ލޯކަލް ކައުންސިލްތަކަށް 200 ސެކްރެޓަރީ ޖެނެރަލުން ހޯދަން ހުޅުވާލައިފި

ސިވިލް ސާވިސް ކޮމިޝަންގެ މެމްބަރުންތަކެއް ބައްދަލުވުމެއްގައި ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް

އާސިމާ ނިޒާރު، މިހާރު

21 ޖޫން 2021 - 11:23

ލޯކަލް ކައުންސިލްތަކަށް 200 ސެކްރެޓަރީ ޖެނެރަލުން ހޯދަން ސިވިލް ސާވިސް ކޮމިޝަން (ސީއެސްސީ) އިން އިއްޔެ އިއުލާނުކޮށްފި އެވެ.

އެ އިއުލާނުގައި ބުނީ، ރަށާއި އަތޮޅު އަދި ސިޓީ ކައުންސިލްތަކުގެ އިދާރީ ހިންގުމުގެ އެންމެ އިސްވެރިޔާގެ މަގާމަށް އަންނަ ހޯމަ ދުވަހާ ހަމައަށް ކުރިމަތިލެވޭނެ ކަމަށެވެ. އެ މަގާމަށް https://myaccount.csc.gov.mv/CouncilSg ޕޯޓަލް އިން ފޯމު ހުށަހެޅޭނެ އެވެ.

ފަސް އަހަރުގެ ދައުރަކަށް އައްޔަންކުރާ ރަށު ކައުންސިލް އިދާރާގެ އެސްޖީގެ މަގާމުގެ ޝަރުތަކީ ބެޗްލާސް ޑިގްރީއާއެކު ހަތަރު އަހަރުގެ ތަޖުރިބާ ނުވަތަ މާސްޓާސް ޑީގްރީއަކާއެކު މަގާމުގެ މަސައްކަތާގުޅޭ ދެ އަހަރުގެ ތަޖުރިބާ ހުރުމެވެ.

އަތޮޅު ކައުންސިލް އިދާރާގެ އެސްޖީގެ މަގާމުގެ ޝަރުތަކީ ބެޗްލާސް ޑިގްރީއާއެކު ހަ އަހަރުގެ ތަޖުރިބާ ނުވަތަ މާސްޓާސް ޑިގްރީއާއެކު މަސައްކަތާ ގުޅޭ ހަ އަހަރުގެ ތަޖުރިބާ އެވެ. އަދި ސިޓީ ކައުންސިލްގެ އެސްޖީއަކަށް ބެޗްލާސް ޑިގްރީއާއެކު މަގާމުގެ މަސައްކަތާ ގުޅޭ އަށް އަހަރުގެ ތަޖުރިބާ ނުވަތަ މާސްޓާސް ޑިގްރީއާއެކު ހަ އަހަރުގެ ތަޖުރިބާ ހުންނަންޖެހޭނެ ކަމަށް އިއުލާނުގައި ވެ އެވެ.

ސެކްރެޓަރީ ޖެނެރަލުންގެ މުސާރަ

- ރަށު ކައުންސިލްގެ ސެކްރެޓަރީ ޖެނެރަލްގެ މުސާރައަކީ މަހަކު 9،300ރ. އަދި އެގްޒެކެޓިވް އެލަވަންސްގެ ގޮތުގައި 8،870ރ. ލިބޭނެ.

- އަތޮޅު ކައުންސިލްގެ ސެކްރެޓަރީ ޖެނެރަލަކަށް މުސާރައިގެ ގޮތުގައި 12،130ރ. އެގްޒެކެޓިވް އެލަވަންސްގެ 8،870ރ. ލިބޭނެ.

- ސިޓީ ކައުންސިލްގެ ސެކްރެޓަރީ ޖެނެރަލްގެ މުސާރައަކީ މަހަކު 20،500ރ. އަދި އެގްޒެކެޓިވް އެލަވަންސްގެ ގޮތުގައި 15،000ރ. ލިބޭނެ.

ކައުންސިލްތަކަށް ސެކްރެޓަރީ ޖެނެރަލުން އައްޔަން ކުރަނީ އެ ކައުންސިލެއްގެ ރުހުމާއެކުގަ އެވެ. އެގޮތުން، އެސްޖީގެ މަގާމަށް ކުރިމަތިލާ މީހުންގެ ތެރެއިން 60 ޕަސެންޓަށް ވުރެ މަތިން މާކްސް ލިބޭ މީހުންގެ ނަންތައް ސީއެސްސީން އެ ކައުންސިލަކަށް ފޮނުވާނެ އެވެ. އެއަށް ފަހު، އެ އިދާރާއަކަށް އައްޔަންކުރާނެ އެސްޖީއެއް ކައުންސިލުުން ނިންމައި ސީއެސްސީއަށް ފޮނުވަންޖެހެ އެވެ.

ސިވިލް ސާވިސް ސިވިލް ސާވިސް ކޮމިޝަން ލޯކަލް ކައުންސިލްތައް ލާމަރުކަޒީ ހިންގުން

13 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙުވާސްއިބޫ

21 June 2021

މީތޯވަޒީފާ އިތުރު ކުރާ ގޮތަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

21 June 2021

ކޮންމެ ކައުންސިލަރަކަށް ދައުލަތުން ގެއެއް ދޭންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުދި ބޮލި

21 June 2021

ދެތިން ހަތަރުސަތޭކަ މީހުން އުޅެ ރަށްރަށަށް 5 ކައުންސިލަރުންނާއި އެސްޖީ އާ އެތައް ބައިވަރު އިދާރީ މުވައްޒަފުން ބޭނުމެއް ނުވާނެ. ތިއުޅެނީ ފައިސާ ގިނަވެގެންތޯ. އެކަށީގެންވާ މަސައްކަތެއްނެތި ރައްޔިތުންގެ ފައިސާ ބޭކާރުވަނީއެވެ. ތިފައިސާ ރަށުގެ ތަރައްގީއަށް ހޭދަ ކުރާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

21 June 2021

ލާމަރުކަޒީ އުސޫލުން ދައުލަތް ހިންގުމަށް ސިޓީ، އަތޮޅު އަދި ރަށު ކައުންސިލް ތަކަށް ބޭނުންވާ މުވައްޒިފުން ހޯދަން ބަޖޭޓްގައި ފައިސާނެތްކަމަށް ސަރުކާރުން ބުނާނަމަ ބޭކާރު ގޮތުގައި މާލޭގައި ހުރި އޮފީސްތަކުގައި އުފައްދާފައިވާ ވަޒީފާތަށް އުވާލަން ސަރުކާރަށް އަންގާންޖެހޭ. # މިސާލަކަށް ފެނަކަ ކުންފުންޏަށް ބަލާއިރު އެމީހުންނަކީ މާލޭގައި ކަރަންޓްގެ އެއްވެސް ކަމެއް ކުރާވައެއްނޫން. އެކަމަކު މާލޭގައި އެތައް ސަތޭކަ މުވައްޒަފުން އެބަތިބި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަަަައަފޫ

21 June 2021

ކޮސް ނުގޮވާ. މާލެ އަކީ ހަމަ އެކަނި މާލެ މީހުން ތަނެއް ނޫން. ފެނަކަ ހެޑް އޮފީސް މާލޭގަ އިނުމަކީ މައްސަލަ އެއް ނޫން. މާލޭގަ ލިބެން ހުންނަ ފަސޭހަ ކަމާ އެކީ މުދާ ލިބޭކަށް ރާއްޖެ ތެރޭ ރަަށްތަކުގަ ހުންނަނީ އެއް ނޫން. އެތާ މުވައްޒަފުން ތިބެންޖެހެނީ ރާއްޖެ ތެރޭ ބުރާންޗްތައް އެކަށީގެންވާ ގޮތުގަ ހިންގުމަށް ކުރަން ޖެހޭ މަސައްކަތް ކުރުމަށް. އެހެން ނޫނަސް އެތަނުގަ ވެސް ގިނަވާނީ ރާއްޖެ ތެރޭ ރައްތަކުގެ މީހުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސައިން

21 June 2021

ގައުމު ހިންގަންޖެހޭނީ ލާމަރުކަޒީ ގޮތެއްގައިކަން ގަބޫލުކުރަން! އެކަމަކު ދައުލަތުގެ ނެތް ކެޕޭސިޓީއަކަށް ފެތޭ ނިޒާމެެއްގެ ދަށުން ދައުލަތް ހިންގާނީ ކިހިނެއްތޯ? ލާމަރުކަޒީ ނިޒާމް އިސްލާހުކުރުމަކީ ކުރަންވެއްޖެ ކަމެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާންވާނެ

21 June 2021

ޝަރުތުތަކުގެ ތެރޭ އިންޑިއާ ރައްޔިތަކަށްވުން ހިމަނަން ފެނޭ. އެމީހުން ތިބީ މިކޮޅުން ލިބެން އޮތް 2 ލައްކައެއްހާ ޖޮބްތަކަށް އަންނަން ފޮށިތަންމަތި ބަނދެ ރެޑީވެފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަވާސާ އިބޫ

21 June 2021

މިސަރުކާރަކީ ބަލާވެރިކަމެއް ގައުމުގެ ފައިސާ ތަށް ބަހާހުސްކުރަނީ 50 މީހުން ދިރިއުޅޭ ރަށްރަށުގައިވެސް 5 ކައުންސިލަރުންނާއި ހެލްތު ސެންޓަރުގައި ސިޔާސީމީހަކު އެބަހުރޭ ނުވީތާކަށް ސެކެއްޓެރޫީޖަނަރަލެއްވެސް ބޮޑު މުސާރާގައި މިލަނީ އަދި އަބުﷲ ސާހިދުއަށްވެސް ބޮޑު މުސާރަޔާއި އެމެރިކާއިން އެކޮމަޑޭސަނާއި ދެކޯޅު ޓިކެޓު އަހަރަކު 3 ފަހަރު ދޭންޖެހޭ މިއީވާ ސަރުކާރަކީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނާ

21 June 2021

ސުބުޙާނަ ﷲ ހާދަހާ ފައިސާއެކޭ ކައުންސިލްތަކަށް ތިޔަ ޚަރަދު ކުރަނީ . ކުރާ މަސައްކަތަކީ ކޮބައި ކަމެއްނޭނގެ ކެޔޮޅުކަން ކުރުން ފިޔަވައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

21 June 2021

އެންމެ ކުޑަމިނުން ސިޓީ ކައުންސިލް ތަކާއި އަތޮޅު ކައުންސިލްތަކަށް ނަމަވެސް ސެކްރެޓަރީގެ އިތުރަށް މަސައްކަތް ކުރާނެ ސަޕޯޓިވްސް 30 ހަކަށް ސްޓާފުން ހަމަޖައްސަވަން ވެއްޖެ ނޫންތޯ. # ޤާނޫނުއަސާސީ ޝަރުތު ކޮށްފައިވާ ލާމަރުކަޒީ އުސޫލުން ދައުލަތް ހިންގުމަށްޓަކާ ކައުންސިލް ޤާނޫނެއް އުފައްދާ ކައުންސިލް ހަދާ މަޤާމްތަކަށް މެންބަރުން އިންތިޙާބު ކުރިކަމުގައިވިޔަސް މިކަން ފުރިހަމަކޮށް ހިންގާން ދޭންޖެހޭ އެއްބާރުލުން ސަރުކާރުން ދޭތަނެއް ނުފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޡަރުގެ އުއްމަތް

21 June 2021

ތަޖުރިބާ އެއް ނެތި ހަމަހުރެފަ ކުއްލިއަކާ އަންނަ މީހަކަށް ތިކަން ކުރެވޭނެ ގޮތެއް ނުފެނޭ ސިވިލުން އިއުލާނުކޮށްފަ އޮތް އިއުލާނުގައި ވަޒީފާގައި ކުރަން ހުރި މަސައްކަތްތައް ފުރިހަމައެއް ނޫން އިތުރުން ސިވިލް ސަރވިސް ވަޒީފާއެއްގައި އޯޓީން މަޙްރޫމް ކުރުން ބޮޑު ގޯހެއް ކަންކަން ދަނީ ގޯހުން ގޯހަށް ސަރުކާރުން ކުރާ ބޭކާރު ޚަރަދު ވަނީ އިތުރު ކޮންމެވެސް މަޤްޞަދެއް ޙާޞިލް ކުރަން ކުރެވޭ ކަންކަން އެހެން ނަމަވެސް ދަނީ މަޤްޞަދުތަކާ ދުރަށް ފެއަށް ޚިދުމަތް ވަނީ ދެރަ