ޚަބަރު / އަހުމަދު ނަސީމް، ހެލްތު މިނިސްޓަރު

ހޭނައްތާ ޑޮކްޓަރުން ނުލިބޭތީ މުސާރަ ބޮޑުކޮށްފި

ހެލްތު މިނިސްޓަރު ނަސީމް: ހޭނައްތާ ޑޮކްޓަރުން ނުލިބުމުގެ މައްސަލައަށް ވަނީ ވަގުތީ ހައްލެއް ގެނެސްފައި.-- ފޮޓޯ: ރައީސް އޮފީސް

އާސިމާ ނިޒާރު، މިހާރު

17 ނޮވެމްބަރ 2021 - 07:02

27 comments

ހޮސްޕިޓަލްތަކަށް ހޭނައްތާ ޑޮކްޓަރުން ލިބުމުގެ ދަތިކަން ހައްލުކުރުމަށް، އެ ޑޮކްޓަރުންގެ މުސާރަ ވަގުތީ ގޮތުން ބޮޑުކޮށްފި އެވެ.

ހެލްތު މިނިސްޓަރު އަހުމަދު ނަސީމް "މިހާރު" އަށް އިއްޔެ ވިދާޅުވީ އަތޮޅާއި ރީޖަނަލް ހޮސްޕިޓަލްތަކަށް ހޭނައްތާ 10 ޑޮކްޓަރު މި ވަގުތަށް ބޭނުންވާ ކަމަށެވެ. އޭގެ ތެރެއިން އަށް ޑޮކްޓަރުންނާ އިންޓަވިއު ކުރަމުން އަންނަ ކަމަށް އޭނާ ވިދާޅުވި އެވެ.

ބައެއް ހޮސްޕިޓަލުތަކުގައި ހޭނައްތާ ޑޮކްޓަރުން ނެތުމުގެ ސަބަބުން އޮޕަރޭޝަންތައް މިހާރު ވެސް ވަނީ މަޑުޖެހިފަ އެވެ. އޭގެ ތެރޭގައި ރ، ގއ، ގދ، މ. އަދި ލ. އަތޮޅުގެ ހޮސްޕިޓަލުތައް ހިމެނެ އެވެ. އޭގެ ތެރެއިން ބައެއް ތަންތަނުގައި ހޭނައްތާ ޑޮކްޓަރެއް ނެތްތާ ދެ މަހަށް ވުރެ ގިނަ ދުވަސް ވެއްޖެ އެވެ.

ހެލްތު މިނިސްޓްރީއާ ހަވާލާދީ، އެ ހޮސްޕިޓަލުތަކުން ބުނެފައިވާ ގޮތުގައި ހޭނައްތާ ޑޮކްޓަރުން ހޯދަން މިހާރު ގޮންޖެހުންތަކާ ދިމާވެ އެވެ.

ނަމަވެސް މިނިސްޓަރު ވިދާޅުވީ ލަސްތަކެއް ނުވެ އެ ހޮސްޕިޓަލުތަކަށް ހޭނައްތާ ޑޮކްޓަރުން ފޮނުވާނެ ކަމަށެވެ.

"ފިނޭންސް މިނިސްޓްރީއާ ވާހަކަ ދައްކައިގެން އެ ޑޮކްޓަރުންގެ މުސާރަ އަށް މި ބަދަލެއް ގެނައީ. ވަގުތީ ގޮތުން މި ނިންމީ ހޭނައްތާ ޑޮކްޓަރުންގެ މުސާރަ ބޮޑުކުރަން. ނަމަވެސް އެއީ ދާއިމީ ކަމެއް ނޫން. ދާއިމީ ހައްލަކާ ދިމާ އަށް މިދަނީ،" ނަސީމް ވިދާޅުވި އެވެ.

ފިނޭންސް މިނިސްޓްރީން ބުނީ އަލަށް ނަގާ ހޭނައްތާ ޑޮކްޓަރުންގެ މުސާރަ ބޮޑުކުރީ ކުރިއަށް އޮތް ހަތަރު މަހަށް ކަމަށެވެ. ނަމަވެސް މުސާރައިގެ ބަދަލުތަކެއް ހާމައެއް ނުކުރެ އެވެ.

ހޭނައްތާ ޑޮކްޓަރަކަށް މުސާރައިގެ ގޮތުގައި މަހަކު 30،990ރ. އަދި މަސައްކަތަށް ނުކުންނަ ކޮންމެ ދުވަހަކު 425ރ. ގެ އެލަވަންސަކާއެކު ކޮންމެ މަހަކު 39،000ރ. އަށް ވުރެ ގިނައިން ލިބެ އެވެ.

ހޭނައްތާ ޑޮކްޓަރަކު "މިހާރު" އަށް ވިދާޅުވީ އެ ދާއިރާ އަށް ހާއްސަ ޑޮކްޓަރުން ހޯދަން ދަތިވާ އެންމެ ބޮޑު މައްސަލައަކީ މުސާރަ ކުޑަވުމެވެ. އެކަން ހައްލުކޮށްގެން ނޫނީ ހޭނައްތާ ޑޮކްޓަރުން ނުލިބޭނެ ކަން އޭނާ ފާހަގަކުރެއްވި އެވެ.

Heynahthaa Doctor in nulibi, operation thah madu jehigge

The most trusted news source in the Maldives

Mihaaru

އެމްބީބީއެސް ހަދައިގެން އަލަށް ނުކުންނަ ޒުވާނުންގެ ތެރޭގައި ވެސް އެނެސްތީސިއާ އަށް ޝައުގުވެރިކަން ހުރި ޑޮކްޓަރުން ވަރަށް މަދު ނަމަވެސް އެކަމަށް ޕޮލިސީ ލެވެލެއްގައި އެއްވެސް އިސްކަމެއް ނުދޭ ކަމަށް، ނަން ނުޖެހުމަށް އެދި ވާހަކަދެއްކެވި ޑޮކްޓަރު ވިދާޅުވި އެވެ.

ހޭނައްތާ ޑޮކްޓަރުން ނުލިބުމުގެ މައްސަލަ ހައްލުކުރުމަށް ކުރީގެ ރައީސް މުހައްމަދު ވަހީދުގެ ވެރިކަމުގައި އެ މީހުންނަށް ހާއްސަ އެލަވަންސެއް ދޭން ފެށި އެވެ. އެކަމަކު، އެހެން ދާއިރާތަކުގެ ޑޮކްޓަރުންގެ ޝަކުވާއާ އެކު އެކަން ވެސް ވަކި ހިސާބަކުން ހުއްޓުނީ އެވެ.

ޑޮކްޓަރުން އަހުމަދު ނަސީމް، ހެލްތު މިނިސްޓަރު ހެލްތު މިނިސްޓްރީ ސިއްހަތު

27 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މައުލޫމާތު

20 November 2021

މުސާރަ ބޮޑުކޮއްފަ އިއުލާނު ކޮއްފަ އޮތީ 4 މަސްދުވަހުގެ ކޮންޓްރެކްޓްއަކައް މީހުންހޯދަން. މިހާ ކުރު މުއްދަތަކައް ފްރޮފެޝަނަލް ޑޮކްޓަރެއް ދާއިމީ ވަޒީފާ ދޫ ކޮއްފަ އަންނާނެތޯ؟؟ މިނިސްޓަރުގެ ސިކުނޑި ހަމަ ޖެހޭތޯ. މި ގައުމުގަ ހޮސްޕިޓަލް ތަކުގަ ހޭނައްތާ ޑޮކްޓަރުން ނެތިގެން ކުރަންޖެހޭ އޮޕަރޭޝަންތައް ނުކުރެވިފަ. ރައްޔިތުންނާއި ދޭތެރޭ ވިސްނާނަމަ މިހެންނަހަދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢައިމީ

18 November 2021

ޜަނގަޅު ޓީޗަރުން ނުލިބުނަސް ޓީޗަރުންގެ މުސާރަ ބޮޑު ނުކުރާތި ކޮންމެސް?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅަލަލަލާ

17 November 2021

ތީކީޢަދިމުސާރައެއްނޫން، ޑރ ން ގެމުސާރަބޮޑުކުރަންޖެހޭ، ފެންވަރެއްނެތިގާނޫނު ހަދާމަޖިލީހުގަތިބޭމީހުންނަ ބޮޑުމުސާރަދޭއިރުޑރ އަކަށް ކީއްވެތޯ ނުދެވެންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމަ

17 November 2021

ވަރަށް ރަގަޅު ނިންމުމެއް! އެކަމަކު އަދިވެސް ރަގަޅުކުރަން ޖެހޭވަރަށް މުހިންމު ކަންކަން އެބަހުއްޓެވެ. އެގޮތުން :- 2 މަހުން އެމް އާރު އައި އެޕޮއިންޓްމެންޓް މިބުން. 6 މަހުން ޚާއްސަ ޑޮކްޓަރުންގެ އެޕޮއިންޓްމެންޓް ލިބުން މިކަންކަން ކޮންމެ ދުވަހަކު ހަމަޖެހޭގޮތައް ހަމަޖައްސައިދިނުން ނުވަތަ މިކަން ކަން ދުވަހުން ދުވަހަސްކުރެވޭނީ އިތުރު އެމް އާރުއައި މެޝިނާއި، ޑޮކްޓަރުން ގެނެސްގެން ކަމަށްވާނަމަ ލަސްނުކޮށް އެކަންކުރުން. 'މީރައްޔިތުންގެ އާދޭސް.'

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

17 November 2021

ޓީޗަރުންވެސް، ޙާއްޞަ އެޙީއަށް ބޭނުންވާ ތަމްރީނު ލިބިފަވާ ޓީޗަރުން އެއްގޮތަކަށްވެސް ނުލިބޭ! އެކަކުވެސް މިހާރު ބޭނުވެއްނުވޭ ޓީޗަރަކަށް ވާކަށް! ކޮންމެ މީހަކުވެސް ބޭނުންވަނީ ޓައީއަޅާގެން އެއަރކޯން ރޫމުގަ އިންނަ ލުއި ފަސޭހަ ޖޮބުތައް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަ

17 November 2021

ޑޮކްޓަރުންނާއި ޓީޗަރުން ފަދަ ވަޒީފާ ތަކަށް މުސާރަ ބޮޑުކޮށްދީބަލަ. ޚިދުމަތް ހޯދާ އާބާދީގެ ނިސްބަތުންކަޑައެޅިއްޖެއްޔާ އެއީ ގައިމު ބޮޑުކަމަކަށް ނުވާނެއްނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަރޫ

17 November 2021

ހެލްތު މިނިސްޓަރީ ވަނީ ރަގަޅަށް ހޭ އަރާފާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުރުމި

17 November 2021

މިކަލޭގެ މިނިސްޓަރު ކަމާއި ހަވާލުވިފަހުން ބޯހަލާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫ ހަންދަރު ޙަސަނު

17 November 2021

އެއްގޮތަކުން ނުވިއްޔާ އަނެއްގޮތަކުން ވެސް ކަންކުރެވެންވާނެ ތަޖުރިބާގެ ޢަލީގަ ކަން ކުރައްވަން ބޭނުންފުޅުވެގެން ޔައުނީ ރައްޔިތުންނަށް ޚިދުމަތް ކުރުމުގެ މުހިންމުކަން އެނގިވަޑައިގެން ހުންނަވާ ތި ގެންދަވަނީ ރަނގަޅަށް ކޮންމެ އޮތް ނިޒާމްގައި ވެސް ޚިދުމަތް ކުރެވޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢާޝޯހު

17 November 2021

ސިއްޙީ ނިޒާމު ރަނގަޅު ކުރަން ބޭނުންވާނަމަ، ރަށްރަށުގެ އަތޮޅު ހޮސްޕިޓާތަކަށް ވެރިންގެ ގޮތުގައި ލާފައި ތިބި ދެ އުޅި އެއްނުވާ މެނޭޖަރުންތައް ވަކިން ކުރަންވީ! ތިމާމެންވަރުގެ ބައެއް ނެތްކަމަށް ހެދިގެން އުޅެނީ ތަނެއް ދޮރެއް ނުދަތަސް.