ގާފަރު ފަޅުގެ ސަރަހައްދުގެ މެޕެއް. މި ސަރަހައްދުގައި ރިއަލް އެެސްޓޭޓް ޓޫރިޒަަމް ތަރައްގީ ކުރަން ރައީސް މިވަނީ ކަނޑައަޅާފައި--
02 ޑިސެމްބަރ 2021 - 13:15
21 comments
ކ. ގާފަރު ފަޅާއި މީގެ އެތައް އަހަރެއް ކުރިން ފެށިގެން ޓޫރިޒަމް ތަރައްގީ ކުރަން އުޅެއުޅެ ނާކާމިޔާބު ވެފައިވާ އައްޑޫ ހިތަދޫ ހަންކެޑެ ސަރަހައްދު، އެންމެ ފަހުން ރިއަލް އެސްޓޭޓް ޓޫރިޒަމަށް ހުޅުވައިލަން ރައީސް އިބްރާހިމް މުހައްމަދު ސޯލިހު މިއަދު ނިންމަވައިފި އެވެ.
ރައީސްގެ ދެ ގަރާރުގައިވާ ގޮތުން، މި ދެ ސަރަހައްދު ތަރައްގީ ކުރާނީ ސަރުކާރުގެ 100 ޕަސެންޓް ހިއްސާ އޮންނަ ކުންފުންޏެއް ކަމަަށްވާ މޯލްޑިވްސް ފަންޑް މެނޭޖްމެންޓް ކޯޕަރޭޝަނަށް ކުއްޔަށް ދީގެންނެވެ.
ޓޫރިޒަމްގެ ގާނޫނުގައިވާ ގޮތުން، ޓޫރިސްޓް ރިސޯޓު ހެދުމާއި ޕްރައިވެޓް އައިލެންޑް ތަރައްގީ ކުރުމާއި ކުއްޔަށް ދޫކުރާނެ ރަށްތަކާއި ބިންތައް ކަނޑައަޅާނީ ރައީސުލްޖުމްހޫރިއްޔާ އެވެ.
ރިއަލް އެސްޓޭޓް ޓޫރިޒަމަށް ދެ ސަރަހައްދެއް ކަނޑައެޅި އިރު އަންނަ އަހަރަށް ލަފާކުރި ދައުލަތުގެ ބަޖެޓުގައި ވަނީ ހަތަރު ރަށެއް ހިއްކައިގެން، އެ ތަންތަން ޓޫރިޒަމްގެ ބޭނުމަށް ދޫކުރަން ނިންމައިފަ އެވެ.
އެ ރަށްރަށް ރިއަލް އެސްޓޭޓް ޓޫރިޒަމްގެ ބޭނުމަށް ދޫކުރުމުން، ދައުލަތުގެ އާމްދަނީ އިތުރު ވާނީ މި ވިޔަފާރިން އެމްއެފްއެމްސީ އަށް ވާ ފައިދާ އިން ދައުލަތަށް ދޭ ޑިވިޑެންޑުގެ އަދަދަށް ރިއާޔަތް ކޮށެވެ.
ރިއަލް އެސްޓޭޓް ޓޫރިޒަމް ތަރައްގީ ކުރުމަށް މޯލްޑިވްސް ފަންޑް މެނޭޖްމެންޓް ކޯޕަރޭޝަނަށް ކުރަންޖެހޭ ހަރަދުތައް ދައުލަތުގެ ބަޖެޓަށް ބުރަ ނުވާނެހެން ހިފެހެއްޓުމަށާއި މި މަސައްކަތުން ދައުލަތަށް އާމްދަނީ އިތުރު ކުރެވޭނެ އިންތިޒާމު ހަމަޖެއްސުމަށް، މި ވިޔަފާރި ހިންގުމުން އަންނަ އަހަރު އިންޓެރިމް ޑިވިޑެންޑް ޑިކްލެއާ ކުރުމަށް ރާވާފައި ވެ އެވެ. މިގޮތަށް ޑިވިޑެންޑްގެ ގޮތުގައި 231 މިލިއަން ރުފިޔާ ލިބޭނެ ކަމަށް ބަޖެޓުގައި ވަނީ އަންދާޒާ ކޮށްފަ އެވެ.
މިއީ ގާފަރު ފަޅުގައި ޓޫރިޒަމް ތަރައްގީ ކުރަން ހުޅުވައިލި ފުރަތަމަ ފަހަރު ކަމަށް ވާއިރު، އެ ފަޅު ހިއްކައިގެން އެ ސަރަހައްދު ތަރައްގީ ކުރުމަކީ ރައީސް އިބްރާހިމް މުހައްމަދު ސޯލިހުގެ ރިޔާސީ ވައުދެކެވެ.
ސ.ހަންކެޑެ. އެރަށުގައި ރިސޯޓު ހެދުމަށް އެކި ފަހަރު މަތިން މަސައްކަތް ކޮށްފައިވޭ.
ހަންްކެޑެ އަކީ މީގެ ކުރިން ވެސް އެކި ފަހަރު މަތިން ޓޫރިސްޓު ރިސޯޓެއްގެ ގޮތުގައި ތަރައްގީކުރަން މަސައްކަތް ކުރި ރަށެކެވެ. އެ ރަށް ތަރައްގީ ކުރަން ސަރުކަރުން ފުރަތަމަ ހަވާލުކުރީ ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި 2005 ގަ އެވެ. ހަންކެޑެއިގައި 100-200 އެނދުގެ ސިޓީ ހޮޓަލެއް ތަރައްގީ ކުރަން ފުވައްމުލަކުގެ ކުންފުންޏެއް ކަމަށްވާ ތޫނޑު ޕްރައިވެޓް ލިމިޓެޑާ ހަވާލުކުރި އެވެ. އެއީ މަސައްކަތް ފަށާތާ 18 މަސް ދުވަހުގެ ތެރޭގައި މަސައްކަތް ނިންމާ ގޮތަށެވެ. ނަމަވެސް އެ ކުންފުންޏަށް އެއްބަސްވުމާ އެއްގޮތަށް މަސައްކަތް ކުރިއަށް ނުގެންދެވުމުން ސަރުކާރުން ވަނީ 2،500 ޑޮލަރުން އެ ކުންފުނި ޖޫރިމަނާކޮށް، ހަންކެޑެ ނަގައިފަ އެވެ.
އޭގެ ފަހުން 2008 ގައި އަދި 2013 ވަނަ އަހަރު ވެސް ހަންކެޑެ ތަރައްގީ ކުރަން އެހެން ދެ ކުންފުންޏާ ހަވާލުކުރި އެވެ. އެކަމަކު، މަސައްކަތް ކުރިއަށް ނުދިއުމުން 2019 ވަނަ އަހަރު އެންމެ ފަހުން އެ ރަށް ތަރައްގީ ކުރަން ސިންގަޕޫރުގެ ކުންފުންޏެއް ކަމަށްވާ ކްރެސެންޑާޒް ގްރޫޕާ އެކު ހެދި އެގްރީމެންޓް ވަނީ ބާތިލްކޮށްފަ އެވެ.
ރިއަލް އެސްޓޭޓް ޓޫރިޒަމްގެ އިތުރަށް ޓޫރިސްޓް ރިސޯޓު ތަރައްގީ ކުރުމަށް 12 ރަށެއް ހުޅުވައިލައި އޭގެ ކޮންމެ ރަށަކުން އެކުއިޒިޝަން ފީގެ ގޮތުގައި ހަތް ލައްކަ ޑޮލަރާއި އެއް މިލިއަން ޑޮލަރާ ދެމެދުގެ އާމްދަނީއެއް ހޯދަން ވެސް ބަޖެޓު ކޮށްފައިވެ އެވެ. އަދި ބިން ވިއްކައިގެން 300 މިލިއަން ރުފިޔާ ހޯދަން ވެސް އަންނަ އަހަރުގެ ބަޖެޓުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
03 December 2021
އައްޑޫ ތަރައްޤީކުރުމުގެނިޔަތް ސަރުކާރުގައިއޮތްނަމަ "ހޮޅި ވާހަކަ ނުދައްކާ" އެންމެފުރަތަމަ ކުރާނެކަމަކީ އައްޑޫގައި އިޤްތިސޯދީޙަރަކާތެއްހިންގުމަށް އޮތް އެންމެ ރަނގަޅުފުރުސަތުގެ ބޭނުންކޮށް Strategic Location ގެ ބޭނުންކުރުން. # މިގޮތުން އައްޑޫސީޕޯޓް ޑޮކްޔާޑަކާއި ބަންކަރިން އާއިއެކު ޑިވޮލޯޕްކުރުމުގެ އިތުރުން ގޭންއެއަރޕޯޓަކީ އެފްރިކާ، ޗައިނާ، މެދުއިރުމައްޗާއި އެމަރިކާބައްރު އަދި އޯޝޭނިއާ އާއި ހުޅަނގު ގެ ޤައުމުތައް ގުޅަވާލަދޭ އެވިއޭޝަން ހަަބަކަށްހެދުން.
އޮނަރަބްލް އަފީފު ދީދީ
03 December 2021
ހަދާނަށް އަންނަނީ ފްރާންސްގެ އެފީލް ޓަވަރަށްވުރެން އުސް 1083 ފޫޓް އަދި 3000 ކޮޓަރު ހިމެނޭ Ryugyong Hotel ނޯތު ކޮރެއާގައި އިމާރާތް ކުރުމުން ދެން ކަންތައް ވެދިޔަގޮތް. # ނޯތު ކޮރެއާގައި ހޮޓާ ހިންގާން އެޅުނު ހުރަހަކީ ޤައުމުގައި އޮތް ޙުދުމުޙުތާރުވެރިކަމުގެ ސަބަބުން "ނޯތު ކޮރެއާ އެކަހެރިވެފައި އޮތް އޮތުން" ކަމުގައިވި. # އައްޑޫސިޓީގެ "ދަތުރު ފަތުރުގެ ނިޒާމްގައި އަޅުވާފައިވާ ތަޅު ނައްޓާނުލާނަމަ" ތިއީވެސް ނޯތުކޮރެއާ "ރުއިގާން ހޮޓެލް" ފަދަ ޕްރޮޖެކްޓެއް.
120687
03 December 2021
ރުކަށް އެރި މީހާގެ ނަދުރަށް ހަންކެޑެ މި ސުރުޚީ މާ ފައްކަލެއް ނޫންތޯ؟
އިބްރ
03 December 2021
އައްޑު އަތޮޅު އިންޑިއާއަށް ވިއްކާލަނީ. ދިވެހި ރައްޔިތުން މިކަން ހުއްޓުވަންޖެހޭ. މިއީ ދިވެހިރާއްޖޭގެ މިނިވަންކަމާއި ސިޔާދަތު ގެއްލިދާނެކަމެއް. އިންޑިއާ މިލިޓަރީ އައުޓް.
ކަމަށްހަދާނީއޭ
03 December 2021
ގާފަރު ފަޅު ރިއަލް އެސްޓޭޓް ޓޫރިޒަމް އަށް ނަހަދާ މުޅި އެފަޅު ހިއްކާލާ އެތަނާއި ހުޅުމާލެ އާއި ދެމެދު ބްރިޖް އަޅާލާނީ އެ ބްރިޖް އަޅާނީ ހުޅުމާލޭން ފެށިގެން މާލެ އުތުރު ފަރާތު އިރު މަތީ ކަނޑުންނޭ އަދި އެގޮތަށް ދާއިރު ހިންމަފުށި އަދި ހުރާ އަދި ތުލުސްދޫ އަދި ދިއްފުށި ފަޅު ވެސް ހިއްކާލާ އަދި އެތަންތަނާއި އަދި އެލައިން ގައި ހުރި ހުރިހާ ރިސޯރޓްސް ތަކާއި އެކު ބްރާންޗް ބްރިޖްސް ތަކުން ގުޅުވާލާ ގާފަރު ފަޅަކީ އެއީ ދިވެހިރާއްޖޭގެ އިންޑަސްޓްރިއަލް ޕާރކް
ބޮކިއަލި
03 December 2021
އައްޑުއަތޮޅު އެއްފަސްކޮށް އޮތްއެއްވެސް ހިސާބެއްގައި ހާއްސަކޮށް ހަންކެޑެ ޓުއަރިޒަމް ހިންގަންބޭނުންނަމަ ފުރަތަމަ ޖެހެނީ އެތަނާއި ކައިރި ހިސާބުތަކަށް އަޅާފަހުރި ކޮނގްރީޓުތައް ނަގާސާފުކުރަން. ޕޮލިސްއެކަޑމީއެކޭ ކިޔައިގެން މިލިޓްރީބޭސް އެއްގެ ކެޕަރސިޓީހުރި ތަނެއް. މިހާރު ވަނުވާނޭގި ބިރުންހަލާކު.
ފޫހި
02 December 2021
މިއީ އިންޑިޔާ މީހުން އާބާދުކުރަން ޖެހި ހިޔަޅު ރޭވުމެއް. ތިޔަކަމުން ދިވެހިންނަށް ވާނެ ފައިދާއަށްވުރެ ގެއްލުންބޮޑު. އަބަދު ފަތުރުވެރިކަން. ޢެނޫން ކަމެއްކުރާކަށް ނޭންގޭ.
މިއަދު
02 December 2021
ދެން އޮތީ ކާށިދޫ މިއީ ރިޔާ ކަޑަ
ރެޓޭ
02 December 2021
މި ވެރިކަން މިމޭއަތަށް އަޅާއިރުވެސް މުހިއްމު ވައުދުތަކުގެ ކޮޅެއްމެދެއް އަހަރަމެންނަކަށް ނުފެނޭ! ހުރިހާ ހިސާބެއްޖަހައިގެން ވެރިކަމަށް އައިސް ދައުރުގެ ފަހުކޮޅަށް ދާއިރުވެސް ވާނުވާގަ! ތިޔަ ސްޕީޑު މިހާރު، މިޤައުމަކަށް ކަމުދާހެން ހީނުވޭ! އެކަމަކު ތިޔަ ހެން ސުރުޙީއަޅައަޅާ ތިބީމާ އައްޑޫ ރައްޔަތުން ތިބޭނީ ވަރަށްހެވިފަ!?
އައްޑުއަންސް
03 December 2021
ގުނބޯތަކެކޭ އެތާ އުޅެނީ.
ރަދީފްއޮފިޝިއަލް
02 December 2021
މަބުނީ އިންތިހާބެއް އެބައޮތްތަ ވަރަށް އަވަހަށް!! އެހެން އަހާލަން މިޖެހުނީ މިކަހަލަ ކިތަންމެ ތެތްގޯނިތަކެއް އައްޑު މީހުން ބޮލުގަ އަޅައިފި.އެ އެޅެނީ އަބަދުވެސް އިންތިހާބެއްގެ ހޫނުގަދަ ވުމުން.