ސްކޫލެއްގައި ބޭއްވި ހަރަކާތެއްގައި ދަރިވަރުންތަކެއް ބައިވެރިވަނީ.-- ފޮޓޯ: ފަޔާޒު މޫސާ / މިހާރު
15 ޑިސެމްބަރ 2021 - 23:42
37 comments
ދަރިވަރުންގެ ފޮތްތަކުން ގުރުއާންގެ އާޔަތްތައް އުނިކޮށް، ރެފަރެންސް ދޭ ގޮތަށް ހަމަޖެއްސުމަށް އެޑިއުކޭޝަން މިނިސްޓްރީން އެންގި އެންގުން އެ މިނިސްޓްރީން ބާތިލްކޮށްފި އެވެ.
އެ މިނިސްޓްރީގެ ސީނިއާ ޕޮލިސީ ޑިރެކްޓަރު މޫސާ އާދަމް ސޮއިކުރައްވައި ނޭޝަނަލް އިންސްޓިޓިއުޓު އޮފް އެޑިއުކޭޝަން (އެންއީއައި) އަށް އެންމެ ފުރަތަމަ ފޮނުއްވި ސިޓީގައި އެދިވަޑައިގެންފައި އޮތީ ކަރިކިއުލަމް ރިވިޝަން މަސައްކަތާއި ފޮތްތަކުން ފާހަގަކުރެވުނު މައްސަލަތައް އިސްލާހުކުރުމުގެ މަސައްކަތް ކުރާއިރު ގްރޭޑު 1-12 ގެ އިސްލާމާއި ގުރުއާން ފޮތްތަކުގައިވާ ގުރުއާނުގެ އާޔަތްތައް އުނިކޮށްދިނުމަށެވެ.
އެ އާޔަތްތައް އުނިކޮށް އަލުން ލިޔުމުގެ ބަދަލުގައި ގުރުއާން އާޔަތުގެ ނަމްބަރު ލިޔެ، ހަތިމަށް ރެފަރެންސްދޭ ގޮތަށް ހަމަޖެއްސުމަށް އޭރު އެދިފައިވެ އެވެ.
"ވީމާ، 2022-2023 ވަނަ ދިރާސީ އަހަރުގެ ފޮތްތައް ޗާޕުކުރުމަށް މި މިނިސްޓްރީަށް ފޮނުއްވާއިރު މި ގޮތަށް ބަދަލުކުރައްވާ ފޮނުއްވުން އެދެމެވެ،" މިދިޔަ މަހުގެ 25 ގައި ފޮނުވި ސިޓީގައި ވެ އެވެ.
ނަމަވެސް އެ ސިޓީ ބާތިލްކޮށް މިދިޔަ ހަފުތާގެ އަންގާރަ ދުވަހު އެންއީއައިއަށް ފޮނުވި ސިޓީގައި ވިދާޅުވީ އިތުރަށް ބަލަންޖެހޭ ކަންތައްތަކެއް ހުރިކަމަށް ފެންނާތީ އެ ސިޓީ ބާތިލްކޮށްދިނުމަށް އެދޭ ކަމަށެވެ.
އެޑިއުކޭޝަން މިނިސްޓްރީގެ މީޑިއާ އޮފިޝަލަކު މިރޭ ވިދާޅުވީ ފޮތްތަކުގައި އާޔަތްތަކާއި ސޫރަތްތައް ރަނގަޅަށް ބެލުމަށްފަހު މިހާރު ވެސް އަމަލުކުރަމުން އަންނަ ގޮތަށް ހިމަނަން އަންގާފައިވާނެ ކަމަށެވެ.
ގުރުއާން ފޮތްތަކާ ބެހޭ މައްސަލަ އަނެއްކާވެސް މި ފެންމަތިވީ، ބައެއް ގްރޭޑުތަކުގެ އިސްލާމާއި ގުރުއާން ފޮތުގައި ހުރި މައްސަލަތައް ދިމާވާން މެދުވެރިވި ސަބަބު ދެނެގަތުމަށްފަހު ބަދަލުތައް ގެނައުމުގެ ތެރޭގަ އެވެ.
ގުރޭޑް 1 ގެ ގުރުއާން ފޮތްތައް ޗާޕްކުރި އިރު، ދެ ސޫރަތެއްގެ އާޔަތްތައް އެކުވި މައްސަލައެއް ފެންމަތިވީ މިދިޔަ ސެޕްޓެމްބަރު ފުރަތަމަ ހަފުތާގަ އެވެ. އޭގެ ފަހުން، ގްރޭޑް 2 އަދި 12 ގެ އިސްލާމް ފޮތްތަކުގައި ވެސް އެފަދަ މައްސަލަތަކެއް ހުރުމުން، ބައެއް އިލްމުވެރިން ވަނީ ސޯޝަލް މީޑިއާގައި ކަންބޮޑުވުން ފާޅުކުރައްވައިފަ އެވެ.
އެޑިއުކޭޝަން މިނިސްޓަރު ޑރ. އައިޝަތު އަލީ ކުރިން ވިދާޅުވީ ގްރޭޑް 1 ގެ ކުދިންގެ ގުރުއާން ފޮތުގައި އާޔަތްތައް ނުބައިކޮށް ހުރުމުން އެކަން އިސްލާހުކޮށްގެން ކިޔަވައިދެމުން ގެންދާތާ ފަސް އަހަރު ވެއްޖެ ކަމަށެވެ. އޭނާ ވިދާޅުވީ ގައުމީ އާ މަންހަޖުގެ ދަށުން ކިޔަވައި ދިނުމަށް 2015 ގައި ޗާޕުކުރި މި ފޮތްތަކުގައި އޭރުއްސުރެ އެ ކުށް އޮތް ނަމަވެސް މިނިސްޓްރީގެ ސަމާލުކަމަށް އައީ މި ފަހުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިޔާސީޑްރާމާ
16 December 2021
ހިނގާބަލަ ރަނގަޅަށް މިވާހަކަ ދައްކާލަމާ. ތިޔަބުނާ ސިޓީއެއް އެޑިއުކޭޝަނުން ފޮނުވީ 25 ނޮވެމްބަރުގައި އަދި އެސިޓީ ބާޠިލުކުރުމަށް އެދި 7 ޑިސެމްބަރުގައި ސިޓީ ފޮނުވި. މިއަދަކީ 16 ޑިސެމްބަރު. އެސިޓީ ބާޠިލުކުރިފަހުން 1 ހަފްތާއަށްވުރެ ގިނަދުވަސް ވެއްޖެ. ހެޔޮނިޔަތެއްގައި ބަޔަކު ވާހަކަދައްކާނަމަ ދައްކަންވީ 25 ނޮވެމްބަރާއި 7 ޑިސެމްބަރާއި ދެމެދުގަ ނޫންތަ؟ މިހާރު، ދީން ހަތިޔާރަކަށް ހަދައިގެން ތިކުޅެނީ ސިޔާސީ ޑްރާމާކަން ވަރަށް ސާފު.
އެލެކޮސް
16 December 2021
މި އެންޑީޕީ މީހުނަކަށް ނޭގެ އެއްވެސް އެއްޗެއް. މާމޮޅޫ މެނިފެސްޓޯ ހަދަިއިގެން ވީކަމެއްނެތް
އުމަރުބެ
16 December 2021
ވަރަށް ރަގަޅު ނިންމުމެއް، ޓެކްސް ފޮތުން ކުށް ފެންނަނަމަ އެންމެ ރަގަޅުގޮތަކީ ޚަތިމަށް ރެފަރެންސްދިނުން.
ސިލް
16 December 2021
ޚަތިމް ގިނައިން ނަގާ ބެލުމުގެ ފުރުސަތު ބޮޑުވާނެ، ރެފަރެންސް ދިނީމަ- ވަރަށް ރަނގަޅު ކަމެއް
ރަދީފްއޮފިޝިއަލް
16 December 2021
2023ގަ ރައްޔަތުން ކަލޭމެން މަގާމުތަކުން އުނިކުރާނެކަން ކަށަވަރުވެ ޔަގީންވޭ.ހެހެހެހެހެހެ
އަންއޮފިޝަލް
16 December 2021
ތިއީ ތިގުރޫޕުގެ ކޮށި ވިސްނުން. ވައްކަމާއި އަނިޔާވެރިކަމަކީ އެއަށްވުރެން ބޮޑެތި ކުށްތައް
ސަރުދާރު
16 December 2021
ކުއްލިއަކަށް ކުށްތަކެއް ފާހަގަވެ އަވަސް މުއްދަތެއްގައި ފޮތް ނެރުމުގެ ގޮތުން ފޮތުގައި އާޔަތު ނަންބަރު ޖަހައިގެން ނެރުނު ނެރުމަކީ ބޮޑު ލާދީނީ އެޖެންޑާއެއް ގޮތުގައި ސިފަކޮށް ބޮޑު ދީނީ ފިތުނައެއް ނޫފެދޭ ގޮތަކަށް ވެސް ކަންބޮޑިވުން ފާޅުކުރެވޭނެ. ދީނީ ފިތުނަ އުފެއްދުމަކީ ނުބައިކަން ބޮޑު އަމަލެއް.
ބޯހަލާކު.
16 December 2021
އެފަދަ ފިތުނަ ނުއުފެދޭ ގޮތަށް ސަރުކާރަށް އެއްވެ ސް ކަމެއް ކުރަން ހުއްދަ ނޯންނަނީދޯ؟
ރަދީފްއޮފިޝިއަލް
16 December 2021
މިފަދަ ކަންތައްތަކަށް ރައްޔަތުން ޖަވާބުދޭނީ 7 އިންޗި ގުނަ 5 އިންޗި ކަރުދާސްކޮޅެއް އަދި ގަލަމެއް އެބައި މީހުންގެ އަތަށް ލިބޭ ދުވަހު.އެދުވަހަކު ވެރިންގެ ކަރުތެރޭގަ ރަނގަޅަށް ހިތި ރަހަލާނެ.މިވާހަކަ ދެއްކެން އޮތީ މި އިބާރާތުން މި މިންވަރަށް.ވ.ވެދުން
އުދުހޭ
16 December 2021
މިފަދަ ކަންކަމަށް ޖަވާބުދާރީ ކުރުވަން ނިކުންނަންޖެހޭނީ މަގުމައްޗަށް. މިވަރުގެ ކަންކަމަށް ޖަވާބުދޭން 5 އަހަރު މަޑުކުރަންޖެހޭތަ؟
ރަދީފްއޮފިޝިއަލް
16 December 2021
5 އަހަރެެއް ނެތް. ބާކީ އޮތީ 684 ދުވަސް 16416 ގަޑިއިރު.984960 ސިކުންތު.އެހެންވީމަ ކެތްތެރިކަމާއި ހިކްމަތްތެރިކަމާއިއެކީ މަސައްކަތްކޮށް ރަނގަޅު ނަތީޖާއެއް ނެރެން އަަހަރުމެން މަސައްކަތްކުރަންވީ.ވ.ވެދުން.
ވޮށިފިލާ
16 December 2021
މިކަހަލަ ކަންކަން އޮޅުވާލައިގެން ފިތުނަ ފަސާދަ އުފައްދަނީ ދީނާއި އެއްގޮތަށްތަ؟ ނިމިދިޔަ 5 އަހަރުގައި އެފޮތްތަކުގައި ކުށެއްނެތްތަ؟ މުނާފިގުކަން ހައްދުފަހަނައަޅައި ދިޔައިމަ ވާނެގޮތް މިފެންނަނީ
ހިމާރުލްގައުމު
16 December 2021
ލާދީނީ ބައިގަނޑު ކީއްވެތަ ނުބުނީ މިދިޔަ ސަރުކާރުގެ ކަމެކޭ
ގެރިގުއި
16 December 2021
ގުދޯގުދޯ. އެއީ އެންމެންނަށް އެނގޭ ކަމެއް. ނިމިދިޔަ ސަރުކާރުގައިވެސް އެފޮތްތަކުގައި ކުށްތައްހުރި. އޭރު އައިނުނާޅާތީ ނުފެނުނީ. މިހާރު އަކުރުން އަކުރަށް ބަލާތީ ފެންނަނީ.
ދޯދިޔާކަންތިފެންނަނީ
16 December 2021
ގިނަ ކުއްތަކެއް ނުލާ ފޮތެއް ލިޔެވޭނެ މީހަކުވެސް މި ޤައުމުގަ ނެތީތާ. އެއް ދުވަހު ލިޔާނީ އަނެއް ދުވަހު 1 ހާސް ކުއް ފެންނާނެ. ކިހާ ބޮޑު އިޝްރާފެއް. ކިހާ ބޮޑު ގެއްލުމެއް ދަރިވަރުންނަށް އަދި މުޅި ނިޒާމައް ބެލެނިވެރިންނާ ދަރިވަރުން ކިހިނެއް އިތުބާރު ކުރާނީ. ފޮތެއްގަ އާޔަތް ލިޔާ އިރު ރަނގަޅަސް ނުލިޔެވޭތީ ބަދަލުގައި ޚަތިމަށް ރެފެރެންސް ދިނުން އެއީ ވަރަށް ތާކުން ތާކުން ނުޖެހޭ ކަމެއް. އެއްޗެއް ލިޔާއިރު ބަލަންވާވަރަށް ބަލާ ޕްރޫފްރީޑް ނުކުރެވޭނެތަ.
ނޫން
16 December 2021
މި ޤައުމުގައި ކުށްނުލައި ލިޔުންތައް ލިޔަން ދަންނަ މީހުން ތިބޭނެ. ނަމަވެސް މިހާރު އެމީހުންގެ ބޭނުން ނުކުރެވެނީ ކޮންމެ ގޮތެއް ހަދައިގެން ނަމަވެސް ޑިގްރީ ކިޔާ އެއްޗެއް ހޯދާފައި އެމީހުން ނޯންނާތީ. ކުރީގައި ފޮތްތައް ލިޔުނު މީހުންގެ އަތުގައި މިހާރު މިކިޔާ ޑިގްރީއެއް ނޯނާނެ. އެކަމަކު ފޮތްތަކުގައި ތިކަހަލަ ކުށެއް ނުހުންނާނެ.
ނުފެނުނީތަ
16 December 2021
ކުށެއްނެތި ލިޔަންކިޔަން ދަންނަ އިންސާނުން ނޫޅޭކަން އެނގޭތީ ދީނުގައިވެސް އެއީ ހުއްޖަތެއް. އެކަމަކު ކުށްތައް ވީހާވެސް މަދުކުރެވެންވާނެ. ހާއްސަކޮށް ގުރުއާނުގެ އަކުރެއް ނުބައިކޮށް އޮވެގެން ނުވާނެ. މައްސަލައަކީ މިހުރިހާ ކުށްތަކެއް ކުށްލިއަކަށް ފެނުނީމަ. އެއީ މިއޮތްހުރިހާ ދުވަހު ތަކުރާރުވަމުންއައި ކުށްތަކެއް. ވީއިރު މިކަން ސިޔާސީ ކޮށްގެން ގައުމު ފިތުނަފަސާދަކޮށް އޭނގެން ސިޔާސީ މަންފާނެގުމަކީ ވަކި ނުބައިކަން ކުޑަކަމެއް ނޫން
ރައްޔިތުމީހާ.
16 December 2021
ޕުރޫފްރީޑްވެ ސް ކޮށްފަ ހުރީ ރަނގަޅަށް. ކުރިން ކުރި ޗާޕުގައި ގޯހެއްނެތް. ފަހުން ނެރުނު އެއްޗެހި (މިހާރު މިދާ ގޮތުން ބުނެވިދާނެ) އެހުރީ މިކަންކުރަން ގަސްތުގައި ގޯ ސްހަދާ އޮލުވާލާފައޭ.
ކޮރަލް
16 December 2021
ދަރިވަރުންގެ ފޮތްތަކުން ގުރުއާންގެ އާޔަތްތައް އުނިކޮށް، ރެފަރެންސް ދޭ ގޮތަށް ހަމަޖެއްސުމަށް އެޑިއުކޭޝަން މިނިސްޓްރީން އެންގި އެންގުން އެ މިނިސްޓްރީން ބާތިލްކޮށްފި އެވެ. މިކަމުގެ އަޑީގަ ހުރި ބަޔަކު ހޯދާ ފިޔަވަޅު އަޅަން ޖެހެ އެވެ.