދުކުރެވިގެން ނޫނީ.. އެކަން ކުރަންޏާ އޮފީސްތައް ބަންދުކޮށްލާ ދިހަ ހަވަރަކަށް ދުވަހަށް ނަމަވެސް.. ނަތީޖާ ފެންނާނެ.. މިހާރު އަހަރެމެން ވިޔަފާރިވެރިން ކެފޭ ގަނޑު ބަންދުކޮށް ބޮޑުތަޅު އަޅުވައިގެން ސަރުކާރު އޮފީސްތަކުގެ މުވައްޒަފުން އަޗާނަގަނި ހެޗްޕީއޭ ގައިޑްލައިން އޮތްތާނގަ ހުރިހާ އެންމެ ނެރެ މަސްހުނިކޮށް މާސްކު ނާޅާ އުޅެނީ އޮފީސްތަކުގެ ތެރޭގަ ވެސް.. އެއީ ވަކި މާ މާތްބަޔަކީތޯ ގައިޑްލައިންތައް ފޮލޯ ނުކުރަން؟؟
ޙަމް7
05 March 2021
އޮފީސްތައް ހަފްތާ އަކަށް ބަންދު ކޮށްފަ އެންމެން ވެކްސިން ޖަހަން ފޮނުވާ!!
ޒައިކް
05 March 2021
ކިތަންމެ ވަރެއް ކުރިޔަސް އޮފީސްތައް 7 ދުވަހަށް ނަމަވެސް ބަންދު ނުކޮށް ތި މައިތިރިއެއް ނުވާނެ.. އަޅަންވީ ފިޔަވަޅުތަކާއި ކުރަންވީ ކަންކަން ނޭނގިގެން ތިޔަ އުޅެނީ..
މިއަދު
05 March 2021
ކޮވިޑް ރާޅުބޮޑީ އެޗްޕީއޭްއަށް ހައްލެއްކަމަށް ސަރުކާރުދެކެނީ ހަމައެކަނި މިސްކިތްތައް ބަންދުކުރުން ކޮވިޑް ކޮންޓްރޯލުކުރަން މަސައްކަތް ކުރަނީ ހަމައެކަނި އޗްޕީއޭއިން އެއީވެސް ގައިޑްލައިން ހެދުން ތަންފީޒީ މުއައްސަސާތަކާއި ސަރުކާރުން އެކަމަށްދޭސަމާލުކަމެއްނެތް
އިރާދު
05 March 2021
ސިޓީކައުންސިލުން މާލޭގެ އެތައް މަގެއް ދުވާލު ބާރުބޮޑުގަޑީ ބަންދުކޮށްލާފަ އޮންނަނީ..މަގުތަކުގައި ސައިކަލް ހިނގާ މީހުން ތޮއްޖެހިފަ.މޫދުގައި ކަސްރަތު ހިންގާ ގްރޫޕްތައް 50ވަރަކަށް މީހުންގެ ގްރޫޕް ހަދައިގެން..ބާޒާރު މަތީ ދިވެހިންނާއި ބޭރުމީހުން މާސްކް ނާޅާ އުޅެނީ..
ހަސަންބެ.
05 March 2021
ތިޔަ އަޅާ އިތުރު ފިޔަވަޅު ތަކެއް ނޭގުނު. 5 މީހުން ނަށް ވެރު ގިނަ މީހުން އެއްކޮށް ނޫޅޭން ތިއަންގާ ގޮތް ޑިފައިންކޮށްދޭން އެދެން . އެއީ ހަމަ އެކަނި މުޒާހިރާ ކުރާ މީހުން ނަށް އެކަނި އޮންނަ ގޮތެއްތޯ. ކޮންމެ ދުވަހަކު 120 މީހުން މި މާލެއިން ޕޮޒިޓްވް ވަންޔާ އެމީހުންގެ ޓެސްޓް ގެ ނަތީޖާ ލިބެން 2 ދުވަސް ނަގާއިރު ކިތައް މީހުންނާއި ދިމާވާނެ. އަޅުގަނޑު ތިޔަ ހަދާ ޓެސްޓަކާއި ދޭތެރޭ ބޮޑުތަނުން ޝައްކު. މާލޭގައި 120މީހުން ދުވަލާކު ޕޮޒިޓްވް ވާނަމަ މިތަން މިހާރު
ޝޯމޭން
05 March 2021
އޮފީސްތައް ބަންދުކޮށްފަ، ސަރުކާރުގެ ބޮޑުންނަށްލާފަ މިތިބަ މުސްކުޅިވެރިންތައް ކައިރި ބުނެބަލަ މިޒަމާނުގަ ގޭގަވެސް އިދާރީ މަސައްކަތް ކުރެވެޔޭ. އެކަން ގަބޫލު ނުކޮށް ގޮނޑިހޫނުކުރަން އޮފީހަށް ދިޔުމަށް މަޖުބޫރުކުރުވާ ވެރިން އުޅޭތީ މައުލޫމާތައްޓަކާ ބުނެލީ.