އަހުމަދު މޫސާ: އޭނާ އަލުން ބަންދުކުރަން ހައި ކޯޓުން ވަނީ އަންގާފައި --- ފޮޓޯ/ޕޮލިސް
15 ނޮވެމްބަރ 2021 - 18:30
6 comments
ހުޅުމާލޭގައި ފްލެޓް އިމާރާތް ކޮށްދޭނެ ކަމަށް ބުނެ ގިނަ ބައެއްގެ އަތުން ފައިސާ އަތުލި މައްސަލާގައި ޚިޔާނާތުގެ ގިނަ ދައުވާތަކެއް އުފުލާފައިވާ ސީލައިފް ގްލޯބަލް ކުންފުނީގެ މެނޭޖިން ޑިރެކްޓަރު އަހުމަދު މޫސާ (އައްމަޓީ) ބަންދުން ދޫކޮށްލާފައި ވަނިކޮށް އޭނާ އަލުން ބަންދުކުރަން ހައި ކޯޓުން މިއަދު އަމުރުކޮށްފި އެވެ.
ހުޅުމާލޭގައި 3،000 ފްލެޓް އަޅައިދޭނެ ކަމަށް ބުނެ އެތައް ބައެއްގެ އަތުން ފައިސާ ނެގުމަށްފަހު ފައިސާ އަނބުރާ ނުދިން މައްސަލާގައި ޚިޔާނާތުގެ 42 ދައުވާއެއް އައްމަޓީގެ މައްޗަށް ދައުލަތުން ކުރެ އެވެ. އެ މައްސަލާގައި އޭނާ ބަންދުގައި ބެހެއްޓުމަށް ފަހު ކްރިމިނަލް ކޯޓުން މިދިޔަ މަހު އޭނާ ދޫކޮށްލީ އޭނާގެ ދައްތަ އާއި ކޮއްކޮ ޖާމިނުކުރުމަށް ފަހު އެވެ. އެއީ ކްރިމިނަލް ކޯޓުން އޭނާ ބަންދުން ދޫކޮށްލި ދެ ވަނަ ފަހަރެވެ.
އެ މައްސަލަ ދައުލަތުން އިސްތިއުނާފް ކުރުމުން ހައި ކޯޓުން މިއަދު ކުރި ހުކުމުގައިވަނީ އައްމަޓީ ދޫކޮށްލައިފި ނަމަ ފިލައިގެން ދިއުމުގެ ފުރުސަތު އެބައޮތް ކަމަށާއި އަދި އޭނާ ހޯދަން ރެޑް ނޯޓިސް ނެރުމުން ވެސް ގިނަ ދުވަސްތަކެއް ވަންދެން އޭނާ ރާއްޖެއިން ބޭރުގައި ހުރެފައިވާ ކަމަށެވެ. އަދި އެ މައްސަލާގެ ބާވަތުން ވެސް އޭނާ ދޫކޮށްނުލެވޭނެ ކަމަށާއި އެހެންވެ، އޭނާ ދޫކޮށްލަން ކްރިމިނަލް ކޯޓުން ނިންމި ނިންމުން ބާތިލްކުރާ ކަމަށް ހައި ކޯޓުގެ ހުކުމުގައިވެ އެވެ.
އެހެންވެ، އޭނާ ޝަރީއަތް ނިމެންދެން ބަންދުގައި ބަހައްޓަން ކުރިން ނިންމާފައިވާ ނިންމުން ދެމި އެބައޮތް ކަމަށް ހައި ކޯޓުން ވަނީ ނިންމައިފަ އެވެ.
މީގެކުރިން ވެސް ކްރިމިނަލް ކޯޓުން އައްމަޓީ ބަންދުން ދޫކޮށްލި އެވެ. އޭރު ޝަރުތުތަކާ އެކު އޭނާ ބަންދުން ދޫކޮށްލުމުން އޭނާ އަލުން ބަންދުކުރަން އޭރު ވެސް ހައި ކޯޓުން އެންގި އެވެ.
ސީލައިފް މައްސަލާގައި އައްމަޓީ ހޯދަން ރެޑް ނޯޓިސް ނެރެފައި ވަނިކޮށް އޭނާ ރާއްޖެ ގެނައީ މިއަހަރު ކުރީކޮޅެވެ.
އައްމަޓީގެ މައްޗަށް ކުރާ 42 ދައުވާ ސާބިތުވެއްޖެ ނަމަ، 65 އަހަރުގެ ޖަލު ހުކުމެއް އޭނާގެ މައްޗަށް އަންނާނެ އެވެ. މިއީ ރާއްޖޭގައި ފަހުގެ ތާރީޚެއްގައި އެކަކުގެ މައްޗަށް މިހާ ގިނަ ދައުވާ އުފުލި ފުރަތަމަ ފަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހަނައަޅާ
16 November 2021
އައްމަޓީ އަކީ މިހާރު ފަގީރެއް އެހެންވީމަ
އައްޔޫބު
16 November 2021
ކްރިމިނަލް ކޯޓު ގެ ފެންވަރު އެނގިގެން މިދަނީ މި މައްސަލައިގަ ވެސް. ރާއްޖޭގަ ގޭންގް ތަށް ހަދައިގެން މީހުން މަރަމުން އެ ދުވަނީ އެއްވެސް ޖެހިލުމެއްނެތި މި ސަބަބާ ހުރެ. ކޯޓް ތަކަށް ސަލާމް ވަރަށް. އިސްލާހު ކުރާށޭ ކިޔާފަ ވެރިކަމަށް އައި މީހުން އެއުޅެނީ އަމިއްލަ ޖީބް ބޮޑު ކުރަން.
އިޙްސާސް
16 November 2021
މީނާއާއި އަދީބުއާ ހުރީ ކޮންތަފާތެއް.
ޖޯބެ
15 November 2021
ޔާމީނު ދައުރުގައި ގޭންބަލް ކުރި މީހުންގެ ތެރޭން ފެއިލްވި މީހެއް. ޕާސްވި މީހުން ދުބާއީއިންނާއި ސިންގަޕޫރުން ރިސޯޓުތަކާ ރަށްތަކާއި ބިންގަތުމުގައި. ފެއިލްވާމީހުން ޖަލުންނާއި ލަންކާއިން މީހުންނާ އިނދެ ވަރިކޮށް ރެޑްނޯޓިސްކޮށް ޖާމިނުކުރުމުގައި އަވަދިނެތި..
ޑިސްއޮނަރަބަލް ޑީޑީ
15 November 2021
ކޮބާހޭ އަލީ ވަހީދު؟ އަންމަޓީ ގެނައިގޮތަށް ފިލި ވަހީދު ގެންނަންއުޅޭށޭ!
އަލިކޮބެ
15 November 2021
ގިނަ ދައުވާ އުފުލީމަ އެވާހަކަދޯ ދައްކަން އެނގެނީ . ރައްޔިތުން ބުރަކޮއް އުޅެ ހޯދާ ފައިސާ ކާލީމަ އެވާހަކަ ލިޔަންނޭގުނު. ދޫކުރާނެކަމެއްނެއް. ކާކު ޖާމިނުކުރަން. ތިކަމުގަ ކިތައް ރައްޔިތުންގެ ހައްގު ތިގެއްލެނީ. ސަމީމު މީ ކީއްކުރާމީހެއް. ޕީޖީ ކަމުން އިސްތިއުފާދޭން ފެނޭ. . މިގައުމުގަ ބޮޑެތިވަގުންނައް މިނިވަން މިވެނީ.