ފުލުހުން ހިންގި ޑްރަގް އޮޕަރޭޝަނެއްގައި، މަސްތުވާތަކެތި ބޭނުންކުރާ ކަމަށް ތުހުމަތުކުރެވޭ ތަނެއް ފާސްކުރަނީ.-- ފޮޓޯ: ނިޝާން އަލީ/ މިހާރު
06 އޯގަސްޓް 2021 - 12:06
31 comments
ވަކި ހާއްސަ ފަރުވާއެއް ދެވެން ނެތް އަދި ނުރައްކާތެރި މަސްތުވާތަކެތީގެ ތެރޭގައި ހިމެނޭ މެތަޕެޓަމައިން (މެތު) ރާއްޖެ އެތެރެކުރާ ވަރު އިތުރުވަމުން ދާތީ ކަމާ ގުޅުން ހުރި ފަރާތްތަކުން ކަންބޮޑުވުން ފާޅުކޮށްފި އެވެ.
ފުލުހުންގެ ޑްރަގް އެންފޯސްމަންޓް ޑިޕާޓްމަންޓް (ޑީއީޑީ) ގެ ސުޕްރިޓެންޑެންޓް ހެޑް އަހުމަދު ޝާކިރު "މިހާރު" އަށް އިއްޔެ ވިދާޅުވީ ރާއްޖޭގައި މެތު ބޭނުންކުރާ ވަރު މި ފަހުން އިތުރުވެފައިވާ ކަމަށާއި އެއީ ކަންބޮޑުވުމެއް ކަމަށެވެ.
މެތު ހަދަނީ އެކި ކަހަލަ ބޭހާއި ބެޓެރި އަދި ކެމިކަލް ފަދަ ތަކެތި އަޅައިގެންނެވެ.
މަސްތުވާތަކެތި ބޭނުންކުރާ މީހުންގެ ފަރުވާ ރަނގަޅު ކުރުމަށް ވަކާލާތު ކުރަން އުފައްދާފައިވާ "ހޭންޑްސް ޓުގެދާ" ގެ ކޯ-ފައުންޑަރު މުހައްމަދު ނަވީޒް (އައްކު) ވިދާޅުވީ، ރާއްޖެ އަށް މެތު އެތެރެކޮށްގެން ބޭނުންކުރާތާ ދެ އަހަރެއް ވެއްޖެ ކަމަށެވެ. އެކަމަކު، ނުރައްކާތެރި އެ ޑްރަގް ބޭނުންކުރާ ވަރު މިހާރަކަށް އައިސް އިތުރު ވެފައިވާ ކަމަށް އޭނާ ވިދާޅުވި އެވެ.
ހިރޮއިންއާ އެއްކޮށްގެން މެތު ބޭނުންކުރިޔަސް ހިރޮއިން އަށް ރާއްޖޭގައި ފަރުވާ ދެވެ އެވެ. އެކަމަކު، މެތަށް ދެވޭނެ ފަރުވާއެއް ނެތުމުން އެޑިކްޝަންގެ ހާލަތު ގޯސްވެގެންދެ އެވެ. އޭގެ ސަބަބުން ރުޅިގަދަވެ، އަނިޔާވެރިވެރި އަމަލުތައް ފެންނަކަން އައްކު ފާހަގަކުރެއްވި އެވެ.
"މި ގޮތަށް މި މާރާމާރީތައް ވެސް ހިންގާފައި ހުންނަނީ އޭގެ އަސަރުން. އެޑިކްޝަންގެ ސަބަބުން މީހާ ވަރަށް ރުޅިގަދަ ވެފައި ހުންނާނީ. އެ އެޑިކްޝަނަށް ދެވޭނެ ފަރުވާއެއް ނެތީމާ މި ގޯސްވަނީ. މެތަކީ ވަރަށް ނުރައްކާތެރި އެއްޗެއް،" އައްކު ވިދާޅުވި އެވެ.
ދެ ގޮތަކަށް މެތު ބޭނުންކުރެ އެވެ. އެއީ ހަށިގަނޑަށް އިންޖެކްޓު ކޮށްގެން އަދި ހަކުރު ބޭނުންކުރާ ގޮތަށް ނޭފަތަށް އިންހޭލްކޮށްގެންނެވެ. އިންޖެކްޓުކޮށްގެން ބޭނުންކުރާ ނަމަ އޯވަޑޯޒް ވުމުގެ ފުރުސަތު ބޮޑެވެ.
އެޑިކްޓްވާ ގިނަ މާއްދާތަކެއް އެކުލެވިގެން ހަދާ މެތު ބޭނުންކުރާ މީހެއްގެ ފަރާތުން 8-9 ދުވަސް ތެރޭގައި ބަދަލު ފެންނާނެ އެވެ.
ރާއްޖޭގައި މަސްތުވާތަކެތީގެ ހާލަތު އެއް ދުވަހުން އަނެއް ދުވަހަށް ގޯސްވަމުން ދިޔަސް، އޭގެ އަސްލު ސަބަބެއް މިހާތަނަކަށް ނޭނގެ އެވެ. އެކަމާ ގުޅޭގޮތުން މިހާތަނަށް ހެދުނު ހަމައެކަނި ދިރާސާއަށް ވެސް 9-10 އަހަރުވެއްޖެ އެވެ. އދ.ގެ ޑްރަގް އެންޑް ކްރައިމް އޮފީހުން ހެދި އެ ދިރާސާގައި ބުނީ ރާއްޖޭގައި މަސްތުވާތަކެތި ބޭނުންކުރާ 7،500 ކުދިން/މީހުން ތިބޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެއްތެރިވޭކެއްތެރިވޭކެއްތެރިވޭކެއްތެރިވޭކެއްތެރިވޭ
08 August 2021
ހުރިހާ އެންމެން ބޭކާރު 2 ޑޯޒު ޖަހައިގެން ތިބީމަ ތިކަން ވެސް ހައްލުވާނެ..ކެއްތެރިވޭ
އިބުރާ
08 August 2021
"އޭގެ އަސްލު ސަބަބެއް މިހާތަނަކަށް ނޭނގެ އެވެ،" އަބަދުވެސް އަދަބުދެވެނީ ބޯ ކުއްޖާއަށް. ޓްރެފިކް ކުރާ މީހުންގެ ނުހައްގު މުއްސަދިކަން ނުބެލޭ މިގައުމުގަ. ބިލިއަނުން ކޭޝް ބާލީސްދަށުގަ ހުއްޓަސް އެއީ ހުއިފި ލަނޑާ ވިއްކާ މީހެއް.
ކަންޗި
07 August 2021
ކޮބާތަ ރައްކާތެރި ޑްރަގަކީ؟ ޗަކޮއި ދައްކޭ ވާހަކަ ދޯ؟
އަލީ ރަސީދު
07 August 2021
ރ.މާކުރަތުގައި ބޮޑު ޑުރަގު ނެޓްވޯކެއް. ކޮންމެ ދުވަހަކު ރަސްގެތީމު އަނގޮޅިތީމު ހުޅުދުއް ފާރު ޑުރަގު ބޯ މީހުން މާކުރަތައް ދަތުރުކުރޭ. އުނގޫ ފާރު ޕޮލިހާ ގުޅި ފަ އޮންނަނީ . ރި ޕޯޓްކުރިއަސް ޕޮލިސް އަޅައެއްނުލާ
ހިޔާލު ފާޅު
07 August 2021
ޢެއްވެސް މީހަކީ މުޖުތަމައު އަށް ގިނަކުރަން ވާނެ ބައެއް ނޫން... މިކަން ކަމަކީ ގައުމުގެ ވެރިންގެ އެންމެ ބޮޑު އަތެއް ވާ 1 ކަންތަށް... ގައުމު ހިނގާ ވެރިން އަށް ނޭނގި ދިވެހިރާއްޖެ އަށް އެއްވެސް އެއްޗެތް އެތެރެ ކުރެވޭނެ ކަމަކަށް ނުބެލެވޭ...
އެލެކުސް އޮބި
06 August 2021
މީ ގައުމީ މައްސަލައެއް އާއިލާތައް ހަލާކުވެ މުޖުތަމައުގެ ފޭރާން ހަލާކުވެ ދިވެހި ކާބަފައިން ހިތައްވެސް ނާރާވަރަށް މިތަން މިއޮތީ ހަލާކުވެފަ.ކޮންމެއްސަރުކާރަކުންވެސް ދައްކާ ހުވަފެނެއް މިކަންތައް ހުއްޓުވާނަމޭ އެކަމަކު ނަތީޖާ ފެންނަށް ކަމެއް ނުކުރެވޭ. ފސުވާލަކީ ކީއްވެހޭ މިކަންނުހުޓުވިގެން މިއުޅެނީ ކޮންހިސާބަކުން އަންނަށް ޕުރަސަރެއްގެ ސަބަބުންކަން އެބަޖެހޭ ރައްޔިތުންނަށް ފަހުމުވާ ވަރަށް ތިލަކޮށްދޭން އޭރުން ރައްޔިތުން ނުކުމެ ތިކަމެއް އިސްލާހު ކުރާނީ
މުންޑުބުރި
06 August 2021
މިކަން ނުހުއްޓެނީ ދިވެހިރައްޔިތުންގެ ވިޔާނުދާކަމާއި ގޮތެއްފޮތެއް ނެތްކަމާއި މައިންބަފައިން ދަރިން ނުބެލުމާއި ބަލާ މީހަކު ވިއްޔާ އެމީހަކަށް އެމީހެއްގެ ދަރި ދޮންފުތުވުމާއި ޖަލަށް ލައިފިއްޔާ ދައުލަތުގެ ވެރިންނަށް ނުބައި އިންސާނުން މިދުނިޔޭގައި ނެތްކަމަށް ހަދައި ވެރިންނަށް އެއްޗެހި ގޮވަމުން ރައްޔިތުން ދުވާތީ. މިކަހަލަ އަޚުލާޤެއް ނެތް ސުލޫކު ނުބައި އިންސާނުން ރައްޔިތުން އުޅޭ ތަނެއް އިޞްލާހެއް ނުވާނެ. ދިރާސާ ހަދައި ބަލައިފައި ސަބަބު މިކިޔައިދިނީ.
ހަނޑަސްބުރި
08 August 2021
މައިން ބަފައިންގެ އިހުމާލް ކުޑައެއްނޫން. އެކަމަކުވެސް އެއްވެސް ސަރުކާރަކުން މިކަން (ޑްރަގް އެތެރެކޮށް ވިއްކުން) ނުހުއްޓުވިގެން މިއުޅެނީ ދައުލަތް މިކަމުގައި ފެއިލްވެފާވާ ވަރު ހާމަކޮއްދޭކަމެއް. ކޮންމެ ސަރުކާރަކުންވެސް އެންޑީއޭ (ނެޝަނަލް ޑްރަގް އެޖެންސީ) ހިންގުން ހަވާލްކޮށްފަ އޮންނަނީ ނައިބްރައީސްގެ ބެލުމުގެދަށުން. މި ސަރުކާރުން ޑްރަގް ކޮންޓްރޯލްކުރަން ކުރާ މަސައްކަތެއް ނުފެނެ.
ޒައިކް
06 August 2021
ކީއްކުރަން ކަންބޮޑުވަނީ؟؟ އަމިއްލައަށް ހަލާކުވާން ބައިތިއްބާ އޭރުން އެބައިގަނޑު މަދުވެ ޤައުމަށް ހަމަޖެހުނުގެ ނޭވާއެއް ލެވިދާނެ..
ޒައިކްބައްޕަ
06 August 2021
ތިހެން ނުބުނޭ. އެއީ މުޖުތަމައުގ ބަލި ކުދިން. އަނބުރާ މުޖްތަމަށް ގެންނަން ފޫގަޅާފަ މީހުން އެބަތިބި.
ޗޮސްބެ
08 August 2021
އަމިއްލަދަރި ބޯންފެށީމަވެސް ތިހެން ބުނާނަންތަ؟
ޑިސްއޮނަރަބަލް ޑީޑީ
06 August 2021
އެއްބައަކު ގޮވަނީ ބޯންވާނޭ ބޮވެންޖެހޭނީ. ދެން އެވީ ބަލި.
ދެރަ
06 August 2021
ކަސްޓަމްސް ބޮޑުންނާއި ގުޅިގެން ކުރާ ބިސްނަސް. އަލަށް ވަންނަ ކުއްޖަކަށް ވާނުވާ ނޭގި ތަނުގެ އަދިރިސިޔާސަތާއި ދެކޮޅަށް މިފަދަ މީހުން ހިފާނަމަ، އެމީހަކު އެއަރޕޯޓުންް ބަދަލުކޮށް "ފުއްޕާ" ކަމަށް ހަދާ ކުރިއެރުން ނުދީ ގާކޮށް ބާކީ ކޮށް އަމިއްލަ އަށް ވަޒީފާ ދޫކޮށް ދުރަށް ދާވަރު ކޮށްލާނެ
ޟަޒް
06 August 2021
ހުޅުމާލޭގައި ހުސް ޕާޓޭ ކުދިން.