15 ނޮވެމްބަރ 2021 - 06:03
24 comments
މުޅި ރާއްޖޭގެ ދަތުރުފަތުރުގެ ނިޒާމް ހިންގުމަށް ސަރުކާރާ އެކު އެމްޓީސީސީން 50 އަހަރުގެ އެއްބަސްވުމެއް ހަދާފައިވާ ކަމަށާއި އެކަމަށް އިންވެސްޓް ކުރުމަށް އެމްޓީސީސީ އަށް މިހާރު ބިރެއް ނެތް ކަމަށް އެ ކުންފުނީގެ ސީއީއޯ/ އެމްޑީ އާދަމް އާޒިމް ވިދާޅުވެއްޖެ އެވެ.
"އިރާދަކުރެއްވިއްޔާ އަންނަ އަހަރުގެ ޖޫން ހިސާބަށް އަޅުގަނޑުމެން މި ބަލަނީ ބަސްތައް ގެނެސް ދަތުރުތައް ފެށޭތޯ. އަންނަ އަހަރު ނިމެންވާ އިރަށް އަޅުގަނޑުމެން ހިދުމަތްދޭ ސަރަހައްދުތަކުގައި [ލ. ފުވައްމުލަކު އަދި އައްޑު އާއި މާލެ ރީޖަން] ގައި ރައްޔިތުން ދަތުރުކުރާނީ ހިތްގައިމު ރީތި ބަސްތަކެއްގައި،" އާޒިމް ވިދާޅުވި އެވެ.
"ފަންޑިން އާއި މި ހުރިހާ ކަމަކަށް ވަގުތު ނަގާނެ. އެކަމަކު އެ މަސައްކަތް އެބަ ކުރަން."
އާޒިމް ވިދާޅުވީ އެމްޓީސީސީގައި ހައްލު ނުވެ އޮތް، ނުވަތަ ހައްލުކުރަން އެންމެ ދަތިވި ކަމަކީ ވެސް ދަތުރުފަތުރުގެ ނިޒާމްގެ ކަންތައްތަކެވެ. އެހެން އެވީ، އޭނާ ވިދާޅުވި ގޮތުގައި، މި ހުރިހާ ދުވަހަކު އެ ކުންފުންޏާ އެކު ސަރުކާރުން އެއްވެސް އެއްބަސްވުމެއް ހަދައިފައި ނެތީމަ އެވެ.
އެމްޓީސީސީގެ ބަހެއް: އާންމު ދަތުރުފަތުރަށް ރަނގަޅު ބަސްތަކެއް ގެންނާނެ -- ފައިލް ފޮޓޯ: މިހާރު
"ކޮންމެ ސީއީއޯއަކު ވެސް ބަލާނެ ކުންފުނި ހަރަދު ކުޑަކޮށް ހިންގަން. އެގޮތަށް ހިންގައިފައި އޮތީ ވެސް. އަޅުގަނޑު އައިސް މި ކުރި ކަމަކީ ސަރުކާރާ އެކު 50 އަހަރުގެ އެއްބަސްވުމެއް ހެދީ. ކޮންޓްރެކްޓެއް ނެތިގެން، މާދަމާ ވާނެ ގޮތް ނޭނގޭތީ މިކަން ހަރުދަނާކޮށް ވަރުގަދަ ކުރަން ޖެހިލުންވާން ފުރުސަތެއް ނޯންނާނެ ދެން އަންނަ ބަޔަކަށް ވެސް،" އާޒިމް ވިދާޅުވި އެވެ.
އާޒިމް ވިދާޅުވީ މެރިން ޓްރާންސްޕޯޓްގެ ހިދުމަތް ރަނގަޅުކުރަން ސްޕީޑް ފެރީ ވެސް ތައާރަފު ކުރަނީ އެ ކޮންޓްރެކްޓަށް ފަހު ކަމަށެވެ.
އެ ކޮންޓްރެކްޓްގެ ދަށުން ގްރޭޓާ މާލެ ސަރަހައްދާއި ލ. އާއި ފުވައްމުލަކާއި އައްޑޫގެ ކަނޑާއި އެއްގަމުގެގެ ދަތުރުފަތުރުގެ ނިޒާމުގެ ހުރިހާ ކަމެއް މިހާރު އޮތީ އެމްޓީސީސީގެ ބެލުމުގެ ދަށުގައި ކަމަށް އާޒިމް ވިދާޅުވި އެވެެ. އޭނާ ވިދާޅުވީ އެ ކޮންޓްރެކްޓްގެ ދަށުން އާ ބަސްތައް ގެނެސް ފެރީތައް ރަނގަޅުކޮށް، ބަސްތައް މަރާމާތު ކުރާ ތަންތަން ވެސް ހަދާނެ ކަމަށެވެ.
"ހިނގަހިނގައި ހުންނަ އެއްވެސް ނިޒާމަކުން ނޫން މިހާރު ބަސްތައް ވެސް މަރާމާތު މި ކުރެވެނީ. މަގުމަތީގައި ބާއްވައިގެން ވެސް އެކަން މިހާރު އެބަ ކުރޭ،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޮލެއާ
16 November 2021
އަމިއްލަ ކުދި ވިޔަފާރިތަކުން ރިސްކު ނަގައިގެން ހައި ސްޕީޑު ފެރީތައް ބަނދެ ދަތުރު ފަތުރު ފީސިބަލް ކުރީމަ އެޚެންދެއްތޯ މެން އެއްކަލަ ވައްތަރަށް ޥަދެ މުޅި އެތި ފުނޑާލަނީ ތިޔޮށް. ގަލްފުކުރާފްޓާ ވާދަކޮށްލެވޭ ވަރުގެ ބޯޓުބަންނަން ފެށީމަ އެވެސް ފުނޑާލަނީ. ވޯޔުކައިރިވޭ އިނގޭ
ފުންއަސަރު
15 November 2021
މުއާސަލާތީ ޚިދުމަތްދޭންއެންމެ ބަޔަކާ ހަވާލުކުރުމުން ކަންވީގޮތް ރައްޔިތުންނަށް ސާފުވާންވާނެ. އޭގެ އެތޔައް އަހަރެއްފަހުން ދެވަނަބަޔަކު އައުމުން ދެން ކަންވީގޮތްވެސް ރައްޔިތުންނަށް ފަހުމުވާންވާނެ. އެފަހަރުވީގޮތަށް އެތައް ޒަމާނެއްވަންދެން ކާލަކާލަ ތިބިޔަދީގެން ނުވާނެ. މިހާރުމިއޮތީ ވަގުތު ކުޑަތަންވެފާ. 2023 ވެސް އޮތީ މާދުރަކުނޫން. ކަންވާނީ ފިސާރި ރަނގަޅަށް ތައްޔާރުވެގެން. ބަސްދަތުރު ކޮޅަކަށް 5 ރުފިޔާއަށް ހަދައިނުދެނީސް އެންމެ ދުލެއްވެސް ނުދޭތި.
ފުންއަސަރު
15 November 2021
މާލެއިން ހުޅުމާލެއަށް 10 ރުފިޔާ. ހުޅުމާލެ ފޭސް އެކަކުން ދެވަނަ ފޭސްއަށް 5 ރުފިޔާ. ދެވަނަ ފޭސްއިން ފޭސް އެކަކަށް އަންނަން 5 ރުފިޔާ. ހުޅުމާލެ ފޭސްއެކަކުން މާލެދާން 10 ރުފިޔާ. މީތޯ ކަންކުރަން އެންމެ ރަނގަޅު ގޮތަކީ. ކިހާވަރަކަށް ރައްޔިތުންނާ ދޭތެރޭގާ ވިސްނަވަންތޯ؟ ތިޔަފާޑު ކަންކަމަށް މަމެންގެ ދިވެހިބަހުން ކިޔާއުޅެނީ ރައްޔިތުން ފެލުން. އެނޫންކަމެއްނޫން ތިޔަކުރެވެނީކީ. ރައްޔިތުމީހާއަތުން ކޮޅކަށް 5 ރުފިޔާ ނެގިޔަސް ތިޔަކުންފުނި ބަނގުރޫޓެއް ނުވާނެ.
ފުންއަސަރު
15 November 2021
ތީ ވަރަށް ބޮޑު ކުރިއެރުމެއް އަދި ނެތިގެން ދިޔަ ބޮލުގެ ރިހުމެއް. އެކަމަކު ތިބޭފުޅުންވެސް ވިސްނަންވާނެ ބަހެއްގާ ކޮޅަކަށް 100 ވަރަކަށް މީހުން ދަތުރުކުރާއިރު ރައްޔިތުންގެ އަތުން މިއަތުލެވެނީ ކިހާވަރެއްތޯވެސް. މީހެއްގެ އަތުން ކޮޅަކަށް 10 ރުފިޔާ ނެގުން އިންސާފެއްނޫން. އަދި ބަޖހުގެ ޚިދުމަތް އެންމެ ފަރާތަކަށް ދިނުމުން ވާދަވެރިކަމެއް ނެތި އެބަޔަކު ހަދާނެއެއްޗެއް ހަދާއިރު ރައްޔިތުން މިތިބެނީ އަނގައިން ހަމަ އެކައްޗެއް ބުނަންވެސް ނުކެރިފަ. ހެޔޮވާނެތަ؟
ޖޫލީ
15 November 2021
ދެއިރު ދެދަޅަށްއަށް ކާ ބޭހެއްހެން ނުޖެހޭ ބަސްތައް އާކުރާކަށް. ރައްޔިތުން ގަނަ ތެޅޭކަން އަދި ވެސް ނޭގޭތަ. ބޮޑެތި މަގާމުތަކުގަ ތިބެ ނުފޫޒު ބޭނުންކޮށްގެން ކޮރަޕްޝަނަށް މަގުފަހިވާގޮތަށް ހުރިހާ ކަމެއްވެސް ކުރަނީ. މުޖުތަމައުގަ ހިގާ ނުރަނގަޅު ހުރިހާ ކަންތައްތަކަކީ ތިކަހަލަ ބޮޑެތި ކޮރަޕްޓް ވެފަ ތިބި މީހުން ކުރުވާ ކަންތައްތައް.
އަދަބީ ގުލްޝަން
15 November 2021
ރާއްޖެ އަށް ބަސް އަންނާނީ އަންނަ އަހަރު ! އަޅުގަނޑުމެންގެ ބަހަކީ ވެސް ވަރަށް ރީތި ބަސް! އެހެންވީމާ ރީތި ބަސް ގެންނަނީ
ޒަވިޔަނި
15 November 2021
ދައުލަތުން އެކުލަވާލައިފައިވާ ހުޅުވިފައިވާ ބިޑު ކުރުމުގެ އުސޫލުތަކާއި ހިލާފަފަށް، ހަމަޔެއް ލަމެއް ނެތި، މިއޮތް އެމް.ޓީ.ސީ.ސީ. ދައުލަތުގެ މާލިޔަތު ތަޅާ ބުރުވަނީ. ރައްޔިތުން ބޭނުންވަނީ ރީތި ބަހެއްގައި ދަތުރު ކުރުމެއް ނޫން. ބޭނުންވަނީ ދެމެހެއްޓެނެވި ގޮތެއްގައި، ދައުލަތުގެ މާލީޔަތަށް ބަރުނުވާގޮތަށް ދަތުރު ފަތުރުގެ ހިދުމަތް ލިބުން. ބޮޑު އަގުގައި އަގުބޮޑެތި ބަސްތައް ގަތުމެއް ނޫން. ރާއްޖޭގެ ވެއްޓަށް އެންމެ އެކަށީގެންވާ ބަސް އައްޑޫއަށް ތައަރަފުކުރުން.
މުބާރިކު
15 November 2021
މިހާރު ހުރިބަސްތައް ހަމަ ވަރަށްރީތި. އެތެރެ ވެސް ވަރަށް ކަމުދޭ. ރަނގަޅުކުރަންވީ ޚިދިުމަތްތައް. ގަޑިއަށް އައުން. ގަޑިއަށް ފުރުން.
ބަސަސްތޮޕް
15 November 2021
ބަލަ އދިވެސް ބަސްތަ ގެންނަންވީ؟ މިހާރުވެސް ހުރީ ކޮލިޓީ ބަސްތަކެކޭ. މި ހުރިއެއްޗެއް ރަނގަޅަށް އޮޕަރޭޓް ކޮށްބަލަ! މިހާރު ތިއުޅެނީ އަނެއްކާވެސް ރައްޔިތުންގެ ބައިތުލްމާލުން ލާރިތަކެއް ކެވޭނެ މަގު ހޯދަން.
ދޮން އާދަނު
15 November 2021
މިއުޅެނީ އާބަސްގަންނަން ޖީބަށް ކަޓު ވައްދަން ވެގެން.
ރަމްޒީބެ
15 November 2021
ހައްތާވެސް ކަރަޕްޝަން. އެމްޑީންގެ ކަރަޕްޝަން