އެމްޑީޕީގެ ޗެއާޕާސަންގެ މަގާމަށް ކުރިމަތިލުމުގެ ފުރުސަތު ހުޅުވާލައިފި، އިންތިހާބު އަންނަ އަހަރުގެ ފެބްރުއަރީގައި
އެމްޑީޕީގެ މުޒާހަރާއެއްގައި ކުރީގެ ރައީސް މުހައްމަދު ނަޝީދާއި އެ ޕާޓީގެ އިސް ވެރިންތަކެއް ބައިވެރިވެވަޑައިގަންނަވަނީ: އެ ޕާޓީގެ ޗެއާޕާސަންގެ މަގާމު އަންނަ ފެބްރުއަރީ 5 ގައި ބާއްވަން ވަނީ ނިންމާފައި.--- ފޮޓޯ: އޭޕީ
08 ޑިސެމްބަރ 2016 - 09:58
6 comments
ހުސްވެފައިވާ އެމްޑީޕީގެ ޗެއާޕާސަންގެ މަގާމަށް ކުރިމަތިލުމުގެ ފުރުސަތު އެ ޕާޓީން އިއްޔެ ހުޅުވާލައިފި އެވެ.
އެންމެ ބޮޑު އިދިކޮޅު ޕާޓީގެ ޗެއާޕާސަންގެ މަގާމު ހުސްވީ، ކުރިން އެ މަގާމުގައި ހުންނެވި އަލީ ވަހީދު މިދިޔަ މަހުގެ 28 ގައި އިސްތިއުފާ ދެއްވުމާ ގުޅިގެންނެވެ. މިދިޔަ އަހަރުން ފެށިގެން އަލީ ވަހީދު ދިރިއުޅުއްވަމުން ގެންދަވަނީ ސިޔާސީ ހިމާޔަތް ހޯއްދަވައިގެން އިނގިރޭސި ވިލާތުގަ އެވެ.
އެމްޑީޕީން ބުނީ، އެ ޕާޓީގެ ޗެއާޕާސަންގެ މަގާމަށް ކުރިމަތިލުމުގެ ފުރުސަތު އަންނަ ހަފުތާގެ ބުދަ ދުވަހުގެ ނިޔަލަށް އޮންނާނެ ކަމަށެވެ. އިންތިހާބު ބާއްވަނީ އަންނަ ފެބްރުއަރީ މަހުގެ ފަސް ވަނަ ދުވަހު ކަމަށް ވެސް އެމްޑީޕީން ބުންޏެވެ.
އެމްޑީޕީގެ ޗެއާޕާސަންގެ މަގާމަށް، ކުރީގެ ރައީސް މުހައްމަދު ނަޝީދުގެ ވަކީލުންގެ ޓީމުގައި ހިމެނިވަޑައިގަންނަވާ ހަސަން ލަތީފު ވަނީ ޝައުގުވެރިކަން ފާޅުކުރައްވައިފަ އެވެ. އޭނާ ވިދާޅުވީ އިންތިހާބުވެ ވަޑައިގެންފި ނަމަ، ޕާޓީގެ އިދާރީ އެންމެހައި ކަންކަން ފުރިހަމަކޮށް، ސިޔާސީ ކަންކަން ހިންގުމަށް މަގު ފަހިކޮށްދިނުމަަށް މަސައްކަތް ކުރައްވާނެ ކަމަށެވެ.
ޗެއާޕާސަންގެ މަގާމުން އަލީ ވަހީދު އިސްތިއުފާ ދެއްވުމަށް ފަހު، ވިދާޅުވީ ބޭރު ގައުމެއްގެ ހިމާޔަތުގައި ހުންނަވައި، އިތުރަށް މަގާމު ދެމެހެއްޓުމަށް ވުރެ ރާއްޖޭގައި ދިރިއުޅޭ މީހުންނަށް އެ ޕާޓީ އަށް ހިދުމަތް ކުރުމުގެ ފުރުސަތު ދޭން ޖެހޭ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮލިހިލާ
08 December 2016
އެމްޑީޕީ ފެތެނީ ފެތެނީ ފެތެނީ އެވެ. ތަމެން އޮޑި ނުފެތޭނެއޭ ތަމެންގެ ބޮޑޭ ބުނި. އެކަމަކު ތަމެންގެ ބޮޑު ޗެއާރޕާރސަންގެ އޮޑި ނުދުވާތީވެ ވަނީ އެހެލާ އިސްތިއުފާ ދީފައެވެ. ދެން ތަމެން މަހަށް ދާން ގެންގުޅޭނެ އޮޑި އެއް ވެސް ނެތެއް ނޫންތޭ. ދެން ތަމެން ފަރަށް ބޮލި ހިލަން ދާން އުޅެގަ.
ރާއްޖެ
08 December 2016
ކޮންމެ މީހަކު ޗެއަރ އަކަށް އަދި ރައީސަކަށް ހުއްޓަސް އެމްޑީޕީ އެބުރޭނީ އަންނި ވަށާ....
ހުސެން
08 December 2016
އެމް.ޑީ،ޕީ ގެ ކެންޑިޑޭޓް ނޭނގޭ މީހަކީ އެމް.ޑީޕީ ގެ މެމްބަރެއް ނޫން.
ދޮންމަނިކު
08 December 2016
އެމްޑީޕީ އާ އަދި ހާއްސަކޮއް ދިވެހިން ގެންނަން ބޭނުންވި ޑިމޮކްރެޓިކް ނިޒާމް ވަނީ ފުޑުފުޑުކޮއްފައި، މިކަން އަބުރާގެނެވޭނީ އެމްޑީޕީ އާ ރައީސް މައުމޫނު ގެ މަސައްކަތުން ކަން ކަށަވަރު.
އަތުލަފި ޑިމޮކުރަސީ
08 December 2016
އަލީ ވަހީދު ފަދައިން ޕާރޓީގެ ރައީސްކަން އޮޓޮމެޓިކުން ހޯއްދަވާ ބޭފުޅާވެސް އެމަގުން އަމަލު ކުރައްވާ ނަމަ މިހާރު އެމްޑީޕީގަ އޮންނާނެ 2018 ޔަގީން ވާވަރުގެ ވަރުގަދަ ޓީމެއް ، ވާނުވާ ނޭގޭތީ އަހަރެމެން މިތިބެނީ ގޮތްހުސްވެފަ، އެމްޑީޕީން 2018 އަށް ކެންޑިޑޭޓެއް ނެރި ދީބަލަ ،
އަމިއްލަ ހާލު
08 December 2016
އެމްޑީޕީގެ ރައީސްގެ މަގާމުގައި ހުންނެވީ އެޕާޓީގެ ވަރަށް ބޮޑު އަގުލަބިއްޔަތަކުން އެމަގާމުގައި ބަހައްޓަން ބޭނުންފުޅުވެލައްވާ ބޭފުޅާއެވެ. މަނިކުފާނު އެކަމާއި މެދު ހިތްނުތަނަވަސްވިޔަސް އެމްޑީޕީގެ މެމްބަރުންނަށް ކޮށްދެވޭނެ ކަމެއްނެތެވެ. އެމްޑީޕީއާއި މެދު ފިކުރު ނުކުރައްވައި މަނިކުފާނުގެ ޕާޓީގެ ރައީސާއާއި އެހެނިހެން މަގާމުތަކާއިމެދު ވިސްނެވުން އެދެން. ޝުކުރިއްޔާ!