ރައްޔިތުންގެ މަޖިލީހުގެ ކެނދިކުޅުދޫ ދާއިރާގެ އެމްޑީޕީގެ މެމްބަރު އަހުމަދު އީސާ އާއި ކުރީގެ އަނބިކަނބަލުން އަސްރާ ނަސީމް--
24 މެއި 2021 - 20:56
59 comments
ރައްޔިތުންގެ މަޖިލީހުގެ ކެނދިކުޅުދޫ ދާއިރާގެ އެމްޑީޕީގެ މެމްބަރު އަހުމަދު އީސާގެ ފަރާތުން ގެވެށި އަނިޔާ ލިބުނު ކަމަށް ވިދާޅުވެ، ކުރީގެ އަނބިކަނބަލުން އަސްރާ ނަސީމް ޕޮލިހަށް ހުށަހެޅި މައްސަލަ ކުރިއަށް ނުގެންދަން އޭނާ އެދިވަޑައިގަތަސް މައްސަލަ ބަލާނެ ކަމަށް ފުލުހުން ބުނެފި އެވެ.
މައްސަލަ ނުބަލަން އަސްރާ އެދިވަޑައިގަތީ ކީއްވެ ކަމެއް ސާފެއް ނުވެ އެވެ. އެކަމަކު އެނގިފައިވާ ގޮތުގައި މައްސަލަ އަނބުރާ ގެންދަން ބޭނުންވާ ކަމަށް އަސްރާ މިއަދު އެދިވަޑައިގެންފައިވެ އެވެ.
ފުލުހުންގެ މީޑިއާ އޮފިޝަލް ވިދާޅުވީ މައްސަލަ ކުރިއަށް ގެންދަން ބޭނުން ނުވެގެން ހުށަހެޅިޔަސް ޖިނާއީ މައްސަލަތައް ތަހުގީގުކުރާއިރު މައްސަލައިގެ ތަހުގީގު ހުއްޓާނުލައި ކުރިއަށް ގެންދާނެ ކަމަށެވެ.
ސީރިއަސް މައްސަލައެއްގެ ގޮތުގައި މިކަން ފެށިގެން އަޔަސް އީސަ ވަނީ ތުހުމަތުތަކަށް އިންކާރު ކުރައްވައި ބަޔާނެއް ނެރުއްވައިފަ އެވެ. އަދި އީސަގެ ދޮށީ ދަރިފުޅު ވެސް ބައްޕަގެ ދިފާއުގައި ވާހަކަ ދައްކާފައިވެ އެވެ.
ގެވެށި އަނިޔާގެ ސީރިއަސް ތުހުމަތުތަކެއް ކުރެވުމާ އެކު ފުލުހުން ވަނީ އީސަ ހައްޔަރުކުރުމުގެ އަމުރެއް ހޯދަން ޕްރޮސެކިއުޓާ ޖެނެރަލް (ޕީޖީ) އޮފީހުގައި ވެސް އެދިފަ އެވެ. އަދި ޕީޖީން އަމުރު ހޯދުމަށް ކޯޓަށް ހުށަހެޅި ނަމަވެސް ކްރިމިނަލް ކޯޓުން ނިންމީ، އީސަގެ މައްޗަށް ތުހުމަތު ކުރެވޭ ކުށް އޭނާ ކުރި ކަމަށް ތުހުމަތު ކުރެވޭ ސަބަބުތަކެއް ހުރި ނަމަވެސް، ގާނޫނީ އެކި ސަބަބުތައް ހުރުމުން އަމުރު ނެރެދެވެން ނެތް ކަމަށެވެ.
އީސަ ހައްޔަރުކުރަން ޖެހޭ ސަބަބުތަކުގެ ތެރޭގައި، މި މައްސަލާގައި ހެކި ބަސް ދޭން ތިބި މީހުންްގެ ތެރެއިން ބަޔާން ނުނެގި ތިބި މީހުންނަށް އޭނާ ނުފޫޒު ފޯރުވައިފާނެ ކަމަށް ފުލުހުން ބުނެފައިވާ ކަމަށް ޕީޖީން ބަޔާންކޮށްފައިވާ ވިޔަސް އެހެން ބުނުން ފިޔަވައި އެއްވެސް ހެއްކެއް ކޯޓަށް ހުށަހަޅައިފައެއް ނުވެ އެވެ. ޕީޖީން ބުނެފައިވަނީ އީސަ ދޫވެފައި ހުރެއްޖެ ނަމަ، މި މައްސަލާގައި ހެކި ބަސް ދޭން ތިބި މީހުންނަށް އޭނާގެ ފަރާތުން ނުފޫޒު ފޯރުވައިފާނެ ކަމުގެ ބިރު އެބަ އޮތް ކަމަށެވެ.
ހައްޔަރުކުރުމުގެ އަމުރާ މެދު ކޯޓުން ނިންމި ގޮތުގައި ބުނެފައިވާ ގޮތުގައި އީސަ ހައްޔަރުކުރަން އެދިފައި ވަނީ، އަސްރާގެ ގައިގައި ގަދަކަމުން އަތްލައި، ތަޅައި މާރާމާރީ ހިންގައި އަދި އެ މީހުންގެ ދަރިފުޅު ގަދަކަމުން އަތުލައި ގޭގެ ބެލްކަނިން ބޭރަށް މަގުމައްޗަށް ދިއްކޮށް ކުއްޖާ މަގުމައްޗަށް ވައްޓައި މަރާލާނެ ކަމަށް ބުނެ ކުއްޖާގެ ކަރާމާތަށް ގެއްލުންވާނެހެން އަމަލު ކޮށްފައިވާތީ ޕޮލިހަށް މައްސަލަ ހުށަހަޅާފައި ވާތީ އެވެ.
އީސައާ ދެކޮޅަށް ފެންމަތިވި އެ މައްސަލައާ ގުޅިގެން އޭނާގެ އިސްތިއުފާ އަށް ވެސް ގިނަ ބަޔަކު އައީ ގޮވާލަމުންނެވެ. އަދި މަޖިލީހުގެ ޖެންޑާ ކޮމިޓީން ވެސް އަންނަނީ އެ މައްސަލަ ބަލަމުންނެވެ.
މިއަދު އެ މައްސަލައާ ގުޅިގެން ކަމާ ބެހޭ އިދާރާތައް ހާޒިރުކޮށް ކޮމިޓިގެ ސިއްރު ބައްދަލުވުމެއް ވެސް ކުރިއަށް ގެންދިޔަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑިޑިން
25 May 2021
ނުލަފާ ހަރުކަށި ވައްތަރު ޖަހާ މީހެއްދޯ އީސަ އަކީ.
ފަގީރުކޮއި
25 May 2021
ބަލާފަ ބުނާނީ ދައުވާ ކުރާ ވަރަށް އުންރުހަމައެއް ނުވޭ އެހިސާބުން މައްސަލަ ނިމުނީ
ޢަސްރާަރު
25 May 2021
އަހަނ! ޢަނިޔާކުރީމަވެސް ތިބުނަނީ މައްސަލަ އަނބުރާ ގެންދަން. ތިވެސް އަސްރާމެން އިތުރަށް މަޝްހޫރުވާންވެގެން ޖެއްސި ސްޓަންޓެއް. ބެކްގްރައުންޑް ހާވާލީމަ މީ ތެދެއްްކަން ިނގޭނެ
ވަހުތާން
25 May 2021
އެހެންވީމާ މިހާރު އަސްރާގެ ވާހަކަ ގަބޫލުކުރަން އުނދަގޫ! ނަމަވެސް އަންހެން އުޚުތުންނަކީ ވަރަށް މަޖުބޫރުބައެއް! ދަރިއަކާއެކު އެކަނި އުޅުމަކީވެސް ބޮޑުކަމެއް! މުސްތަގުބަލުގައި އާއިލާމީހުންގެ އެހީތިރިކަމުގައި އުޅުމަކީވެސް ގިނަ ބަޔަކަށް އަޅުވެތިކަމެއް! ގޮތް ދޫކޮށް ދެވަނަ ފުރުޞަތެއް ހޯދެވުން އެއީ މިގޮތަށް ނިންމި ސަބަބުކަމަށް ވެދާނެތޯއްޗެ؟؟
ނެތްނުފޫޒު
25 May 2021
މައްސަލަ ކުރިއަށް ނުގެންދަން އެދޭނެތާ. އެއީ ހަމަ އެއްވެސް މީހަކު ނުފޫޒު ފޯރުވައިގެންނެއްނޫން. އެކަމު އަންހެން މީހާ ބުނި އެއްޗެއް އެއީ ބެލެންޖެހޭނެ އެއްޗެއް. އަންހެންމީހާ ދޮގުހެދިނަމަ އޭނައަށް އަދަބު ލިބެންޖެހޭނެ. އެހެންނޫނީ މިކަހަލަ ކަންކަމެއް ނުހުއްޓޭނެ. ފައްޓައިފިއްޔާ ކޮންމެވެސް އެއްކޮޅެއްގަ މައްސަލަ ގެންގޮސް ޖައްސަންޖެހޭ. އެކަމު މިކަން އޮންނާނީ "މައްސަލަ ބަލަމުންދަނީ"ގަކަން އެންމެންވެސް ދަނޭ.
އެވަރުވާ
25 May 2021
މިހާ ފާޅުކަންބޮޑުކޮށް ނުފޫޒު ފޯރުވިކަން ދޭހަވާ އިރުވެސް ގާޒީ ބުނާނެ ނުފޫޒު ފޯރުވާފާނެ ކަމުގެ ހެއްކެތް ނެތުނީމަ ދޫކޮށްލީ ކަމަށް. ދޫކޮށްލެވޭ މީހާ ހުރި މަގާމާ އެމީހާގެ އަމިއްލަ އަނބިމީހާއަށް ނުފޫޒު ފޯރުވޭނެ 1000 ގޮތް އޮތަސް އެކަން ދަންނާކަށް ބޭނުމެއްނުވޭ. އަނެއް ބަޔަކު އުޅެނީ ޕެންޑްރައިވެއްގަ މީހަކު ފައިލް ސޭވްކުރާ ނަން އެއީ ގަބޫލުކުރެވޭ ކަހަލަ ނަމެއް ނޫން ކަމަށް ދެކި އެކަން ވަރަށް ބޮޑު ކަމަކަށް ވެގެން އެމީހާ ސަސްޕެންޑްކުރަން.
ކަރިމާ
25 May 2021
އަންހެނުން ހައްގުތައް ބޮޑުވެގެން ގޮސް މިހާރު ފިރިހެނަކަށް ނޭވާނުލެވޭވަރު ވެއްޖެ ސައިޒު ކޮށްލަންވެފައި އެތިބީ
ލޮލްލޮލްޕަކާސް
25 May 2021
ބައްލަވާ ތީ ހަމަ ދެކޮޅުގަވެސް އޮތްގޮތެއް ނޫންތޯ؟ އަންހެންވިޔަސް ފިރިހެންވިޔަސް. ސައިޒްކުރަންވީ ދެބައިމީހުންވެސް
މުލޭ
25 May 2021
މިކަހަލަ ޖޯކެއް މީގެ ދުވަސްކޮޅެއް ކުރިން ވެސް ނޫސްތަކުން ފެނުނެވެ. ޕާޓީގެ ބޮޑެއްގެ އަނބިކަބަލުން ސައިކަލު ފަހަތަށްލައިގެން ސައިކަލު ދުއްވާލަން ދަނިކޮށް އަނބިކަނބަލުންގެ އަތްދަބަހުގައި އޮތް ކަޓަރެއް ދުއްވަން އިން ބޭފުޅާގެ މޭމަތީގައި އެޅި ޒަޚަމްވީއެވެ. ވާހަކަ ނިމުނީއެވެ.
ވޮންޑަލޭންޑް
25 May 2021
މި ދާ ރޭޓުން ދަންޏާ މިގައުމުގަ ފިރިހެނުން ދެވަނަ ދަރަޖައިގެ އަޅުންނަށް ވާނެ. އަންހެނަކު ނިދާ ހޭލާފަ އެހަރަގޭ އަހައްމަދު މިހެންނޭ ހަމަ ބުނީ ދެން އެވީ ސޯޝަލް މީޑިއާގަ އޭނަގެ އަބުރު ނަގާލާ އޭނަ ވަޒީފާއިން ކަނޑާ އޭނަގެ މުޅި ދިރިއުޅުން ފުނޑުފުނޑުކުރަން.
ހާސްވީލް
25 May 2021
ތީމިހާރު ހުޅަނގުގެ ޤައުމުތަކުގަ ވ ގިނައިން ވަމުންދާގޮތެއް. އަންހެންމީހާ ކުރަނީ ދޮގުތުހުމަތުކަން އިނގޭފަހަރުވެސް އޭނާއަކަށް އަދަބެއްވެސް ނުލިބޭ.
ކޯފާ
25 May 2021
ދޮހޮއްކޮބޭ ލަވައިގަ ކިޔާފަ އެ އޮންނަނީ ހަމަ ރަނގަޅަށް. މަސްލަހަތި ނެތް އަނބިންނޭ ކޯފާ އެކޭ މި ބިމުގައި..