ޚަބަރު / މުހައްމަދު މަބްރޫކް އަޒީޒް (ރައީސް އޮފީސް)

މި އަހަރު ނިމުމުގެ ކުރިން 60 ރަށަކަށް އެމްބިއުލާންސް ލިބޭނެ

އެމްބިއުލަންސްއެއް--. ފޮޓޯ: ނިޝާން އަލީ/މިހާރު

އާސިމާ ނިޒާރު، މިހާރު

07 އޮކްޓޯބަރ 2021 - 20:58

6 comments

މި އަހަރު ނިމުމުގެ ކުރިން 60 ރަށަކަށް އެމްބިއުލާންސް ފޮނުވޭނެ ކަމަށް ރައީސް އޮފީހުން މިއަދު ބުނެފި އެވެ.

އެ އޮފީހުގެ ތަރުޖަމާނު މަބްރޫކް އަޒީޒް ވިދާޅުވީ 20 ރަށަކަށް ބޭނުންވާ އެމްބިއުލާންސް ރާއްޖެ ގެނެސްފައިވާ ކަމަށެވެ. ކުރިއަށް އޮތް ދެ މަހުގެ ތެރޭގައި އިތުރު 40 އެމްބިއުލާންސްއާ އެކު، މި އަހަރު ނިމުމުގެ ކުރިން ރަށްރަށަށް 60 އެމްބިއުލާންސް ފޮނުވޭނެ ކަމަށް އޭނާ ވިދާޅުވި އެވެ.

މިއީ، ރަށްރަށަށް ބޭނުންވާ 96 އެމްބިއުލާންސް ގެންނަން އެސްޓީއޯއާއެކު ޖޫން 10، 2021 ގައި ހެލްތު މިނިސްޓްރީން ސޮއިކުރި އެއްބަސްވުމުގެ ދަށުން ގެނައި ތަކެއްޗެެވެ.

އެ އެއްބަސްވުމުގައިވާ ގޮތުން 180 ދުވަހުގެ ތެރޭގައި އެ އުޅަނދުތައް ގެނެސް ހަވާލުކުރަން ޖެހެ އެވެ. ނަމަވެސް އެ މަސައްކަތް އެސްޓީއޯއާ ހަވާލުކުރި އަގެއް ހާމައެއް ނުކުރެ އެވެ.

Rah rashah 96 Ambulance gennan soikoffi

The most trusted news source in the Maldives

Mihaaru

ހެލްތު މިނިސްޓަރު އަހުމަދު ނަސީމް މިދިޔަ މާޗު މަހު ރައްޔިތުންގެ މަޖިލީހުގެ ޖަލްސާއެއްގައި ވިދާޅުވީ، މިދިޔަ ޖޫން މަހުގެ ތެރޭގައި ރާއްޖޭގެ ހުރިހާ ރަށަކަށް އެމްބިއުލާންސް ހަމަކުރެވޭނެ ކަމަށެވެ.

އޭރު އޭނާ ވިދާޅުވީ، ރަށްރަށަށް އެމްބިއުލާންސް ގެންދަނީ ތިން ގޮތަކުންނެވެ. އެއީ ހެލްތު މިނިސްޓްރީގެ ބަޖެޓުންނާއި ޖަޕާނު ސަރުކާރުގެ އެހީގައި އަދި އެހެން ޕްރޮގްރާމެއްގެ ތެރެއިންނެވެ. އެކަމަކު އެ ޕްރޮގްރާމާ ބެހޭ ތަފްސީލެއް ނަސީމް ނުދެެއްވަ އެެވެ.

ބައެއް ރަށްރަށުގައި އެމްބިއުލާންސް ހަލާކުވެ، އެ ހިދުމަތް މެދުކެނޑިފައި އޮތުމުން ގިނަ ދަތިތައް ކުރިމަތިވާކަމުގެ ޝަކުވާ ދޭތެރެދޭތެރެއިން ލިބެ އެވެ.

ސިއްހީ ޚިދުމަތް އެމްބިއުލާންސްގެ ހިދުމަތް ހެލްތު މިނިސްޓްރީ މުހައްމަދު މަބްރޫކް އަޒީޒް (ރައީސް އޮފީސް)

6 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަމީންއެމްބިއުލަންސް

08 October 2021

2019 ގަ އަމީންވެސް ހަމަކުރި ހުރިހާ ރަށަކަށް އެމްބިއުލަންސް. ބޮޑު ރަސްމިއްޔާތެއް ބާއްވާފަ އެކަން ކުރީ. އަނެއްކާ ނަސީމު ބުނި މިދިޔަ ޖޫނަށް ހުރިހާ ރަށަކަށް އެމްބިއުލަންސް ހަމަވާނެއޭ. މިއަހަރު ނިމޭއިރު 60 ރަށަކަށް އެމްބިއުލަންސް ފޮނުވޭނެ ކަމަށް އަނެއްކާ މި ލިއުމުގަ މިހާރު މިއޮތީ. މިގައުމުގެ ރަށްތަކުގެ އަދަދު ގިނަވަމުން އަންނާތީތަ އަދިވެސް ހުރިހާ ރަށަކަށް އެމްބިއުލަންސް ހަމަނުވެގެން އުޅެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޑިގިއްލާ

09 October 2021

ތަނެއްދޮރެއް ނޭންގުނަސް ކޮމެންޓް ކުރާތި. ބަލަ މިސަރުކާރު އައިއިރުވެސް ރާއްޖޭގައި ހުރީ އިލްޔާސް އިބްރާހީމްގެ ވަޒީރުކަމުގަ ހޯދި ތަކެތި ބާވެ ކަފާސްވެފައޭ... ދޭތެރަކުން ހުއްޓިފަ ހިނގާފަ މިފަދަ ހަލެއްގައޭ... މިސަރުކާރުން އެއްގޮތަކަށްވެސް އެންބިއުލަންސް ނުލިބިހުރި ތަންތަނަށް ހަމަކޮށްފަ މިހާރު ބާ ތަކެތި އާ ކުރަނީއޭ... މިވަރުން ސާފުވާނެ ކަމަށް ދެކެނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމީންއެމްބިއުލަންސް

09 October 2021

މެއި 2019ގަ އިންޑިއާއިން 11 އެމްބިއުލަންސް ގެންނަން 7.7މިލް ހަމަޖައްސައި ސޮއިކުރި. އެ11 ވީދިމާއެއް ނޭނގޭ. ޖޫން2019ގަ ބުނަނީ 50 ރަށުގައޭ ހަލާކުވެފަ ހުރީ 4 ރަށުގައޭ އެއްގޮތަކަށްވެސް ނެތީ. އޮކްޓޯބަރު2019ގަ 25 އެތި ހަވާލުކޮށްފަ ބުނީ ހުރިހާ ރަށެއްގަ އެމްބިއުލަންސް އެހަމަވީކަމަށް އަދި އިތުރު 25 ގެނައުމުގެ މަގުމަތީގަ ވާ ކަމަށް. 7 އޮކްޓޯބަރު2021ގަ މިބުނަނީ 20 ގެނެސްފައިވާކަމަށާ މިއަހަރު ނިމުމުގެ ކުރިން 60 ރަށަކަށް ފޮނުވޭނެކަމަށް. ވާނުވާ ކިހާ ސާފު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

08 October 2021

ޕެސެންޖަރ ނުވަތަ ކާރގޯ ވޭނެއްކަށް ބަލިމީހާ ބާއްވާނެ Stretcher ލުމުން އެއީ އެމްބިއުލާންސް އެއްތޯ؟؟ ބާދަގަނޑަށް ކިރާލަންވެފައިހުންނަ މިފަދަ ތަކެތި ރަށްރަށަށް ފޮނުވުމުން 3 މަސްފަހުން ތިޔަ ހަދިހާކުރާ ވެހިކަލް ޖެހޭނީ ގޮނޑަށް އުކާލަން.