ޝަރީއަތަކަށް ފަހު ޒިޔަތު ކްރިމިނަލް ކޯޓުން ނެރެނީ.---މިހާރު ފޮޓޯ
13 ޑިސެމްބަރ 2016 - 14:11
46 comments
މޯލްޑިވްސް މާކެޓިން އެންޑް ޕަބްލިކް ރިލޭޝަން (އެމްއެމްޕީއާރުސީ)ގެ ފައިސާ އިން އެތަނުގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތު ހުޅުމާލެ އިން ގަނެފައިވާ ގެއެއް ޝަރީއަތް މެދުވެރިކޮށް ދައުލަތަށް ނަގަން އެންޓި ކޮރަޕްޝަން ކޮމިޝަން (އޭސީސީ) އިން ޕްރޮސިކިއުޓަ ޖެނެރަލްގެ އޮފީހަށް މިއަދު ފޮނުވައިފި އެވެ. މި މައްސަލާގައި އޭސީސީން ވަނީ މަގާމުގެ ނުފޫޒު ބޭނުންކޮށްގެން ނާޖާއިޒު ފައިދާ ހޯދުމުގެ ދައުވާ ވެސް ޒިޔަތުގެ މައްޗަށް ކުރަން ހުށަހަޅައިފަ އެވެ.
އޭސީސީން ނެރުނު ބަޔާނުގައި ބުނީ ހުޅުމާލެ 10721 ގޯއްޗާއި އެތަނުގައިވާ އިމާރާތަކީ އެމްއެމްޕީއާރުސީ ހިންގުމާ ޒިޔަތު ހަވާލުވެ ހުންނެވިއިރު އއ. މަތިވެރި ފިނޮޅު ކުއްޔަށް ދީގެން ދައުލަތަށް ލިބެން ޖެހޭ ފައިސާ އިން އޭނާގެ ކޮއްކޮގެ ނަމުގައި ގަނެދީފައިވާ އިމާރާތާއި ގޯއްޗެއް ކަން ތަހުގީގަށް ސާބިތުވެފައިވާ ކަމަށެވެ. ހުޅުމާލެ އިން ގެއެއް ގަނެދިނީ ޒިޔަތުގެ ކޮން ކޮއްކޮއަކަށް ކަމެއް އޭސީސީން ނުބުނެ އެވެ.
އެމްއެމްޕީއާރުސީގެ ފައިސާތަކަކަށް ހިޔާނާތްވި ކަމުގެ ކުށް ސާބިތުވެ ޒިޔަތު ވަނީ ފަސް އަހަރަށް ޖަލަށް ލައިފަ އެވެ.
އޭސީސީން ބަޔާނުގައި ބުނިގޮތުގައި ހުޅުމާލެ އިން ޒިޔަތު ގެއެއް ގަނެފައި ވަނީ ފަސް މިލިއަން ރުފިޔާ އަށެވެ. މި ގަނެވިއްކި ވިޔަފާރީގެ އަގްދަކީ ސައްހަ އަގުދެއް ކަމަށް ހުޅުމާލެ މެޖިސްޓްރޭޓް ކޯޓުން ހުކުމްކޮށްފައިވާ ކަމަށް ވެސް ބަޔާނުގައިވެ އެވެ.
ތަހުގީގު ޓީމުން ބެލިބެލުމުން މަތިވެރި ފިނޮޅު ކުއްޔަށް ދިނީ ގެ ވިއްކި ފަރާތަށް ކަމަށާއި އެ ރަށުގެ އެކުއިޒިޝަން ކޯސްޓަށްވާ ފައިސާގެ ތެރެއިން އެއްބައިގެ ގޮތުގައި 300،000 ޑޮލަރު (ގާތްގަނޑަކަށް 4.6 މިލިއަން ރުފިޔާ) ސެޕްޓެމްބަރު 23، 2014 ގައި އެމްއެމްޕީއާރުސީ އަށް ދައްކާފައިވާ ކަމަށް ބަޔާނުގައިވެ އެވެ. އަދި އެކުއިޒިޝަން ކޯސްޓަށްވާ ފައިސާގެ ތެރެއިން 100،000 ޑޮލަރު (ގާތްގަނޑަކަށް 1.5 މިލިއަން ރުފިޔާ) އެމްއެމްޕީއާރުސީ އަށް ދައްކާފައިވާ ކަމަށް ލިޔެކިޔުންތަކުން އެނގޭ ކަމަށް ބަޔާނުގައިވެ އެވެ.
އެކަމަކު އެ ފައިސާ އެމްއެމްޕީއާރުސީގެ ނަމުގައި ހުޅުވާފައިވާ އެއްވެސް އެކައުންޓަކަށް ޖަމާކޮށް، ދައުލަތަށް ލިބިފައި ނުވާ ކަމަށާއި މި ފައިސާއާ ހަވާލުވީ ޒިޔަތު ކަން ތަހުގީގަށް ސާބިތުވާ ކަމަށް އޭސީސީން ބުންޏެވެ.
އޭސީސީން ބުނީ މަތިވެރި ފިނޮޅުގެ އެކުއިޒިޝަން ފީގެ ގޮތުގައި އެމްއެމްޕީއާރުސީ އަށް ޖަމާކުރަން ޖެހޭ 400،000 ޑޮލަރު (ގާތްގަނޑަކަށް 6.1 މިލިއަން ރުފިޔާ) ޒިޔަތުގެ ދެބެންގެ ދެދަރި މީހެއްގެ ނަމުގައި ހުޅުވާފައިވާ އެކައުންޓަކަށް ޖަމާކޮށް އެ ފައިސާ އަލުން ނަގައި ގޯތި ވިއްކި ފަރާތުގެ ނަމުގައި ހުޅުވާފައިވާ އެކައުންޓަށް ޖަމާކޮށްފައިވާ ކަމަށެވެ.
އެހެންވެ މި މުއާމަލާތަކީ މަގާމުގެ ނުފޫޒު ބޭނުންކޮށްގެން ނާޖާއިޒު ފައިދާ ހޯދައިދިން މައްސަލައެއް ކަމަށް އޭސީސީން ވަނީ ނިންމައިފަ އެވެ.
އެމްއެމްޕީއާރުސީގެ ފައިސާ އަށް ހިޔާނާތްވި މައްސަލަ ބޮޑު ތަހުގީގެއްގެ ގޮތުގައި އޭސީސީން ވަނީ ނިންމައިފަ އެވެ. އެކަމަކު ރިޕޯޓް އާއްމުކުރާނެ ދުވަހެއް އެ ކޮމިޝަނުން އަދި ނުބުނެ އެވެ.
އެމްއެމްޕީއާރުސީގެ ހިޔާނާތުގައި ދައުލަތަށް 1.2 ބިލިއަން ރުފިޔާ ގެއްލިފައިވާ ކަމަށް އޮޑިޓަ ޖެނެރަލްގެ ރިޕޯޓުގައި ފާހަގަކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ީނީލޫ
16 December 2018
ތިލާރިން ދިރިއުޅޭ މީހުން ވަރަށް ގިނަ ގެސްޱް ހައުސް ތަކާ ފެރީ ތައް ދުއްވާ ހަދަނީ. މާލެއިން ފްލެޱާ ހުޅުމާލެ އިން ގޯތި ވެސް ގަންނަނީ
ހަސަނު
14 December 2018
ކޮރަޕްޝަނުން ލިބުނު ފައިސާ ބޭންކަށް ލައި އަދި ނަގައި ހެދުމަކީ ހިޔާނާތުގެ އިތުރުން އތުރު ކުށެއް... އަދި އެ ފައިސާ ދައުލަތަށް ނެގެން ޖެހޭ.. ޒިޔަތު އެކަންޏެއް ނޫން ފައިސާ ނެގީ، ވަރަށް ގިނަ ބަޔަކު އަތުގަ ވެއްޖެ ފައިސާ...
ފާތުމަ
14 December 2016
ދުނިޔޭގަ ތިބި ބަޔަކަށް އަދި ތިކަހަލަ ކިތަންމެ ތަނެއް ފެންނާނެ. ވައްﷲ އަޢުލަމް.
ބަބުކެޔޮ
14 December 2016
ދައުލަތަށް ނަގަންޖެހޭ އެއްޗެތީގެ ލިސްޓް ވަރަށް ދިގު.
ސޯދިރު
14 December 2016
ކެއިމީހަކު އެންގޭނީ ބިތުފަންގި ނެގީމާ... ބޮޑުސޭޓު ސަރުދާރު އަޑުގަދަކޮއްފަ ބުނާ މީހެއްނޫން.
ދޮނާ
14 December 2016
އަދީބުގެ ދަށުން ޒިޔަތު އަދިވެސް ހަމަ އެލާރީގަ ދިރިއުޅޭ މީހުން ވަރަށް ގިނަ . މި ހުޅުމާލެއަކީ އެފަދަ މީހުންގެ ގެސްޓްހައުސް ވިޔަފާރި. މާލެ ކައިރި ރަށްތައްވެސް ހަމަ އެމީހުން. އެމްޕީއެލް އިން ކަނޑާލި މީހުން ކުރަނީ ކީއްތޯ ބަލާބަލަ . ބޮޑެތި މަހުޖަނުންނަށްވުރެ މުއްސަދި އެއްތަނަށްފަހު އަނެއްތަނެއް ހުޅުވަމުން ދަނީ . ހައްގު ލިބޭނެ ދުވަހެއް އަންނާނެ.
މޫސާ އަބުދުﷲ
13 December 2016
ދައުލަތަށް ލިބޭ ހުރިހާފަެިސާއެއް މީރާ އަށް ދެއްކުން ކިހިނެއްތޯވާނީ.. ވައްކަން ކުރުމަށް ހުރި މަގުތަށް ބަންދު ކުރެވޭތޯ ބަލާ..
ފާޑަކަށް
13 December 2016
މަހިތަށް އަރަނީ އަދީބު އަންގާގޮތަށް ކަންތައްކުރަން ޒިޔަޓު ހުރެފަ ޔާމީނު އަންގާގޮތަށް އަދީބު ކަންކުރަމުން ދިޔަނަމަ ތިޔަގޭގެ ވާހަކަ ދެއްކުނީސްބާއޭ ؟ އަދި ތިގޮތަށް ޝަރީޢަތަށް އެމައްސަލަ ފޮނުވީސް ބާއޭ؟
މެެންޓަލިސްޓް
13 December 2016
ތިޔަހެން ރައީސްމައުމޫން ޒަމާނުގައި ޑްރަގް ވިއްކައިގެން ޖަލަށްލީ ގ.ހިލްމަން ހަމީދު ގަނެގެން ހެދީގެއެއްވެސް ސަރުކާރަށް ނަގަންނިންމި އަދިއަދަށް ދާންދެންވެސް އެގެއެހުރީ ހަމަ ހަމީދުގެ އަތުގައި މިހާރު 9 އަހަރުވެގެންދިއައީ .... ތިޔަގޮތަށް ނަގަނީނަމަ ނަހަމަ ފައިސާއިން މަޖިލިސް މެންބަރުން ގަނެފައިވާ ފިހާރަތަކާޢި އޮޑިދޯނިފަހަރާއި ފްލެޓްތަށްވެސް ސަރުކާރަށް ނަގަންވީނޫންތޯ ؟ ކީއްވެތޯ ގަޓްހުރެގެން ހަމަހަމައަށް ކަންކުރަން ނުކުރިގެން ތިޔައުޅުއްވަނީ ،،، ވަރަށްވެދުން ،،
ނޮކްސަް
14 December 2018
މިކަންވެސް ވިޔަނުދޭން ހިފާލައްޗޭ. ޢެތަނަކުން މިތަނަކުން ކެއިމަ އެނގުންވާނީ ވަރަށް މަދު ފަހަރަކު. ނަމަވެސް ބިލިއަނުން އެޕިސޯޑުތަކަށް ބަހާލައިގެން އެކިމީހުން ލައްވާ ކުރި ވައްކަމުން ދައުލަތަށް ލިބެންޖެހޭ ބައި ހޯދަންޖެހޭނެ. ޢެއަކީ މަ ޔާމިނުއަށް ޓަކާ ދޫކޮށްލާނެ އެއްޗެއްނޫން
ޑާޑާޑާޑާ
13 December 2016
ޒިޔަތުގެ ގެދޮރު އަވަހަށް ވިއްކާލާ އެފައިސާ ދައުލަތަށް ނަގަންވީއެވެ. މަމެންނަށް ކޮރަޕްޝަން އެއީ އެއްގޮތަކަށް ވެސް ޓޮލެރޭޓް ކުރެވޭނެ ކަންކަމެއް ނޫން. ޖީއެމްއާރަށް އެއާރޕޯރޓް ވިއްކާލުން އެވެސް ކޮރަޕްޝަން ގެ ޑީޕް ބްރެތް އެއް ނަގައިގެން އެބިޑް އިވޭލުއޭޓް ކުރީ އެންމެ ދެ ގަޑިއިރުގެ ތެރޭގައި. މަމެން މިއުޅެނީ އެންމެ ކުޑަ ކުޑަ ކޮމްޕޯނަންޓް އެއް ހިމެނޭ ބިޑް ޑޮކިއުމަންޓްގެ ޓެކްނިކަލް ޕްރޮޕޯސަލް ވެސް އިވޭލުއޭޓް ނުކުރެވިގެން 7 ދުވަސް ތެރޭގައި ދުވާލަކު 18 ގަޑިއިރު ހަމައެކަނި އެކަމުގައި ހޭދަ ކުރާއިރު. ޖީއެމްއާރަށް އެއާރޕޯރޓް ދިނުން ވެސް އެއީ ކޮރަޕްޝަން. ބިޑް އިވޭލުއޭޓް ކޮށް ފައިވަނީ ކޮރަޕްޝަން އެން ކޮންފްލިކްޓް އޮފް އިންޓަރެސްޓް ކުރިއަށް ނެރެގެން.