ފެން ހިންދާ ފަމްޕުތަކުގައި މައްސަލައެއް ނެތް، ރަނގަޅަށް މަސައްކަތްކުރޭ: ޝާހު

މާލެއަށް އިއްޔެ ބޯކޮށް ވާރޭވެހި ފެންބޮޑުވެފައި: ފެން ހިންދުމަށް ހަތަރު ސަރަހައްދެއްގައި ޕަމްޕު ސްޓޭޝަންތައް ގާއިމްކޮށްފައިވޭ.- ފޮޓޯ: ފަޔާޒު މޫސާ/ މިހާރު

އާސިމާ ނިޒާރު، މިހާރު

12 ޑިސެމްބަރ 2021 - 11:56

13 comments

ފެން ހިންދުމަށް މާލޭގައި ބަހައްޓާފައިވާ ޕަމްޕު ސްޓޭޝަންތަކުގައި އެއްވެސް މައްސަލައެއް ނެތް ކަމަށާއި އެ ޕަމްޕުތައް ރަނގަޅަށް މަސައްކަތްކުރާ ކަމަށް އެމްޑަބްލިއުއެސްސީން މިއަދު ބުނެފި އެވެ.

މާލޭގެ މޭޔަރު އަދި ކުރީގެ ހައުސިން މިނިސްޓަރު ޑރ. މުހައްމަދު މުއިއްޒު ކުރެއްވި ޓްވީޓަށް ރައްދު ދެއްވައި، ފެން ކުންފުނީގެ މެނޭޖިން ޑިރެކްޓަރު ހަސަން ޝާހު "މިހާރު" އަށް ވިދާޅުވީ ޕަމްޕު ސްޓޭޝަންތައް ވަރަށް ރަނގަޅަށް ބަލަހައްޓަމުން އަންނަ ކަމަށެވެ.

ޝާހު ވިދާޅުވި ގޮތުގައި ޕަމްޕުތައް ބެލެހެއްޓުމަށް ހަވާލުކޮށްފައި ވާނީ ވެސް އޭނާ އެންމެ އިތުބާރުކުރައްވާ މުވައްޒަފުންނާ އެވެ.

ޑރ. މުއިއްޒު ކުރެއްވި ޓްވީޓުގައި ވިދާޅުވީ މާލޭގެ އެކި ސަރަހައްދުގައި ގާއިމްކޮށްފައިވާ ސްޓޯމް ވޯޓާ ޕަމްޕުތައް ރަނގަޅަށް ނުބެލެހެއްޓޭތީ، އެ ސިސްޓަމް ޑިޒައިންކޮށްފައިވާ ގޮތަށް ފެން ނުހިންދޭ ކަމަށް ތަޖުރިބާކާރުން މައުލޫމާތު ދެއްވާފައިވާ ކަމަށެވެ. އެހެންވެ، އެ ތަންތަން ރަނގަޅަށް ނުބެލެހެއްޓޭ ނަމަ ސިޓީ ކައުންސިލާ ހަވާލުކޮށްދިނުމަށް އޭނާ އެދިވަޑައިގަތެވެ.

Dear @MWSC_Official , if you cannot maintain and operate the storm water pumps located at several locations of Male, please handover them to @MaleCitymv . Experts have informed us that due to poor handling of the pumps the storm water is not draining to the level its designed for
— Dr Mohamed Muizzu (@MMuizzu) December 12, 2021

ޝާހު ވިދާޅުވީ ޕަމްޕުތައް މަސައްކަތްކުރާ ގޮތް، ހަތް އަހަރު ހައުސިން މިނިސްޓަރަކަށް ހުންނެވި ޑރ. މުއިއްޒަށް ވަރަށް ރަނގަޅަށް އެނގިވަޑައިގަންނަވާނެ ކަމަށެވެ. އެގޮތަށް ޓްވީޓުކުރެއްވުމުން ހިތާމަކުރައްވާ ކަމަށް އޭނާ ވިދާޅުވި އެވެ.

"ޕަމްޕު ސްޓޭޝަންތަކަކީ މި ކުންފުނިން ވަރަށް ބޮޑަށް ބަލާ ކަމެއް. އެ ތަންތަނުގެ އަޕްޑޭޓުތައް ބަރާބަރަށް ދޭ. ހުރިހާ ޕަމްޕެއް ވެސް ރަނގަޅަށް މަސައްކަތްކުރޭ. ޕަމްޕުގެ އެއްވެސް މައްސަލައެއް ނެތްކަމުގެ 100 ޕަސެންޓުގެ ޔަގީންކަން ދީފާނަން،" ޝާހު ވިދާޅުވި އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުން މާލޭގެ ހަތަރު ސަރަހައްދެއްގައި ފެން ހިންދާ ނިޒާމު ގާއިމުކުރީ ހަތަރު ފިޔަވައްސަކަށް ބަހާލައިގެންނެވެ. ފުރަތަމަ ފިޔަވަހީގެ ދަށުން، ފެން ހިންދާ ނިޒާމު ގާއިމުކުރުމަށް ހަތަރު މިލިއަން ރުފިޔާ ވަނީ ހަރަދުކޮށްފަ އެވެ. ދެވަނަ ފިޔަވައްސަށް 13.7 މިލިއަން ރުފިޔާ، ތިންވަނަ ފިޔަވައްސަށް ފަސް މިލިއަން ރުފިޔާ އަދި ހަތަރު ވަނަ ފިޔަވަހީގެ ދަށުން 12.9 މިލިއަން ރުފިޔާ ހަރަދުކޮށްފައިވެ އެވެ.

އެއީ ކަނބާއައިސަރަނި ހިނގުމާއި އަމީނީ މަގުގެ ސަރަހައްދާއި ފްލެޓުތައް ހުންނަ ދިމާލެވެ.

ނަމަވެސް، 35.6 މިލިއަން ރުފިޔާ ހަރަދުކޮށްގެން ސިސްޓަމް ހެދި ފަހުން ވެސް މާލޭގެ މަގުތަކުގައި ފެން ނުހިނދޭތީ އާންމުންގެ ޝަކުވާ ވަރަށް ބޮޑެވެ.

އެމްޑަބްލިއުއެސްސީގެ މެނޭޖިން ޑިރެކްޓަރު ޝާހު މިދިޔަ މަހު "މިހާރު" އަށް އިންޓަވިއުދެއްވަނީ: ފެން ހިންދާ ބަލަހައްޓަނީ ފެން ކުންފުނިން.-- ފޮޓޯ: ފަޔާޒު މޫސާ/ މިހާރު

ޝާހު ވިދާޅުވީ އެ ސިސްޓަމް ޑިޒައިންކޮށްފައި ވަނީ ފެން ބޮޑުވާތާ 2-3 ގަޑިއިރުގެ ތެރޭގައި ހިންދޭ ގޮތަށެވެ. އެކަމަކު އެކަންކުރުމުގައި ދިމާވާ އެންމެ ބޮޑު އެއް މައްސަލައަކީ ޕަމްޕުތައް ކުޑަވުމެވެ. އެ ޕަމްޕުތަކުގެ ކެޕޭސިޓީ މިހާރު ހުރީ ނުވަ ކިލޯވޮޓުގައި ކަމަށާއި އެ އެއްޗެހި 13 ކިލޯވޮޓަށް ބަދަލުކުރަންޖެހޭ އޭނާ ވިދާޅުވި އެވެ.

ޕްލޭނިން މިނިސްޓްރީން އެމްޑަބްލިއުއެސްސީއާ ހަވާލުކޮށްފައި ވަނީ ޕަމްޕުތައް ބަލަހައްޓައި މަރާމާތުކުރުން ކަމަށްވާތީ، ޕަމްޕުތައް އަޕްގްރޭޑުކުރުމުގެ ކަންކަން ކުރަން ނިންމާފައި ވަނީ އެ މިނިސްޓްރީންނެވެ.

"ޕަމްޕުތައް އަޕްގްރޭޑުކުރީމަ ރަނގަޅުވާނެ ފެން ބޮޑުވުމުގެ މައްސަލަ،" އޭނާ ވިދާޅުވި އެވެ.

ބޮޑުތަކުރުފާނު މަގާއި ބްރިޖުގައި ބޮޑުވާ ފެންގަނޑު ވެސް ޖަމާވަނީ މާލެ ތެރެއަށެވެ. އޭގެ އިތުރުން، ގޭގެ ފުރާޅުން ފައިބާ ފެނުގެ ސަބަބުން ވެސް ބައެއް ސަރަހައްދުގައި ފެންބޮޑުވާކަން ޝާހު ފާހަގަކުރެއްވި އެވެ.

ފެންބޮޑުވުން މާލެ ސިޓީ ކައުންސިލް ވާރޭ އެމްޑަބްލިއުއެސްސީީ ޑރ. މުހައްމަދު މުއިއްޒު، މާލޭގެ މޭޔަރު ހަސަން ޝާހް، އެމްޑީ (އެމްޑަބްލިއުއެސްސީ)

13 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދިވެއްސެއް.

13 December 2021

ގިނަކޮމެންޓްތަކުން ފެންނަނީ ރައްޔިތެއްހައިސިއްޔަތުން އެމީހެއްގެ ޒިއްމާ ނުއެގޭކަން. ހުރިހާ ކަމަކީވެސް ރައްޔިތުންގެ ކަންކަން. ކަންކަން ރަގަޅަށް ކުރަން މީހުން ހޮވާ މުސާރަ ދެނީ ރައްޔިތުން ރެޔާއި ދުވާލު ކުރާ މަސައްކަތުން ހޯދާދޭ ފައިސާއިން. ކަންކަން ރަގަޅުކުރެވޭނީ ރައްޔިތުންނަށް ރައްޔިތުންގެ ޒިއްމާ އެނގިގެން މުވައްޒަފުން ޒިއްމާދާރު ކުރެވިގެން. ކަންކަން ރަގަޅަށް ނުދާނަމަ ބޭކާރު ޚަރަދުކުރުން ހުއްޓުވަން ވާނީ ރައްޔިތުން. ކޮމެންޓް ކުރުމަކުން ހައްލެއް ނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތަދޫ 2

12 December 2021

މިކަހަލަ ތާކުންތާކު ނުޖެހޭ ކޯޅުމުގަ ރައްޔިތުން ކޮންމެ ޕާޓީއަކަށް ސަޕޯޓް ކުރިއަސް ބައިވެރިނުވަމާ.. މިހަމަ އަމިއްލަ ބޭނުމުގަ ކުރާކަންތަށް އަހަރެމެންނަކަށް އެއްވެސް ފައިދާއެއް ނުކުރާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއަދ

12 December 2021

ކުރިން ކުރީސަރުކާރު މިފަހަރު ޕަންޕުކުޑަވުން ހައްލަކީކޮބާ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކްސްްް

12 December 2021

މާލޭގެ މަގުތައް ހެދުމާއި، ފެންބޮޑުވުމުގެ މައްސަލަ ހައްލުކުރުމަކީ ކޮންމެ ވެރިކަމެއްގައިވެސް ކުރާ ކަންކަން. އެކަމަކުވެސް ހައްލެއް ނުލިބި ދަތި އުނދަގޫތަކަކާއި ކުރިމަތިވަމުން އަންނަނީ. ހިތަށް އަރާ ރައްޔިތުންގެ ފައިސާ މިގޮތަށް އިސްރާފުނުކޮށް ރަނގަޅަށް ދިރާސާކޮށް މައްސަލައަށް ދާއިމީ ހައްލެއް ނުހޯދަނީ ކީއްވެބާއޭ؟ އިސްރާފުނުކޮށް، އެފައިސާ ސިއްހީ ކަންކަން ކުރިއަރުވަން ޚަރަދުކުރުން މާއައުލާކަން ބޮޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެރީ

12 December 2021

މިސަރުކާރުގެ ސަޕޯޓަރުން މާލޭގަ މަގުތަކާ ޖެނެރަލައިޒްކޮށް ދެކޭ ގޮތް: މުއިއްޒު މީގެ އަހަރުތަކެއް ކުރިން މިނިސްޓަރަށް ހުރި އިރު ފެންހިނދުމުގެ ކަންތައް ރަނގަޅުކުރެވިފައެއް ނުވޭ. * މިހާރު ސަރުކާރުގެ ޒިންމާއެއް ކުރެވޭނެ ކަމެއް ބަލާކަށް ނުޖެހޭ. މިއީ މުއިއްޒުގެ މައްސަލަ. ސުވާލަކީ ކަންކަން ރަނގަޅުނުކުރެވޭނެ ނަމަ ވެރިކަމަށް އަންނަނީ ކީއްކުރަންހޭ؟ ކުރީގެ ސަރުކާރަށް ފާޑުކިޔަކިޔާ 5 އަހަރު ނިންމާލަންހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗެރީ

12 December 2021

އޭނަގެ މައްސަލައަކީ ކުރި ހުރިހާކަމެއް ފަނުފުލުން ގޮސްފަހުރިއިރުވެސް ތިމަންނައަށް ކުރެވިދާނެކަން ދައްކަން އަނގަގަދަކުރާތީ. ނުވެގެން އުޅެނީ ކީއްކަން ނޭނގޭވަރު ކުޑަކުއްޖެއް މިމާލެއަކު ނުހުންނާނެ. ވީހާވެސް ގިނަތަންތަން އަތްދަށުގައި ހުރި ވަރަކަށްތާ ގިނައިން ޕާޓީ ހިންގަން އެހީ ލިބޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުވައްޒަފު

12 December 2021

ފުރަތަމަ ކަމަކަށް ފެންހިންދާ ޕަންޕުތައް ހަރުކުރީ މުޢިއްޒު ހުރިއިރު ހައުސިންގ މިނިސްޓްރީއަކުން ނޫން! ޕަންޕުތައް ހަރުކުރީ އެމްޑަބްލިޔުއެސްސީ ގެ ފަންނީ މުވައްޒަފުން ހިސާބު ޖަހައިގެންނެވެ. އެކަހަލަ ކަންކަން ކުރަނީ ޢާންމުގޮތެއްގައި ވެހޭ ވާރޭގެ ވަރަށް ބަލައިގެންނެވެ. އެއީ އޯވަރސައިޒް ކޮށްހަދައިފި ނަމަ އިނިޝަލް ކޮސްޓް ބޮޑުވުމުގެ އިތުރަށް ބޭނުން ނެތް ކަރަންޓް ވެސް އިސްރާފުވާނެތީއެވެ. އާދަޔާ ޚިލާފަށް ގިނައިން ވާރޭ ވެހިއްޖެ ނަމަ އެއުޅެނީ އެންމެ މުއްސަދި ގައުމުތަކުގައި ވެސް ފެންބޮޑުވާތީއެވެ. މާލޭގައި ވަރަށް މަދުން ފެންބޮޑުވުމުގެ މައްސަލަ ދިމާ ވަނީ ޔާމީނު އިރުގައި އެމްޑަބްލިޔުއެސްއީ ހިންގަން ފަޒުލް ހުރެގެން ނުވަތަ މި ސަރުކާރުގައި ޝާހު ހުރެގެނެއް ނޫނެވެ. ވީމާ، ރަނގަޅުވާނީ ނޭނގޭކަންކަމަށް ކޮމެންޓްނުކުރިއްޔާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮކިފުރާޅު ޢީސާ

12 December 2021

މުއިއްޒަކީ މިބާވަތުގެ ވާހަކަދައްކާން ކުފޫހަމަވާމީހެއްނޫން. ޔާމީނުދައުރުގާ ފެންބޮޑުވެ ކަނޑުހެދި ކަނދުފަތީގާ ނޫނީ ފަތާފައިއުޅެންޖެހޭ ހާލަތް ރައްޔިތުން ތަޙައްމުލްކުރާއިރު މުއިއްޒުގެ ރާޑަރަކަށް އެއެއްނާރާ. ކާރުން ފައިބައިގެން ހަމަބިމަށްފޭބީމާ ރާޑަރަށް ކޮންމެސްވަރަކަށް ފެން އަރާހެން އެބަހީވޭ.