ކަންކަން ރަނގަޅު ނުކުރާ ނަމަ އެކައުންޓެބްލް މެނޭޖަރުގެ ހުއްދަ ވެސް އަތުލާނެ ކަމުގެ ފަހުގެ އިންޒާރު ސަރުކާރުން މިހާރު ވަނީ ދީފައި.
އައްޑޫ ފްލައިން ސްކޫލް
22 މެއި 2021 - 20:01
15 comments
އައްޑޫގައި ހުންނަ ފްލައިން ސްކޫލުގެ ހެޑް އޮފް ޓްރެއިނިން ސުރަންޖަން ޑި ސިލްވާ އަށް ދޫކޮށްފައިވާ ހުއްދަ ސަރުކާރުން މާދަމާ އިން ފެށިގެން އަތުލަން ނިންމައިފި އެވެ.
އެ ހުއްދަ އޭނާގެ އަތުން އަތުލަނީ ފްލައިން ސްކޫލުގެ ދަރިވަރުންނަށް ދިމާވެފައިވާ މައްސަލަތައް ހައްލުކުރުމަށް މެނޭޖްމަންޓުން އަދާކުރަންޖެހޭ ޒިންމާތައް އަދާކުރަމުން ނުދާތީ ކަމަށް ޓްރާންސްޕޯޓް މިނިސްޓްރީން ދެންމެ ނެރުނު ބަޔާނެއްގައި ވެ އެވެ.
އެ މިނިސްޓްރީން ބުނީ، ފްލައިން ސްކޫލުގެ މައްސަލަތައް އަވަހަށް ހައްލު ނުކުރެވޭ ނަމަ އެ ތަނުގެ އެކައުންޓެބްލް މެނޭޖަރު އަލީ އަކްބަރު ޖީވަންޖީގެ ހުއްދަ ވެސް އަތުލާނެ ކަމުގެ އެންމެ ފަހުގެ އިންޒާރު ސިވިލް އޭވިއޭޝަން އޮތޯރިޓީން ލިޔުމުން ދީފައިވާ ކަމަށެވެ.
ޓްރާންސްޕޯޓް މިނިސްޓްރީން ބުނީ، އައްޑޫ ގަމުގައި އޭޝިއަން އެކަޑެމީ އޮފް އެރޮނޮޓިކްސް އިން ހިންގާ ފްލައިން ސްކޫލުގައި ކިޔަވާ ދަަރިވަރުންނަށް ދިމާވެފައިވާ މައްސަލަތައް ހައްލު ކުރުމަށާއި ދަރިވަރުންގެ ކޯސް ފުރިހަމަކުރުމަށް ބުރޫ އަރާފައިވާއިރު އެކަމަށް ހައްލެއް ހޯދުމަށް އެ ސްކޫލުގެ މެނޭޖްމަންޓުން ޒިންމާ އަދާނުކުރާ ކަމަށެވެ.
ފްލައިން ސްކޫލުގެ ހެޑް އޮފް ޓްރެއިނިންއާ މެދު ސިވިލް އޭވިއޭޝަން އޮތޯރިޓީން ފިޔަވަޅު އެޅިއިރު، މިދިޔަ ހަފުތާގައި ރައީސް އިބްރާހީމް މުހައްމަދު ސޯލިހު ވަނީ އެ ސްކޫލްގެ މައްސަލަ ދިގުލައިގެން ދިއުމުގައި އެ އޮތޯރިޓީގެ އިހުމާލެއް އޮތްތޯ ބެލުމަށް މިނިވަން އޮޑިޓެއް ހަދައި، އިހުމާލުވެފައި ވާ ނަމަ، އިހުމާލުވެފައިވާ ބަޔަކާ މެދު ފިޔަވަޅު އެޅުމަށް ވެސް ނިންމަވައިފަ އެވެ.
އައްޑޫ ފްލައިން ސްކޫލުގައި ގިނަ ދަރިވަރުން ކިޔަވަނީ ބޮޑެތި ލޯނުތައް ނަގައިގެން ކަމަށް ވާއިރު، 12-18 މަސް ދުވަހުން ނިމޭ ކޯހެއް އެ މުއްދަތަށް ނުނިމި، ތިން ހަތަރު އަހަރު ނަގަމުންދާތީ އެ ދަރިވަރުން ކަންބޮޑުވުން ފާޅުކުރެ އެވެ.
ބޮޑު ފީއެއް ނަގައިގެން އެތަނުން ޕައިލެޓުން ތަމްރީނު ކުރާއިރު، މިދިޔަ އަހަރުގެ އޮކްޓޫބަރު މަހު ހަޔާ އެޑިއުކޭޝަން މިނިސްޓްރީން ވަނީ އެތަނާ މެދު ފިޔަވަޅު އަޅައިފަ އެވެ.
ސިވިލް އޭވިއޭޝަން އޮތޯރިޓީން 2019 ގައި އެ އެކަޑަމީ އޮޑިޓް ކުރުމަށް ފަހު، ދަރިވަރުންގެ ކިޔެވުމަށް ހުރަސް އެޅޭ ކަންތައްތައް ފާހަގަކޮށްފައިވީ ނަމަވެސް އެ ކަންތައްތައް ރަނގަޅު ކުރަން މަސައްކަތް ކޮށްފައި ނުވާ ކަމަށް ހަޔާ އެޑިއުކޭޝަން މިނިސްޓްރީން ކުރިން ބުނެފައި ވެ އެވެ. އެހެންވެ، އޭރު ތިބި ދަރިވަރުންގެ ތަމްރީނު ފުރިހަމަ ނުވަނީސް، އިތުރު ދަރިވަރުން ނުނެގުމަށް އެ މިނިސްޓްރީން އެންގި އެވެ.
ފްލައިން ސްކޫލްގެ ދަރިވަރުން އިމްތިހާނުތައް ފުރިހަމަކުރުމަށް ފަހު، އެތައް ދުވަހެއް ވާއިރު ވެސް އުދުހުމުގެ ތަމްރީނުތަކަށް ފުރުސަތު ނުލިބި، ބޮޑު ހަރަދެއް ހިނގާ ކަމުގެ ޝަކުވާތައް ދަރިވަރުންނާއި ބެލެނިވެރިން ކުރާތާ ގިނަ ދުވަސްތަކެެއް ވެއްޖެ އެވެ. އެފަދަ ގިނަ ޝަކުވާތަކެއް ހަޔާ އެޑިއުކޭޝަން މިނިސްޓްރީ އާއި ސިވިލް އޭވިއޭޝަން އޮތޯރިޓީ އަށް ވެސް ދަރިވަރުން ހުށަހަޅައިފައިވެ އެވެ.
ފްލައިން ސްކޫލުގެ ބައެއް އިސްވެރިންނަށް ފިޔަވަޅު އަޅަން މިއަދު ނިންމުމާ ހަަމައަށް މީގެ ކުރިން ސިވިލް އޭވިއޭޝަން އޮތޯރިޓީން ފިޔަވަޅެއް ނާޅަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދީބު
23 May 2021
ޔާމީން ސަރުކާރުގެ ތިތަން ހައްދުން ނެއްޓުނީ. މަގޭދަރިފުޅށްވެސް ތިޔަ ތަނުން ގޮނޑި ލިބުނު.
ހުސައިނީ
23 May 2021
ސަރުކާރުގެ ސިޔާސަތު ނެތީ މިކަން ހައްލު ކުރަން. ސިވިލް އޭވިއޭޝަން އަށް ކުރެވޭނެ ކަމަކީ ހުއްދަ ބާތިލް ކުރުން. އެކަމަކު އޭރުން ކުދިން ކިޔަވަން ދާނެ އެހެން ސްކޫލެއް ހުރީ އެއް ނޫން. އެހެން ސްކޫލެއް ނުގެނެވިގެން އުޅޭ ސަބަބު މިނިސްޓްރީ އަށް ބުނެ ނުދެވެނީ ކިހިނެއް ވެގެން ބާ؟
އަހުމަދުއަލޯ
23 May 2021
މިއީ ދެން ކިހާ ވަރުގަދަވެއްޖެ ކަމެއްތަ؟ މިމީހުންނާ ހިސާބަށް އާދެވޭނެ މުއައްސަސާއެއް ނެތީބާ؟
ނިމާލް
23 May 2021
މޯލްޑިވައަންއުން ތިކުއްދުނި ގަންނަންވީނުން. ޢެމީހުންގެ އިންޖިނިޔަރުންނާ، ޕައިލެޓެން ބޭނުން ކޮއްގެން ތިތަން ހިއްގިދާނެ. މިބުނީ އެންމެ ފަސޭހައިން މިކަން ވާންއޮއިގޮއި. ޢަބަދު އިގިލި ދިއްކިރުމަކީ ހައްލެނޫން.
ހިތަދޫ ހުސެން
23 May 2021
ތި ޗަރުކޭހެއްގަ ދައުރު ނިމޭ އިރުވެސް ކަލޭމެނައް ތިކަން ހައްލެތް ނުވާނެ، ސަރުކާރު ދޯދިޔާ ކަމުން ނާގާބިލް ބަޔަކާ ޑީލް ހަދައިގެން ސްކޫލް ހިނގަން ދިނީމަ އޭގެ ހިތި މިލިބުނީ ދިވެހި ދަރިންނަށް އެވެސް ބުރަ މަސައްކަތުން މައިންބަފައިން ހޯދި ލާރި ހަރަދު ކޮށްގެން ކަލޭމެންހެން މަގު މައްޗަށް ނުކުމެ ސަރުކާރު ވަޒީފާތަކަށް އައިސް ވައްކަން ކޮށްގެނެށް ނޫން! މިވަރު ކަމެއް ހަވާލު ކުރި އިރު މާލީ ތަނަވަސްކަން ހުރިތޯވެސް ނުބެލޭ؟؟
ގޫބެރާ
23 May 2021
ފުލައިން މަދުރަސާ ހިންގަން ހަވާލުވެފަ ހުރިމީހުންނާ އެތާއިސްވެރިންނާ އިންޑިޔާއިން ރާއްޖޭގަ ހަންފަތުރަން އުޅޭމީހުންނާ އޮންނަނީ ވަރައް ވަރުގަދަ ގުޅުމެއް ސަރުކާރަކައް އެމީހުންނައް ފިޔަވަޅެއްނޭޅި އެތައް ދުވަހެއްވީފަހުން އެއްޗެއްބުނެލަން ކެރުނީ ރައްޔަތުންނަށާ ބޭރު މީހުން ކުރިމަތީގަ ސަރުކާރުގެ އަގުވެއްޓި ނިމިއްޖެ
ބޮޑުމީހާ
22 May 2021
ވަރުގަދަ ފްލައިން ސްކޫލެއްތާ! ބަންދުކުރާކަށް ނުކެރޭ، ކިޔެވުން ކުރިއަށް ގެންދާކަށް ނުކެރޭ!
އިންޓެލިޖެންސް
22 May 2021
މިތަނުނުގެ މަސްލަހަތު އުޅޭ 3 މީހުން އުޅޭނެ، އެކަކީ ޓްރާންސްޕޯޓްގެ ވެރިއެއް، 2ވަނަމީހާ އެއީ ސިވިލްއޭވިޝަން ޑީޖޭ، 3ވަނަ މީހަކީ އެމްޕީެލްގެ އެމްޑީ
އެދުރުބޭ
22 May 2021
ތިޔަ ފުލައިން ސްކޫލެއްގެ ކަންތައްގަޑު ހާދަ ބޮޑޭ. މަގޭ ފްރޭންޑްގެ ދަރި އެތާންގައި ކިޔަވާތާ 5 އަހަރު އެކަމު ފްލައި ކުރާނެ ގަޑި ނުލިބި އެސޮރު އެތާ އެ ހުންނަން ޖެހެނީ، ލަންކާ މީހުން މި ޤައުމުގައި ފައިވިއްދާފައި އެމީހުންގެ މީހުން ތިޔަ ތަނަކަށްގޮސް ދިހަ މަހުން އަހަރަކުން ނިންމާފައި ޕައިލޮޓަކަށް ދާން ފަސޭހަ، ދިވެއްސަކަށް ކޯސް ނިންމަން 4 ނޫނީ 5 އަހަރު. ސަރުކާރުން ތަންކޮޅެއް ބޮޑަށް ވިސްނާފައި ތިޔަތަން ވެއްޖެ ރަނގަޅު ޙާލަތަކަށް ގެންނަން.
ހަމް77
22 May 2021
ތިގޮތައް ފިޔަވަޅު އަޅައިގެން ކުދިންނައް އޮތީ ކޮންފައިފާ އެއް. ދެން ބާ އެއަރކްރާފްޓައް ވެސް ފިޔަވަޅު އަޅާ. ޢޭރުން ކުދިންނައް ވަރަށް ފައިފާ ވާނެ. ތިމީހުން ބޭރު ކޮއްފަ ކުދިންނައް ހައްލު ހޯދައިދީ މިހާރު. ޢެވަރަު ނުކުރެވިގެން މިއުޅެނީ ކާކައް ކަޓު ލިބޭތީތަ. ޢަޖައިބެއްް. ބޭރު ބަޔަކު މިތާ އައިސް އެހަދާލަނީ ބޭނުން ގޮތެއްް.