ވެރިއެއްގެ އަމަލު ހުންނަން ޖެހޭނީ ކިހިނެއް ބާ؟

ސިޔާސީ ބޮޑު އެއްވުމެއް: ދިރިއުޅުމުގެ ކޮންމެ މައިދާނެއްގައި ވެސް ނިންމުންތައް ނިންމަން ޖެހޭ

ޕްރޮފެސާ ހަސަން އުގެއިލް، މިހާރު

12 މެއި 2017 - 09:08

"ތިބާ ތިޔައީ ގައުމެއްގެ ވެރިޔާ އެވެ." އެހެންކަމަށް ހިތައި ހިނދުކޮޅަކު އެކަމާ ވިސްނާ ފިކުރުކުރާށެވެ. އެފަދަ ދަނޑިވަޅެއްގައި އެންމެ އިސްކަންދޭނީ ކޮން ކަމަކަށްތޯ އެވެ؟ އެފަދަ މަގާމެއްގައި ހުރެގެން މިތުރުންނާއި ހަތުރުންނާއި އަދި ޖުމްލަކޮށް މުޅި ގައުމުގެ އެންމެހާ ރައްޔިތުންނާ މެދު ތިބާ އަމަލުކުރާނީ ކިހިނެއްތޯ އެވެ؟

ނިސްބަތުން ބަލާއިރު، ހުރިހާ ވެރިން ވެސް، އެއީ ގައުމެއްގެ ވެރިއަކަސް، ނުވަތަ ބޮޑު ހާންދާނެއްގެ އެންމެ އިސް މީހާއަށް ވިއަސް އަދި ހަމަ އެހެންމެ އާދައިގެ ކުންފުންޏެއްގެ ވެރިއަކަށް ވިއަސް، ތާއަބަދު ކުރާ އެއް ކަމެއް އޮވެ އެވެ. އެއީ، ކަންކަމުގައި ގޮތް ނިންމުމެވެ. ކަންކަންމުގައި ގޮތް ނިންމުމަކީ، އަދި ވަކިން ހާއްސަކޮށް އެންމެ ރަނގަޅު ގޮތް ކަނޑައެޅުމަކީ، އެހާ ފަސޭހަ ކަމެއް ނޫނެވެ. ސަބަބަކީ، އެފަދަ މަގާމެއްގައި ހުންނަ މީހަކު އެންމެ ބޮޑަށް ވިސްނަން ޖެހޭނެ އެއް ކަމަކީ އޭނާ އެކަމެއް ނިންމާ ގޮތަކާ ވިއްދައިގެން ނިކުންނާނެ ނަތީޖާއަށެވެ. އެއީ، އެފަދަ ކަމަކުން ލިބިދާނެ ފައިދާ އާއި އެއްވަރަށް އިއާދަނުކުރެވޭ ބޮޑު ގެއްލުމެއް ލިބުމުގެ ފުރުސަތު ވެސް އޮތުމުންނެވެ.

ކަމެއްގައި ގޮތް ނިންމުމުގައި އަމަލު ކުރާނެ ތަފާތު އުކުޅުތައް ވެ އެވެ. މިސާލަކަށް، އެމީހެއްގެ އަމިއްލަ ޒަމީރު އެކަމުގައި ގަބޫލުކުރާ ގޮތާ އެއްގޮތަށް ވެސް ކަންކަން ނިންމިދާނެ އެވެ. އަދި ބައެއް ފަހަރަށް އެހާ ޔަގީންކަމެއް ނެތް ނަމަ ފައިސާ ފޮއްޗަކުން ގުރުލައިގެން ވެސް ގޮތެއް ކަނޑައެޅިދާނެ އެވެ. ކޮންމެއަކަސް، ވިސްނަން ޖެހޭ ނުކުތާ އަކީ އެނިންމާ ނިންމުމަކީ ވީހާވެސް ހަމަހަމަ އަދި ގެއްލުން ކުޑަ ނިންމުމަކަށް ވުމެވެ. މިގޮތަށް އަމަލް ކުރުމަށް، ތިމާގެ އަމިއްލަ ހިޔާލަށް ވުރެ ބޮޑަށް، އެހެން މީހުންގެ އުދާސްތަކާއި އިހްސާސްތަކަށް ވިސްނުމަކީ މުހިއްމު ކަމެކެވެ. އަދި އެފަދަ ނިންމުމަކުން ތިމާއަށް ނާޖާއިޒު ގޮތެއްގައި މަންފާ ލިބިދާނެ ކަމަށް އުއްމީދު ކޮށްގެން ނުވާނެ އެވެ. އެހެނީ، ކަމެއް ނިންމާއިރު ތިމާގެ އަމިއްލަ އެދުން ކުރިއަށް ނެރުމަކީ ގޯހެކެވެ.

ތިމާ އަކީ ގައުމެއްގެ ވެރިއަކަސް ނުވަތަ އެނޫން މީހަކަސް، ވިސްނަން ޖެހޭނެ ހަގީގަތަކީ، ދިރިއުޅުމުގައި ތިމާއަކީ ރަނގަޅު އިންސާނަކަށް ވުމެވެ. ތިމާ އަކީ، އަމިއްލަ އެދުމުން އެއްކިބާވެ ހުރި އަދި ހަރުދަނާ މީހަކަށް ވުމެވެ. އެވަރުން ފުދޭނެ އެވެ.

ޕްރޮފެސާ ހަސަން އުގެއިލް

ޕްރޮފެސަރު ހަސަން އުގައިލް އަކީ އިނގިރޭސި ވިލާތުގެ ބްރެޑްފަރޑް ޔުނިވާސިޓީގައި ވިޝުއަލް ކޮމްޕިއުޓިންގެ ދާއިރާއިން ސިނިއަރ ޕްރޮފެސަރެއްގެ މަގާމު ފުރުއްވަމުން ގެންދަވާ ބޭފުޅެކެވެ. އައްޑޫ ސިޓީއަށް އުފަން އުގައިލަކީ ސައިންސުގެ ރޮނގުން ޕްރޮފެސަރުކަން ހާސިލުކުރެއްވި ފުރަތަމަ އަދި ހަމަ އެންމެ ދިވެހި އިލްމުވެރިޔާ ވެސް މެއެވެ. ހިސާބާއި ކޮމްޕިއުޓަރ ސައިންސުގެ ދާއިރާއިން ބައިނަލްއަގްވާމީ ފެންވަރުގައި މަސައްކަތް ކުރެއްވުމުގެ އިތުރުން އުގައިލް ގެންދަވަނީ އިލްމީގޮތުން ދިވެހިން ހޭލުންތެރިކުރުމަށް ތަފާތު ގިނަގުނަ މަސައްކަތް ހިލޭ ސާބަހަށް ކުރައްވަމުންނެވެ.

ޕްރޮފެސަރު އުގެއިލްގެ ހިޔާލު

42 ކޮމެންޓް, 158 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޗައްޕަޑު

13 May 2017

ސިޔާސީވާށެވެ. ސިޔާސަތާ ބެހޭށެވެ. މިގައުމު މަގުން ކައްސާލައިގެން މިއުޅެނީ ކިއަވައިގެން ތިބި ގައުމުގެ ދަރިން ސިޔާސަތާ ނުބެހުމުން ފަސާދެވެފައިވަ ބައެއްގެ އައްމައްޗަށް ސިޔާަސަތު ރާވާ ހިންގަން ދިއުމުންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔޫކޭމަރީ

13 May 2017

ވެރިންގެ ނަމޫނާ އަހަރެމެން އިސްލާމުން ނަގަނީ އަދި ބަލަނީ ކީރިތި މާތް ނަބިއްޔާ މުހަމްމަދު ރަސޫލުﷲ ގެ ފުށުން އެކަނި.. އެއީ އަހަރެމެންގެ އައިޑަލް. އަދި ލޯބިވާ އަދި މިތުރު.. އަދި ލީޑަރު އަދި ޒައީމް.. ވީމާ އެކިއެކި ވިސްނުން އެއްކިބާކޮށްލާ އިސްލާމީ ގިއުގަނޑުގެ ތެރެއިން ވެރިންގެ ވާހަކަ އާރޓިކަލެއް ލިޔުއްވުން ކީއްތޯ؟ އެކި ޕްރޮޕެސަރުންގެ އެމީހުންގެ ޒަމާނާ މަކާނާއި އަދި އެމީހުންގެ ވިސްނުމާއި ޙާލަތަށް ވާނީ ލިމިޓެޑްކޮށް،، އަދި އެއީ ހުރިހާ އިންސާނުންގެ ހައްޤުގައި އެންމެ ރަނގަޅުގޮތަށް ނުވެދާނެ.. އެހެނަސް މާތްﷲ އިސްލާމްދީނުގައި ލީޑަރުން ކަން ކުރަންވީގޮތް ވަނީ ބަޔާން ކުރައްވާ އަދި އެކަން ނަބިއްޔާ ވަނީ ދައްކަވާ ދެއްވާފަ... އެހެން ނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިމްޕަލް

13 May 2017

އިސްލާމްދީނުގައި ވެރިކަން ބިނާވެގެން ވަނީ އަދުލު ވެރިކަމާ އިންސާފު ވެރިކަމުގެ މައްޗަށް. މުޝްރިކަކަށްވެސް އަދުލުން ބޭރުން އަނިޔާކުރުން ނަހީކުރެއްވި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލަމް

13 May 2017

ޢުޤައިލް ޙިކުމަތުގެ ބަސްތަކުން ރައްޔިތުންގެ ހިތްތައް މުައްސަނދި ކޮށްދޭއްވާތީ ޝުކުރިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންފުޅު

12 May 2017

އުގައިލު ހަސްވާނެކަމެއްނެތް.... ސިޔާސީ ކަންކަމުގެތެރެއަށް ވަންނަންވީ... އަދި 2018 އަށްވެސް ވިސްނަންވި... ޖަލަށް ގެންގޮސްދާނެތީ ހާސްވާނެކަމެއްނެތް... ދިވެހި ރައްޔިތުންނަށް އެގޭ ހަގީގަތަކީ މިގައުމުގެ ވެރިޔާއަށްވުރެ އިލްމީގޮތުން މޮޅީ އުގައިލުކަން ހުރިހާއެނެމެންވެސް ދަނޭ.... އެއީ ޕްލަސް ޕއިންޓެއް....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުސަން ފަރީދު ..އައްޑޫ.

12 May 2017

އުގެިއިލު އަކީ ވިޝުއަލް ކޮމްޕިއުޓިން ރޮނގުން ވަރައްވެސް މަތީ ފަންންތީގެ ބޭފުޅޭއް..ި ވަރައް އިހްތިރާމް ކުރަން ..... އެމަކު ދަންނަވަން އޮތީ .... މިލުއުނު އެއްޗެއްކުން އަސްލު ބުނަންތިއިއުޅޭ ނުވަތަ ވިސްނަދޭން އުޅޭ އެއްޗެ މާގިނަ މީހުންނަކަށް އެންގޭނެހެން ހީނުވޭ... މިސާލަކަށް .. ކޮމްފިއުޓާގެ ހަމައެކަނި މެޝިން ނުވަތަ ބައިނަރީ ލޭންގް، ކޯބަލް ، ލޯ ލޭންގްއޭޖްއިން ..މިހެންގޮސް އަސްލު ލޭންގްއޭޖާ ހަމަޔަށް އައަުމުން .. އާމުނަށް ކޮމްޕިއުޓާރގެ ފުރިހަމަ ބޭނުންކުރެވުނީ. އެކޯޗެއްކަން އެގުނީ.. ނޫނަމަ . ގިނަމީހުން ކޮމްޕިއުޓަރ މިކިޔާ މެޝިން ގަޑަކީ ކަނލާނގެ ކަމުގަ ދެކޭނެ ....ވީމާ ކުރިޔައް އޮތަނުގަވެސް ވެރިކަމަށް އަންނަން ބޭނުން ނަމަ،، ސީދަލަށް ބުނޭ ..އެއިރުން އަހަރުމެންނަށް .މަސަކަށް ކޮއްދޭންވެސް އެނގޭނީ....ނޫނި މާލަސްވެދާނެ.. އަންހެން ކުދިންނަށް ފިރިހެން ކުދިން މަލެ ދިކުރީމާ މަނޫޅެމެ ބައެފަހަރު ބުނާ (އެކަމަކު ހިތުން ވަރަށް ބޭނުން) ޒާތުތުގެ ކަންކަން މިފެނަންނީ.. .....